9 यो भी हो सकै सै, के परमेसवर के माणसां नै इस तरियां के तरिक्‍कें तै आराम करणा पड़ै, जिस तरियां तै परमेसवर नै दुनिया बणाण के सातवे दिन आराम करया था। 10 क्यूँके जो उसकै आराम की जगहां म्ह बड़या सै, उसनै भी परमेसवर की ढाळ अपणे काम पूरे करकै बिश्राम करया सै।

13 "जै तू विश्रामदिन नै अशुद्ध ना करै* यानिके मेरे उस पवित्र दिन म्ह अपणी इच्छा पूरी करण की कोशिश ना करै, अर विश्रामदिन नै आनन्द का दिन अर यहोवा का पवित्र करया होया दिन समझकै मान्‍नै; जै तू उसका सम्मान करकै उस दिन अपणी राह पै ना चाल्‍लै, अपणी इच्छा पूरी ना करै, अर अपणी ए बात ना बोल्‍लै, 14 तो तू यहोवा कै कारण सुखी होवैगा, अर मै तेरे ताहीं देश की ऊँच्‍ची जगहां पै चाल्‍लण देऊँगा; मै तेरे मूलपुरुष याकूब के हिस्से की फसल म्ह तै तेरे ताहीं खुवाऊँगा, क्यूँके यहोवा ए कै मुँह तै यो वचन लिकड्या सै।"

31 सारी बात्तां का निचोड़ यो सै के थम चाहे खाओ, चाहे पीओ, चाहे जो किमे करो, सारा किमे परमेसवर की महिमा कै खात्तर करो।

8 मै शान्ति तै लेट जाऊँगा अर सो जाऊँगा,

क्यूँके, हे यहोवा, सिर्फ तू ए मन्‍नै निश्चिन्त रहण देवै सै।

5 मै लेट कै सो ग्या,

फेर जाग ग्या, क्यूँके यहोवा मन्‍नै सम्भाळ सै।

2 थम जो सबेरै उठो सो अर देर करकै आराम करो सो

अर कड़ी मेहनत भरी रोट्टी खाओ सो, या सब थारै खात्तर बेकार सै;

क्यूँके यहोवा अपणे प्रेमियाँ नै न्यूए नींद* देवै सै।

5 तू ना तो रात के भय तै डरैगा,

अर ना उस तीर तै जो दिन म्ह उडै सै,

24 जिब तू लेट्टैगा, तो भय न्ही खावैगा,

जिब तू सोवैगा, तो तन्‍नै सुख की नींद आवैगी।

12 मेहनत करण आळा चाहे थोड़ा खावै, या घणा, तोभी उसकी नींद सुखदाई होवै सै; पर धनी के धन बढ़ण के कारण उस नै नींद न्ही आन्दी।

18 अर तन्‍नै आस होवैगी, इस कारण तू बेधड़क रहवैगा;

अर अपणे च्यांरु ओड़ देख-देखकै तू बेधड़क आराम कर सकैगा।

19 अर जिब तू लेट्टैगा, फेर कोए तन्‍नै डरावैगा न्ही;

अर भोत लोग तन्‍नै खुश करण का यत्न करैंगे।

2 उसनै शान्ति मिलै सै; जो सीध्धी चाल चाल्‍लै सै वे कब्र म्ह भी आराम पावैं सै।