17 तेइसेरू देंतू यीशुए परमेशरेरी खबर लोकन प्रचार केरनेरी सेवा शुरू की। तैनी लोकन ज़ोवं, "अपने पापन करां मन फिराथ, किजोकि सुर्गेरू राज़ नेड़े एवरूए।"

15 तैनी ज़ोवं कि, "ठीक वक्त एवरोए त कने परमेशरेरू राज़ नेड़े एवरूए! एल्हेरेलेइ, तुस अपने पापन करां मन फिराथ ते इस खुशखेबरी पुड़ विश्वास केरा।"

9 तैट्ठेरे बिमारन बज़्झ़ाथ, ते तैन सेइं ज़ोथ, "परमेशरेरू राज़ नेड़े एवरूए।"

7 पहाड़न पुड़ तैन केरे पव केत्रे रोड़ेन ज़ैना खुशखबरी आनतन, ज़ैना शैन्तरी गल्‍लां शुनातन ते छुटकारेरो सन्देश देतन, ज़ै सिय्योने सेइं ज़ोते, "तेरो परमेशर राज़ केरते।"✝

17 हुनी हमेशारो राज़ो, ज़ै सदा ज़ींतोए ते आलाए महान परमेशरेरी आदर, ते महिमा सदा भोती राए। आमीन।

11 हे यहोवा! महिमा, पराक्रम, शोभा, सामर्थ ते वैभव तेरूए। किजोकि अम्बरे ते धेरती पुड़ ज़ैन किछ आहे, तैन तेरूए। हे यहोवा! राज़ तेरूए, ते तू सेभन पुड़ प्रधान ते महान आस।✝

10 तै महिमारो राज़ो कौने?

सेना केरो यहोवा, तैए महिमारो राज़ोए। (सेला)

22 किजोकि यहोवा इश्शो न्याय केरनेबालो, यहोवा इश्शो हाकिम, यहोवा इश्शो राज़ो, ते तैए असन बच़ालो।

9 तैखन यहोवा सैरी धेरतरो राज़ो भोल्हो; ते तैस दिहाड़े अक्‍के यहोवा ते तैसेरू नवं भी अक्‍के मन्नू गालू।✝

3 यीशुए जुवाब दित्तो, "अवं तुसन सेइं सच़-सच़ ज़ोताईं कि ज़ांतगर कोई मैन्हु दुबारो ज़र्म न घिन्ने, त तै परमेशरेरू राज़ न लेही सके।"

5 यीशुए जुवाब दित्तो, "अवं तुसन सेइं सच़-सच़ ज़ोताईं कि ज़ांतगर कोई मैन्हु पैनी सेइं ते आत्माई सेइं पैदा न भोए, तै परमेशरेरे राज़्ज़े मां दाखल न भोइ सके।

33 पन पेइले तुस अपने आपे परमेशरेरे राज़्ज़ेरे लेई अर्पण केरा, ते तैन कम केरा ज़ैन परमेशरेरी नज़री मां रोड़ू भोते, त इना सैरी चीज़ां भी तुसन मैल्ही गैली।

14 यीशुए ज़ोवं, "बच्‍चे मीं कां एजने देथ, तैन न ठाका, किजोकि सुर्गेरू राज़ एरां केरूए।"

10 परमेशर तैन लोकन बरकत देते, ज़ैना परमेशरेरी नज़री मां रोड़ि गल्‍लां केरनेरे वजाई सेइं सताए गातन,

किजोकि परमेशर तैन पुड़ राज़ केरते।"

19 अवं अपने सुर्गेरे राज़्ज़ेरी चैबी तीं देइलो, ते ज़ैन किछ तू ज़मीनी पुड़ बन्धेलो तैन सुर्गे मां बेंधोलू, ते ज़ैन किछ तू ज़मीनी पुड़ खोल्‍लेलो तैन सब किछ सुर्गे मां खुल्‍लेलू।"

19 एल्हेरेलेइ तुस गैर कौमां केरे लोक परदेशी ते मुसाफर न राए, पन परमेशरेरे लोकां केरू झुण्ड, ते परमेशरेरे घरानेरे भोए। 20 तुस इमारतरे ज़ेरेथ ज़ेसेरी बुनीयाद प्रेरित ते नबी आन ते यीशु मसीह एप्पू तैसेरे कूनेरो घोड़े।

32 "तुस भैड्डां केरे निकड़े केन्नरे ज़ेरेथ, तुस कोन्ची गल्‍लरे लेई न डरा, किजोकि तुश्शे बाजेरी खुशी एस्से मां आहे, कि तै तुसन राज़ दे।

5,6 इना लोक पेइले आन ज़ैना ज़ींते किये गाले ते तैना धन ते पवित्र आन। दूइयोवं मौतरी तैन पुड़ कोई शक्ति न भोल्ही। तैना परमेशरेरे लेई याजक भोल्हे ते मसीह तैन सेइं साथी हज़ार साल राज़ केरेलो, ज़ांतगर तैना हज़ार साल पूरे न भोन तांतगर होरे मर्रे लोक ज़ींते न किये गाले।

9 कुन तुस न ज़ानथ, कि अन्यायी लोक, परमेशरेरे राज़्ज़ेरे बारस नईं भोने? धोखो न खाथ, न वेश्यागामी, न मूरती केरि पूज़ा केरनेबाले, न आयाश, न लुच्‍चे, न तैना ज़ैना मड़द मड़दन सेइं जिसमानी रिश्तो रखतन। 10 न च़ोर, न लालच़ी, न पीनेबाले, न गैई देनेबाले, न अंधेर केरनेबाले परमेशरेरे राज़्ज़ेरे बारस भोनेन।