Reino dos céus

Khawh ngthup am Msuimcäpnak

44 Khankhaw Pe cun loa thupa khawhthem üng tängki ni. Khyang mat naw acuna khawh cun hmu lü thup beki naw, jekyai lü a tak naküt va jawi lü a yah lawa ngui am acuna lo cun a khyäih.

Lungtaü am Msuimcäpnak

45 Acunkäna, Khankhaw Pe cun aphu küiki lungtaü kdaw sui hü lü kunpanki khyang mat veki. 46 Acuna lungtaü a hmuh üng a tak naküt jawi päih lü acuna lungtaü cun a khyäih am tängki ni.

Anca ui am Msuimcäpnak

31 Jesuh naw msuimcäpnak akce a jah mtheh betü cun, "Khankhaw Pe cun khyang naw anca ui cehpüi lü a loa a phuha mäi ni," 32 Anca ui cun mciui naküt üng akdik säiha kya lü pi a cawt law üng, kpue naküt kthaka ngbaü lawki. A thinga thawn law se khae naw pi law u lü, a kpyang üng ngbu tuhei law khawikie," a ti.

Nghngen am Msuimcäpnak

33 Msuimcäpnak mat a jah mtheh betü cun, "Khankhaw Pe cun nghnumi mat naw nghngen lo lü khai tawng kthum üng kcaw se, khai kphawm lawki üng tängki ni," a ti.

Mci Kdaw ja Mci Kse

24 Msuimcäpnak akce a jah mtheh betü ta, "Khankhaw Pe cun a loa mci kdaw sawki khyang mat am tängki ni. 25 Khyang he ami ih k’um mthan mat üng, ye naw law lü mci kdawa ksunga mci kse saw lü akcea citinki. 26 Cang pyo law lü a vuipai law üng, mphyaw pi ngdang lawki. 27 A mpyae naw law u lü amahpaa veia, "Angvai aw, na lo üng mcikdaw va na saw am niki aw? Hawia khyüh hina mphyawe po lawki he ni? ti lü a kthäh. 28 Lomah naw, "Yee naw ahikba ami pawh ni" a ti. A mpyae naw lomah üng cit lü kami jah phukin vai aw? ami ti. 29 Lomah naw, "Kaa, mphyaw nami phuk üng cangkdaw pi nami phuksih khai ni." 30 "Cang ah veia ani nghngih veei yüm ni se. Cang ah law üng mphyawe cun jah phu ma lü mei üng jah mkhih vai ja, cange cun jah at hnga u lü, ka kheia ami tak vaia cangk’at he üng ka jah mtheh khai," ti lü a pyen.

Mphyaw am Msuimcäpnak Mthehnak ngkhai

36 Jesuh naw khyangpä cun akcea jah ceh ta lü im k’uma lut se, axüisaw he a veia law u lü, "Loa mphyawa mawng msuimcäpnaka suilam i ni, jah mtheha" ami ti.

37 Jesuh naw, "Mcikdaw sawki cun Khyanga Capa ni." 38 Lo cun khawmdek ni, mcikdawe cun Khankhaw Pea ca hea kya u lü, mphyawe cun Khawyama ca he ni. 39 Mphyaw sawki ye cun Khawyam ni. Cang ah kcün cun khawmdeka päihnaka mhnüp ni, cang atkie cun khankhawngsä he ni. 40 Acukba mphyawe jah mcun lü mei üng ami jah mkhiha mäiha, akcün päih law üng thawn law khai. 41 Khyanga Capa naw a khankhawngsä he jah tüih law se, acun he naw a Khankhaw Pe üng khyang he jah mkhyekatsakie ja akse pawhkie avan cun jah mkhäm khai, 42 Kyap u lü ami mnicui hakyet khai hea mulai mei kdäi üng jah xawt law khaie. 43 Acunüng Pamhnam ca he ta khawnghngia deikhanga mäiha ami Paa Khankhaw Pea kdeikhang khaie. Na nghnga a ve üng ngjaa!

Ngvai am Msuimcäpnak

47 Khankhaw Pe cun ngvai am pi tängki ni. Ngaksui avang naw tuia ami ngvai ami vawih üng nga amjüküm ng’awki. 48 Ngvai cun nga beei se kawnga kaih u lü nga cun ami ngawh sawa phyäihkie: nga kdawe cun cä üng jah xawn u lü, am dawkia ngakse naküt cun ami jah xawtin. 49 Acukba akcüna päih law üng thawn law khai: khankhawngsä he naw law u lü khyang ngsungpyunea ksunga khyangkae cun jah xü khai. 50 Kyap lü ami mnicui hakyet khai hea, mulai meikdäia jah xawtin vai" a ti.

Jekyainak Kcang

3 Ngmüimkhya lama mpyaki he ta ami josen ve,

isetiüng ta Khankhaw Pe cun amimia phäh ni.

4 ✝Thüisei pukseki he ta ami josen ve,

isetiüng Pamhnam naw mlung üpnak jah pe khai.

5 ✝Mlung mhnemki he ta ami josen ve,

isetiüng Pamhnama khyütam yahei khaie.

6 ✝Ngsungpyunnak eia cawi lü tuiha xaiki he ta ami josen ve,

isetiüng ami ngjak hlü kümbe law khai.

7 Khyang mpyeneinak taki he ta ami josen ve,

isetiüng Pamhnama mpyeneinak yah be khaie.

8 ✝Ami mlungkaw ngcingcaihki he ta ami josen ve,

isetiüng Pamhnam hmu acun he.

9 Dimdeihnak pyangki he ta ami josen ve,

isetiüng Pamhnam naw ka ca he tia jah khü khai.

10 ✝Pamhnama ngjak hlü ami bilawha phäh mkhuimkhanak khameiki he ta ami josen ve,

isetiüng Khankhaw Pe cun ami kaa kyaki.

11 ✝Ka hnukläka nami thawna phäh, khyang he naw ning jah mkhuimkha, ksekha na u lü ami ning jah mhleimhlakei üng ta jekyai ua. 12 ✝Isetiüng ta, khankhawa aphu nami yah vai khawhah awmki he kyase, jekyai lü xexawk na ua. Acukba bäa sahma he pi ahlana jah na mkhuimkha khawikie ni.

U ja a kyäp säih

1 ✝Acuna k’um üng, axüisaw he a veia law u lü Jesuh üng, "U ja Khankhaw Pea a kyäp säih kawm?" ti lü ami kthäh. 2 Acunüng Jesuh naw hnasenca mat khü lü, ami maa a ngdüihsak. 3 ✝"Akcanga ka ning jah mthehki, nghlat be u lü hnasena mäiha am nami ve üng Khankhaw Pe am pha hlawt uki." 4 Acunakyase, Khankhaw Pea a kyäp säih vai cun hina hnasenca mäiha a mlung mnemki ni a kyäp säih kawm.

14 Jesuh naw, "Hnasene ka veia law u se, käh jah mah ua, Khankhaw Pe cun amimia mäiha phäh ni," a ti.

23 Acunüng Jesuh naw axüisaw he üng, "Akcanga ka ning jah mthehki, bawimangki hin Khankhaw Pe a luh vai aktäa küi ve," 24 Bawimangki Pamhnama Khaw a luha kthaka ta sanghngüksaü mpyüma nghnga khuia a luh vai jä bawki ni," a ti.

25 Axüisawe naw ami ngjak üng aktäa müncan u lü, "Acunüng u naw küikyannak yah khawh khai ni?" ti lü ngthähkie.

26 Jesuh naw jah teng lü, "Ahin cun khyanga phäha i am thawn thei lü pi Pamhnama phäha am thawn theiki am ve" a ti.

5 Ka püie na ngai u! Pamhnam naw hin khawmdeka mpyenksee cän jah xü lü jumeinak üng bawimang u lü ani kphyanakia phäh khyütam a jah peta pe cän ka na khaie ni.

Am ning jah Ksing khawi ngü

21 Bawipa, Bawipa ti lü na khüki naküt khankhaw pha khaie am ni, ka pa khana kaa hlüei pawhki va khankhaw pha khai.

19 Acunakyase, au pi ahina ngthupet üngka matca pi am läklam lü jah mtheiki cun khankhawa akdik säiha kyak khai, cunüngpi läklam lü jah mtheiki cun khankhawa khyang k’hlüngtaia kyak khai. 20 Ka ning jah mtheh betüki ngai ua, Pharise he la thum mthei he kthaka nami ngsungpyun bawk üng ni khankhaw nami pha kawm.

9 Acunakyase, hikba nami ktaiyü vai:

Khana vekia kami pa,

na ngming ngcim naw leisawngnak yah se.

10 Na khaw pha law se;

Na hlüei khankhawa ami pawha kba khawmdeka pi pawh u se.

Baptican Johana ngthu pyen

1 Acun k’um üng Baptican Johan naw Judah khaw khawmkyang khawa law lü ngthu a pyen ta, 2 ✝"Nami mkhyekatnak üngka naw nghlat be hnüh ua. Isetiakyaküng Pamhnama khaw ng’et law ve" ti lü a pyen.

17 ✝Acun üngkhyüh tün lü Jesuh naw, "Ngjut ua, Khankhaw Pe ng’et law ve" ti lü ngthu pyenki.

7 ✝Cit u lü, "Pamhnama Khaw ng’et law ve" ti lü jah mtheh hü ua.

11 ✝Ka ning jah mtheh hlüki, nghngilaw ja khawkyaka kae khawkän law hü u lü Abraham, Isak ja, Jakop am alanga Khankhaw Pe pawia ngaw yüm khaie ni.

11 Akcanga ka ning jah mthehki, nghngicim naküt üng Baptican Johana kthaka daw bawki u am ve. Acunüngpi khankhawa veki akdik säih cun Johana kthaka daw bawki ni. 12 ✝Baptican Johana a ngthu pyen üngkhyüh tuh vei cäpa khankhaw naw tuknak khameiki, ngtuatkia khyang ksee naw khaw ami yah vaia kthanakie.

28 Am ngsün theikia khyawngpe mi yahei ua phäh mi je vai u. Leisawngnak ja kyüheinak am Pamhnam mi jesak vai ua tuilam cun sui lü xe na lü Pamhnam mi hjawkhah vai u, 29 ✝isetiakyaküng, Pamhnam cun akcanga jah uikia mei ni.

10 Acunakyase, ka benae aw, Pamhnama a ning jah khü ja a ning jah xünak üng nami ngkhängcek vaia, ahina kthaka ktha na ua. Acukba nami kthanak üng, itia pi nami jumeinak am hawih thei uki. 11 Ahikba ani üng ni, mi Bawipa ja mi Küikyan Bawi Jesuh Khritawa angsäi Pea dokhamnak kümcei cun nami yah kawm.

18 Bawipa naw akse naküt üngkhyüh na yung lü a khankhaw pea kei cun üpawmkia na cehpüi khai. Ani üng hlüngtainak angläta ve se! Amen.

Khana Bawimangnak

32 "Ka hnukläk toca he aw, ä kyü ua; nami Pa naw khaw aning jah pet vai ngjahlüki ni.

5 Nami ksing vai ta ngneisak am dawki, am ngjakphyakia vecawhnak ja kamvanak (Kammanak cun juktuh hjawkhahnaka ngkhaw ni) naw Pamhnam ja Khritawa pe cun u naw pi am yah uki.