Reino dos céus

सातायला धन क उदाहरण

44 "सोरग क राज्य खेत मा ढकायला धन क सारको छे, जिना मा कोय मानुस हेरी सातीन दियो, आरू खुशी सी जाईन आपसो सब काय बेचीन उना खेत क मोल ली लेदो।

अनमोल मोती क उदाहरण

45 "पछु सोरग क राज्य एक वेपारीक सारको चे जो वारला मोती क हेरतो हुतो। 46 जव उना क एक मोंगलो मोती मिलियो तो त्यो जाईन आपसो सब काय बेच दियो आरू उना क मोल ली लेदो।

राई क बीज क उदाहरण

31 ईशु उन लोगहन क एक उदाहरण दियो, "सोरग क राज्य राई क दाना क समान छे, जिनाक कोय मानुस लीन आपसा खेत मा बोय दियो। 32 त्यो सब बीज सी नानो तो छे पर जव बढ़ जाय तव सब साग–पात सी बड़ो हुये; असो झाड़को हुय जाय, कि वादवान चिल्ला भी आवीन ओकी डाली पर पांजरू बनावे।"

खमीर क उदाहरण

33 ईशु एक आरू उदाहरण मा लोगहन सी कहवीन सुनायो, "सोरग क राज खमीर क समान छे जिनाक कोय बायोर लीन बारा किलो पिठु मा मिलाय देदी आरू हुयता–हुयता त्यो खमीर हुय गियो।"

जंगली बीज क उदाहरण

24 ईशू उना क एक उदाहरण दियो, "सोरगदूत क राज उना मानुस क समान छे जो आपसा खेत मा वारू बीज बोयो।" 25 पर जव लोगहन सुय रिया हुता तो दुस्मन आवीन गहुक बीज मा जंगली बीज बोवीन चाली गियो। 26 जव अंकुर निकलियो आरू बलिया लागी, तो जंगली दान क झाड़किया भी देखाय दिया। 27 इना पर घर मालिक क दास लोगहन उका सी आवीन कयो, "ए मालिक, काय तु आपसा खेत मा वारलो बीज नी बोयो हुतो काय?" 28 मालिक दास सी कयो, "यो कोय दुस्मन क काम छे।" दास उका सी कयो, काय थारी मरजी छे, कि हामु जाईन उना झाड़का काजे उखाव देजे? 29 मालिक कयो, "नी असो नी हय की तुम एखटा करता जाईन जंगली दाना क झाड़को क साथ मा गहुक नी उखाड़ दयो। 30 काटनी तक दूय न क एक साथ मा बढ़ने देयो, आरू काटनी क समय मा काटने वाला सी कय द्योंगा; पेहले जंगली दाना क झाड़को क एखटा करीन धपाड़ने क करता गाठना बांध लेदो, आरू गहुक म्हार कुठार मा एखटा करो।"

ईशु क जंगली बीज न उदाहरण देखड़नो

36 तव त्यो गर्दी क छुड़ीन घर मा आयो, आरू उका चेला ओको पास आवीन कयो, "खेत क जंगली दाना बाराम हामूक समझाड़ दे।"

37 ईशु उन क जवाब दियो, "वारला बीज क बोवने वालो मानुस क पोर्‍यो छे। 38 खेत दूनिया छे, वारलो बीज राजन अवलियाद, आरू जंगली बीज शैतानन अवलियाद छे। 39 जो दुस्मन उन क बोयो त्यो शैतान छे; आरू काटनी दुनिया क खत्म हुयनो छे; आरू काटनेवाळो सोरगदूत छे: 40 आरू जसो जंगली दाना क एखटा करीन उको धपाड़ दियो जाय वसोत दूनिया क खत्म हुयनो हयसे। 41 मानुस क पोर्‍यो आपसा सोरगदूतोन क मोकलसे, आरू त्या उका राज्य मा सी सब ठुकर क कारण बनने वाला क आरू कुकर्म करने वाला क एखटा करसे। 42 आरू उन लोगहन क आगठान कुण्डा मा न्हाक देसे, जा पर रोड़नो आरू दात पीसनो हुयसे। 43 उना समय मा न्यायी आपसा बास क राज्य मा दाहड़ा क समान चमकसे। जिनका कान हय त्यो सुन लेय।

जाल क उदाहरण

47 "पछु सोरगन राज्य उनी मटलो जाल क सारको छे, जो दरिया मा डाल दियो गयो, आरू हर भातिन जीव क सेमटी लायो। 48 आरू जव जाल भराय गय, तो जीव मारनेवाला धोड़े पर खीच लाया, आरू वारू–वारू जीव क ठाहरा मा एखटा करिया आरू बेकार–बेकार क न्हाख दिया। 49 दूनिया क खत्म हयने समय मा भी असौ हुयसे; सोरगदूत आवीन दुष्ट क न्यायीसी अलग करसे, 50 आरू उन लोगहन क आगठान कुण्डा मा न्हाख देसे। जा रोड़नो आरू दात पीसनो हुयसे

बरकत वाळो बोल

3 "धन्य होय छे त्यो, जो मन क दाहड़ो छे, काहकि सोरग क राज्य ओकान छे।"

4 "बरकत वाळो छे त्यो, जो शोक करता छे,

काहकि त्यो शांती देखे।"

5 "बरकत वाळो छे त्यो, जो नम्र छे,

काहकि त्यो पृथ्वी क हकदार हुयसे।"

6 "धन्य होय छे त्यो, जो न्यायपन क भूखला आरू पीसला छे,

काहकि त्यो तृप्त कर्‍या जाछे।"

7 "बरकत वाळो छे त्यो, जो दयावन्त छे,

काहकि उन पर दया कर जाछे।"

8 "बरकत वाळो छे त्यो, जिन क मन चुखो छे,

काहकि त्यो यहोवा–भगवान क देखछे।"

9 "बरकत वाळो छे त्यो, जो मेल करनेवावा छे,

काहकि त्यो यहोवा–भगवान क पोर्‍या कवायसे।"

10 ✝"बरकत वाळो छे त्यो, जो न्यायपन क कारण सताय जातो छे, काहकि सोरग क राज्य तीनुक क छे।"

11 ✝"धन्य होय तुमू, जव मानुस मारे कारण तुमरी निंदा करे, आरू सताय आरू झूठ बुली तुमरे विरोध मा सब रीति की बुरी वात कये।" 12 ✝तव खुश आरू मगन हुयने, काहकि तुमरे करता सोरग मा मोटो फोव छे। अतरानकरीन करीन क त्या कागळियान क जो तुमरे सी पेहल हुता इनी रीति सताया।

स्वर्ग क राज मा मोठ कुन?

1 ✝उना समय चेला ईशु क पास आवीन पुचने लाग गिया, "सोरग क राज मा बड़ो कुन छे?"

2 इना पर त्यो एक पोर्‍या क बुलायो ओको वीच मा उबो कर दियो, 3 ✝आरू कयो, "हाव तुमरे सी सच कहवो, कदाम तुमू नी पछु आरू पोर्‍यान क समान नी बने, तो सोरग राज मा भराय नी सको। 4 आरू जो कोय आपसा क इन पोर्‍या क समान नाना करसे, त्यो सोरग क राज मा बड़ो हुयसे।

14 ईशु कयो, "नानला पोर्‍या क म्हार पास आवने देयो। आरू उना क मना मा करो, काहकि सोरग राज असलान क छे।"

23 तव ईशु आपसा चेला सी कयो, "हाव तुमरे सी सच कहवो, कि धनवान क सोरग राज मा भरायनो वातड़ो छे। 24 पछु तुमरे सी कहवो, कि यहोवा–भगवान क राज मा धनवान क भरायने सी उटड़ा क सुवीन गाळा सी निकली जानो सरल छे।"

25 यो सोमवीन, चेला बैस घबराईन कयो, "पछु कुनीन उध्दार हुयसे?"

26 ईशु चेलान क आरू देखीन कयो, "मानसो सी तो नी हुय सके, बाकुन यहोवा–भगवान सी सब काय हुय सके।"

5 हे मारा मोंगावु भाईस, सोमवु। काय यहोवा–भगवान ने इनीये धरती क गरीब क नी निवाड़या कि विश्वास मा धनी आरू ओको राज्य क हक होय, जेरी प्रतिज्ञा ओको ने उनछे करी छे जो ओका सी मोंग राखता छे?

18 ✝पुन महान परमेशवर न चुखला लोगहन उना राज को हात करसे, आरु त्या जलोमका हकदारिया रयसे।

हाव तुमूक नी जानो

21 जे म्हार सी, "हे पोरबु! हे पोरबु!" कये, उका माईन सब लोगहन सोरग न राज मा भरायने नी करसे, पुन त्योत् जो सोरग माईन बास न मरजी पर चालतो रयसे।

19 एरकरीन जो काही इना नाना सी नाना हुकुम मा सी एक क तुड़े, आरू तसोत् लोगहन क सिखाडे, त्यो सोरग क राज्य मा सब सी नानो कवायसे; पुन जो कोय उना हुकुम क पालन करसे आरू तीनुक सिखाड़से, त्योत् सोरग क राज्य मा महान कवायसे। 20 काहकि हाव तुमू छे कयता छे, कि यदि तुमरी न्यायपन शास्त्र आरू फरीसियों की न्यायपन छे बढ़ीन नी होयस, तो तुमू सोरग क राज्य मा कदी भरायने करने नी देखछे।

9 शेवली कावा तुमू इनीये रीति छे प्रार्थना कर्‍या करू

हे हामरा बास, तु जो सोरग मा छे; तारो नाव चुखलो मान्यो जाय:

10 तारो राज आवे। तारी मरजी जोसी सोरग मा पूरी होयती छे,

त्योसी कोवी पर भी होय।

यहुन्ना बपतिस्मा देनेवात्यो

1 उन दाहड़ा मा यहुन्ना बपतिस्मा देनेवालो आवीन यहूदि या क जंगल मा यो खबर करने लाग्या: 2 ✝"पापो सी मन फिरावो काहकि सोरग क राज्य नाट आव गयो छे।"

17 ✝उना टेम सी ईशु खबर करने आरू यो कयनो शुरू कर्यो, "मन फिरावो, काहकि सोरग क राज्य नाट आवी गयलो छे।"

7 आरू चालता–चालता परचार करिन कयजो कि सोरगदूत राज साते आवी गयलो छे।

11 ✝आरू हाव तुमरे सी कहवो, कि घण सवटा पुरब आरू पश्चिम सी आवीन अब्राहम आरू इसहाक आरू याकूब क साथ सोरग राज मा बठसे।

11 हाव तुमूक सच कहवो, कि जो बाई जात सी जनम लिदो, उना मा सी यहुन्ना बपतिस्मा देनेवाला सी कोय बड़ो नी हय; पर जो सोरगन राज मा नाना सी नानो छे त्यो उना सी बड़ो छे। 12 यहुन्ना बपतिस्मा देनेवालान क दाहड़ा सी हाय तक सोरगदूतन राज मा ताकत क सात मा भराये, आरू ताकद वावो उको हापकी लेदो।

28 इन कारण हामु इन राज्यम देखीन जो हाल नी सके होय, आरू भक्ति, आरू भय सहित यहोवा–भगवानन ओसी आराधना करू जेरेछे वो खुश होयतो छे। 29 काहकि हामरा यहोवा–भगवान भस्म करनेवावा आगठो छे।

10 इनीये कारण हे भाईस, आपने बुलाय जाने, आरू त्योन करता जाने क सिध्द करने क भली भाति यन्त करता जावु, काहकि यदि ओसो करसे तो कदी ठुकर नी खाय। 11 वरना इनीये रीति छे तुमू हामरा पोरबु आरू उध्दारकरता ईशु मसीह क अमरकाय राज मा मोटो विजुत क साथे भरायने करने देखछे।

18 आरू पोरबु हर एक बुरो काम छे छुड़वसे, आरू आपसा सोरगदूतीय राज मा सोरक्षित पुच जाछे। ओकी की महिमा युगानयुग होयती रोवे। आमेन।

सोरग मा धनी बननो

32 मारो नाना टुळा मानसे मत घाबराय काहकि तुमरे बास क वो भाया छे कि तुम्हे राज्य देय।

5 काहकि तुमू यो जानु कि कोय व्यभिचार, या विटळ जनु, या लोभी मानुसन जो मुर्तिपूजक करनिया बराबर छे, मसीह आरू यहोवा–भगवानन राज मा जागु नी होय।