Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
होचकु खजाना अन्द उदाहरण
"स्वर्ग इन राज्य केई दा होचकु धन इन घाई आद, या यावारा मंळसा अक सिक्त अदिक आव अदरी मात होचकु ईटदुन, अदिक हापाळ खुश आदुन अदिक होगकु तान सब येनारा मार बुट्टुन अदिक आ केई इक कोंड कोंडुन."
अनमोल मोती अन्द उदाहरण
"बाक स्वर्ग इन राज्य ऊंद व्यापारी इन घाई आद जो वळ्लीद मोतीगोळ्द खोज दा ईरोन. याग आऊक ऊंद बहूमुल्य मोती सिक्त रा आव होगकु तान सब कुछ मार बुट्टुन अदिक अदरी कोंड कोंडुन."
राई इन बींजा अन्द उदाहरण
यीशु आंदरी मात्त ऊंद उदाहरण कोट्टुन: "स्वर्ग इन राज्य राई इन ऊंद बींजा अन घाई आद, यदरी यातोवारा मंळसा हुडुकु तान केई दा बोऊस कोंडुन. अद सप्पा बींजागोळ से स्यांळ्द रा ईरतद लेकीन याग धोळ्द आगेगतद आग सप्पा काण्णा-कस से धोळ्द आगेगतद; अदिक हिंग मार्र आगेगतद कि आकाश ईनव पक्षी बंदकु अदुर डगालगोळ मा ग्वादा माळ कोमताव."
खमीर इन उदाहरण
यीशु आंदरी मात्त ऊंद उदाहरण केळ्सदुन: "स्वर्ग इन राज्य खमीर इन घाई आद यदरी यातोदारा आर्त हुडुकु हन्नेळ किलो हीट्ट दा मीलुस बुटुर अदिक आग्त-आग्त अद सप्पा हीट खमीर आगेत."
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
आळी दाकळोद बींजा अन उदाहरण
यीशु आंदरी मात्त ऊंद उदाहरण कोट्टुन: "स्वर्ग इन राज्य आ मंळसा अन्द घाई आद याव तान केई दा वळ्लीद बींजा बोऊस्दुन. पर याग लॉकुर मिंगोर रा आऊन दुश्मन बंदकु गोदी इन न्याड्या आळी दाकळोद बींजा बोऊस्कु होटोदुन. याग कोम होट्टव अदिक लॉम्बागोळ हतदव, रा आळी दाकळोद बींजागोळ्द मार्रगोळ भी कांळ्सदव. ईदुर मा मान्ना अन्द दासगोळ बंदकु आऊन से अंदुर, ‘हे स्वामी, येन नी तान केई दा वळ्लीद बींजा बोऊसीदिल? बाक आळी दाकळोद बींजा अन्द मार्रगोळ अदुर्दा यल टु बंदव?’ आव आंदुर से अंदुन, ‘ईद यावारा दुश्मन उन क्याल्सा हुन.’ दासगोळ आऊन से अंदुर, ‘येन नीन इच्छा आद, कि नाव होगकु अवरी कित बुटेव?’ आव अंदुन, ‘ईला, हिंग आगबाळुल कि आळी दाकळोद बींजा अन्द मार्रगोळ किता होती नीव अऊर सांगुळ गोदी भी कित कोमी. कटाई ताका येढ्ढु उक ऊंद सांगुळ वाळुसगोळी, अदिक कटनी इन समय दा ना कडावाळेर से अनाईन कि पयले आळी दाकळोद बींजा अन्द मार्रगोळी जमा माळकु होताकोर साटी अऊर गट्टा कट कोमी, अदिक गोदी इक नान केई दा जमा माळी.’"
आळी दाकळोद बींजा अन्द उदाहरण इन व्याख्या
आग यीशु भीळ इक बिटकु मान्नी बंदुन, अदिक यीशु उन चेलागोळ आऊन हात्ती बंदकु अंदुर, "केई इन आळी दाकळोद बींजा अन्द उदाहरण नामी समझुसबुळ."
यीशु आंदरी उत्तर कोट्टुन, "याव वळ्लीद बींजा अक बोऊसीदुन आव मंळसा अन्द पार हुन. केई दुनिया हुन, वळ्लीद बींजा राज्य अन्द औलाद हुन, अदिक आळी दाकळोद बींजा दुष्ट इन औलाद हुन. या दुश्मन अवरी बोऊस्यान आव शैतान हुन; कटनी दुनिया अन्द अन्त हुन, अदिक कडावाळेर स्वर्गदूत उर. इदुरसाटी ह्यांग आळी दाकळोद कचरा जमा माळकु होताक्कु आगताव हांग अच दुनिया अन्द आखरी दा आदीत. मंळसा अन्द पार तान स्वर्गदूतगोळ इक कळ्यान, अदिक आंदुर आऊन राज्य दा टु सप्पा ठोकर इन कारणगोळी अदिक कुकर्म माळावाळेरी इक जमा माळ्यार, अदिक आंदरी बेक्की इन कुण्ड दा हाक्यार, यल आंदुर वरल्यार अदिक हल्ल कच्यार. आ समय न्यायी तान आप्प उन राज्य दा सुर्य अन्द घाई चमकुस्यार. यार किव आव आव केळ कोमुल."
जार इन उदाहरण
"बाक स्वर्ग इन राज्य आ धोळ्द जार इन घाई आद जो समुद्र दा हाक्कु आत, अदिक हर प्रकार इन जीवगोळी जमा माळकु तर्त. अदिक याग जार मेनगोळ देल तुम्मेत, रा मेन हुडावाळेर अदरी किनारा मा जेडुकु तंदुर, अदिक कुर्तकु वळ्लेव-वळ्लेव बर्तनगोळ दा जमा माळदुर अदिक बेकार-बेकार मेनगोळी भीट बुटुर. दुनिया अन्द आखरी दा हिंग अच आदीत. स्वर्गदूत बंदकु पापीगोळी न्यायी लॉकुर से अलग माळ्यार, अदिक आंदरी बेक्की इन कुण्ड दा हाक्यार. यल आंदुर वरल्यार अदिक हल्ल कच्यार."
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
धन्य वचन
धन्य आर आंदुर, जो मन देल गरीब आर,
यतिकी स्वर्ग इन राज्य आंदुर दा आद.
"धन्य आर आंदुर, जो शोक माळतार,
यतिकी आंदरी दिलासा सिक्कीत.
धन्य आर आंदुर, जो नम्र आर,
यतिकी आंदुर धरती इन वारीसदार आदार."
"धन्य आर आंदुर, जो न्यायीपन इन हस्तकु अदिक निरळ्ककु आर,
यतिकी आंदुर संतुष्ट माळकु आदार."
"धन्य आर आंदुर, जो दयालु आर,
यतिकी आंदुर मा दया माळकु आदीत."
धन्य आर आंदुर, यार्द मन शुद्ध आव,
यतिकी आंदुर परमेश्वर उक नोळ्यार.
धन्य आर आंदुर, जो मेल माळावाळेर आर,
यतिकी आंदुर परमेश्वर उन चिकोर कहलुस्यार.
धन्य आर आंदुर, जो न्यायीपन इन कारण सतुस्कु आगतार,
यतिकी स्वर्ग इन राज्य आंदुर्द अच हुन.
धन्य आईर नीव, याग मंळसा नान कारण नीम्द अपमान माळ्यान, अदिक सतुस्यान अदिक ख्वाटा माताळ माताळकु नीम्द विरोध दा सब प्रकार इन बुरा मात अंदान. आग खुश अदिक मगन ईरेतीर, यतिकी नीम साटी स्वर्ग दा धोळ्द प्रतिफल आद. यतिकी आंदुर आ भविष्यवक्तागोळी भी जो नीम से पयले ईरोर ईदा रीति देल सतुसीदुर.
स्वर्ग इन राज्य दा धोड्डेव याव?
अदा घळी चेलागोळ यीशु उन हात्ती बंदकु केळली कुरतुर, "स्वर्ग इन राज्य दा धोड्डेव याव आन?"
इदुर मा यीशु ऊंद पार उक हात्ती कारूकु आंदुर्द न्याड्या दा नीदरूसदुन, अदिक अंदुन, "ना नीम से खरा अनतीन कि यागासताका नीव बदलुसालीर अदिक चिकोर घाई बनसालीर, नीव स्वर्ग इन राज्य दा प्रवेश माळ सकालीर. जो यावारा तान तान इक ई पार उन घाई स्याणेव माळ्यान, आव स्वर्ग इन राज्य दा धोड्डेव आदान.
यीशु अंदुन, "चिकोरी नान हात्ती बरगोळी, अदिक आंदरी मना माळबाळी, यतिकी स्वर्ग इन राज्य हिंग अच चिकोर्द हुन."
आग यीशु तान चेलागोळ से अंदुन, "ना नीम से खरा अनतीन कि धनवान मंळसा अन स्वर्ग इन राज्य दा प्रवेश माळोद मुश्किल आद. नीन से मात्त अनतीन कि परमेश्वर उन राज्य दा धनवान उन प्रवेश माळदुर देल ऊँट इन मुग्ग इन खॉदरा दा टु चुजी होटबुळोद आसान आद."
ईद केळकु चेलागोळ हापाळ चकित आगकु अंदुर, "बाक यार्द उद्धार आग सकतद?"
यीशु आंदुर दी नोळकु अंदुन, "मंळसागोळ से रा ईद आगसकाल, लेकीन परमेश्वर से सब कुछ आग सकतद."
हे नान प्रिय वार्टुरा अदिक आकतींगेरा, केळी. येन परमेश्वर ई दुनिया अन्द गरीबगोळ्द चुनाव माळीदिल कि विश्वास दा धनी अदिक आ राज्य अन्द अधिकारी आगुल, यदुर्द वादा आव आंदुर से माळ्यान जो आऊन से प्यार ईटतार?
लेकीन सर्वोच्च परमेश्वर उन पवित्र लॉकुर अच राज्य इक प्राप्त माळ्यार. आंदुर सदा-सर्वदा आ राज्य मा अधिकार माळ्यार, युगानुयुग ताका."
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
ना नीमी यागलु अरालीन
"जो नान से, ‘हे प्रभु! हे प्रभु!’ अनतान, आंदुर दा टु हर ऊंद स्वर्ग इन राज्य दा प्रवेश माळतीदील, लेकीन आवा जो नान स्वर्गीय आप्प उन इच्छा मा नळुतान.
इदुरसाटी जो यावारा इव स्यांळ्द से स्यांळ्द आग्यागोळ दा टु यातोदारा ऊंद आग्या अक मुरूल, अदिक हांग अच लॉकुरी कल्सुल, आव स्वर्ग इन राज्य दा सप्पा मुंदुर से स्याणेव कहलुस्यान; लेकीन जो यावारा आ आग्यागोळ्द पालन माळ्यान अदिक अवरी कलस्यान, आवा स्वर्ग इन राज्य दा महान कहलुस्यान. यतिकी ना नीम से अनतीन, कि अगर नीम न्यायीपन शास्त्रीगोळ अदिक फरीसीगोळ्द न्यायीपन देल धोळ्द ईरतीदील, रा नीव स्वर्ग इन राज्य दा यागलु प्रवेश माळ सकतीदिल.
इदुरसाटी नीव ईत्ता रीति देल प्रार्थना माळतोगी:
"हे नाम आप्प, नी जो स्वर्ग दा आय;
नीन हेसुर पवित्र मान्सकु आगुल.
दुनिया दा नीन राज्य बरूल.
नीन इच्छा ह्यांग स्वर्ग दा पुरा आगताव, हांग अच पृथ्वी मा भी आगुल.
बपतिस्मा कोळावाळा यूहन्ना अन्द उपदेश
आ दिनगोळ दा बपतिस्मा कोळावाळा यूहन्ना बंदकु यहूदिया अन्द आळी दा ईद प्रचार माळली कुरतुन: "पापगोळ देल मन तिर्गुसी, यतिकी स्वर्ग इन राज्य हात्ती होट बंदाद."
आ समय टु यीशु प्रचार माळोद अदिक ईद अनोद सुरूवात माळदुन, "तान पापगोळ देल मन तिर्गुसी यतिकी स्वर्ग इन राज्य हात्ती होट बंदाद."
अदिक नळुत-नळुत ईद प्रचार माळी: कि ‘स्वर्ग अन राज्य हात्ती होट बंदाद.’
अदिक ना नीम से अनतीन कि पूर्व अदिक पश्चिम टु हापाळ सा लॉकुर बंदार अदिक आंदुर भोज दा अब्राहम, इसहाक अदिक याकूब उन सांगुळ स्वर्ग इन राज्य दा कुरतार.
ना नीम से खरा माताळतीन कि जो आर्तेर से पैदा आग्यार, आंदुर्दा टु यूहन्ना बपतिस्मा कोळावाळा से याऊ धोड्डेव आगीदील; पर जो स्वर्ग इन राज्य दा स्याणेव से स्याणेव आन आव यूहन्ना से धोड्डेव आन. यूहन्ना बपतिस्मा कोळावाळा अन्द दिनगोळ टु ईगासताका स्वर्ग इन राज्य दा बलपूर्वक प्रवेश आगतेला ईताद, अदिक बलवान अदरी कसुकोमतार.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
इदुरसाटी बाक याग नामी हिंग राज्य सिकेत्याद यदरी आलगाळ्सकु आगाल रा बरी धन्यवादी बनसाती अदिक आदर मिलुस्कु अंज्क इन सांगुळ परमेश्वर उन उपासना माळेव कि परमेश्वर अदुर देल प्रसन्न आगुल; यतिकी नाम परमेश्वर भसम माळावाळा बेक्की हुन.
ईदा कारण हे वार्टुरा, तान कारूकु आगोद, अदिक निवळुस्द आगोद इक सिद्ध माळोर साटी वळ्लीद रीति देल कोशिश माळतोगी, यतिकी अगर हिंग माळीर रा यागलु ठोकर तिनतीदील; बल्की ई रीति देल नीव नाम्द प्रभु अदिक उद्धारकर्ता यीशु मसीह अन्द अनन्त राज्य दा धोळ्द आदर इन सांगुळ प्रवेश माळ सकीर.
अदिक प्रभु नानी हर ऊंद बुरा क्याल्सा देल बिळस्यान, अदिक तान स्वर्गीय राज्य दा उद्धार माळकु पोहचुस्यान. आऊन महिमा हमेशा हमेशा आगतेला ईरूल. आमीन.
स्वर्गीय धन
"हे नान स्यांळ्द झुण्ड इन लॉकुरा, अंजबाळी; यतिकी नीमव आप्प प्रसन्नता देल, नीमी राज्य कोळोद चाहास्यान.
यतिकी नीव ईद जान्सतीर कि यावारा व्यभिचारी, या अशुध्द जन, या लोभी मंळसा अन्द, जो मूर्ति इन पुजा माळावाळा अन बराबर आन, मसीह अदिक परमेश्वर उन राज्य दा मीरास ईल्लच.