Reino dos céus

Elgan ni li bade elkohl akpohko

44 "Etul bi Esowo tob li ana elkohl akpohko ni bo behre edi egbe.* Nne awohng kehm song nyehn, tuungu behr. Á bele eyebatahng sehng, kehm song gungu nsol enye kpee nyi á bele no,* fere ba gunu edi egbe jio.*

Elgan ni li bada mmohkesol

45 "Etul bi Esowo tob li ana njenare no jo seb anoobo amohkesol. 46 Eji á nyehne anyehng nyi sahb kꞌkim ekun, fere nꞌnob, owo á kehm soro tahm, song gungu nsol enye kpee, nyi á bele no, fere ba gunu mmohkesol nyio.

Elgan ni li bada mmohk asia

31 Jisos kehm kpe tub bo elgan nehko re, "Etul bi Esowo li ana mmohk asia nyi nne ko no, song bahm go ege etahngga. 32 Se sehnge mmohk eti anyehng anyehng.* Eji gbale no, gbale sehnge eti ajehng ajehng ji bo kpo bahm etahngga.* Owo nruk kehm bake, ba si ntahk o."*

Elgan nyi li bade ayist

33 Jisos kehm kpe tub bo elgan nehko re, "Etul bi Esowo li ana ayist,* nya nnenkal ko song behr go ebam aflawa na ebra tete semme kpee, fere tung."*

Elgan ni li bade agasame

24 Jisos kehm kpe tub bo elgan nehko re, "Etul bi Esowo li ana nne no tahme song kak nkohl go ege egbe. 25 Eji ane ma lal, nnekv ewe kehm tahme song wohngo afem agasame semme go nkohl nyio, tahm eje. 26 Eji nkohl ma mahng, gbal, fere lake abon, agasame kehm tob mahng. 27 Owo alokeltum ba nfono egbe noo kehm ba bahb-e re, ‘Nsoo, nkohl sang a kake go ega egbea? Anv, agasame nyao lohngo gan ba?’ 28 Owo á kehm tongo bo re, ‘Nnekv wo ma lim ejum jio.’ Alokeltum bao kehm-e bahbe re, ‘Anv, a kpꞌsebe re wahr song wooba?’ 29 Á kehm tene re, ‘Eꞌee, ń lꞌsong woobo agasame, ḿ bahke woobo nkohl semme. 30 Nong, nsol ebal ebal gbal ano tete rehng go efung elbanne. Owo m bahke tongo ababꞌbanne re, Gboon mbang, wahn tohko woobo agasame, gba agan agan, eji bo lꞌjahm fi, wahn kehm banne nkohl kanne, kpu song kpake go egame etahk.’ "*

36 Jisos kehm tahme ellong ane bao sa, song yel ekpꞌkpa. Abatꞌtoono ebe kehm bake go ege, ba bahb-e re, "Tong-r ana elgan ni li bade agasame lohngo no."

37 Owo Jisos kehm faange re, "Nne no kake nkohl, Mmon no nne wo. 38 Edi egbe jio, njini nyi. Nkohl nyio, abon Ntul ba. Agasame nyao, abon ba Ebinne jio ba. 39 Nnekv no wohngo afem agasame, nnehm nyi. Ngare elbanne nyio, esꞌkohro eying jia ji. Ababꞌbanne bao, babenjel ba.

40 "Ana bo bahke kpuku agasame nyao, jamme fi, ano wo bahke jolo esꞌkohro eying jia. 41 Owo Mmon no nne bahke tumu enjel enye,* bo bahke yannge go ege ejahbetul, kpu ane kpee ba jo wahng re ane jo lim abiafem, a aneb abꞌbi, 42 ro bo, kak go agun. Owo bo bahke woomo, jo ling, fere jo kono amahn. 43 Aneb Esowo bahke jo ya ana njul go ejahbetul ji Nde ebo.

"Nne no kpi atung, nong, á wuk.

Elgan ni li bade erim

47 "Etul bi Esowo tob li ana erim bi bo ma kak go aya, fere bob nsahre go nkohn a nkohn.* 48 Eji nsahre ma rur, bo kehm tohngo, bum egbuk.* Owo bo kehm jehke, kehm kehme nsahre jak. Nyi nno, bo jo kake go ajeere. Abi nsahre, bo ro go. 49 Ano wo bahke jolo go esꞌkohro eying jia. Babenjel bahke bake, ba jak abi ane go ellong anoobo ane, 50 fere ro bo kak agun. Owo bo bahke woomo, jo ling, fere jo kono amahn."*

3 "Elfuulu li ka ane ba ma gbo ekpak bio bi etohko. Tibre etul bi Esowo li ka bo.*

4 "Elfuulu li ka ane ba jehk ndon ndon. Tibre bo bahke kake bo eltim.*

5 "Elfuulu li ka ane ba kpi nnaange eljini. Tibre bo bahke bele njini ana ejum elehke elkv ebo.

6 "Elfuulu li ka ane ba kpꞌsahb sꞌseb re bo li eno go esamahr bi Esowo. Tibre bo bahke lehke eno.*

7 "Elfuulu li ka ane ba, ane kpo fili bo ndon. Tibre bo bahke tob fili Esowo ndon.*

8 "Elfuulu li ka ane ba ntim ebo li saang. Tibre bo bahke nyehne Esowo.*

9 "Elfuulu li ka ane ba kpo seb elkoono.* Tibre bo bahke jo lung bo re abon ba Esowo.

10 "Elfuulu li ka ane ba, bo kpꞌnohko bo tib eji bo kpꞌlimi nsol nyi li go etingitingi. Tibre etul bi Esowo li ka bo.*

11 "Elfuulu li ka-n, ane lꞌjo su-n, fere jo nohk-n, fere jo kiimi elkohn efahnge anehng anehng lak-n tib go egame esi.

12 "Belen eyebatahng, wahn jo geere. Tibre eltuuru enahne ni li go ejahbetul Esowo kpꞌgbale. Ano wo bo jo tob nohk abanyehnamahr Esowo ba tohko jol, wahn kehm jini.

Nne awo ga gbal?

1 Ngare nyio nyi abatꞌtoono Jisos ba rehng go ege, owo bo kehm-e bahbe re, "Nne awo ga gbal go ellong ane ba wob go elwo ni Esowo?"

2 Jisos kehm lungu mmonse, ba yiimi go bo a mbuksong, 3 kehm bungu re, "Etingitingi, n kp-n tongo re, Ń tohko tiki yaange jol ana abonse, ń nehm tiki li etul bi Esowo. 4 Fvfo, nne no lꞌrede elne, jol ana mmonse noa, ye wo ga gbal go ellong ane ba wob go elwo ni Esowo.

14 Owo Jisos kehm tongo bo re, "Yaken abon ba nse, bo jo ba ga egame. Kana jo sahde bo! Tibre etul bi Esowo li ka ane ba li ana bo."*

23 Jisos kehm bungu tong abatꞌtoono ebe re, "Etingitingi, n kp-n tongo re, Bahke riidi sehng re, efange nne kehm lehke etul bi Esowo. 24 N kp-n kpeke tong re, Re efange nne kehm yele go ejahbetul Esowo, ekamel bahke sehnge go mbang a nga."

25 Abatꞌtoono ebe wuku ano, kehm sahb kpꞌkpo bo esi, bo kehm bahbe re, "Wo anv, nne awo bahke kehm bele eltahre me?"

26 Jisos kehm seenge bo too, kehm bungu tong bo re, "Jia, nne nehm ma lim. Wo, goji Esowo ejum ajehng ajehng riidem."

5 Wuungen atung, akor-m abonanee, Esowo ebyehke ane ba li akpak go njini nyia re bo gbo afang nya li eltaame ni bo ma taame tv-e, fere li etul ebe ana ejum elehke elkv ebo, ji á nyame tong ane re bo bahke bele, ba ye kpi bo kor.*

Wahn n nehme kahn

21 "Nne awohng awohng sang no kpo lung-m re, ‘Ntul, Ntul!’ bahke yele go ejahbetul Esowo, sehngem ye ji kpꞌlimi ji Nsoo no li go ero tong-e no re á lim bahke yele.*

19 "Owo fvfo, nne awohng awohng no lꞌyuudu nrꞌrohka mmontahm awohng awohng,* afi á tibi ane ano, ye wo bahke ga jol nkpak go ejahbetul Esowo sehnge ane kpee. Nne awohng awohng no lꞌbum atahm, fere jo tꞌtib, ye wo bahke jolo njꞌjoka nne go ejahbetul Esowo.

20 "N kp-n tongo re, ń nehm ma yel go ejahbetul Esowo, sehngem re, eno ejahne ji ḿ bahke lehke go esamahr Esowo sehnge ji atꞌtibi ba atahm, a Bab Farisi.*

9 Ana wo nobo re wahn jo kak ero re,

"Nso ejahre no li go ero, nong, mbing enya jol saang.

10 Yake etul eba ba.

Nong ntir enya,

afi jolo go ndi, afi jolo go ero.*

Etib bi Jon ji nwohngalahb jo tiingi

1 Ngare nyio Jon ji nwohngalahb kehm lohngo ba, ba kehme elbungu go elka emahng nio ni Judea re, 2 "Yaangen elkpin enahne, tibre etul bi Esowo ebkabbe."

17 Bomo ngare nyio asongo Jisos kehm kehme etib ebe tiingi re, "Senngen njahm go egahne abiafem! Tibre etul bi Esowo ebkabbe."

7 Song bungen alum Esowo re, ‘Etul bi Esowo ebkabbe.’

11 N kp-n tongo re, Ane gbalee bahke lohngo go ero nfam, a erede nfam ba ji a Ebraham, a Aisik, go Jekob go ejahbetul Esowo, jo li nsol a bo.*

11 "Etingitingi, n kp-n tongo re, nnene limm, no ma jꞌjol go njini nyia no gbale sehnge Jon ji nwohngalahb. Nne no ga rede go ellong ane ba bahke lehke etul bi Esowo, á gbale sehnge Jon.* 12 Bomo ngare nyi Jon ji nwohngalahb tete rehng anv, etul bi Esowo li go elkake nsahm kehm kuumu, aneb nsahm bahke kuumu go eko akake.*

28 Owo fvfo nobo re wahr kak saam, wahr ji bahke bele ejahbetul ji lꞌkꞌma gbehke. Nong, wahr jo kak Esowo go mbang nyi bahk-e koro,* a ekpunu, a elfahle elfahle. 29 Tibre Esowo ebahre bi li agun nya kpo fi.

10 Abonanee, ano wo fvfo nobo re wahn gbehd, lohko jol ana Esowo ma-n lung, fere yehk-n re wahn jol. Ń lꞌlim ano, ń nehm tiki gbo. 11 Ana wo bahke wahnge Esowo bi kpi nnoobo ka-n nsahm nyi ḿ bahke ma yel go ejahbetul ji li go njinanjini, ji Jisos Kraist ntꞌtahre ewahre, a Ntul ewahre.

18 Esowo bahk-m tahre yehke go nfem anyehng anyehng, fere kp-m tahm a name go ejahbetul eje. Nong, ellub jol a ne go njinanjini. Emen.

Afang nya ejahbetul

32 "Kana kpe fahl, wahn mmoblong ejoro! Tibre koro Nso ejahne re wahn tob ji go eti etul eje.*

5 Tibre jia li re wahn kahn re, nne awohng awohng no kpo noongo a ane limm, no bahke bele ejum elehke elkv ajehng ajehng go ejahbetul ji Kraist, a ji Esowo. Ano wo fvfo bahke tob jol ka nne awohng awohng no ki li saang, a nne no kpo baare amahr go nsol ane.* Tibre elkohn nne noo li ana njomeblom.