Reino dos céus

Malenganu ga hindu yu lupija lwingi loluhihiki

44 "Ukolongu ukunani ukumaundi gulengana na hindu yu lupija lwingi loahihiki mu litui. Mundu pajijibona juhiya kabee. Sukutogule ngamaa jujenda kulombesa indu yoti yejubi naku, ndienu jukelabuka nukulomba litui lela."

Malenganu ga sindu sulupija lukolongu bikikema lulu

45 "Kabee, ukolongu uku ukunani gulengana na mundu jojilomba hindu nukulombesa jojutaputa lulu. 46 Pajijibona lulu jimu ja bei ngolongu, jajenda kulombesa yoti yejabinaku nukulomba lulu jela."

Lilenganu gi imbeju ja haladali

31 Yesu jaapwagila bandu kwa malenganu gangi, "Ubambu ukolongu gulengana ni imbeju nzoku ja haladali jejajukwi mundu jumu, japaanda mulitui laki. 32 Imbeju heji jibii nzoku kupete imbeju yoti, lakini pajikola, mmea waki gukuba nkolongu kupeta mikongu ju mulitui. Nagwombi gukuba nkolongu ni ijuni ihika nukusengale miui mu mambandi gaki."

Lilenganu la amila

33 Yesu jaapwagila kabee lilenganu lengi, "Ubambu ukolongu gulengana na amila lejajukua nyongoo jumu, jasanganya nu uwembi madebi mabeli, mbaka uwembi gwoti watenda kututumuka."

Lilenganu la manyai

24 Yesu jaapwagila bandu lilenganu lengi, "Ubambu ukolongu ukumaundi gulengana na mundu jojupandiki imbeju ya sapi mulitui laki. 25 Lakini bandu ana agoni, mbaja waki juhika nukupanda manyai pikilanda ji inganu, nu kuboka. 26 Ndienu inganu paimela nukutumbuli kupapa, manyai nagombi gabonikana mwi inganu. 27 Atumi baka mwini litui bunzendila, nukundaluki, ‘Bambu, si wapandiki imbeju ya sapi mulitui lako? Manyai aga gahumiki kwako?’ 28 Jombi jajibua, ‘Mbaja wangu ndi jojuhenga hela.’ Ndienu atumi baki bundalukiya, ‘Boo, gupala le tujenda twakatupulaje?’ 29 Najombi jaapwagila, ‘Ngaela, mwitupula ndaba emwiitupula manyai nhwesa kutupu ni inganu kabee. 30 Muileka ikola pamu mbaka masoba gukuhusa egihika. Masoba ge haga naapwagila baahusa ntupula hoti manyai nukugakoonga malundumalundu nu kugajosa mwotu, lakini inganu baikusanya nukuibeka mwikikoku sangu.’ "

Yesu jaapwagi ndaba ja malenganu ga magogu

36 Ndipala Yesu jaaleka bandu bala, jajingala mu nyumba. Banafunzi baki bunzendila, bumpwagila, "Tupwajila malenganu ga manyai gabola kike."

37 Yesu jaapwagila, "Mpanda imbeju ya sapi, ndi Mwana waka Mundu. 38 Litui lela ndi nndema. Imbeju ya sapi ndi bandu baka Sapanga babube ubambu ukolongu ndi wabu. Lakini manyai gala ndi bandu baka Mbaja jola. 39 Mundu mbaja jojupanda magogu ndi Lijobi. Ilebi ndi mwisu gu nndema gongo, na baahusa ndi Atumi bu kunani kwaka Sapanga. 40 Ngati manyai ebagabonga nukujosa mwotu, ndi ekwikuba pamwisu ju nndema. 41 Mwana waka Mundu jaatuma atumi bu kunani kuhuma mu Ukolongu waki abonga kila sindu sesaakolo bandu kuhenga mahakau na baatenda liyaha masoba goti. 42 Nabombi baalekala nkati jitanuli la mwotu nkolongu, hoku bilela nukupola minu. 43 Ndipala babii baamboni palongi jaka Sapanga biing’ala ngati lyoba mu ubambu ukolongu wa Atati babu. Jwana makutu gukujoane nu jujoana."

Malenganu gikilepa sa homba

47 "Kabee, ukolongu ukunani kwaka Sapanga kwaka Sapanga gulengana na kilepa sealekaki mu nhanga, gogukamu homba ya sapi nihiliya. 48 Kilepa esatwelila, aloi buguhuti mulutengu ju unhanga, batama pai, kuhagu homba ya sapi babeka mukitonga, lakini homba iliya yela batenda kuleke. 49 Ndi ekwibiya mwisu gu nndema, Atumi bu kunani kwaka Sapanga bipitila, baabaganisa bandu abaya na bandu baamboni, 50 na kwaaleke abaya bala mulitanuli la mwotu. Kokuje bilela nukupola minu."

Kutogule kwa sakaka

3 Apengaliwi bandu babunhobale Sapanga,

ndaba Ubambu ukolongu ukunani kwaka Sapanga ndi gwabu. 4 Apengiwi babii nu

usungu mmoju ndaba jukutenda mahakau,

ndaba Sapanga jaakelubukiya kutogule kwabu.

5 Apengiwi babunzogopa Sapanga,

ndaba biilisa ndema.

6 Apengiwi baabii ni inzala na nywita jukuhenga gajagapala Sapanga,

ndaba biitenda kutupi.

7 Apengiwi baabii ni ikia,

ndaba Sapanga jaabonila ikia.

8 Apengiwi bana mwoju wa sapi,

ndaba bammbona Sapanga.

9 Apengiwi baaleta lukwali,

ndaba baakema bana baka Sapanga.

10 Apengiwi baang’alika ndaba jukuhenga gajupala Sapanga,

ndaba Ubambu ukolongu ukunani kwaka Sapanga ndi gwabo.

11 Mpengaliwi mwanganya bandu na buntondoo, nunkung’alisa nu kunkopake kwi isoli, ndaba mwanganya mbwata, 12 Ntoguliya nukululuta ndaba nhupi inu ngolongu ibi ku maundi. Ndaba hela ndi ebaang’alisa alota baka Sapanga bababii kabula jukusaliwa mwanganya.

Nya jojubii nkolongu

1 Apalapa banafunzi baka Yesu bunzendila, Yesu nu kunndaluki, "Nyaa nkolongu mu ukolongu ukunani kwaka Sapanga?"

2 Yesu ankema mwana nsoku nukunzemeka pikilanda jabu. 3 Japwagila, "Numpwagi sakaka ana ngaseng’anambwiki na kulengana ngati mwana nsoku, kyee nganzingi mu ukolongu ukunani. 4 Jokapi jojulibona ngasindu ngati mwana nsoku ajo, hoju ndi nkolongu mu ukolongu ukunani.

14 Yesu jwapwaga, "Mwaaleka bana asoku aba ahika kwangu, wala mwaapengale, ndaba ukolongu ukunani ndi wa bandu ngati bana asoku aba."

23 Ndi Yesu jwaapwagila banafunzi baki, "Numpwaagi sakaka kunonwipi ngamaa mundu mwana mali kujingi mu ukolongu ukukunani kwaka Sapanga. 24 Numpwagi kabee, kunonwipi ngamaa mundu mwana mali kujingi mu ukolongu waka Sapanga, kuliku kinyama sebikikema ngamia kujingi mulihotu la sindanu."

25 Banafunzi bala hebajowana hela, basangi ngamaa, bunndalukiya, "Henu nya jojuwesa kulama?"

26 Yesu jwaalingalia nukupwaga, "Kwa bandu lijambu heli ngaseliwesikana lakini kwaka Sapanga goka gawesikana."

5 Mwaalongu bangu monumpai, nnzoannya! Boo, Sapanga ngasejuhangwi bandu babube ndi ahagu munndema gongo ili abiya bandu bana mali gingi mukuhobale nukujopa ukolongu waka Sapanga gojaalagila bandu ba bumpaile?

Ngasenummanyi mwanganya

21 "Nga kila jojungema, ‘Bambu, Bambu’ jwijingala mu Ukolongu ukunani kwaka Sapanga, ila jojuhenga gaapala Atati bangu babii kunani kwaka Sapanga.

19 Ndienu jokapi jojiikana lilagisu lisokopi kuhuma ku Malagalaki gaanga, nakaabola bangi ahenga hela, mundu hoju jwiibia msoku ngani mu Ubambu ukolongu ukunani kwaka Sapanga. Lakini jojukamulaki Malagalaki na kwaabola bangi ahenga hela, hoju jwibiya nkolongu mu Ubambu ukolongu ukunani kumaunde. 20 Numpwagi sakaka, ana ngasenhenga gajupala Sapanga kwaapeta abola ba Malagalaki na aka Afalisayu, kyee ngamwijingii mu Ubambu ukolongu ukunani kwaka Sapanga."

9 Lakini mwanganya nndoba ana,

‘Atati bitu mombii kunani kwaka Sapanga kwaka Sapanga,

liina linu lilumbalika ngani.

10 Ubambu ukolongu waku guhika,

gagupala gahengika pundema ngati kunani kwaka Sapanga kwaka Sapanga.

Yohana Mmbatisa jaalandi bandu

1 Masoba gala Yohana Mmbatisa jajenda, mulukoba luku Yudea, nukutumbuli kaalandi bandu. 2 Japwaaga, "Nkotuka kuhenga mahakau gino, ndaba Ubambu ukolongu ukunani kwaka Sapanga guhegali."

17 Tumbuka masoba gala Yesu jatumbuliya kulandi jakapwaga, "Nkotuka kuhenga mahakau, ndaba Ubambu ukolongu ukunani kwaka Sapanga guhegali!"

7 Enzenda, mkalandila ana, ‘Ubambu ukolongu waka Sapanga guegali.’

11 Numpwaagi sakaka, bandu bingi bihika kuhuma ku kolipita lioba nu kolihobe lioba, nabombi biitama pa tipati gakula posu pamu na Ibulahimu na Isaka na Yakobu mu Ukolongu ukunani kwaka Sapanga.

11 Numpwagi sakaka, kati ja bandu boti baasaliwi kwaka mbomba, ngasejupitii jojubii nkolongu kupeta Yohana Mmbatisa. Kabee, jojubii nsoku mu ubambu ukolongu ukumaundi, ndi nkolongu kupeta jombi. 12 Tumbuka masoba gaka Yohana Mmbatisa mbaka sajenu, ubambu ukolongu agupenga ngamaa na bandu bana makili ndi babugujuku.

28 Henu twepani ndaba tujopa ubambu nkolongu wanga kubagajika. Tubia tunsengu nu kunngungamali Sapanga kwi indela je janndengania, ku kwi isima nu kujogopa, 29 ndaba Sapanga witu, sakaka ndi mwotu nkali go gukula.

10 Ndienu, mwalongu bangu nkasana ngani kuhenga nganganganga kukemwa kwinu na Sapanga nukuhaguliwa kwinu na Sapanga ndaba ana nhengiki haga nga mukuleki kuhobale kwinu; 11 Kwa namuna heji Sapanga jwanzopa kuupali nkolongu nukujingi mu ukolongu wa yaka petapeta wa Bambu na Nkombosi witu Yesu Kilisitu.

18 Bambu junhoko na majambu goti giliya, na kunyuku sapi mbaka mu ukolongu waki ukunani kwaka Sapanga. Kwaki gubiya ulumbi yaka petapeta na petapeta! Amina.

Kulibeke indu hingi kunani kwaka Sapanga

32 "Mwijogopa mwembii mukilundu kisokopi, ndaba Atati bii bu kunani apai kumpeke Ukolongu.

5 Mmanya hotuhotu, nselati jokapi au jojuhenga majambu giiyoni au nsoju bandu ngati haba alengana na bandu baagungamali imong’umong’u, au mundu jokapi ngati haba ngajijingi mu ukolongu waka Kilisitu na waka Sapanga.