Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
"Xoossaa kawotethay goshshan moogettida miishe daanees. Issi asi he miishiya demmidi zaari moogis. Daro ufayttidi bidi baw de7iyaba ubbaa bayzidi he goshsha gadiya shammis.
"Hessadakka, qassi salo kawotethay inqo giya al77o shuchchata koyaa zal77anchcho daanees. Daro al77o inquwa demmidi bidi baw de7iyaba ubbaa bayzidi iya shammis.
Guutha mithee leemiso
Qassi hara leemiso yaagidi odis; "Salo kawotethay issi asi ba goshshan bakkida guutha mithee ayfe daanees. He mithee ayfey hara mitha ayfetappe guutha, shin iya dolaa diccida hara mithata ubbaafe aadhdha gitatawusu. I tashiyan kafoti keexidi uttana gakkanaw wolqqaama mithi gidawusu" yaagis.
Irshsho leemiso
Kaallidikka, Yesuusi hara leemiso odis; "Salo kawotethay issi maccasi heedzu gabate dhiille ekka munuqada, munuqay denddana mela iyan gujjida irshsho daanees" yaagis.
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
Leeshshuwa leemiso
Yesuusi enttaw hara leemiso odis, "Xoossaa kawotethay ba goshshan lo77o zerethi zerida uraa daanees. Shin asi ubbay dhiskkin iya morkkey yidi gisttiya giddon leeshsho zeridi bis. Gisttey diccidi ayfiyaa wode leeshshoy iya giddon benttis.
"Gadiya godaa aylleti godaakko bidi, ‘Godaw, ne goshshan ne lo77o zerethi zerabikkishsho? Yaatin, leeshshoy awuppe yidee?’ yaagidosona.
"I enttako, ‘Hessa morkkey oothis’ yaagis.
"Aylleti godaakko, ‘Nu bidi leeshshuwa shoddana mela koyay?’ yaagidosona.
"Shin I, ‘Atto bochchofite; hintte leeshshuwa shoddays gishin gisttey shodettana. Bochchofite; caka wodey gakkanaw issife dicco. He wode cakkiya asata leeshshuwa sinthattidi maxidi taman xuugganaw mirqen mirqen qachchite. Shin gisttiya shiishidi ta shaaliyan qolite’ yaagana" yaagis.
Leeshsho leemisuwa birshethaa
Yesuusi deriya moyzidi soo gelis. Iya tamaareti iyaakko shiiqidi, "Goshshan de7iya leeshshuwa birshshethaa nuus oda" yaagidosona.
I zaaridi, "Lo77o zerethaa zeriday Asa Na7a. Goshshay ha alamiya. Lo77o zerethay salo kawotethaa nayta. Leeshshoy Xalahe nayta. Leeshshuwa zeriday morkkiya Xalahe. Caka wodey, wodiya wurssethaa. Cakkeyssati kiitanchchota.
"Leeshshoy maxettidi taman xuugetteyssa mela wodiya wurssethan hessada hanana. Asa Na7ay ba kiitanchchota kiittana. Entti nagaras gaaso gideyssatanne iita oothiya ubbaa maxidi iya kawotethaafe kessana. Maxi shiishidi yeehoynne achcha garccethi de7iya to7onna taman yeggana. He wode xilloti bantta Aawa kawotethan awada poo7ana. Si7iya haythi de7ey si7o!
Molo oykkiya gite leemiso
"Qassi Xoossaa kawotethay abban yegettida dumma dumma qommo molo oykkiya gitiya daanees. Molo oykkiya asati moloy gitiyan kumin abbaafe gaxa kessidosona. Yan uttidi lo77uwa qori qori daachcho yeggidosona, shin iita molota wora holidosona. Wodiya wurssethan hessatho hanana. Kiitanchchoti yidi nagaranchchota xillotappe shaakkidi, yeehoynne achcha garccethi de7iya to7onna taman yeggana.
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
Tuma ufayssaa
"Bantta ayyaanan manqoti anjjettidayssata,
salo kawotethay enttassa.
Yeekkeyssati anjjettidayssata,
entti minthetho demmana.
Bantta wozanan ashkketi anjjettidayssata,
entti sa7aa laattana.
Xillobaa oothanaw koshatteyssatinne saamotteyssati anjjettidayssata,
entti kallana.
Maareyssati anjjettidayssata,
entti maarotethi demmana.
Wozana geeshshati anjjettidayssata,
entti Xoossaa be7ana.
Sigetheyssati anjjettidayssata,
entti Xoossaa nayta geetetti xeegettana.
Xillobaa oothiya gisho gidi,
goodetteyssati anjjettidayssata,
salo kawotethay enttassa.
"Asay hinttena ta gisho gidi cayaa wode, gooddiya wodenne hintte bolla iitabaa ubbaa worddon odisiya wode hintte anjjettidayssata. Hintte woytoy salon gita gidiya gisho ufayttite, hashshu giite. Hinttefe kase de7iya nabeta hessada goodidosona.
Ubbaafe aadhdhey oonee?
He wode Yesuusa tamaareti yidi, "Salo kawotethan ubbaafe aadhdhey oonee?" yaagidi oychchidosona. Yesuusi issi guutha na7a xeegidi entta giddon essidi hayssada yaagis. "Taani hinttew tuma odays; hintte laamettonanne guutha naytada hanonna ixxiko salo kawotethaa ubbarakka gelanaw dandda7ekketa. Hiza, ha guutha na7aada bana kawushshiya oonikka salo kawotethan ubbaafe aadhdheyssa gidana.
Shin Yesuusi, "Xoossaa kawotethay hayssata melassa gidiya gisho, guutha nayti taakko yeyssa diggofite; yo giite" yaagis.
Hessafe guye, Yesuusi ba tamaareta, "Taani hinttew tuma odays; durey salo kawotethi gelanayssi daro meto. Dure asi Xoossaa kawotethaa gelanayssafe gimaley marppe luhora aadhdheyssi kawuyees" yaagis.
Yesuusa tamaareti hessa si7idi malaalettidi, "Yaatin, ooni attanaw dandda7ii?" yaagidi oychchidosona.
Yesuusi entta caddi xeellidi, "Hayssi asas dandda7ettenna, shin Xoossas ubbay dandda7ettees" yaagis.
Ta siiqo ishato, si7ite. Ammanon dure gidana melanne bana siiqeyssatas immana gida salo kawotethaa laattana mela ha sa7an de7iya manqota Xoossay dooribeenneyye?
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
"Salon de7iya ta aawa sheniya oothiya uray salo kawotethi gelanaappe attin coo tana ‘Godaw, Godaw’ giya ubbay salo kawotethi gelenna.
Hessa gisho, ha kiitatappe guuxiya issi kiitaa menthiya oonikka qassi harata hessatho oothana mela tamaarssey oonikka salo kawotethan ubbaafe guutha gidana. Shin ha kiitaa poleysinne haratakka polana mela tamaarssey salo kawotethan gita gidana. Ta hinttew odays; hintte xillotethay Farisaaweta xillotethaafenne higge asttamaareta xillotethaafe aadhdhonna ixxiko, salo kawotethaa gelekketa.
"Hiza, hintte yaagidi woossite,
‘Salon de7iya nu aawaw,
ne geeshsha sunthay anjjetto.
Ne kawotethay yo,
ne sheney salon hanidayssada
sa7ankka hano.
Xammaqiya Yohaannisa timirttiya
He wode Xammaqiya Yohaannisi, "Xoossaa kawotethay matattida gisho hintte nagaraappe simmite" yaagidi sabbakishe Yihuda bazzo biittaa yis.
He wodeppe doomidi Yesuusi, "Xoossaa kawotethay matattida gisho hintte nagaraappe simmite" yaagidi qaala sabbakees.
Yaa bidi, ‘Salo kawotethay matattis’ gidi odite.
Ta hinttew odays; daroti dolohappenne wulohappe yidi, salo kawotethan Abrahamera, Yisaaqaranne Yayqoobara issife imato bolla uttana.
Ta hinttew tuma odays; maccasappe yelettidayssata giddofe Yohaannisappe aadhdhey oonikka baawa; salo kawotethan ubbaafe guuxey I, iyappe aadhdhana. Xammaqiya Yohaannisa wodiyappe doomidi hachchi gakkanaw salo kawotethay daro naaqettees, minnida asati wolqqan yaa gelana.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
Nuuni qaaxxanaw dandda7onna kawotethaa ekkiya gisho Xoossaa galatoos; Xoossaa ufayssiya ogen bonchchoninne yashshatethan iya goynnos. Hiza, nu Xoossay tuma xuuggiya tama.
Hessa gisho, ta ishato, hintte xeessanne hintte dooruwa miinthanaw kaseyssafe aathidi minnite. Hintte hessata oothiyabaa gidikko, dhubetteketa. Hessan nu Godaanne nuna ashshiya Yesuus Kiristtoosa merinaa kawotethaa geliya kumetha maatay hinttew imettana.
Goday tana iita ubbaafe ashshidi ba salo kawotetha saron efana. Iyaw merinaappe merinaa gakkanaw bonchchoy gido. Amin7i.
"Hinttenoo, guutha deretoo, yayyofite; hintte aawa Xoossay kawotethaa hinttew immanaw ufayttees.
Hayssa erite; oonikka laymatey woykko tunabaa oothey woykko uuzettey Kiristtoosa kawotethaanne Xoossaa kawotethaa laattanaw dandda7enna. Uuzetethi eeqa goynno mela.