6 Ani siñati lagundaarun Bungiu wau anhein mafiñen wabéi luagu, lugundun lun wayarafadun lun, gasu wafiñerun luagu anihein lan ani líchuguba lan hafayeiruáha ha áluahabalin.

12 Fuleseiwati gürigia le awandubalin óuchawaguni lau gurasu, lugundun danme le láfuridun lau buidu, libihubei ibagari magumuchaditi keisi aban afayeiruahaü le füramase lubéi Bungiu houn ha hínsiñehabubaña lun.

5 Gama lumoun anhein megei lubéi aban hídangiñe lichú aau, amuriahalá luma Bungiu, ábame líchuguni lun, ladüga mánginti ani ruti lau areini houn súngubei.

29 Gama lumoun anhaün agúara luagu Aburemei le Hubungiute ñein tau sun hanigi luma tau sun huani, hadarirubei.

7 «Hamuriaha, ábame lichugún hun; háluaha, ábame hadarirun, daün humá luagu bena, ábame ladaarúniwa hubá.

24 Ligía nariñagunbei hun luagu sun lan le hamuriahan luma Bungiu, anhein afiñe hubéi luagu resibi humaali lan, ítara luba.

21 Aba lariñagun iyubudiri lun: "Buiti, aban musu buiti ani úaraguati buguya; kei úaragua bubéi lidan le murusunrügüti, níchiga gíbetimati lábugiñoun baríaahan. Keimoun, gunda buguyame úara numa".

23 Furumiñeguarügü katei le hadüga, adüga huméi lau ugundani, kamá hamuga hadügüñein lun Wabureme Kristu mama houn gürigia. 24 Subudi humaali luagu líchugubei lan Bungiu alagan hun keisi hafayeiruáha, ladüga lun Wabureme Kristu le Habureme le tímatimaati heseriwida.

58 Ligía lubeiti niduheñu hínsiñetiña nun, ítarameme humá deregüdagu lidan hafiñen, merederagunga ligía huádigimari súnwandan, gánwoungueinarügü lidan luadigimari Wabureme; lugundun subudi humuti luagu mama lan luagu ni kata hadügei wadagimanu le hadügübei lidan aban luma Wabureme Hesukrístu.

9 Moun lumuti lubeiti labuchadun wawagu adügei katei le buídubei, lugundun ánhawa ítarameme, walubahaba buiti danme le lachülürün dan lun weresibiruni.

30 Ani saragu haña ha furumiñetiñábaña guentó, hagíaba agumuhóuni; saragu ha agumuhóunibaña guentó, hagíaba furumiñe.

6 danme le lafayeiruni kada aban según le ladügübei.

38 Ru humá, rúa láamuga giñe hun. Líchuguba Bungiu saragu hun; ladügüba hun kéigubeirügü hadüga houn amu».

33 O anhaün lan adüga buiti hóunrügü ha adügübaña buiti hun, ka buiti hadügübei lau lira? Ladüga ítara liña giñe hadüga gafigountiña.

8 Areidaguagüda humaña ha gawagutiña lépüra, hama ha gawagutiña amu luwuyeri sandi; saragüda humá hilaaña, sagá humaña sífirigu wuribatiña. Mafayeihantün lun hibihini ubafu le, maguburaha humá giñe luagu.

8 Gayaraati líchugun Bungiu sun luwuyeri abiniruni hun, lun ñein lan le habusenrubei huma súnwandan lun habagaridun, ñein ligíame giñe saragu huma lun hídehan lidan sun katei buiti.

18 Gürigia ha salufuribaña,

ibihatiña afayeiruahaü le iyeeniti;

ánhaña ha adügübaña katei lau richaguaü,

buiti hafayeiruaha.

4 Barüti ǘnabuguni luma inebehabu lun Bungiu,

irisini, uéiriguni luma ibagari kei afayeiruahaü.

3 Mígirabei ínsiñeni luma inarüni;

barübei búmagua súnwandan kei aban iñari.

Dabei tidoun banigi,

4 ábame fuleseihabu lánibu Bungiu,

hínsiñe buguyame houn gürigia.

16 Lau aban edewehani darati sun bena,

ani chülüwati hamoun gürigia íñugubutiña.

9 Ítara liña keisi tariñaguni Lererun Bungiu:

Katei le marihínwañahagili, ni le maganbúnwañahagili,

le burí mebelugili tidoun hanigi gürigia,

ligía burí laransehabei Bungiu houn ha hínsiñehabubaña lun.

18 Amuriahatina luma Bungiu lun larugoungadagüdüni hisaminan lun hasubudiruni ka lan emenigini le ídounbei lagúaraün Bungiu, luma ida liña lan luéirigun luma lirisin alagan le líchugubei Bungiu houn lánigu ha sándubaña.

3 Ru laali Bungiu sun le wemegeirubei woun lau lubafu lun wabagaridun kei lugundan, lau lasubudiragüdüni Hesukrístu le agúarubei woun lun gafanran wamá lidan luéirigun luma lareini.

5 Ani manügagüdün lubadiwa wemenigin busiganu; ladüga buíngüda laaru Bungiu wanigi lau línsiñehabu, lau Sífiri Sandu le ru laalibei woun.

32 Derege lumuti Bungiu Liráü guánarügü lun lounwen luagu wafulesein, sun wagía; ida lubati míchugun lani sun líbiri katei woun keisi líchuguni Liráü woun?

14 anhein le átuti lídangiñe duna le níchugubei, masandirundigiaalime mágürabu, ladüga duna le lunbei níchuguni lun, gésesenbei lidan lun líchugun ibagari magumuchaditi lun.

24 Chülǘ lumoun dan le, mamuriahangidün ni kata lidan niri; hamuriaha, ábame hibihin, buin humaamuga lau ugundani.

7 Inarüni nariñagubei hun: Buítimati hun lun nidin, ladüga ánhana midin, miábinbei Sífiri Sandu humoun lun líderagunün; ani ánhana ñüdün, nóunahabei.

14 lun nachülürün lumoun lébeha éibaaguni, ani resibineime le lunbei líchuguni Bungiu sielu lun le agañeiruti, lídangiñe Kristu Hesusu.

6 «Fuleseiwatiña ha lamabaña ani mágürabu hagía lun hadügüni lugundan Bungiu,

ladüga líderagubaña Bungiu lun hadügüni.

2 Ligía, danme lubéi híderagun aban gudemeti, masubudiragüda huméi lun sun ubóu kei hadüga ha biánguabaña igibu ligilisirugu luma ǘmadarugu. Hagía, hadügüni lira lúnrügü hadimurehan gürigia buidu hawagu. Ninarün hau luagu lau lan hadügüni lira, ibiha hamaali hafayeiruáha.

6 Dan le hafurieidun lun Bungiu, belú humá hirumunrugun, darú humeime hubenari, ábame hafurieidun lun Húguchi Bungiu le lábuguabei huma ñein. Húguchimeti Bungiu, le arihubalin le hadügübei lidan límanin, líchuguba hafayeiruáha.

14 Áluaha huméi buiti, mama wuribati,

ábame gabagari humá;

ítara luba inarüni lan le hariñagubei:

Luagu anihein lan Wabureme Suntigabafu huma.

6 Bun nátulerei núhabu,

lau mágürabu bun, kei múa mábeiti.

12 Subudi numuti luagu lubuidun-agei lan katei le lunbei ladügüni gürigia lun lefeduhani libagari ani wínwanleime, 13 lugundun ánhawa eiga, gurá wagía, aríagua wameime buiti le líchugubei wawadigimari, rúrügü liñalin Bungiu woun.

18 Ariha naali luagu lubuidun-agei lan katei le lunbei wadügüni, lun weigin, watun ani efeduha wameime lebegi wawadigimari ya ubouagu lidan murusun ibagari le líchugubei Bungiu woun lugundun ligía wafanranbei.

19 Luéigiñe amu oubaü, sun le unbei líchiga Bungiu saragu irisini, ruti giñe ubafu lun, lun leigin lídangiñe, luma lun lárügüdüni le yuubei lun, lugundun lúmagiñe Bungiu liabin lira.

33 Falá huméi üma le larufudubei Wabureme le Hubungiute hun lun buidu lan lidin hun abagarida huguyame saragu dan lidan fulasu le lunbei líchuguni hun hánime.

16 Ligía mábürühan lubéi warüna. Labu sun agumuchagueina liña lan wágubu murusun murusun; iseridagueina waña múnadagiñe wabiti sagü weyu.

6 Rugua humá lubeiti hungua ǘnabugu lábugiñe lúhabu Bungiu le gabafubei, lun gayara lan líchuguni uéiriguni hun danme le lachülürün dan ligía.

10 Ǘnabuguagüda humá hungua ligibugiñe Bungiu, ábame líchugunün lidan aban ubaraü lánina uéiriguni.

23 Lugundun óunweni lafayeihabei figóu; ánheinti edewehani le líchugubei Bungiu woun, ibagari le magumuchaditi lidan Wabureme Hesukrístu.

27 Ánheinti huguya, anihein Sífiri Sandu le líchugubei Kristu huma; memegeiruntün lubeiti amu lun larufudahan hun, lugundun arufudaha lumuti Sífiri Sandu sun katei hun, ani inarüni larufudahabei, mama iyeeni. Lidan humá aban luma Kristu, según le arufudaha láalibei hun.

32 Gefentiwa luagu lira, gefenti giñe Sífiri Sandu le líchugubei Bungiu houn ha ñǘdünbaña lau le lariñagubei.

12 Lariñaga Bungiu lun Moisesi:

—Wariba luagun wübü le ñein nubéi, bagurabaname ñein, níchigaali dübü fadati le ñein lubéi bürüwañu lan lúrudu luma gumadi le nabürühabei, lun barufudahani houn Ísüraelina.