Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
ଡ଼ୁଗାମାନି ଦ଼ନ ପୁଣ୍ମ୍ବିକିନି କାତା
"ଲାକପୂରୁ ରା଼ଜି ଗୁଡିୟାତା ଡ଼ୁଗାମାନି ଦ଼ନ ଲେହେଁତାୟି, ରଅସି ଏ଼ଦାଆଁ ମେସାହାଁ ଡ଼ୁକ୍ହା ଇଟିତେସି, ଅ଼ଡ଼େ ରା଼ହାଁଟି ହାଜାହାଁ ତାନି ଈସିତୀସି ଆ଼ସ୍ତି ପାର୍ଚାହାଁ ୱେଣ୍ତେ ହାଜାହାଁ ଏ଼ ଗୁଡିୟାତି କଡିତେସି ।"
ଦାରାଗାଟି ଅପ୍ନି ୱାଲିତି ପୁଣ୍ମ୍ବିକିନି କାତା
"ଅ଼ଡ଼େ ଲାକପୂରୁ ରା଼ଜି ନେହିଁ ଅପ୍ନି ୱାଲି ପାରିମାନି ର଼ ବେ଼ବାରା କିନାଣିଲେହେଁ । ର଼ ଦାରାଗାଟି ଅପ୍ନି ୱାଲି ମେସାହାଁ ଏ଼ୱାସି ହାଜାହାଁ ତାନି ଈସିତୀସି ଆ଼ସ୍ତି ପାର୍ଚାହାଁ ଏ଼ ଅପ୍ନି ୱାଲିତି କଡିତେସି ।"
ହାର୍ସୁ ପା଼ଡ଼େୟିତି ପୁଣ୍ମ୍ବିକିନାୟି
ଜୀସୁ ଏ଼ୱାରାଇଁ ଅ଼ଡ଼େ ର଼ ପୁଣ୍ମ୍ବିକିନି କାତା ୱେସ୍ତେସି, ଲାକପୂରୁ ରା଼ଜି ର଼ ହାର୍ସୁ ପା଼ଡ଼େୟି ଲେହେଁତାୟି, ଏ଼ଦାଆଁ ଅ଼ହାଁ ରଅସି ତାନି ବା଼ଡ଼ାତା ମାଟିତେସି । ଏ଼ ପା଼ଡ଼େୟି ବାରେ ପା଼ଡ଼େୟିକା କିହାଁ ଊଣା, ସାମା ଏ଼ଦି ପାଡା ଆ଼ତିସାରେ ବାରେ କୁଚା କିହାଁ କାଜାୟି ଆ଼ହାଁ ଇଲେତି ମା଼ର୍ନୁ ଆ଼ନେ, ଇଞ୍ଜାଁ ହା଼ଗୁତା ଊମ୍ବିମାନି ପଟାୟାଁ ୱା଼ହାଁ ଏ଼ଦାନି କମାତା ବ଼ଣ କିହାଁ ବାସା କିନୁ ।
ପୁଲା ଏ଼ୟୁତି ପୁଣ୍ମ୍ବିକିନାୟି
ଜୀସୁ ଏ଼ୱାରାଇଁ ଅ଼ଡ଼େ ର଼ ପୁଣ୍ମ୍ବିକିନି କାତା ୱେସ୍ତେସି, ଲାକପୂରୁ ରା଼ଜି ର଼ ପୁଲା ଏ଼ୟୁଲେହେଁତାୟି; ର଼ ଇୟା ଗ଼ହଁୟାଁ ଗୁଣ୍ତାତା ପୁଲାଏ଼ୟୁ କାଲ୍ହାଁ ଇଟିତେ, ଏଚେଟିଏ ଏ଼ ଗୁଣ୍ତା ପ଼ଙ୍ଗାନା ବାରେ ପୁଲା ଆ଼ତେ ।
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
ଟଲି ଜା଼ଡ଼ାତି ପୁଣ୍ମ୍ବିକିନି କାତା
ଜୀସୁ ଏ଼ୱାରାଇଁ ଅ଼ଡ଼େ ର଼ ପୁଣ୍ମ୍ବିକିନି କାତା ୱେସ୍ତେସି, ଲାକପୂରୁ ରା଼ଜି ରଅସି ତାନି ଗୁଡିୟାତା ନେହିଁ ବିଚା ମାଟାମାନି ମାଣ୍ସିଲେହେଁ; ସାମା ଲ଼କୁ ଡୂରାମାନାଟି ତାନି ସାତ୍ରୁ ୱା଼ହାଁ ଏ଼ ଗ଼ହଁୟାଁ ବିତ୍ରା ଟଲି ଜା଼ଡ଼ାତି ବିଚା ମାଟାନା ହାଚେସି । ଏଚିବେ଼ଲା ଗ଼ହଁୟାଁ ପାଡାଆ଼ହାଁ ଜେ଼କା ଆ଼ନିବେ଼ଲା ଟଲି ଜା଼ଡ଼ା ଜିକେଏ ତ଼ଞ୍ଜାଆ଼ତେ । ଏଚେଟିଏ ସା଼ୱୁକାରିତି ହ଼ଲିୟାଙ୍ଗା ତାନି ତା଼ଣା ୱା଼ହାଁ ଏଲେଇଚେରି, ବା଼ବୁ, ନୀନୁ ଏ଼ନାଆଁ ନୀ ଗୁଡିୟାତା ନେହିଁ ବିଚା ମାଟାହାଁ ହିଲାଆତି ? ସାମା ଈ ଟଲି ଜା଼ଡ଼ା ବାରେ ଏମ୍ବିଟି ୱା଼ତେ ? ଏ଼ୱାସି ଏ଼ୱାରାଇଁ ଏଲେଇଚେସି, ର଼ ସାତ୍ରୁ ଈଦାଆଁ କିହାମାନେସି । ଅ଼ଡ଼େ ହ଼ଲିୟାଙ୍ଗା ଏ଼ୱାଣାଇଁ ଏଲେଇଚେରି, ନୀ ମ଼ନ ଏ଼ନାୟି, ମା଼ମ୍ବୁ ହାଜାହାଁ ଟଲି ରେଜାହାଁ କୂଡ଼ି କିନମି, ସାମା ଏ଼ୱାସି ଏଲେଇଚେସି, ଆ଼ଏ ଏଚେ଼ତା ମୀରୁ ଟଲି ଜା଼ଡ଼ା ରେ଼ଜି ରେ଼ଜିହିଁ ଗ଼ହଁୟାଁ ଜିକେଏ ରେଜେରି । ଗ଼ହଁ ଦା଼ଃନି ପାତେକା ଗ଼ହଁ ଅ଼ଡ଼େ ଟଲି ଜା଼ଡ଼ା ରହେଁଏ ପାଡାଆ଼ପୁ, ଅ଼ଡ଼େ ଆର୍ନା ଦା଼ଃନି ବେ଼ଲାତା ଦା଼ଃଆନାରାଇଁ ନା଼ନୁ ଏଲେଇଇଁ, ତଲିଏ ଟଲି ଜା଼ଡ଼ା ଦା଼ଚାନା ହୂଡାଲିତାକି ପେ଼ଣ୍ତାୟାଁ ଏଟ୍କା କିଦୁ, ସାମା ଗ଼ହଁୟାଁ କୂଡ଼ି କିହାଁ ନା଼ ଗା଼ଦେୟିତା ଇଟାଦୁ ।
ଜୀସୁ ଟଲି ଜା଼ଡ଼ାତି ପୁଣ୍ମ୍ବିକିନି କାତାତି ଅର୍ତ ୱେହ୍ନାୟି
ଡା଼ୟୁ ଜୀସୁ ମାନ୍ଦା ଲ଼କୁଣି ପିସାହାଁ ଇଲୁ ବିତ୍ରା ହାଚେସି, ଇଞ୍ଜାଁ ତାମି ସୀସୁୟାଁ ଡାଗେ ୱା଼ହାଁ ଏଲେଇଚେରି, "ଗୁଡିୟାତି ଟଲି ଜା଼ଡ଼ାତି ପୁଣ୍ମ୍ବି କିନି କାତା ମାଙ୍ଗେ ନେହିକିଁ ୱେସ୍ତାମୁ ।"
ଜୀସୁ ଏଲେଇଚେସି, "ନେହିଁ ବିଚା ମାଟିନାସି ଏ଼ୱାସି ମାଣ୍ସି ମୀର୍ଏସି; ଈ ଦାର୍ତି ଆ଼ହିମାନେ ଗୁଡିୟା, ନେହିଁ ବିଚା ମାହାପୂରୁ ରା଼ଜିତି ମୀର୍କା ମା଼ସ୍କା; ଟଲି ଜା଼ଡ଼ା ସୟତାନତି ମୀର୍କା ମା଼ସ୍କା; ଆମିନି ସାତ୍ରୁ ଏ଼ଦାଆଁ ମାଟିତେସି ଏ଼ୱାସି ସୟତାନ; ଆର୍ନା ଦା଼ଃନି ଦିନା ଇଚିହିଁ ଜୁଗୁ ରା଼ନି ଦିନା, ଇଞ୍ଜାଁ ଆର୍ନା ଦା଼ଃଆନାରି ମାହାପୂରୁତି ଦୂତୁୟାଁ । ଇଚିହିଁ ଟଲି ଜା଼ଡ଼ାତି ଏ଼ନିକିଁ ର଼ ତା଼ଣା କୂଡ଼ି କିହାଁ ହିଚୁତା ହୂଡିନାୟି, ଜୁଗୁ ରା଼ନି ଦିନାତା ଜିକେଏ ଏଲେକିହିଁ ଆ଼ନେ । ମାଣ୍ସି ମୀର୍ଏସି ତାନି ଦୂତୁୟାଁଣି ପାଣ୍ତିନେସି, ଇଞ୍ଜାଁ ଏ଼ୱାରି ତାନି ରା଼ଜିତି ବାରେ ଲାଗେଏ ପ଼ଲେଏତାରାଇଁ ଅ଼ଡ଼େ ପା଼ପୁ ଗାଟାରାଇଁ ରୁଣ୍ତା କିନେରି । ଅ଼ଡ଼େ ଏ଼ୱାରାଇଁ ହିଚୁ ଗା଼ଡ଼୍ୟୁତା ମେତ୍ନେରି, ଏମ୍ବାଆଁ ଏ଼ୱାରି ଡ଼ୀହିଁ ପାଲ୍କା ଟୀଟି କିନେରି । ଏଚିବେ଼ଲା ତୀରିଗାଟାରି ତାମି ଆ଼ବା ରା଼ଜିତା ୱେଡ଼ାଲେହେଁ ଡ଼ୀଞ୍ଜିହିଁ ତ଼ଞ୍ଜାଆ଼ନେରି । ଆମ୍ବାଆରାକି କୀର୍କା ମାନୁ ଏ଼ୱାରି ୱେଣ୍ମ୍ବାରି ।"
ମୀଣ୍କା ଆହ୍ନି ଜା଼ଲାତି ପୁଣ୍ମ୍ବିକିନି କାତା
"ଅ଼ଡ଼େ ଜିକେଏ ଲାକପୂରୁ ରା଼ଜି ସାମ୍ଦୁରିତା ବାରେ କୂଡ଼ାତି ମୀଣ୍କା ଆସାଲି ମେତ୍ନି ଜା଼ଲା ଲେହେଁତାୟି । ଏ଼ ଜା଼ଲା ନେଞ୍ଜାଲିଏ ମୀଣ୍କା ଆହ୍ନାରି ଏ଼ଦାଆଁ ସାମ୍ଦୁରି ଗାଟୁତା ରେଜା ତାନେରି, ଇଞ୍ଜାଁ କୁଗାହାଁ ନେହାଁଆଁ ବାରେ ରୁଣ୍ତା କିହାଁ ତିରିତା ଇଟିନେରି, ସାମା ଲାଗେଏ ପ଼ଲେଏ ଗାଟାଆଁ ବାରେ କୁତା ତୁହ୍ନେରି । ଜୁଗୁ ରା଼ନି ଦିନାତା ଏଲେକିହିଁ ଆ଼ନେ; ଦୂତୁୟାଁ ହ଼ଚାୱା଼ହାନା ତୀରିଗାଟାରି ତା଼ଣାଟିଏ ଲାଗେଏ ପ଼ଲେଏତାରାଇଁ ଏଟ୍କା କିନେରି । ଅ଼ଡ଼େ ଏ଼ୱାରାଇଁ ହିଚୁ ଗା଼ଡ଼୍ୟୁତା ମେତ୍ହା ତୁହ୍ନେରି, ଏମ୍ବାଆଁ ଡ଼ୀନାୟି ଅ଼ଡ଼େ ପାଲ୍କା ଟୀଟି କିନାୟି ଆ଼ନେ ।"
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
ଆମ୍ବାଆରି ନେହାଁରି
ଆମ୍ବାଆରି ଜୀୱୁତା ଏ଼ନାଆଁ ହିଲାଆ ଗାଟାରାକି ନେହେଁ,
ଏ଼ନିଇଚିହିଁ ଲାକପୂରୁ ରା଼ଜି ଏ଼ୱାରି ୱା଼ଇଁ ।
ଆମ୍ବାଆରି ଦୁକୁତା ଡ଼ୀହିମାନି ଲ଼କୁତାକି ନେହେଁ,
ଏ଼ନାଆଁତାକି ଇଚିହିଁ ମାହାପୂରୁ ଏ଼ୱାରି ଦୁକୁ ଡୂକ୍ନେସି ।
କ଼ପା ହିଲାଆ ଗାଟାରି ନେହେଁ,
ଏ଼ନାଆଁତାକି ଇଚିହିଁ ଦାର୍ତିତା ଏ଼ୱାରି ଅଦିକାରା ଆ଼ନେରି ।
ମାହାପୂରୁ ଦାର୍ମୁତି କାମା କିହାଲି ହାକି ଏ଼ସ୍କି ଗାଟାରି ଏ଼ୱାରାକି ନେହେଁ,
ଏ଼ନାଆଁତାକି ଇଚିହିଁ ମାହାପୂରୁ ଏ଼ୱାରାକି ଲ଼ଡ଼ାମାନାଣି ବାରେ ହୀନେସି ।
ଏଟ୍କା ଲ଼କୁଣି କାର୍ମା ମେହ୍ନେରି, ଏ଼ୱାରାକି ନେହେଁ,
ଏ଼ନିଇଚିହିଁ ମାହାପୂରୁ ଏ଼ୱାରାଇଁ କାର୍ମା ମେହ୍ନେସି,
ଆମ୍ବାଆରି ସୁଦୁ ହିୟାଁ ଗାଟାରି ଏ଼ୱାରାକି ନେହେଁ,
ଏ଼ନିଇଚିହିଁ ଏ଼ୱାରି ମାହାପୂରୁଇଁ ମେହ୍ନେରି ।
ହିତ୍ଡ଼ି ଗାଟି ଲ଼କୁ ନେହେଁ,
ଏ଼ନିଇଚିହିଁ ଏ଼ୱାରି ମାହାପୂରୁତି ମୀର୍କା ଇଞ୍ଜିଁ ୱେ଼ଙ୍ଗିନେରି ।
ମାହାପୂରୁ ଦାର୍ମୁ କାତାତାକି ଦୁକୁ ବେଟାଆ଼ନାରି ଏ଼ୱାରାକି ନେହେଁ,
ଏ଼ନିଇଚିହିଁ ଲାକପୂରୁ ରା଼ଜି ଏ଼ୱାରିୱାୟି ।
ଏଚିବେ଼ଲା ଲ଼କୁ ମିଙ୍ଗ ନା଼ ତାକି ନିନ୍ଦା କି ଲାଜା କିୟାନେରି, ଅ଼ଡ଼େ ନା଼ ତାକି ଉଜେ ଉଜେଏ ମୀ କ଼ପାଟି ମିଚି କାତା ଜ଼ଲାନେରି, ଆତିହିଁ ମିଙ୍ଗେ ତାକି ନେହେଁ । ରା଼ହାଁ ଆ଼ହାଁ ଏ଼ନ୍ଦାଦୁ, ଏ଼ନାଆଁତାକି ଇଚିହିଁ ଲାକପୂରୁତା ମୀ ତାକି ହା଼ରେକା ଦା଼ନା ମାନେ; ଏଲେକିହିଁଏ, ମୀ ନ଼କିତି ମାହାପୂରୁ ଅଣ୍ପୁତି ବ଼ଲୁ ୱେହ୍ନାରାଇଁ ଜିକେଏ ଇଲେକିହିଁ ନିନ୍ଦା କିହାମାଚେରି ।
ଲାକପୂରୁ ରା଼ଜିତା ଆମ୍ବାଆସି କାଜାସି
ଏଚିବେ଼ଲା ସୀସୁୟାଁ ଜୀସୁ ତା଼ଣା ୱା଼ହାଁ ୱେଚେରି, "ଆତିହିଁ ଲାକପୂରୁ ରା଼ଜି ଆମ୍ବାଆସି କାଜାସି ?"
ଏ଼ୱାସି ର଼ ଊଣା କକାଣାଇଁ ଡାଗେ ହା଼ଟାହାଁ ନିପ୍ହାଁ ଏଲେଇଚେସି, "ନା଼ନୁ ମିଙ୍ଗେ ସାତା ୱେସିମାଞ୍ଜାଇଁ, ମୀରୁ ୱେଣ୍ତେ ର଼ ଊଣା କକାଣି ଲେହେଁ ଆ଼ଆତିହିଁ, ଏ଼ନିଜିକେଏ ଲାକପୂରୁ ରା଼ଜିତା ହ଼ଡାଲି ଆ଼ଡଅତେରି । ଈଦାଆଁତାକି ଆମ୍ବାଆସି ଈ ଊଣା କକାଣି ଲେହେଁ ତାଙ୍ଗେତାକି ଊଣା କିହାକଡିନେସି, ଏ଼ୱାସି ଲାକପୂରୁ ରା଼ଜିତା କାଜାସି ।
ସାମା ଜୀସୁ ଏଲେଇଚେସି, "କକାରି ପ଼ଦାଁଣି ନା଼ ତା଼ଣା ୱା଼ହାଲି ହୀଦୁ, ଏ଼ୱାରାଇଁ ଆ଼ଂଗାଆଦୁ, ଏ଼ନାଆଁତାକି ଇଚିହିଁ ଲାକପୂରୁ ରା଼ଜି ଏଲେତାରାୱାୟି ।"
ଏଚେଟିଏ ଜୀସୁ ତାନି ସୀସୁୟାଁଇଁ ଏଲେଇଚେସି, "ନା଼ନୁ ମିଙ୍ଗେ ସାତା ୱେସିମାଞ୍ଜାଇଁ, ଦ଼ନ ଗାଟାରି ଲାକପୂରୁ ରା଼ଜିତା ହ଼ଡାଲି ହା଼ରେକା କସ୍ତ ଆ଼ନେ । ଅ଼ଡ଼େ ୱେଣ୍ଡେ ନା଼ନୁ ମିଙ୍ଗେ ୱେସିମାଞ୍ଜାଇଁ, ମାହାପୂରୁତି ରା଼ଜିତା ଦ଼ନଗାଟାରି ହାନି କିହାଁ ଊଟୁ ସୂଜା କା଼ଣିଟି ହ଼ଡା ହାନାୟି ଊସାସା ଆ଼ନେ ।"
ସୀସୁୟାଁ ଈ କାତା ୱେଞ୍ଜାହାଁ କାବାଆ଼ହାନା ଏଲେଇଚେରି, "ଆତିହିଁ ଆମ୍ବାଆସି ଗେଲ୍ପି ଆ଼ହାଲି ଆ଼ଡିନେସି ?"
ଜୀସୁ ଏ଼ୱାରାଇଁ ସିନିକିହାଁ ଏଲେଇଚେସି, "ଈଦି ମାଣ୍ସିତାକି ଆ଼ଆଗାଟାୟି, ସାମା ମାହାପୂରୁ ତାକି ବାରେ ଆ଼ନେ ।"
ଏ଼ ନା଼ ଜୀୱୁତି ତାୟିୟାଁ ଅ଼ଡ଼େ ତାଙ୍ଗିସ୍କା, ୱେଞ୍ଜୁ, ମାହାପୂରୁ ଈ ଦାର୍ତିତା ବାତ୍କୁ ହିଲାଆଗାଟାରାଇଁ ତାମି ନାମୁତା ଦ଼ନ ଗାଟାରି ଆ଼ହାଲି, ଅ଼ଡ଼େ ତାନି ଜୀୱୁନ଼ହିଁ ମାନାରାଇଁ ଆମିନି ରା଼ଜି ହୀହାଲି ଆ଼ଞ୍ଜାମାନେସି, ଏମ୍ବାତି ଅଦିକାରା କିହାଲି ଆ଼ଚା ହିଲଅସି ?
ସାମା ବାରେତି ଲାକ ମାନାଣି ସୁଦୁ ଲ଼କୁତି ରା଼ଜି ବେଟାଆ଼ନେରି, ଅ଼ଡ଼େ କା଼ଲାକା଼ଲା ତାକି, ଇଚିହିଁ, କା଼ଲେଏ ତାକି ରା଼ଜି ସା଼ଲୱି କିନେରି।"
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
ନା଼ନୁ ମିଙ୍ଗେ ଏଚେଲାୱା ପୁଞ୍ଜାମାଞ୍ଜଅଁ
"ନାଙ୍ଗେ ‘ପ୍ରବୁ, ପ୍ରବୁ’ ଇଞ୍ଜିଁ ହା଼ଟାନେରି, ଏଲେତି ବାରେଜା଼ଣା ଲାକପୂରୁ ରା଼ଜିତା ହାଲଅରି, ସାମା ଆମ୍ବାଆରି ନା଼ ଲାକପୂରୁତି ଆ଼ବା ୱେସ୍ତି କାତା ମା଼ନୱି ଆ଼ନେରି, ଏ଼ୱାରି ହାଜାଲି ଆ଼ଡିନେରି ।
ଏ଼ନାଆଁତାକି ଇଚିହିଁ ଆମ୍ବାଆସି ଈ ହୁକୁମିଟି ର଼ ଊଣା ହୁକୁମି ମା଼ନୱି ଆ଼ଅସି ଅ଼ଡ଼େ ଲ଼କୁଇଁ ଏଲେକିହିଁଏ ଜା଼ପ୍ନେସି, ଏ଼ୱାସି ଲାକପୂରୁ ରା଼ଜିତା ଊଣା ଇଞ୍ଜିଁ ୱେ଼ଙ୍ଗିନେସି; ସାମା ଆମ୍ବାଆସି ମା଼ନୱି ଆ଼ନେସି ଅ଼ଡ଼େ ଜା଼ପ୍ନେସି ଏ଼ୱାସି ଲାକପୂରୁ କାଜାସି ଇଞ୍ଜିଁ ୱେ଼ଙ୍ଗିନେସି । ଏ଼ନାଆଁତାକି ଇଚିହିଁ ନା଼ନୁ ମିଙ୍ଗେ ୱେସିମାଞ୍ଜାଇଁ, ମୀ ଦାର୍ମୁ ମେ଼ରା ପୁନାରି ଅ଼ଡ଼େ ପାରୁସିୟାଁ ଦାର୍ମୁ କିହାଁ ମୀ ନାମୁ ହା଼ରେକା ଆ଼ଆତିହିଁ, ମୀରୁ ଜିକେଏ ଲାକପୂରୁ ରା଼ଜିତା ହ଼ଡାଲି ଆ଼ଡଅତେରି ।
ଅ଼ଡ଼େ ମୀରୁ ଇଲେକିହିଁ ପ୍ରା଼ତାନା କିଦୁ;
ଏ଼ ମା଼ ଲାକପୂରୁତି ଆ଼ବା,
ନୀ ଦ଼ରୁ ନେହାୟି ଇଞ୍ଜିଁ ମା଼ନୱି ଆ଼ପେ;
ନୀ ରା଼ଜି ୱା଼ପେ;
ଲାକପୂରୁତି ଲେହେଁ ଦାର୍ତିତା ଜିକେଏ ନୀ କାତେଏ ଆ଼ପେ,
ବାପ୍ତିସ୍ମ ହୀନି ଜହନତି ୱେ଼କ୍ନାୟି
ଏ଼ ବେ଼ଲାତା ବାପ୍ତିସ୍ମ ହୀନି ଜହନ ଜୀହୁଦା ଦେ଼ସାତି ବାଃଲି ବାଟାଟି ୱା଼ହାଁ ବ଼ଲୁ ୱେ଼କ୍ହାଲି ମା଼ଟ୍ହେସି । "ପା଼ପୁ ପିସାହାଁ ମ଼ନ ୱେଟ୍ହା କଡାଦୁ, ଇଚିହିଁ ଲାକପୂରୁ ରା଼ଜି ଏଗାୱା଼ହିମାନେ ।"
ଏ଼ ବେ଼ଲାଟିଏ ଜୀସୁ ତାନି କାତା ୱେ଼କ୍ହାଲି ମା଼ଟ୍ହେସି, "ମୀ ପା଼ପୁ ପିସାହାଁ ମ଼ନ ୱେଟ୍ହା କଡାଦୁ, ଏ଼ନାଆଁତାକି ଇଚିହିଁ ଲାକପୂରୁ ରା଼ଜି ଏଗାୱା଼ହିମାନେ ।"
ଏ଼ୱାରିତା଼ଣା ହାଜୁ ଅ଼ଡ଼େ ୱେ଼କ୍ଦୁ ଲାକପୂରୁ ରା଼ଜି ଏଗାୱା଼ହିମାନେ ।
ସାମା ନା଼ନୁ ମିଙ୍ଗ ୱେସିମାଞ୍ଜାଇଁ, ହା଼ରେକା ଲ଼କୁ ୱେ଼ଡ଼ା ହ଼ପୁ ୱାକିଟି ଅ଼ଡ଼େ ୱେ଼ଡ଼ା କୂଡ଼୍ନି ୱାକିଟି ୱା଼ହାଁ ଅବ୍ରାହାମ, ଇସାହାକ ଅ଼ଡ଼େ ଜାକୁବ ତଲେ ଲାକପୂରୁ ରା଼ଜିତା ତିଞ୍ଜାଲି କୁଗିନେରି ।
ନା଼ନୁ ମିଙ୍ଗେ ସାତା ୱେସିମାଞ୍ଜାଇଁ, ନୀଞ୍ଜୁ ପାତେକା ଈ ଦାର୍ତିତା ଏଚେକା ଜାର୍ନା ଆ଼ହାମାନେରି, ଏ଼ ବାରେଜା଼ଣା କିହାଁ ବାପ୍ତିସ୍ମ ହୀନି ଜହନ କାଜାସି; ଆ଼ତିଜିକେଏ ଲାକପୂରୁ ରା଼ଜିତା ଆମ୍ବାଆସି ବାରେକିହାଁ ଊଣା, ଏ଼ୱାସି ଜହନ କିହାଁ କାଜାସି । ବାପ୍ତିସ୍ମ ହୀନି ଜହନତି କାତା ୱେହ୍ନି ଦିନାଟିଏ ନୀଞ୍ଜୁପାତେକା ଲାକପୂରୁ ରା଼ଜି ବା଼ଡ଼୍ୟୁ ତଲେ ପାଡାଆ଼ହିମାନେ; ଇଞ୍ଜାଁ ବା଼ଡ଼୍ୟୁଟି ଆସାମାନାରି ଏ଼ଦାଆଁ ବେଟାଆ଼ହାଲି ଅଣ୍ପିମାନେରି ।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
ଈଦାଆଁତାକି ୱା଼ଦୁ ୱୀଡାଆଗାଟି ରା଼ଜିତି ବେଟାଆ଼ହାଁ ମା଼ର ଏ଼ କାର୍ମାତି ପିହ୍ଆପ ଇଞ୍ଜାଁ ରା଼ହାଁତଲେ ଆଜି ଅ଼ଡ଼େ ମା଼ନିଟି ମାହାପୂରୁ ରା଼ହାଁ ଆ଼ନିଲେହେଁ ଜହରା କିନ । ଏ଼ନାଆଁତାକି ଇଚିହିଁ ମା଼ ମାହାପୂରୁ ନା଼ସାକିନି ହିଚୁ ଲେହେଁତାସି ।
ଈଦାଆଁତାକି, ଏ଼ ତାୟି ତାଙ୍ଗିସ୍କା, ମାହାପୂରୁ ମିଙ୍ଗେ ଆ଼ଚାହାଁ ହା଼ଟାମାଞ୍ଜାନାଣି ଅ଼ଡ଼େ ମ଼ନତି ଅଣ୍ପୁ ତୀରି କିହାଲି ହା଼ରେକା ଜାତ୍ନୁ ଗାଟାତେରି ଆ଼ଦୁ; ଇଲେ କିତିସାରେ ମୀରୁ ଏଚେଲା ଜିକେଏ ମୀ ନାମୁତା ଊଣା ଆ଼ଅତେରି । ଇଞ୍ଜାଁ ଇଲେକିହିଁଏ ମା଼ ପ୍ରବୁ ଅ଼ଡ଼େ ଗେଲ୍ପାନି ଜୀସୁ କ୍ରୀସ୍ତତି କା଼ଲାକା଼ଲାତି ରା଼ଜିତା ରା଼ହାଁତଲେ ହାଜାଲି ମିଙ୍ଗେ ହୀପ୍କି ଆୟାନେ ।
ପ୍ରବୁ ନାଙ୍ଗେ ବାରେ ଲାଗେଏ କାମାଟି ଗେଲ୍ପାନେସି, ଅ଼ଡ଼େ ନାଙ୍ଗେ ଗେଲ୍ପାହାଁ ତାନି ଲାକପୂରୁ ରା଼ଜିତା ଅୟାନେସି; ଏ଼ୱାଣି ଗା଼ୱୁରମି କା଼ଲାକା଼ଲା ତାକି ଆ଼ପେ! ଆ଼ମେନ୍ ।
ଲାକପୂରୁତି ଦ଼ନ
ଏ଼ ଊଣା ମେ଼ଣ୍ତାୟାଁ ମାନ୍ଦାତେରି ଆଜାଆଦୁ, ଇଚିହିଁ ମିଙ୍ଗେ ଏ଼ ରା଼ଜିତି ହୀହାଲି ମୀ ଲାକପୂରୁତି ଆ଼ବାକି ଏଚେକା ରା଼ହାଁ ।
ଇଚିହିଁ ମୀରୁ ସାତେଏ ପୁଞ୍ଜାମାଞ୍ଜେରି, ଏମିନି ଦା଼ରି କାମାକିନାସି କି ଲାଗେଏତି କାମାକିନାସି କି ହା଼ରେକା ଜୂପ୍କା ଆ଼ନାସି ଏ଼ୱାସି ପେ଼ଣ୍କା ବମାୟାଁତି ପୂଜା କିନାସି, ଏଲେତି ଲ଼କୁକି କ୍ରୀସ୍ତ ଅ଼ଡ଼େ ମାହାପୂରୁତି ରା଼ଜିତା ଅଦିକାରା ହିଲେଏ ।