Reino dos céus

O Reino dos Céus é comparado por Jesus a tesouros, sementes e redes. Através de parábolas, Ele revelou os mistérios de um Reino que já está entre nós, mas que se consumará na eternidade.

O valor incomparável do Reino

O Reino dos Céus é como um tesouro escondido ou uma pérola de grande valor. Quem o encontra, vende tudo para possuí-lo.

Undiir a ntal aŋàyee anà làpɛr

44 « Imwol a du kyà asànaa undiir a ntal wàŋàyee u mɛɛn uboo a ywaŋ làmwɛy, waa mbuur mwɛy kàmɛn wa: nde kan’fàyee wa. Unsà un’sak, nde waa ukyà, uyälà indiir ande byanswà ntɔn musom ywaŋ alà. »

45 « Le, Imwol a du kyan’kwo ifàkal asànaa un’tɛɛl a an’yà ayileŋ mpɛr aŋàbwaŋ. 46 Utaaŋ kàmɛn nde làpɛr làmwɛy làntal a kölàköl, nde kàkàyälà indiir ande byanswà ntɔn musom làpɛr alà. »

Mateus 13:44-46

Nsim a imbɛŋ ikikye

31 Yɛsu kàfatɛɛl nsim asin naa: « Imwol a du kyà asànaa mbuur mwɛy kan’wal imbɛŋ ikikye anà kan’kɔn kya u ywaŋ ande. 32 Imbɛŋ aki kyà imbɛŋ mwɛy kyan’söön ukye uboo a mbɛŋ yanswà. Wɛɛ kya isàyɛl, kya ifàbulà un’te mwɛy wà kölàköl. Apan, nɛn a du iyàtɔŋ an’yaab aya kan’kɔkà a wa. »

Mateus 13:31,32

Nsim a ful

33 Yɛsu kàfatɛɛl nsim asin naa: « Imwol a du kyà asànaa ful kàwɛl un’kaar mwɛy anà kàbünà nde anà an’kɔɔb an’tär mà mfufu a mampà. Ungö apan mfar yanswà waa yàfül. »

Mateus 13:33

Parábolas do Reino

Jesus ensinou sobre o Reino mediante parábolas que revelam seu crescimento, seu juízo e a separação final entre justos e injustos.

Nsim a un’lɛŋ un’be

24 Yɛsu kàfatɛɛl nsim asin: « Imwol a du kyà asànaa mbuur mwɛy kàkön imbɛŋ aŋàbwaŋ u ywaŋ ande. 25 Wɛɛ utaaŋ bàkäl baar mubɔ̈ɔ̈n, un’yiiŋ ande waa kàyi, waa kàkön iteerà uboo a blɛ, laa kàkyen nde. 26 Mpal làyɛl blɛ anà imfà byàsɛmà bya mutoo, iteerà sye waa byàyàsɛnà mbwo mwɛy anà bya. 27 Asyääl a ŋaywaŋ bayi mukun’fuul naa: "Nkum, nkye kà imbɛŋ aŋàbwaŋ anki ngye kàkön u ywaŋ angye? Wɛɛ iteerà binà byan’fà ken?" 28 Nde kafuur naa: "Un’yiiŋ mwɛy kàkyer abun." Asyääl waa bun’fuul naa: "Nkye ngye akyàkwen naa bi ikàlwom bya?" 29 Nde kàtɛn a ba naa: "Aay, manà bɛ làyàkàtsuum blɛ mbwo mwɛy anà iteerà. 30 Làwɛy bya byàbyeel byàyɛl mbwo mwɛy tii u paŋà abwo bya. Mpal ayin mɛ in’sàtɛn a abweel naa: Tàlalwoomà iteerà, làbäm bya ibiŋ ntɔn musà bya mbaa. Ungö, làbwe imfà, làsi blɛ unsà ikɔr amɛ." »

Mateus 13:24-30

Mbuul a nsim a iteerà

36 Apan Yɛsu kàsàwɛy iköŋ a baar, waa kàkyen ndwà. Alɔŋki ande bàsin apà nde, waa bàtɛn a nde naa: « Ibuul nsim a iteerà uboo a ywaŋ. » 37 Nde kafuur abà: « Mbuur afàkɔn imbɛŋ aŋàbwaŋ, Mwan a mbuur, 38 ywaŋ là mɛɛn mà, imbɛŋ aŋàbwaŋ bà baan abà uboo a Imwol, iteerà ikaswaŋà baan a Mbuur un’be. 39 Ŋankir kàkön iteerà wà ileŋ, mbweel a imbɛŋ yà ntsüü a mɛɛn mà, wɛɛ abweel bà akyeey. 40 Abun, asànaa bàfàtsuum iteerà ntɔn musà bya mbaa, ya sye isàkal abwɛy u ntsüü a mɛɛn: 41 Mwan a mbuur asàtɔm akyeey ande mulwom uboo a Imwol ande, ndaa yanswà ifàsiinà baar mukyer ube anà baar bàfàyweer ndaa a mbe, 42 waa bàsatɔɔm u yaaŋ a mbaa. Akun ntsü isàkal ilel anà nkwoor a an’din. 43 Apan, baar a balàbal bàsàtà in’nyäŋ uboo a Imwol a Taaràba asànaa taaŋ. Wɛy mbuur awe anà an’tsü awem uwem! »

Mateus 13:36-43

Nsim a an’tɛy

47 « Imwol adu kyan’kwo bàfàsi anà an’tɛy mwɛy ban’tɔɔm kà ɛwà anà man’siim nsö a ifà ifà. 48 Ma isàyɔl, alɔ̈ɔ̈b waa bànaan ma u nkankyel, waa bàbwaay, bàsà nsö aŋàbwaŋ uboo a un’lwaŋ, waa bàpiy indiir ikɔ̈ɔ̈n ndöŋ. 49 Ya sye isàkal abun u ntsüü a mɛɛn: akyeey bàsàyà ntɔn mukaab baar abe anà baar a balàbal, 50 waa bàsàtɔɔm baar abe u yaaŋ a mbaa. Akun ntsü isàkal ilel anà nkwoor a an’din. »

Mateus 13:47-50

Quem herda o Reino

Os humildes, os pobres de espírito e as crianças são herdeiros do Reino. Mas é difícil para os ricos entrarem nele.

Ubwaŋ a ndandaa

3 « Un’sak akà baar abye anà mpem a làbɔ̈ɔ̈n,

ntɔn Imwol a du kye anà ba!

4 Un’sak akà baar bàlelà,

ntɔn bàkyer asalɛɛl!

5 Un’sak akà baar a làbɔ̈ɔ̈n, ntɔn mɛɛn mà isàkal kwal aba!

6 Un’sak akà baar abye anà ngyal anà mfwää a balàbal,

ntɔn ba bàkyer asàyuur!

7 Un’sak akà aŋangyɛb,

ntɔn bàkyer asasyääm!

8 Un’sak akà baar abye anà mpem a pɛɛl,

ntɔn ba bàsàman Nzam!

9 Un’sak akà baar bàfàsà duu,

ntɔn bàsabel baan a Nzam!

10 Un’sak akà baar bàŋàmɛɛy nkwaaŋ ntɔn balàbal,

ntɔn imwol a du isàkal kyà ba!

11 Un’sak we anà bɛ isàkal naa bàmàlato, bàmàlamɛɛy nkwaaŋ anà bàmàlaküür ndaa ntɔn mɛ. 12 Làsäŋ, làkäl kun’sak, ntɔn bweel a kölàköl làmukàladilà u du. Abun sye bàmɛɛy ba nkwaaŋ akà aŋangɔɔm bàkäl kusà abɛ. »

Mateus 5:3-12

Mbuur a kölàköl uboo a Imwol a du

1 Utaaŋ alan, alɔŋki bàsin tsütsü apà Ysɛu, waa bàtɛn a nde naa: « Abun, nà awà kölàköl uboo a Imwol a du? » 2 Yɛsu kàbel mwan mwɛy, kun’si uboboo a ba, 3 waa kàtɛn naa: « Ndandaa mɛ alàkyään, isàkal naa bɛ làsɔɔmà anki anà làkɔɔn abulà asànaa baan, bɛ làsàbilà anki kà Imwol a du. 4 Lalan, mbuur wanswà asàkal anà làbɔ̈ɔ̈n, nde asàkal wàkölàköl kà Imwol a du.

Mateus 18:1-4

14 Yɛsu kàtɛn naa: « Lawɛy baan ambɛy bàyi akà mɛ, twɔn làmatsuŋ ntɔn Imwol a du kye akà baar abà asànaa ba. »

Mateus 19:14

23 Waa Yɛsu kàtɛn a alɔŋki ande naa: « Mɛ, mɛ alàkyään ndandaa naa yà mpay akà ŋun’naaŋ mubilà kà Imwol a du. 24 Mɛ, mɛ in’fàlakyään naa: mpay yatɛy akà mpoonà mubilà u mun a nsway, akwànaa akà ŋun’naaŋ mubilà uboo a Imwol a Nzam. » 25 Mpal bàwem alɔŋki abwɛy, ba bàbem mbɔɔn, waa bàtɛn naa: « Abun, nà kan’kwo muwà mɔ̈ɔ̈? » 26 Yɛsu laa kaler nde, waa kàtɛn a ba naa: « Ya ikwe anki akà baar, wɛɛ akà Nzam yanswà ikyer afàkwo. »

Mateus 19:23-26

5 Atɔŋ amɛ bànkwen, làwem: nkye aŋàlàmbwà kà Nzam kasɔ̈ɔ̈l anki u mii a baar ntɔn mukabuul aŋin’naaŋ unsà làkwikilà anà muwal kwal a Imwol akyà kàpɛ nde ilää mupà akà baar bàfun’kwen?

Tiago 2:5

Buscar o Reino acima de tudo

Jesus ensinou que devemos buscar primeiro o Reino e sua justiça. Nem todo que diz 'Senhor, Senhor' entrará — só quem faz a vontade do Pai.

Alɔŋki a ndandaa

21 « Kyakin, kà baar banswà anki bàfàtɛn a mɛ naa "Mwol, Mwol", bàsàbilà uboo a Imwol a du, wɛɛ ba mpɛl bàfàkyer ukwen a Taaràmɛ awà u du.

Mateus 7:21

19 Undiir awun, mbuur asàbɛy, itàkal kinswɛɛŋ mwɛy uboo a in’kɔɔn ami myanswà anà asàlɔŋ baar mukyer abà, nde asàkal kimbuur uboo a Imwol a du. Wɛɛ mbuur asàsyääl mya anà asàlɔŋ mya akà baar bumwɛy, nde asàkal mbuur a kölàköl uboo a Imwol a du. 20 Mɛ, mɛ alakyään naa: isàkal naa balàbal abɛ làlyaŋ anki balàbal a alɔɔŋ a in’kɔɔn anà Amfarisi, bɛ, bɛ taaŋ asàbilà uboo a Imwol a du latɛy. »

Mateus 5:19,20

9 Le bɛ, bɛ làyamà abà:

"Taaràbi awà u du,

wɛy ikɔb angye ikäl kyà in’kyɛɛl,

10 wɛy Imwol angye iyi,

wɛy ukwen angye bàmɛnà u mɛɛn asànaa abà ba u du.

Mateus 6:9,10

Ywan Un’düümà u nsye a ipɔl

1 Utaaŋ alan, Ywan Un’düümà kàyàmɛnà u nsye a ipɔl a Yuday mulɔŋ naa: 2 « Làbuul mpem abɛ, ntɔn Imwol a du kye tsütsü! »

Mateus 3:1,2

17 Fà umpal ayin, Yɛsu laa kàsɛmà nde mukyään naa: « Làbuul mpem abɛ: Imwol a du kyan’yàsin tsütsü! »

Mateus 4:17

7 U mbwo làkyà bɛ, làlɔŋ naa Imwol a du kyà tsütsü.

Mateus 10:7

11 Mɛ in’fàlakyään naa baar mbɔɔn bàsàfà mper làfàsɛnà anà làfàkàminà taaŋ, ba bàsàdyà mɛsà mwɛy anà Abàlam, Isak anà Yakɔb uboo a Imwol a du,

Mateus 8:11

11 Ndandaa mɛ alàkyään: uboo a baar banswà kàbör un’kaar, akà mbuur mwɛy kan’söön Ywan Un’düümà watɛy. Wɛɛ mbuur ikikye uboo a Imwol a du kàmusöön. 12 Sɛmà paŋà a Ywan Un’düümà tii ŋàbawà, Imwol a du kyà uboo a unkaak a ngwal. Aŋunkaak a ngwal bàfàgyɔɔr kya.

Mateus 11:11,12

A herança eterna

O Reino dos Céus é inabalável e eterno. Deus nos chama a fazer firme a nossa vocação e eleição para entrar nesse Reino.

28 Ntɔn bi ifàwal imwol mpa kyàfànini, wɛy bi ikäär kab a ngway alà. U mbwo a la, wɛy bi isyääl Nzam mukun’pà un’sak, unsà unkyeey anà bɔɔmà. 29 Ntɔn Nzam abi wà mbaa ifàkuuŋ.

Hebreus 12:28,29

10 Kyakin, atɔŋ, fàlasye ngwal ntɔn mutà làbeel abɛ mpi anà nsɔ̈ɔ̈l abɛ. Abun, waa bɔɔmà abwà mpa bàkal akà ikikye. 11 Kyakin, waa mbiilà abɛ unsà Imwol a mbul a in’tye kyà Mwol anà Un’tswää a mɔ̈ɔ̈ abi Yɛsu Klistɔ isàkal yàŋàduub kölàköl.

2 Pedro 1:10,11

18 Mwol asàkyer an’tswà mɔ̈ɔ̈ kusà a nkyeer ambe yanswà, waa usan’biil unsà ubwaŋ banswà uboo a Imwol ande kyà du. Wɛy làkoo làkäl anà nde u mbul a in’tye! Wöwöö!

2 Timóteo 4:18

Un’naaŋ a du

32 « Twon an’man bɔɔmà, ngye làböl ikikye! Ntɔn Taaràbɛ kàkwen mukàlapà imwol.

Lucas 12:32

5 Ntɔn, làyöb ubwaŋàbwaŋ naa mbuur wanswà afàkyer ipasàsɛ, ndaa a nswɛn itàkal unkaam - ikaswaŋà naa itɛk - usàwal anki kwal unsà Imwol a Klistɔ anà kyà Nzam.