Reino dos céus
O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.
O valor incomparável do Reino
O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.
Shirǝm den bar kǝ am kan ra na ghuuni gwa
<<Mulki kǝ Yamo wule bar kǝ am ni kan ghundǝrika gip kǝn gwa. Mbarǝm ni zamo, se tǝ ri ghundǝrika gip kǝni esi, na ghol mbatl gǝsi kan tǝ wur argon tu tǝra narika kup, kan tǝ wur kǝni.>>
Shirǝm den tat mǝn wurpi
<<Eso, mulki kǝ Yamo wule ba mǝn bar pǝtni ar ra, mǝn ngeni zo tat ju ba wurka gwa. Nan tǝ zam zo tat mǝn wurpi hoyiwo, se tǝ ri wur argon tu kup tǝra nari ka gwa kan tǝ wur tati.>>
Shirǝm den ge mastad
Yesu pa shirǝm nan wur na misali tǝ wule, <<Mulki kǝ Yamo ar nǝra wule ge mastad, kan mbarǝm gon pǝn kan tǝ ngani gip kǝn gǝs gwa. Kup na ar ni’e heli gip badǝr kup, ama ti ni tǝ naro, ar ba man nami mir kini, ar ba ɓo am har dǝ yatl zam ba tu’i bin gǝzǝn den ami.>>
Misali kǝ Yisti
Yesu pa yari wur shirǝm gon es tǝ wule, <<Mulki kǝ Yamo ar ni wule yisti, muntu kan nagǝr gon kushkǝli gip ɗapti shandǝr myakan kan ba nga ɗaptiyi kup gwa.>>
Parábolas do Reino
Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.
Jir gip alkama
Ar ni Yesu pa yari wur shirǝm es’e, <<Mulki kǝ Yam nǝra wule mbarǝm tu kan ngani ho badǝr gip kǝn gǝs gwa. Nan mbarǝm kup den umuro, ar ni mǝn nge gǝs ri ngani badǝr jir gip kǝn alkamayi, kan tǝ ndara won gǝsi. Nan alkamayi nar den ɗǝli gamo, ar ni jiri ma tli tori. Ar ni ga zher kǝ Babomi ri wul ti’e <Babomi, ho badǝr ni mǝ ngani gip kǝn gi da’aya? Im ni jir pa yetl gipi we?> Ar ni Babomi bali wur’e <Mǝn nge gǝn ni pi untu.> Ar ni ga zher gǝsi wul ti’e, <Kǝ ndu mǝ ri tus jiri kaya?> Ama Babomi wul wur’e, <O’o,> den tusi jiri kawo, ki tuska na alkamayi. Za ni wu nar tare ar ri gas rǝshi. Wokoci tani a yari mǝn rǝshi kǝni’e wu pare tloyi jiri wu ɓalka ɗap-ɗap kǝ dǝ keri ka, kan alkamayi ngapo dǝ ri ɓindika.>>
Argon tu shirǝm den jir gip alkama ba pi nufi gwa
Ar ni Yesu za domtǝn kǝ mbarǝmi tǝ te gip bomi. Kan mir mǝn kulci karti ba ɗir kar ti wu wule, <<Yari mi kanda kǝ jir kǝ gip kǝn tu ngapi.>>
Tǝ nǝmi wur tǝ wule, <<Muntu kan ngani ho badǝriwo, ti ni’e Nya Mbarǝme. Kǝni ngapo arni’e atl kundǝrǝndlip, ho badǝriwo wi ni’e mimir kǝ mulki kǝ yami. Jiri ngapo wi ni’e mimir kǝ mǝn ɗasi tu tu. Kano mǝn nge gǝn kan ngani jiri ni’e shetan. Wokoci rǝshi ni’e patǝn kǝ atl kundǝrǝndlip. Mǝn rǝshi kǝni ni’e mir mǝn kartǝn kǝ Yami.
Wule kandatu ba dom jir dǝ keri kawo, untu patǝn kǝ atl kundǝrǝndlip baa nǝra. Nya Mbarǝm baa kar mir mǝn kartǝn gǝsi wu dom bar ju kup ba kem mbarǝm kǝ pi warwat pitǝn gwa, na mǝn pi wani bari, dǝ ɗǝli wurka gip mulki kǝ yami. Dǝ la wur te gip bom kǝ utuka. Barta ni wi kul na ngasi kur bi. Mǝn pitǝn dlat ngapo wi cir wule pǝt gip mulki kǝ Bazini. Muntu kup na kǝm kumiwo, naa tǝ kumi.>>
Shirǝm den shar nǝmi kose
<<Eso, mulki kǝ Yamo wule, zan shar nǝmi kos ni ar ra, kan la gip mal dǝ nǝm ko gonge badǝr kos gwa. Nan wu dǝl shari tor bishidi la’i na koso, ar ni mǝn nǝmi kosi dǝm kan wu zǝzar ho kos wu wi gip shari, kan munju kos ni dawo wu wika. Untuni ar baa dǝm gas patǝn kǝ atl kundǝrǝndlip. Mir mǝn kartǝn kǝ Yam baa ɗǝli mǝn ɗasi tuka gip mǝn pitǝn dlat, wu la mǝn ɗasi tu’i te gip bom utuka, lasi ni wi kul na ngasi kur bi.>>
Quem herda o Reino
Os humildes, os pobres de espírito e as crianças são herdeiros do Reino. Mas é difícil para os ricos entrarem nele.
Albarka
<<Mǝn ghol mbatl ni’e munju kan mom na ɗattǝn gǝzǝn gip ruhu gwa.
Mulki kǝ Yamo gwazin ni.
Mǝn ghol mbatl ni’e munju ra na dun mbatl gwa.
Yam baa iɗa’i wur mbatli.
Mǝn ghol mbatl ni’e munju kan pali gam gǝzǝnka atli gwa.
Atl kundǝrǝndlip baa dǝm gwazini.
Mǝn ghol mbatl ni’e munju ba kum guzum na lam pi argon tu kan dlat ni ar ra gwa.
Yam baa laa’i wur tu na argon tu wu ndu gwa.
Mǝn ghol mbatl ni’e munju ra na guna ger gwa.
Yam baa kum guna gǝzǝni.
Mǝn ghol mbatl ni’e munju mbatl gǝzǝn ra ngǝlan gwa.
Wi shin Yami.
Mǝn ghol mbatl ni’e mǝn sitin gip dlom kǝ ɗiri dǝmi zhǝlili.
Baa la wur bi mimir kǝ Yami.
Mǝn ghol mbatl ni’e munju kan ba kumi wur dli den bi pitǝn dlat gwa.
Mulki kǝ Yamo gwazin ni.>>
<<Kǝn mǝn ghol mbatl ni wokoci tu mbarǝm ba zage ine, wu kumi in dli, wu pa ne in ko gonge ɗasi tu te gamka den kǝn mǝn kopi gǝn ni gwa. Untu ni wu kumi dli ga mǝn yari shirǝm kǝ Yam munju kan ra kapǝn kǝn gwa. Gyatl ni kǝ pi ni ghol mbatl na naari, domici argon tu Yam baa bi in to yamkawo ar naari.>>
Bari gip mulki kǝ to yam ka
Gip wokoci tawo, mir mǝn kulci kar Yesu ɗir kǝ ngeni momi kar ti, wu wule, <<Woni baa ni’e bari gip mulki kǝ to yam kawe?>>
Ar ni Yesu la bi nye heli nya goni, tǝ ne ti dlor gip dlom gǝzǝni. Kan tǝ wul wur’e, <<Na ho bi ni a yari ine, kǝn ni kǝ pali gam gin wule heli mimir dawo, kii te gip mulki kǝ to yam ka da’a. Ra’untuwo, kup muntu kan pali gam gǝs wule heli nya tuwo, ti ni’e bari gip mulki kǝ to yam ka.
Ama Yesu wul wur’e, <<Zani dǝ heli mimir ju ɗir karǝmi, ba kǝ hane wur nika da’a! Domici mulki kǝ Yamo gwazin ni.>>
Ar ni Yesu wul mir mǝn kulci kar tiyi’e, <<Ge shirǝm ni a yari ine, ar ba ban naar dǝ mǝn bar kǝ am te gip mulki kǝ to yam ka.
A yari in es’e, ar ba mani dǝ rakumi te tǝp gip ger alura na dǝ mǝn bar kǝ am te gip mulki kǝ Yami.>>
Nan mir mǝn kulci kar ti kum untuwo ar ni wu nǝm bi na ame, wu wule, <<O untu ni fawo, woni baa zam ɗǝltǝn ituwi?>>
Ar ni Yesu zhit wur hoyi kan tǝ wule, <<Gip shini kǝ mbarǝm kamo, ar baa pi da’a. Ama kar Yamo, ko unuwo mǝn pitǝn ni.>>
Kum ni, mir ɓyar gǝn kǝ ndu’i, Ofawo, Yam ni zǝzar munju nan am ri wur kar da’a den ger kǝ atl kup, wu dǝm mǝn bar kǝ am gip ngǝshtǝn den Yam kǝ dǝ Yam dǝm gun gip mbatl gǝzǝn kandatu tǝ wule ti bi munju ba ndu ti gwa diya?
Buscar o Reino acima de tudo
Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.
A taɓe momi gin da’a
Ba’e kup mǝn wuli gǝn’e, <Babomi, Babomi> ni baa zam dǝ Yam dǝm gun gǝs da’a. Ama muntu ba pi argon tu Ban kǝ to yamka ndu dǝ pi gwa ni baa zami.
Ra’untuwo, kup muntu kan cen nǝm gip Kulci ju ka, kan tǝ pa kulci jen wu cen Kulciyi ka pa’o, baa wul ti’e kali gip mulki kǝ Yami. Ngapo, kup muntu kan kop Kulciyi, kan tǝ kulci jeno, baa wul ti’e mǝn nartǝn gip mulki kǝ Yami. A yari in’e, pitǝn dlat gin ni man kǝ me gam kǝ Parise na mǝn kulci den Kulci kǝ Musa dawo, ki te gip mulki kǝ Yam da’a.>>
Ra’untuwo, shirǝm ni na Yam nankǝni,
<Ba gǝmi kǝ to yamka,
dǝ shin nartǝn kǝ sun gi.
Dǝ mulki gi suri.
Dǝ argon tu kǝ ndu gwa pi den kaar atl kandatu ar ra to yamka gwa.
La’i icin kǝ Yohana mǝn pi batisma
Gip muri ja ni Yohana mǝn pi batisma ɗiri, tǝ den wazu shirǝm kǝ Yam gip kǝti atl kǝ mǝn Yahuda, tǝ den wultǝn’e, <<Ci ni atl gam kǝ pal ni kar Yami, domici mulki kǝ Yam mbira kosak wi.>>
Tun wokoci ta ni Yesu pare la’i icin shirǝm kǝ Yam tǝ den wultǝn’e, <<Cini atl gam kǝ pal ni kar Yami, domici mulki kǝ Yam mbira kosak wi.>>
Kǝn ni kǝ ri gwa lani icin kǝ wul ni’e, <Mulki kǝ Yam mbira wi kosak.>
A yari ine, jen na womti mǝn ngǝshtǝn den Yam wule muntu baa ɗǝl ɗǝr tor gabǝs na sur yemma wu dǝm kǝ ci nyel na ga kori gǝmi Ibǝrahim, Ishaku, na Yakubu gip dǝmi kǝ Yam gun gǝzǝni.
A yari in ge shirǝmi, gip munju mǝtli ni gǝr wuro, gon ra kan nar man Yohana mǝn pi batisma gwa da’a. Ama muntu kan’e heli gip mulki kǝ Yamo, tǝ man ti.
Tun wokoci kǝ Yohana mǝn pi batisma har kǝkǝni, den ta la’i icin kǝ shirǝm kǝ dǝmi kǝ Yam gun gip mbatl kǝ mbarǝme, ama kǝkǝno ko gonge mbarǝm den ta totǝn kǝ tetǝne.
A herança eterna
O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.
<<Kumni bǝrti da’a, kǝn heli garke gǝni, Ba gin kum tǝmi kǝ bi in zo dǝmi cina dǝ Yami.
Mom ni’e mǝn muri na mǝtli ko moni kari, ko mǝn holi dǝmi dlǝran, ko mǝn ndu’i gam gip zami ra (muntu kan nǝm ni tǝra na mǝn bote mir yam jeni) baa zam gaado gip mulki kǝ Almasihu na kǝ Yam da’a.