Reino dos céus

Hala da Ngama Ifisigwe

44 "Undewa wa Kuulanga ulinga na ngama ifisigwe mumgunda. Na munhu imwe viyaiwene, kaifisa kabili, mkudeng’ha kachola kuguza vinhu vake vose viyalinavo, na kuugula mgunda uja.

Hala da Lulu

45 "Vivija, Undewa wa Kuulanga ulinga na mchuluzi yozahila lulu zinogile, 46 na viyaiwene lulu imwe ya hela bwando, kachola na kuguza vinhu vake vose viyalinavo, na kuigula.

Hala da Mbeyu ya Haladali

31 Yesu kawalongela hala diyagwe, "Undewa wa Kuulanga ulinga na mbeyu ya haladali yaaisolile munhu na kuihanda mumgunda wake. 32 Mbeyu ndodo kubanza zose, ila ihakula yowa mche mkulu kubanza miche yose mkihati na hata kuwa biki kulu. Avo ndege wa kuulanga wokwiza na kuzenga mvulu mmatambi gake."

Hala da Mela

33 Yesu kawalongela hala diyagwe, "Undewa wa Kuulanga ulinga na mela dodo diyasolile mtwanzi na kuditibuliza muna ivibaba vidatu va usage mbaka tonge jose dilulumuka."

Hala da Lolo

24 Yesu kawalongela hala diyagwe, "Undewa wa Kuulanga ulinga na munhu yahandile mbeyu inogile mumgunda wake. 25 Ila wanhu wose viwakalile wawasile, mdumuka wake keza kahanda lolo muingano, abaho, kachola. 26 Ija ingano viyotile na kusonga kufumula, idilolo disonga koneka. 27 Nyakadala wa ija mwene mgunda keza kamulongela, ‘Mndewa, huhandile mbeyu zinogile mumgunda wako? Dilolo dilawa kwahi?’ 28 Kamwidika, kamulongela, ‘Mdumuka iyo yatendile vino.’ Abaho, ija inyakadala kamuuza, ‘Kolonda tweye tuchole tukading’ole dilolo?’ 29 Kamulongela, ‘Bule, kwavija kipigiti vondamding’ole dilolo, moding’ola hamoja na ingano. 30 Leka ingano na idilolo vose vikule hamoja mbaka kipigiti cha kuhuna. Na kipigiti hicho nowalongela wahunaji, tanhu dilundizeni idilolo, mdifunge makinzamakinza mkadisome moto, abaho, ilundizeni ingano mkaike kukano jangu.’ "

Nhegulo ya Dihala da Idilolo

36 Abaho, Yesu kadileka didale da wanhu, kengila mng’anda. Wanahina zake wamkwenhukila wamulongela, "Tulongele nhegulo ya dihala da idilolo da kumgunda."

37 Yesu kawalongela, "Imunhu yahandile imbeyu inogile iyo nie, Mwana wa Munhu, 38 umgunda uwo ulumwengu, na imbeyu inogile iyo wana wa Undewa wa Kuulanga, na idilolo dijo wanhu wa Mwenembago, 39 na imdumuka yahandile idilolo iyo Mwenembago. Gakuhuna gago zua da kimambukizo, na iwahunaji wao wasenga wa Mulungu wa kuulanga. 40 Kamba vija idilolo vidilundizwe na kusomigwa moto, vivo vondaiwe muna dizua da kimambukizo. 41 Nie, Mwana wa Munhu, nowalagiza wasenga zangu wa kuulanga wavikunzanye na kuvilava hanze ya Undewa wake vija vose viwatenda wanhu watende vilozo, na waja wose watenda vilozo 42 na kuwasa mditanuli da moto. Ako kowa na kililo na kugegedula meno. 43 Abaho, wanhu wamnogele Mulungu wonang’hazika kamba zua Muundewa wa Tataao. Munhu yali na magwiti na yahulike!

Hala da Nhando

47 "Vivija, Undewa wa Kuulanga ulinga na nhando itandigwe m’bahali na kunamata somba wa namna zose. 48 Inhando viimemile, waikwekwesa waigala mhwani, abaho, wakala hasi na kuwabagula iwasomba, wanogile waweka muna imigelo na wehila wawasa. 49 Vivo vondaiwe mdizua da kimambukizo, wasenga wa Mulungu wa kuulanga wokwiza na kuwabagula wanhu wehile kulawa mwa wanhu watendile ganogile, 50 na kuwasa wanhu wehile mditanuli da moto. Ako kowa na kililo na kugegedula meno."

Deng’ho da Kweli

3 "Wamota waja wakumbulu wa loho,*

kwavija Undewa wa Kuulanga uli wao!

4 Wamota waja wose wali na giogio,

kwavija wobwezigwa imioyo!

5 Wamota waja wali na mioyo iholile,

kwavija woihala isi!

6 Wamota waja wose wali na nzala na ng’hilu ya kutenda ganogile,

kwavija wokwigutizwa!

7 Wamota wali na bazi,

kwavija wokonelwa bazi!

8 Wamota wali na mioyo ing’alile,

kwavija womona Mulungu!

9 Wamota wagombelezi,

kwavija wokemigwa wana wa Mulungu!

10 Wamota awo wogazigwa sama ya kutenda ganogile,

kwavija Undewa wa Kuulanga uli wao!

11 "Mmota mweye haja wanhu wahawaliga, na kuwagaza, na kuwavwizila mbuli zose zihile sama yangu. 12 Deng’heleleni na kutoa ng’henze, kwavija nhunza yenu yowa ng’hulu kuulanga. Kwavija vino vivo wagazigwe wahokozi wawalongole.

Yalihi Yali Mkulu Kubanza Wose?

1 Kipigiti kija wanahina wamcholela Yesu wamuuza, "Yalihi yali mkulu kubanza wose muna Uundewa wa Kuulanga?" 2 Yesu kamkema mwana mdodo, abaho, kamwika haulongozi wao, 3 kalonga, "Nowalongela ikweli, ihawa hamulonda kugaluka na kulinga kamba wana wadodo, hamdaha kwingila muna Uundewa wa Kuulanga. 4 Munhu yoyose yokiihumulusa kamba mwana ino, iyo mkulu kubanza wose muna Uundewa wa Kuulanga.

14 Yesu kalonga, "Walekeni wana wadodo weze kumwangu, sambimuwagomese, kwavija Undewa wa Kuulanga uli wa wanhu wali kamba wano."

23 Abaho, Yesu kawalongela wanahina zake, "Nowalongela ikweli, yowa vidala mgoli kwingila muna Undewa wa Kuulanga. 24 Nowalongela mwanza uyagwe, vibuha ngamia kubita mkizonzo cha shindano, kubanza mgoli kwingila Muundewa wa Mulungu."

25 Wanahina viwahulike vino, wakanganya ng’hani na kuuza, "Avo, yalihi yodaha kukomboligwa?"

26 Yesu kawalola kalonga, "Mwa wanhu mbuli ino haidahika, ila ha Mulungu mbuli zose zodahika."

5 Tegelezeni, ndugu zangu wanogelwa! Mulungu hawasagule wakumbulu wa ulumwengu uno wawe wagoli mnhamanila? Hewo sio awo wondawauhale undewa uja Mulungu uyekile kilagano na waja womnogela heyo?

Siwatangile Mweye

21 "Sio kila munhu yonikema, ‘Mndewa, Mndewa’ yondayengile muna Uundewa wa Kuulanga, ila heyo yogatenda gaja goyolonda Tataangu wa kuulanga.

19 Avo, munhu yoyose yoleka kutenda ndagizi imwe ili ndodo, na kuwafundiza wanhu sambiwaitende, munhu iyo kokemigwa mdodo muna Undewa wa Kuulanga. Ila munhu yoyose yondayazitende ndagizi zino na kuzifundiza, munhu iyo kokemigwa mkulu muna Undewa wa Kuulanga. 20 Kwavija nowalongela, mbuli zenu zilibule uzenzeleganye zihaleka kuzibanza zija za Mafalisayo na wafundiza Malagizo ga Musa, hamdaha kwingila Muundewa wa Kuulanga.

9 Avo tambikeni kamba vino,

‘Tata wetu wa kuulanga,

twaga jako diyenzigwe,

10 Undewa wako wize,

chuulonda kitendeke muisi kamba viili kuulanga.

Yohana M’batiza Kowapetela Wanhu

1 Mazua higo Yohana M’batiza keza, yowapetela wanhu mkiwala cha Yudea, 2 kalonga, "Lekeni vilozo venu, kwavija Undewa wa Kuulanga ukwenhuka!"

17 Songela kipigiti kija Yesu kasonga kuwapetela wanhu yolonga, "Lekeni vilozo venu, kwavija Undewa wa Kuulanga ukwenhuka!"

7 Ako kumchola, peteni mulonga, ‘Undewa wa Kuulanga ukwenhuka!’

11 Nowalongela kamba wanhu bwando wokwiza kulawa haulawilo wa zua na hauswelo wa zua* na wokala hana ulusona hamoja na Ablaham, Isaka, na Yakobo Muundewa wa Kuulanga.

11 Nowalongela ikweli, mmwanza wa wanhu wose waleligwe na watwanzi, haduhu yali mkulu kubanza Yohana M’batiza. Ila munhu yali mdodo kubanza wose muna Undewa wa Kuulanga iyo mkulu kubanza heyo. 12 Songela kipigiti cha Yohana M’batiza mbaka sambi, Undewa wa Kuulanga wokwingilwa na mhiko, na wanhu wali na mhiko wogeza kuusamha.

28 Avo natulave hewela, kwavija tobokela undewa uja haudaha kutigisika. Natumuheweze Mulungu na kumtambikila mnzila yondaimnogele na hishima na kidumbo. 29 Kwavija Mulungu wetu iyo moto usakaza.*

10 Avo, ndugu zangu, iyoheni ng’hani kulagusa kamba mweye kweli mwa mmwanza wa wanhu mkemigwe na kusaguligwa na Mulungu. Zitendeni mbuli zino, na mweye hamuileka nhamanila yenu. 11 Kwavija mkutenda vino, motogozigwa kwingila Muundewa wa digunge wa Mndewa na Mkombola wetu Yesu Kilisto.

18 Mndewa konikombola kulawa mzimbuli zose zihile na kunisola mkuniimiliza na kunigala kuna uundewa wake wa kuulanga. Yenzi iwe kumwake milongo yose. Amina.

Mali Kuulanga

32 "Sambimdumbe, mweye dale dodo, kwavija Tata wenu kanogelwa kuwagwelela mweye Undewa wake.

5 M’vitange kamba haduhu munhu mgoni ama munhu yotenda mbuli zihile ama munhu yosulukila vinhu bwando, nhegulo yake munhu yoitambikila miwegu, yondayauhale Undewa wa Kilisto na wa Mulungu.