Reino dos céus

लुम्पा क्युन द्रिस्तान्त

44 "स्वर्गन राज्य कान खेदीग लुम्‌लुम नाम्पान लुम्पा क्यु लैम जेङ्पा। कन सिमि तीपाई दोदो क्युक्यु नान्नान, रे नु स्याङ्स्याङ नु वैनान रे जेँन ङ्याबो ङिह्पान तैस्याङ पुरूव र्‌युह्बो रे मन खेः र्‌युप्पो।"

मकेकुकेन कुम्म मोतीन द्रिस्तान्त

45 "ह्‌याङ, स्वर्गन राज्य ती ब्यापारी लैम जेङ्पा, सुई मोती लःव फाप्पो। 46 तीँ मन ब्यपारीजै ती मकेकुकेन कुम्म मोती देप्पो। रे नुई वैवै जेँन ङ्याबो रह्पान तैस्याङ पुरू र्‌युर्‌र्‌युई मन मोती र्‌युह्बो।"

रायोन र्‌यु रे सोरान द्रिस्तान्त

31 येसुई ख्युकाङ्मोः घङ द्रिस्तान्त र्‌वाबो, "स्वर्गन राज्य छून र्‌यु लैम जेङ्पा, कन सिमि तीपाई वव्वै जेँन बारी पाःबो। 32 मन र्‌यु पुरूवग छ्युम राह्‌नान, जेङ्नै जब छार्ङ, तब मन सागपात पुरूव खेरे किम राह्‌नान रे तङ्पुई राह्‌नान। पान्नाङन युजुव स्वास्वा मन्न धावग चाङ धोँ।"

33 येसुई ख्युकाङ्मोः घङ द्रिस्तान्त र्‌वाबो, "स्वर्गन राज्य सोरा लैम जेङ्पा, कन चिमिचादीजै किलोग्राम सुमच्यु राःपि होम्बो, रे अन पुरू सोरा बारबार ठिक मह्‌रान बेर नू तीपू नाह्‌म्बो।"

सामान द्रिस्तान्त

24 येसुई ह्‌याङ ख्युकाङ्मोः घङ द्रिस्तान्त स्याप्पो, "स्वर्गन राज्य सिमि तीपा लैम जेङ्पा, सुई जेँन खेः र्‌यु लः पप्पो। 25 जेङ्नै सिमिव आःपान भेला नुन बैरि स्वाबो, रे रुन्जन्न घूँ-घूँ सामान र्‌युको पप्पे होई। 26 जब रुन्जन्न बोती गेग्गे मनग गेल्‌ला छ्याःबो, तब सामा यङ रङ्बो।" 27 "यिमन ताःपोन राङ्पावजै स्वास्वा नू र्‌वाबो, ‘गुरू, तै नाई जेँन खेः र्‌यु लः पप्पा नङ्पाऊ? स्याह् सामा खालै स्वाबो?’" 28 "यिमन तापोई ख्युकाङ्मोः र्‌वाबो, ‘कान बैरिजै झाम खेपा जेङ्पा।’ राङ्पावजै नू र्‌वाबो, ‘तै ङि वैवै मन सामाव पिङ्‌ङी?’" 29 "जेङ्नै नुई र्‌वाबो, ‘उजु नख्या, तेमन्ता ङेनजै सामा पिङ्तौ रुन्जन यङ पिङ्दरा। 30 बालि चाह्‌नान्न भेला बेर ङ्योरुमग ङ्याबो ङ्याबोई छार्फाना। बालि चाह्‌नान्न भेला ङा गम्नानकाङ्मोः र्‌वानान ङ्युँ,’ ‘ङू सामा पिङ्पिङ् मेह्ः तुन्चेन भिह्तु पोला ध्वाँ, जेङ्नै रुन्जन चन तुह्ईतुह्ई ङन स्योह्बुङग नाह्‌ना।’"

सामान द्रिस्तान्तन अर्थ

36 मन्न छाम्म पुरू सिमिकाङ्मोः स्याह्ई ख्योवाख्योवा येसु यिमक्याँ होई। नुन चेलाव नुन स्याह् वैबो रे र्‌वाबो, "घलि छ्याचल ङी खेःन सामान द्रिस्तान्तन अर्थ र्‌वा।"

37 येसुई झब बिम्बो, "खेः र्‌यु लः पन्नान्न सिमिन ङोह्जो जेङ्पा। 38 सन्सारै खेः जेङ्पा। र्‌यु लःव राज्यन परमेस्वरनै सिमिव जेङ्पा। सामा सैतान्न सन्तानव जेङ्पा। 39 आलै र्‌यु अलःव पन्नान बैरि चन सैतान जेङ्पा। साह्ई गम्नान्न भेला चन सन्सारन अन्त्य जेङ्पा। आलै साह्ई गम्नानव स्वर्गदुतव जेङ्पा।"

40 "सामाव रूमी मन मेह्ग कोःनान ङ्याह्, सन्सारन अन्त्यगै उजुई राह्‌नान ङ्याह्। 41 मन्न लाह्ः सिमिन ङोह्जोई जेँन स्वर्गदुतकाङ्मोः फेन्नान ङ्याह् रे ख्युई नुन राज्यभरिन कानुन मङ्यान्नान रे कानुन ङ्यान फान्नानव पुरूग रूनान ङ्याह्। 42 छ्याप्पान मेह्ग पन्नान ङ्याह्। स्याह् सिमिव दाईदाई सो चपैचपै छ्युङ्नान ङ्याह्। 43 परमेस्वरन ङू धर्मी ठहरी राह्‌नानव चन जेँन पा परमेस्वरन राज्यग ङिह्‌मा लैम चम्कि राह्‌राह्‌ छ्युङ्नान ङ्याह्। सुन नाम्ज्योवा ङ्याह्, नुई ङ्यानाःयो।"

जालन द्रिस्तान्त

47 ह्‌याङ "स्वर्गन राज्य समुन्द्रग ताह्पान जाल लैम जेङ्पा। मन जालग राँसाराँसान ङाह्‌व थेप्पो। 48 आलै जाल नाङ्मी सिमिवजै मनग नाः कानकान छ्यूबो, रे छ्युङछ्युङ लः भरी धाङवग साबो, रे अलः भरी खोलोः पह्प्पो। 49 सन्सारन अन्त्यगै झामै राह्‌नान ङ्याह्। स्वर्गदुतव स्वा ताप्नान ङ्याह् आलै परमेस्वरन ङू धर्मी ठहर्याई खेपान सिमिवलम सिमि अलःकाङ्मोः फानान ङ्याह्। 50 छ्याप्पान मेह्ग पन्नान ङ्याह्। मन सिमिव पिरजै दोःनान ङ्याह् सो चम्नान ङ्याह्।"

तेम्मा स्याङ्पा

3 "धन्न आत्माग बिखारीव, तैङर्‌वाङिन स्वर्गन राज्य ख्युन जेङ्पा।" 4 धन्न छरा खेनानव, तैङर्‌वाङिन ख्युई सान्तोना देन्नान ङ्याह्। 5 धन्न नम्रव, तैङर्‌वाङिन ख्युई पिर्थीबिन आङ देन्नान ङ्याह्। 6 धन्न परमेस्वरन इच्छ्यान भिह्तु गुसिनान रे त्यु बुल्नानव, तैङर्‌वाङिन ख्यु बरङ्नान ङ्याह्। 7 धन्न दया खेनानव, तैङर्‌वाङिन ख्युई परमेस्वरलम दया देन्नान ङ्याह्। 8 धन्न सम छाङ्म राह्‌नानव, तैङर्‌वाङिन ख्युई परमेस्वरग रङ्नान ङ्याह्। 9 धन्न दीफान्नानव, तैङर्‌वाङिन ख्यु परमेस्वरन सन्तान र्‌वानान ङ्याह्। 10 धन्न परमेस्वरन इच्छ्यान भिह्तु तेह्पफान्नानव, तैङर्‌वाङिन स्वर्गन राज्य ख्युन जेङ्पा।✝ 11 "धन्न जेङ्पा ङेन, जब सिमिवजै ङन खातिर ङेनकोन ल्हुई झानान ङ्याह् रे तेह्पफान्नान ङ्याह्, रे लबारन ल्होई र्‌वार्‌वा ङेनकोन बिरोधग तैस्याङ पुरून ल्होई अलः र्‌वानान ङ्याह्।✝ 12 तब स्याँ, रे मिह्दा किम्म रा, तैङर्‌वाङिन स्वर्गः ङेनकोन इनाम किम राह्‌नान ङ्याह्। तैङर्‌वाङिन झामखेखेई ङेन खेरे ङून भबिस्यबक्ताकाङ्मोः ख्युई तेपफाम्पा ङ्याह्।"✝

पुरून खेरे किम सु जेङ्पा

1 मन्न भेला चेलाव स्वास्वा येसू लोप्पो, "स्वर्गन राज्यग पुरून खेरे किम सु जेङ्पा?"✝ 2 तब येसुई वैचादीग रह्‌म्म स्वा र्‌वार्‌वा ख्युन घूँ सोल्बो 3 रे र्‌वाबो, "तेम्माई ङा ङेनकाङ्मोः र्‌वाचे, जेँन समग परिबर्तन झाम वैचा लैम मराङिन ङेन हातौयै स्वर्गन राज्यग जाःचे देन्नान मह्‌या। 4 अनै कत्याःम वैचा लैम नम्र राह्‌नान्न सिमि यङ स्वर्गन राज्यग पुरून खेरे किम राह्‌नान ङ्याह्।

14 जेङ्नै येसुई र्‌वाबो, "वैचाकाङ्मोः ङन स्याह् स्वा फाना, ख्युकाङ्मोः नकाः तैङर्‌वाङिन स्वर्गन राज्य ता अन कत्याम वैचाव लैम सिमिवन भिह्तुई जेङ्पा।"

23 मन्न छाम्म येसुई जेँन चेलाकाङ्मोः र्‌वाबो, तेम्माई ङा ङेनकाङ्मोः र्‌वाचे, "सिमि रेम्पाः स्वर्गन राज्यग जाःचे खराःम लैः ङ्याह्।" 24 ह्‌याङ ङा ङेनकाङ्मोः र्‌वाचे, "सिमि रेम्पाः परमेस्वरन राज्यग जाःचेन खेरे ता बरु ऊँतग घबन तोत्यालै जाःचे छुम्म रह्दरा।" 25 चेलावजै हालाईलाई र्‌वाबो, "आन सुई उद्धार देत तैनान?" 26 येसुई ख्युकाङ्मोः सेनसेन र्‌वाबो, "अन सिमिलम राई मतैनान्न ल्होई जेङ्पा, जेङ्नै परमेस्वरलम चन ल्होई पुरू रा तैनान।"

ङै नाः हातौयै मस्योःपा

21 "ङाः ‘प्रभु, प्रभु’ र्‌वानान पुरू स्वर्गन राज्यग जाःनान मह्‌या। स्वर्गः ङिह्पान ङन पान इच्छ्या ङ्यान्नान्न सिमिव मात्र परमेस्वरन राज्यग जाःनान ङ्याह्।

19 अन्नकारन सुई अन आग्यावन बर्ग पुरून खेरे कत्याःमः मङ्यान्दरा, रे सिमिकाङ्मोः उजुई खेमः लह्‌नदरा, स्वर्गन राज्यग नु पुरून खेरे कत्याम राह्‌नान ङ्याह्। जेङ्नै सुई मन आग्याव पालन खेदरा रे लह्‌नदरा, स्वर्गन राज्यग नु किम राह्‌नान ङ्याह्। 20 तैङर्‌वाङिन ङा ङेनकाङ्मोः र्‌वाचे, ङेनकोन परमेस्वरन इच्छ्या कानुन लन्नान्न सिमि रे फरिसीवन खेरे ह्‌याल्म मराङिन ङेन तैस्याङ खेनै स्वर्गन राज्यग जाःनान मह्‌या।"

9 जेङ्नै ङेनचन झामखेखे सोअताबा:

"हे ङिन पा, सु स्वर्गः ङिह्पा, नान मिह्‌न पबित्र ङ्यानाःयो।✝ 10 नान राज्य स्वाःयो। नान इच्छ्या स्वर्गः कताःम ङ्याह्। मन लैमै अन पिर्थीबी पुरा राःयो।

बप्‌तिस्मा-बिन्नान्न यूहन्नान ताह्फेः

1 मन्नै भेला बप्‌तिस्मा बिन्नान्न यूहन्ना यहूदिया प्रदेसन सुनसान ठाउँग स्वाबो, रे झाम र्‌वाईर्‌वाई ताह्फेम्मः जाःबो, 2 नुई र्‌वाबो, "जेँन तीपावलम होला, तैङर्‌वाङिन स्वर्गन राज्य रह्‌म्म स्वापा ङ्याह्।"✝

17 मन्न भेलालै ताह्फेरैफेरै येसुई र्‌वामः जाःबो, "तीपावलम होला, तैङर्‌वाङिन स्वर्गन राज्य ङेह्‌मः स्वा ताप्पा ङ्याह्।"✝

7 स्वर्गन राज्य रह्‌म्मः स्वा ताप्पा ङ्याह् र्‌वाईर्‌वाई ताह्फेरा।

11 ङा ङेनकाङ्मोः र्‌वाचे, स्यार रे ल्होलम सिमि लैः स्वानान ङ्याह्, रे अब्राहाम, इसहाक रे याकूबन ङ्याबो स्वर्गन राज्यन भत्यारग छ्युङ्नान ङ्याह्।✝

11 तेम्माई, ङा ङेनकाङ्मोः र्‌वाचे, चिमिचालम केह्पावन बर्ग बप्‌तिस्मा बिन्नान्न यूहन्ना खेरे किम घङ सुई रह्पा मह्‌या। जेङ्नै स्वर्गन राज्यग सु पुरून खेरे छ्युम ङ्याह्, नु यूहन्ना खेरै किम जेङ्पा। 12 बप्‌तिस्मा बिन्नान्न यूहन्नाई ताह्फेत्तौलै चोँनबेर स्वर्गन राज्य तोप खेखे ङू वैपाई ङ्याह्। आलै सक्तिसाली सिमिव हलजफत खेखे अनग जुङ्‌ङ।✝