Reino dos céus

Fioangon Awewen Pisaeg Kooap

44 "Mweoiu Naaeng a pwan weei minneen. Erhai mwaaen enoa rhuungi eew pisaeg kooap egin rhaeng me wooan eew maat. A pwaniuw sefaaen noa nge noan aan kker a noa ameow noa oanongaen minikkena pisaegin, nge a sefaaen noa nge a noa meoni maat we.

Fioangon Awewen Faiun Usowus

45 "Mweoiun Naaeng a pwan weei minneen. Erhai mwaaen rhooan chuwaai nge e kiukkiutta fetaen faiun usowus kka nning, 46 nge igine a giuneei efai min igin yor ipitan, a noa ameow noa oanongaen pisaegin nge a meoni faiun usowus we.

Fioangon Awewen Faiun Mustard

31 Iwe, Jesus a fioangei ngaeniir pwan eew fioangon awewe: "Mweoiu Naaeng a aeffitaeg ngaeni minneen. Erhai mwaaen a pwigi efai faiun mustard a noa foatogi noan aan menaai. 32 Iiy minne oarosaen mwittigin me neeiir faiun irae, nge igine a menawtae nge iiy minne oarosaen temoag me neeiin irae me noan menaai we. A ssiuwen ngaeni efoarh irae faeregit, pwe man aeniaen repwe itto ffeeor feseer wooan raaen."Yeast

Fioangon Awewen Yeast

33 Iwe, Jesus a fioangei ngaeniir pwan eew fioangon awewe: "Mweoiu Naaeng a aeffitaeg ngaeni minneen. Erhai rhooapwut a pwigi egius yeast nge a nofiti fengaenniy me enuuw pwaecchin fenoawa emas toori aan pwo tae fenoawa we."

Fioangon Awewen Fetin

24 Jesus a pwan fioangei ngaeniir pwan eew fioangon awewe: "Mweoiu Naaeng a aeffitaeg ngaeni minneen. Erhai mwaaen a aeperes faiun foat gacch noan aan menaai. 25 Noan eew pwongin, igiwe aeremas ra maiur, erhai man aenneew a itto aeperes pwuger mwaaen neeiin maat we, iwe, a noa. 26 Oatowe faiun foat kkewe ra menawtae nge ra uuwa, iwe nge a noa pwae noa pwuger mwaaen kkewe. 27 Mwaaen kkewe naiun rhooan engaang ra itto reen nge ra aengaeni pwe, ‘Menap, saapw faiun foat gacch miniwe wofoat noan menaai we oamw?. Nge iya rhag pwuger mwaaen ra noa itto me ee?’ 28 A paniuwaeniir pwe, ‘Erhai man aenneew a feeori minneei.’ Iwe, rhooawe rhooan engaang ra aeiineow pwe, ‘Wo mwerhaen aeipwe noa wiytae pwuger mwaaen kenaan?’ 29 Iwe a paniuwaeniir pwe, ‘Aapw, pwe aere oawpwe wiytae pwuger mwaaen kenaan nge emmwen pwe faiun foat kkewe repwe pwan wisaegtae. 30 Oaw nigitiir pwe repwe menaw ppagtae toori oaton ee sipwene gin. Iwe nge ngaang ipwe naaen aengaeni rhooan affeeoriun repwe mmwaen wiytae pwuger mwaaen kkewe, ra geoni fengaenniy nge ra figiir noa. Iwe ra ioni fengaenniy faiun foat kkewe nge ra iseniir nong noan aaei imwaen soko.’ "Mustard

Jesus a Aemmetefa Fioangon Awewen Fetin we

36 Iwe igiwe Jesus a noa saengi pwuwaen aeremas kkewe nge a toonong noan eew iimw, rhooan kkayeo kkewe naiun ra itto reen nge ra aengaeni pwe, "Wopwe aemmetefa ngaenigemaem meeta faaen fioangon awewen fetin we noan menaai we."

37 Jesus a paniuwaeniir pwe, "Mwaaen we aeperes faiun foat kkewe egacch nge ina iiy Naiun Aeremas; 38 menaai we ina feoniufan; faiun foat kkewe regacch ina aeremesaen Mweoiu Naaeng; nge pwuger mwaaen kkewe, ina iir naiun Man Aenneew we; 39 nge man aenneew we e foatogi pwuger mwaaen kkewe ina Saetan. Nge oaton gin nge ina nee soapwonoan feoniufan, nge rhooan affeeoriun gin we ina iir angkenus. 40 Wunuunun pwuger mwaaen kkewe ra ioni fengaenniy nge ra figiir tae wooan aengaet, nge ina wunuunun minne epwe wen nee soapwonoan feoniufan. 41 Miniwe Naiun Aeremas epwene fangenoa naiun angkenus pwe repwe ioniir iyo kkewe reno noan Mweoiun iwe re paeni ngaeniir monofit, pwan rhooawe refeeori wegitaeg aenneew, 42 nge repwe oatoranong noan nenien aengaet, iga repwe sessaeng nge akkaarengi me ee. 43 Iwe rhooa mwamwaai repwene ttin taeppen aenet noan Mweoiun Semeer. Iyo eyor saeningan, epwe rongorong!

Fioangon Awewen Wuug

47 "Mweoiun Naaeng a pwan weei minneen. Aaemweoi rhooan fita ra aekkaerh wow aar wuug noan meoneoiniun we nge ra niyap mesemesaen iig. 48 Oatowe wuug we a sseog reen iig, nge ra iuriunong nee ppiy, mwirin ra mooat tiw pwe repwe aemegena fesaenngiy iig kkewe: iig gacch ra iseni nong noan rhiug, nge iig kkewe re aenneew ra oatoranoa. 49 Epwe ieei wunuunun nee soapwonoan feoniufan. Angkenus repwene noa aeyimweoiuw fesaenngiy aeremas aenneew saengiir aeremas mwamwaai. 50 Repwe oatoranong aeremas aenneew noan nenien aengaet, iya repwe sessaeng nge akkaarengi me ee."

Oanongonniuwaen Wenepwu

3 "Ra wenepwu rhooan giuneei pwe ngeoniiur e affayeo;

pwe iir repwe mweoiuni Mweoiu Naaeng.

4 Ra wenepwu rhooa nee tip cchoaw nee tipeer,

pwe Deus epwe rhipeer.

5 Ra wenepwu rhooa mesoan,

pwe iir repwe faniuwaeni feoniufan.

6 Ra wenepwu rhooan mwerhaen feeori minne epwiung me faaen mesaen Deus,

pwe Deus epwe fang ngaeniir minikkena re tipaeni.

7 Ra wenepwu rhooa ffayeo,

pwe Deus epwe pwan ffayeo ngaeniir.

8 Ra wenepwu rhooa nimegacch nee tipeer,

pwe iir repwe weri Deus.

9 Ra wenepwu rhooan engaengaen oapoas,

pwe Deus epwe faingiir pwe iir naiun.

10 Ra wenepwu rhooa aewwaeiraes reen aar feeori nee tipaen Deus,

pwe iir repwe mweoiuni Mweoiu Naaeng.

11 "Oaw wenepwu aaemi rhooana re ffeeoretae kkepesaemi, nge re aewwaeiraesigaemi, me aepesa aenneewagaemi pwe aegin ngaang. 12 Oawkker nge a mwamwaai nee tipaemi, pwe a yor paniuwaemi ina e igin faeregit me naaeng. Pwe ieei wunuunun aar pwan aewwaeiraesiir profeta kkewe regommw me mmwaemi.

Iyo e Oarosaen Taegias?

1 Noan oatowe rhooan kkayeo kkewe ra itto reen Jesus nge ra aeiineow pwe, "Iyo e oarosaen taegias me noan minna Mweoiu Naaeng?"

2 Iwe Jesus a faingito erhai wonigaet nge aiuwtae me weni mmweer. 3 Nge a aepesa pwe, "Ennetaen, ipwe aengaenigaemi, aere oawse ssiuwen pwe oawpwe weer rhag wonigaet, oawsoapw mmwenen toonong noan minna Mweoiu Naaeng. 4 Iyo na oarosaen taegias me noan minna Mweoiu Naaeng, nge iiy minne e oasossonaetiw pwe epwe aeffitaeg ngaeni wonigaet een.

14 Nge Jesus a iura pwe, "Fangeto aetekkena reei, nge oawsoapw aiugiiur, pwe minna Mweoiu Naaeng ina aar aeremas kka reweer wonigaet."

23 Iwe Jesus a aengaeniir rhooan kkayeo kkewe naiun pwe, "Ennetaen, ipwe aengaenigaemi: epwe waeiraes pwe aeremas kka re pisaegisaeg repwe toonong noan minna Mweoiu Naaeng. 24 Ipwe aepini sefaaeniy ngaenigaemi, egin mererhaeg aaen erhai camel epwe toonong noan ngetaen efoarh oaguwa, me mmwaen aaen erhai mwaaen pisaegisaeg epwe toonong noan minna Mweoiun Deus."

25 Igiwe rhooan kkayeo kkewe ra rongorong kkepas we, ra igin riutae reen nge ra aeiineow pwe, "Iwe, iyo rhag epwe mmwenen menaw?"

26 Nge Jesus a fan wenewen ngaeniir nge a paniuwaeniir pwe, "Minneei ese mmwen ngaeni aeremas, nge oanongaen meeta nge emmwen ngaeni Deus."

Ngaang Ise Giunegaemi

21 "Saapw oanongeer rhooakka re faingiaei pwe ‘Soamwoon, Soamwoon,’ nge repwe toonong noan Mweoiu Naaeng, pwe rhooawe rhag refeeori nee tipaen minna Semaei wooai naaeng.

19 Iwe, ngaere erhai ese tapweei mwo nge eew anniug mwittig kkeei nge e oasuguuna ngaeniir aaemweoi pwe repwe pwan taeppen iiy, iiy epwe igin sessoan me noan Mweoiu Naaeng. Ngaere erhai epwe tapweei iiy anniug kkeei nge e oasuguuna ngaeniir aaemweoi pwe repwe pwan taeppen iiy, iiy epwe taegias me noan Mweoiu Naaeng. 20 Ipwe aengaenigaemi, pwe aaemi oawpwe mmwenen toonong rhag noan Mweoiu Naaeng igine aaemi e mwamwaai wegitaegimi saengiir sinsein anniug me Pharisees kkewe.

9 Iwe, epwe ieei wunuunun aaemi oawpwe maeipin:

‘Semmaem wooai naaeng,

aemwo epwe ssoar minna itoamw ina e santus,

10 aemwo Mweoiumw epwe war,

aemwo nee tipoamw epwe no

wooan feoniufan wunuunun rhag noan naaeng.

Aaen John Baptist Fenai

1 Reen oaton naan nge John Baptist a noa noan eew desert me noan Judea iwe a rhaepiy tae aan fenai. 2 Iwe, a iura pwe, "Oawpwe toagun saengi monofitimi, pwe Mweoiu Naaeng a arapeto."

17 Saengi iiy oatowe nge Jesus a rhaepiy tae aan fenai, "Oawpwe toagun saengi monofitimi, pwe Mweoiu Naaeng a arapeto!"

7 Oawnoa nge oawwa fenaiuw kkepas een, ‘Mweoiu Naaeng a arapeto!’

11 Ipwe aengaenigaemi, pwe re towunap aeremas repwe itto saengi eotiw me netow nge repwe mooat oaron Abraham, Isaac me Jacob noan gupwunnap na noan Mweoiu Naaeng.

11 Ennetaen, ipwe aengaenigaemi, pwe John Baptist ina e taegias saengiir aeremas towunap kka reno wooan soanop. Iwe nge manna oarosaen git me noan Mweoiu Naaeng ina e taegias saengi John. 12 Saengi rhag oaton we John Baptist a rhaepetae aan fenai toorito igina nge miniwe Mweoiu Naaeng a toonong noan waeiraes pwe aeremas aenneew ra fiiow wooan pwe repwe nemaeni.

Wenepwu Kena Wooai Naaeng

32 "Oawsoapw mesag, aaemi ikkina fitiman, pwe minna Semaemi ina e mwamwaai tipan epwe ngaennegaemi minna Mweoiun.