Como era a relação de Jesus com pedro: os maiores ensinamentos de Cristo ao seu seguidor

I Jisu Sa Nanasia Si Pita

15 Ego pa liguna qai beto teteku ira, poni sa paranga lao tai Saimone Pita si Jisu, pira sau, Saimone, na tuna i Jone, ai sa vei, qu roroqusiu jolaniria ira aipira ara sao? saunia.

Sa oe lao si Pita, E, Bangara, ao qu gigilasiumua sa qa roroquigo tugu ara sao, sau.

Sa paranga si Jisu, Mu kopuniria na qua lami,* saunia.

16 Sa paranga lao mule na vinarua totoso tana si Jisu, Saimone, na tuna i Jone, ai vei qu roroqusiu tugu ara sao? saunia.

Sa oe lao si Saimone, E, Bangara, ao qu gigilasiumua qa roroquigo tugu ara sao, sau.

Sa paranga si Jisu, Mu kopuniria na qua sipi, sau.

17 Sa paranga lao mule na vinaue totoso si Jisu, Saimone, na tuna i Jone, qu roroqusiu tugu ara sao? sau.

Poni sa takulanga si Pita, ura sa nanasia kue totoso i Jisu sisa, pira saunia, Qu roroqusiu tugu ara sao? saunia. Ko sa paranga laoa sisa, Bangara, doru sakasava sa ao qu gigilariamua; ko qu gigilasiumua ao sa ara qa roroquigo tugu sao! sau.

Sa oe lao si Jisu, Ego, mu kopuniria na qua sipi.

28 Poni sa paranga lao si Pita, pira saunia, <<Bangara, mina vei ao sosoto tugu sina, sa mu kukusiu ko ma rerege lao tamu pa vuliti kolo,>> sau sisa.

29 <<Jongana, mu rerege lame gu,>> sau si Jisu.

Poni sa taloa tugu pa koaka si Pita ko sa podalai rerege lao ti Jisu pa vuliti kolo. 30 Ba totonai sa vagigilai i Pita sa na giburuna na gava poni sa sa matagutu ko sa podalai dururu, poni sa uui, <<Bangara, mu alosiu!>> sau.

31 Isa tugu sa paranga vei inara i Pita poni sa sa kaqama lao aru tamania i Jisu sa na limana isa beto pira saunia, <<Sa ikete jola sa na mua rarange! Ai sa vei ko qu ruarabeke sao?>> saunia.

I Pita sa Kilu Palenia si Jisu

54 Beto sa qai aru tamania ira si Jisu ko qai toni laonia pa ruma tana kuta iama lavata. I Pita sa sa tututi vasosouona tu pa ligudi ira. 55 Ko totonai sa qai vatoaia ira sa kai iku pa vaikorapaina na bobole sesebena na ruma tana kuta iama lavata beto qai kole toqo vailivutainia ira, sa sa lao somana toqona tugu tadira si Pita. 56 Totonai sa bati vaia kai nabulu rereko pa malarana na iku si Pita, sa sa dogoro taria, beto sa parangia, <<Api tugu sa kai tinoni sa tututia i Jisu!>> sau.

57 Ba sa kilu pale i Pita sisa, pira sau, <<Koi ago, qake gigilai ara sa na tinoni ina!>> sau.

58 Ko sa sosovai gu iapeki beto sa dogoro vaia mule kai tinoni sisa, ko pira saunia, <<Ao ba kame tugu agou qu tutia i Jisu sao!>> saunia.

Poni sa pira sau si Pita, <<Qokolo, nake ara sa!>> sau.

59 Ego ko sa jola padana kai aoa sa sa lamegana gu mule sa kai tinoni, ko pira sa paranga vaneneqi vei, <<Api vapura sosoto gu sa kame ira qai tutia i Jisu, ura kai tinoni Qalili sa na bangara api!>> sau sa na tinoni isa.

60 Ba pira sau si Pita, <<Qokolo, qake isongo vagigila podekia tugu ara sisa qu korapa pojai ao ina!>> sau. Isa tugu sa korapa paranga vei inara i Pita, sa sa piranga gu sa na kokorako. 61 Totonai sa sa balinga sa na Bangara ko sa do taria si Pita, poni sa roqu kamua i Pita totonai sisa vei sa tei pojania tu na Bangara isa perangana, isa pira sau, <<Mina oqoro piranga na kokorako kode bongi, sa kode muna kilu palenisiu ara kue totoso sao,>> sau. 62 Ko sa votu lao pa peguru si Pita ko sa lukana vapasania.