9 അതിനാൽ ദൈവജനത്തിന് ഒരു ശബ്ബത്ത്* വിശ്രമം അവശേഷിക്കുന്നുണ്ട്. 10 ദൈവം തന്റെ പ്രവൃത്തിയിൽനിന്ന് വിശ്രമിച്ചതുപോലെ, ദൈവത്തിന്റെ സ്വസ്ഥതയിൽ പ്രവേശിച്ചയാൾ സ്വപ്രയത്നത്തിൽനിന്നും വിശ്രമിക്കുന്നു.

13 "നീ എന്റെ വിശുദ്ധദിവസത്തിൽ സ്വന്തം അഭീഷ്ടം പ്രവർത്തിക്കാതെയും

ശബ്ബത്തു ലംഘിക്കാതെ നിന്റെ കാലുകൾ അടക്കിവെക്കുകയും

ശബ്ബത്തിനെ ഒരു പ്രമോദമെന്നും

യഹോവയുടെ വിശുദ്ധദിവസം ആദരണീയമെന്നും കരുതുകയും

നിന്റെ സ്വന്തം വഴിക്കു തിരിയാതെയും സ്വന്തം ഇഷ്ടം ചെയ്യാതെയും

വ്യർഥസംസാരത്തിലേർപ്പെടാതെയും ആ ദിവസത്തെ ആദരിക്കുകയും ചെയ്യുമെങ്കിൽ,

14 നീ യഹോവയിൽ ആനന്ദം കണ്ടെത്തും;

ദേശത്തെ ഉന്നതസ്ഥാനങ്ങളിൽ ജയഘോഷത്തോടെ സവാരിചെയ്യുന്നതിനും

നിന്റെ പിതാവായ യാക്കോബിന്റെ അവകാശം ആസ്വദിക്കുന്നതിനും ഞാൻ ഇടയാക്കും."

യഹോവയുടെ വായ് ഇത് അരുളിച്ചെയ്തിരിക്കുന്നു.

31 നിങ്ങൾ ഭക്ഷിച്ചാലും പാനംചെയ്താലും മറ്റെന്തു ചെയ്താലും, അവയെല്ലാം ദൈവമഹത്ത്വത്തിനായി ചെയ്യുക;

8 ഞാൻ സമാധാനത്തോടെ കിടന്നുറങ്ങും,

എന്നെ സുരക്ഷിതമായി അധിവസിപ്പിക്കുന്നത്

യഹോവേ, അവിടന്നുതന്നെയാണല്ലോ.

സംഗീതസംവിധായകന്. വേണുനാദത്തോടെ.* കുറിപ്പ് കാണുക.

5 ഞാൻ കിടന്നുറങ്ങുന്നു;

യഹോവ എന്നെ കാക്കുന്നതിനാൽ ഞാൻ ഉറക്കമുണരുന്നു.

2 നിങ്ങൾ അതിരാവിലെ എഴുന്നേൽക്കുന്നതും

വൈകി ഉറങ്ങാൻപോകുന്നതും വ്യർഥം,

ഉപജീവനാർഥം കഠിനാധ്വാനംചെയ്യുന്നതും വൃഥായത്നം.

കാരണം, യഹോവ തനിക്കു പ്രിയപ്പെട്ടവർക്ക്, അവർ ഉറങ്ങുമ്പോൾത്തന്നെ നൽകുന്നു.

5 രാത്രിയുടെ ഭീകരതയോ

പകലിൽ ചീറിപ്പായുന്ന അസ്ത്രമോ

24 കിടക്കയിലേക്കുപോകുമ്പോൾ നിനക്കു ഭയമുണ്ടാകുകയില്ല;

നീ കിടക്കുകയും ഉടനെതന്നെ സുഖനിദ്രയിലമരുകയും ചെയ്യും

12 വേലക്കാർ ഭക്ഷിക്കുന്നത് അൽപ്പമോ അധികമോ ആയാലും

അവരുടെ ഉറക്കം സുഖകരമാണ്,

എന്നാൽ, സമ്പന്നരുടെ സമൃദ്ധി

അവരുടെ ഉറക്കം കെടുത്തുന്നു.

18 അപ്പോൾ പ്രത്യാശ അവശേഷിക്കുന്നതിനാൽ നീ സുരക്ഷിതനായിരിക്കും;

നീ ചുറ്റും നോക്കും, നിർഭയനായി വിശ്രമിക്കും.

19 നീ വിശ്രമിക്കും, ആരും നിന്നെ അസ്വസ്ഥനാക്കുകയില്ല,

പലരും നിന്റെ ഔദാര്യത്തിന്റെ ആനുകൂല്യം പ്രതീക്ഷിച്ചുവരും.

2 പരമാർഥതയോടെ ജീവിക്കുന്നവരെല്ലാം

സ്വസ്ഥതയിലേക്കു പ്രവേശിക്കും;

അവർ തങ്ങളുടെ മരണക്കിടക്കയിൽ വിശ്രമം നേടും.