44 "Asiman gojia hoxian ghazhade niuighasan boubeini xianli. Nie kun hhei chanladene niuighawo. Bayasuzhi echidene goyane dunxilai man huisenu ene ghazhai agiwo."

45 "Pse asiman gojia hoxian nie meimei kun zhiguitu manou ereisei xianli. 46 Nie fugie jiagetu manoui penjise echidene goya dunxilane man huisenu ene manoui agiwo."

31 Ersa hhelade pse bilazhi kieliewo, "Asiman gojia nie caizi furei xianli. Kun agizhi echi ghazhadene tareiwo. 32 Eneshi fure dundase zui gani woma, osizhi khizhese yan caiseliuzhe fugie wo. Mutun gholudene bunzhula chala jiereni holiene."

33 Pse hhelade bilazhi kieliewo, "Asiman gojia hoxian kuniegheni xianli. Nie bierei agizhi echidene nie deizi ghurunde teizhi man faighawo."

24 Ersa hhelade pse bilazhi kieliewo, "Asiman gojia hoxian kun ghazhadene boudei fure shizhisei xianli. 25 Ashighala hhunturakude duitouni iredene yemeini boudei dundani shizhi yolawo. 26 Boudei osizhi qiorun khise yemeiye khizhewo. 27 Hojilani iredene ezhandene kieliewo, 'Ezhan, chi boudei fureni ghazhade ese tareiwu? Khalase iresan yemei wo?' 28 Ezhan hhelade kieliewo, 'Eneshi duitou giesan wo.' Hojilani kieliewo, 'Bijien echidene xi agimu?' 29 Ezhanni kieliewo, 'Bu echi, yemeini xise boudeiniye xi khizhene. 30 Ghuala hhantu osi gie. Sagheizhi xiku shihoude bi ghurachen kunlade kielieye, "Xien yemeii xisenu chouladene khan tei. Boudeini yanchidene cankude ghura." giezhi.'"

36 Ingiedene Ersa kunlase likai gie giedera orowo. Tujila shidani ire kieliewo, "Ghazha jieredu yemeini bilasei bijiende mejiegha." 37 Hhe kieliewo, "Boudei furei shizhisanshi Kunnikewon wo. 38 Ghazhashi duya wo. Boudei fureshi asiman gojiai kunla wo. Yemeishi hhe doghunnii kunla wo. 39 Yemei shizhisan duitoushi Ibilisi wo. Ghuraku shihoushi duya baraku shihou wo. Ghurachenshi qienxienla wo. 40 Yemeini xi agidene khande sideraghaku mutun duya barakudeye ingiene. 41 Kunnikewon qienxienlane peizhi zui fanjighasanlai, uhunni giesanlai man asiman gojiasene zhiizhi khizhedene 42 fugie khantu nokiende benda oroghase hhende shidunne zhouzhi wilane. 43 Ingiekude gou kunla adane gojiade naran nudun mutun gieran faine. Chighin bitu kunla chenliendu!"

47 "Pse asiman gojia hoxian haide xiaisan onni xianli. Yanyanji zhaghasunlai bareizhi 48 on duruse usu bienzide laizhi khizhedene sousenu gounilai sunghuzhi tunzide teine. Bixinnilai bendane. 49 Duya barakudeye ingiene. Qienxienla irese doghun kunni gou kun dundase sunghu khizhedene 50 fugie khantu nokiende bendase hhende shidunne zhouzhi wilane."

3 "Zhughede nanxin kunlade fuqi wine,

asiman gojiashi hhelanughun wo.

4 Nango giechen kunlade fuqi wine,

hhelai sidaghazhi kieliene.

5 Goyane meilade uzhechen kunlade fuqi wine,

hhela ghazhai jienliene.

6 Gundanni giene giezhi oliesuzhi undasuchen kunlade fuqi wine,

hhelade kurughane.

7 Ubali xiichen kunlade fuqi wine,

hhelade ubali xiine.

8 Zhughe ganjintu kunlade fuqi wine,

hhela Hudai chujieghene.

9 Heqishighachen kunlade fuqi wine,

hhelai Hudai kewosi giezhi urune.

10 Gundannide oluzhi heikui shouisan kunlade fuqi wine,

asiman gojiashi hhelanughun wo."

11 "Mii yenyinghala kunla tai shizheghazhi, heizhi, shiheni doghunnighala ghudan kieliezhi tai sugiese tande fuqi wine. 12 Ta hende bayasundu, asiman jiere tande ogiku jianli fugie wo. Tanse melieshiku xienzhilaiye ingiezhi biizhi daozho."

1 Hhe shihoude tujilani Ersai shida ire asawo, "Asiman gojiade kien zui fugie wo?" 2 Ersa nie kewosii uruzhi ire hhelai dunda beighadene kieliewo, 3 "Bi tande shuhua kielieye, ta geizhen giezhi kewosi mutun ulie gholuse asiman gojiade oro dane. 4 Ingiese kien ene kewosi mutun goyane meilade uzhese asiman gojiade zui fugie wo.

14 Ingiese Ersa kieliezho, "Kesilai bu dui, mii shida ire gie. Asiman gojiashi imutu kunlanughun wo."

23 Ersa tujiladene kieliewo, "Bi tande shuhua kielieye, bayan kun asiman gojiade oroku chijia wo. 24 Bi tande pse kielieye, loto zhun boghose daoku bayan kun Hudai gojiade orokuse da sunfan wo." 25 Tujila enei chenliedene ghanirazhi kieliewo, "Ingiese kienyi jiui shidane?" 26 Ersa hhelai uzhedene kieliewo, "Kun enei gie danema, Huda yanniliuzhe giene."

5 Bi oresan gaijiula, chenlie. Huda duya jieredu nanxin kunlai sunghudene xinyan jiere ese bayazheghawu? Da Hudade oresan kunlade dain giesan hhe gojiani hhelade ese jienlieghawu?

21 "Mii, 'Ezhan, Ezhan!' giezhi waradachen kunla man asiman gojiade orokui pusho. Zinie asimandedu Adaimi kielien mutun giechen kunla orone.

19 Ingiese kienliuzhe enezighan minlin jieredu zui ganii ulie zunjizhi kunlade ulie zunjise olune giezhi sughase asiman gojiade zui gani giezhi urune. Kienliuzhe minlinyi zunjizhi kunlade sughase asiman gojiade fugieni giezhi urune. 20 Bi tande kielieye, tai gouni jinwun hanjia, Falisai kunlase ulie daose jiedui asiman gojiade oro dane."

9 "Ingiese ta ingiezhi onxian gie,

'Asiman jieredu mai Ada,

chi nierene zhiguishigha.

10 Chii gojiai iregha.

Chi isine asiman jiere mutun

zemin jiere chenjigha.

1 Hhe xienzide xili gieghasan Yaheiya Yudayani hontande khizhedene chonjizhi kieliewo, 2 "Ta geizhen giendu, asiman gojia chadashiwo!"

17 Hhe shihouse kaishi giezhi Ersa chonjizhi kieliewo, "Ta geizhen giendu. Asiman gojia chadashiwo."

7 Xien yo xien chonjizhi kielie, 'Asiman gojia chadashiwo!'

11 Bi tande kielieye, dunmien ximiense olon niman kunla irezhi asiman gojiade Iburaheimu, Isaghei, Yagebure hhantu xi soune.

11 Bi tande shuhua kielieye, biereila olusan kun dunda xili gieghasan Yaheiyase fugieni nieda uwoma, asiman gojiade zui meila kun hhense fugie wo. 12 Yaheiyani hhe xienzise eli kutula asiman gojiani hende eghizho, lihaitu kun hhei qianlazho.

28 Ingiese matan ulie gojioluku gojiani jienliese mafan gieye. Xienlian, zunjiku zhugheghala Hudai bayasughazhi beiiye. 29 Matai Hudashi sidera widaghaku khan wo.

10 Ingiese gaijiula, ta genjia xiacha giezhi Huda tai urusan, sunghusanyi khidunde gholugha. Ta enei giese ulie furane. 11 Ingiezhi giese mai Ezhan, yeshijiu jiuichen Ersa Mexihani chanqiku gojiade sunfande orone.

18 Ezhan mii yanyanji doghun shiqinlase jiui khizhezhi asiman jieredu hhei gojiade pinnan oroghane. Kuaikui chanqi izhi hhende ogi. Amine!

32 "Ta kun choghontu kunla, bu ayi. Tai Ada bayasuzhi asiman gojiani tande ogine.

5 Ta goude mejie, lon kijiechen, zannanni giechen, tanxin giechenla Mexiha Hudaghalai gojiai jiachanni jienlie dane. Tanxin gieku nigiedade beiikughala niekielien wo.