Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
लिकायेल खेजानान किस्सो
हेरगान राज खेता माय लिकायेल खेजानान गेत हे। एक माणुह ता खेजानाह देखीन लिकाड़ दिनो। तेवी तो खुस एन तान आखो मालदेन वेच देनो, एने ता खेताह वेचातो लेय लेदो।
मोंगाला हिरामोतीन किस्सो
हेरगान राज, हिरामोतीह होदणारा एक वेपारीन गेत हे। जेवी ताह एक मोंगालो हिरामोती जुड़नो, ते तो गेर जाईन तान आखो मालदेन वेचीन ता खेताह वेचातो लेय लेदो।
राईन बिजान किस्सो
यीशु ताह उंजु एक किस्सो केयो, "हेरगान राज राईन दाणान गेत हे, एक माणुह ता दाणाह ली जाईन तान खेताम पेरेह। राईन दाणो आखा बिजाह रेन आत्यो ते रेणे, पुण जेवी वोदणे। तेवी सोब बाजी पालाह रेन ओहलो मोठो जाड़ पोहाणे, काय चीड़ा बी पांजरो बाणावीन रेतेह।"
खमीर ने किस्सो
यीशु ताह उंजु एक किस्सो केयो, "हेरगान राज खमीरान गेत हे, ताह एक बायकु लेन चालीह पायलान फिटा माय बेचकी देनी, तेवी आखो फिट खमीर बोण गीयो।"
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
जेंगली बिजान किस्सो
यीशु ताह उंजु एक किस्सो केयो: "हेरगान राज ता माणहान गेत हे, जो तान खेताम हाजालो बियारो पेरेह। पुण राती आखा माणहे हुव जातेह, ते तान दुसमोन खेताम आवीन जेंगली दाणा पेर दिथे। जेवी हुका निकेलना एने केणहे लागा, तेवी जेंगली दाणान टोटाला बी वोदीन देखाना। ता खेतान मालक्याह तान पावोर आवीन केया, ‘मालीक, काय तु तार खेता माय हाजाला दाणा नाह पेरेल इतो? ते जेंगली दाणान टोटाला कारीन आवा?’ मालीक ताह केयो, ‘ज्य एगदा दुसमोनान काम हे,’ ता जापाप आप्या, ‘काय तारी मोरजी हे काय आमु जाईन ता टोटालाह उखाल दिज्यो।’ मालीक ताह जापाप आप्यो, ‘मा,’ ओहलो नाय एय काय जेंगली दाणान टोटाला हेऱ्या, तुमू गोवान टोटालाह उखाल दिहो। काटणेन टेम वोर दुयूह एकठास वोदणे दिवो। एने गोव काटणारे मोंजऱ्याह किज्यो, काय पेल जेंगली दाणान टोटालाह हेलगाड़नेन केरता उखालीन पुला बांद लिवो, एने गोवान दाणाह मार मोटक्याम टुलो किरो।"
जेंगली बिजान किस्सान व्याख्या
तान पासाण यीशु माणहान गेरदीह सोड़ीन गेराम गीयो, तेवी तान चेला आहने आवीन केया, "जेंगली दाणान किस्सान मतलब आमुह सोमजाड़ दे।"
यीशु ताह जापाप आप्यो, "हाजाला दाणा पेरनार मी माणहान बिटोख हे; देरती खेत हे, हाजाला दाणा बोगवानान राज ने सोरा हेते, एने जेंगली दाणा सैतानान सोरा हेते; एने जेंगली दाणा पेरनार सैतान हे, काटणे बुखेत ज्यी देरतीन सेवल्यो दिह हे, उंजु काटणारे हेरोगदुत हेते। जिहकेरीन जेंगली दाणाह उखालीन हेलगाड़ देणु, तिहेस केरीन ज्यी देरतीन सेवल्यो दिह बी रेय: मी माणहान बिटोख मार हेरोगदुताह मोकलुह, ता मार राज माय आखा खाराब काम केरनाराह, एने दिहराह पाप केरनाराह एकठा केरती, ओवता ताह बाहेर निकालीन देदेकताली आक्ठीन बाठी माय टाक देती, ताहरी रेड़नो एने दात केकड़ावणो रेय। तुलबूखे देरमी माणहे बोगवानान राज माय दिह्यान गेत चोमेकती। जान कान एय, ता होमली लेय।"
मासा देरनारान जालान किस्सो
ओवतो हेरगान राज मासा देरनारा जालान गेत हे। ताह देरीया माय टाकणु, एने जाल आखी बातीन मासाह ली आवेह। एने जेवी जाल बोराय जाणे, ते मासऱ्या जालाह खेचीन बाहेर काड़ लेणु, एने ता बोहीन हाजाला मासाह निवाड़ेन ठामला माय टुलो केऱ्या, पुण खाराब मासाह जुगार देना। ज्यी देरतीन सेवल्या दिह्याम ओहलोस एय; एने हेरोगदुत आवीन पापी माणहाम रेन देरमी माणहाह आंगे केरती एने हेरोगदुत पापी माणहाह नेरगान आक्ठीन बाठी माय टाक देती, ताहरी ता रेड़ती, एने दात केकड़ावती।
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
बोरकेतवालो वचन
"बोरकेतवाला हेते ता जा मोनान गेरबोड़ा हेते;
काहाकाय हेरगान राज ताच ने हे!
बोरकेतवाला हेते ता जा दुख मोणावतेह;
काहाकाय ताह सान्ती जुड़ी!
बोरकेतवाला हेते ता जा नम्र हेते;
काहाकाय ता देरतीन वारीस बोणती!
बोरकेतवाला हेते ता जा देरमान बुखल्या एने तीहल्या हेते;
काहाकाय ता आफरी जाती!
बोरकेतवाला हेते ता जा गीण केरनारे हेते;
काहाकाय ता पोर गीण केराय!
बोरकेतवाला हेते ता जान मोन चोखो हे;
काहाकाय ता बोगवानाह देखती!
बोरकेतवाला हेते ता, जा मेल केरावणारे हेते;
काहाकाय ता बोगवानान सोरा केवाती!
बोरकेतवाला हेते ता जा पोर देरमान केरता सेताव आवेह;
काहाकाय हेरगान राज ताच ने हे!
"बोरकेतवाला हेते तुमू; जेवी माणहे मार केरता तुमरी चिहटा केरती, एने सेतावती एने मार केरता तुमरा विरोद माय जुठ बोली बोलीन तुमरी विरोद माय आखी बातीन खाराब वातु केती।" तुलबूखे आनन्दित एने खुस ईज्यो, काहाकाय तुमरी केरता हेरगा माय मोटलो ईनाम हे; एने तुमूह रेन पेल जा जाणकार एता ताह बी ता इहीचकेरीन वेला केरायेल एता।
हेरगान राज माय मोटलो कुण?
तुलबूखे चेला यीशु फाय आवीन फुसणे बाज गीया, "हेरगान राज माय आखाम रेन मोठो कुण हे?"
ज्य होमलीन यीशु एक आतल्या सोराह हादिन तान विचीम उबो किऱ्यो, एने केयो, "मी तुमूह खेरीच केथु काय, जाह वोर तुमू नाय बुदेलहो एने सोरान गेत नाय बुणहो, तुमू हेरगान राज माय जाय नाय सिकहो। जो कुण आपणे आपाह ज्या सोरान गेत आत्यो केरी, तो हेरगान राज माय मोठो रेय।
यीशु केयो, "सोराह मार फाय आवणे दिवो, ताह मा रूकहो, काहाकाय हेरगान राज ओहलाच ने हे।"
तेवी यीशु तान चेलाह केयो, "मी तुमूह खेरीच केथु, काय मालदाराह हेरगान राज माय जाणेन जुलूम केठीण हे। तुमूह पुशो केथु काय बोगवानान राज माय मालदाराह जाणे रेन उटड़ाह हुईन डोसा माय रेन सेरकी जाणे होपो हे।"
ज्य होमलीन चेला जुलूम बोंगलायीन केया, "ओवतो कुणीन सुटकारो एय सिकेह?"
यीशु तान उगे देखीन केयो, "ज्यो माणहान केरता केठीण हे, पुण बोगवानान केरता कायच केठीण नाह सोतो।"
एय मारा मोंगाल्ला बाय बोणहा, हुमलो काय बोगवान दुनियान नेजरीम जा गेरीब हेते ताह निवाड्यो काय बोरहा माय मालदार एने ता राज ने आदिकारी एय, जान वायदो तो ता हिऱ्यो किरेल हे जा ता पोर मोंग केरतेह?
पुण बोगवानान चोखाला माणहे ता राज्याह सापड़ावती, एने कायेम तान आदिकारी बोणीन रेती।"
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
मी तुमूह नाह जाणेत
जा माहु, "एय मालीक, एय मालीक केतेह," ता माय रेन एक बी हेरगान राज माय जाय नाय सेकी, पुण तास जाय सेकती जा मारा हेरगावाला आबाख ने मोरजी पोर चालती।
तानकेरता जो कुण ज्या आत्याम रेन आत्यो उकुमा माय रेन काल्लो बी एक तोड़ी, एने तिहेच केरीन माणहाह हिकाड़ी, तो हेरगान राज माय आखाम रेन आत्यो केवाय; पुण जो कुण ता उकुमान पालेन केरी एने ताह हिकाड़ी, तोच हेरगान राज माय मोठो केवाय। काहाकाय मी तुमूह केथु, "केदी तुमरो देरमी पोण देरेमगुरू एने फरिसीन देरमाह रेन वोदीन नाय रेय, ते तुमू हेरगान राज माय केदी जाय नाय सिकहो।"
ओवता तुमू इहकेरीन विन्ता किरज्यो:
"एय आमरा आबा तु जो हेरगा माय हे,
तारो नाव चोखालो मानाय जाय;
तारो राज आवी;
एने तारी मोरजी जिहकेरीन हेरगा माय पुरी ईथे, तिहेस केरीन देरती पोर बी एय।
बपतीस्मा केरनार योहानान पारचार
ता दिह्या माय बपतीस्मा केरनार योहान आवीन यहुदियान जेंगला माय ज्यो पारचार केरने बाज गीयो: "तुमरा पापाह सोड़ीन तुमू मोन फिरावो, काहाकाय हेरगान राज आहने आव लागेल हे!"
तुलबूखे रेन यीशु खोबरीन पारचार सुरू केर दिनो, "तुमरा पापाम रेन मोन फिरावो, काहाकाय हेरगान राज आहने आव लागेल हे।"
एने चालते चालतेन ज्यो पारचार किरो, ‘हेरगान राज आहने आव लागेल हे!’
एने मी तुमूह केथु काय जुलूम माणहे पुर्व एने पश्चिम रेन आवीन अब्राहाम, इसहाक, एने याकुब हेऱ्या हेरगान राज ने खाणा माय बोहती।
मी तुमूह खेरीच केथु काय जा बायकुम रेन पायदा ईयेल हेते, ताम रेन बपतीस्मा केरनारा योहानाह रेन कुणूस मोठो नाह ईनो; पुण जो हेरगान राज माय आत्याह रेन आत्यो हे तोस ताह रेन मोठो हे। योहान बपतीस्मा केरनारान टेम रेन एवी वोर हेरगान राज माय जोरलेन रिगणो एतेन आयेल हे, एने ताकेतवाला ताह सांडाड़ लेतेह।
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
जेवी आपुह एक ओहलो राज जुड़ने बाजरेनोह जो केदी आलेस नाय। ते आवो आपु दन्यवादी एय जाता, एने बोक्ती, एने बिय हेऱ्या बोगवानान ओहली आरादना केरता जाकेरीन तो खुस ईथे; काहाकाय आपणो बोगवान खेतेम केरनार आक्ठो हे।
तानकेरता एय बाय बोणहा, तुमरी हादावणीन एने तुमरी निवोड़ मोजबुत केरनेन उंजु जादा कोसीत केरती जावो, काहाकाय केदी इहकेरीन किरहो ताहार केदी बी ठोकेर नाय खाहो। एने इहीचकेरीन केरीन आपणो मालीक एने सोड़ेवणार यीशु मसीन जेलेमक्यो राज माय मोटलो मान सम्मान एते लेन तुमरो रिगणो रेय।
मालीक माहु आखा खाराब कामाह रेन सोड़ीव लेय, एने तान हेरगान राज माय होमालीन पोचाड़ी। तान जेलेम बोड़ाय एते रेय। आमेन।
हेरगान मालदेन
एय मार आतल्या टोलान माणहे मा बिवो, काहाकाय तुमरो आबोख तुमूह बोगवानान राज आपेह।
काहाकाय तुमू ज्यो हास केरीन जाणतेह काय सिनालो केरनारे, एठा एने लोब केरनारे माणहान, जो मुरती पुजान बाराबोर हे, मसी एने बोगवानान राज माय काल्लोस हिस्सेदार नाय मीले।