9 एकरसेति, परमेसर के मनखेमन बर, एक बिसराम बचे हवय; 10 काबरकि जऊन ह परमेसर के बिसराम म जाथे, ओह अपन काम ले घलो बिसराम करथे, जइसने परमेसर ह अपन काम ले बिसराम करिस।

13 "यदि तें बिसराम दिन ला असुध नइं करबे

अऊ मोर ओ पबितर दिन म अपन ईछा पूरा करे के कोसिस नइं करबे,

यदि बिसराम दिन ला आनंद के दिन

अऊ यहोवा के पबितर दिन मानके आदर करबे,

अऊ यदि तें येकर आदर करके ओ दिन अपन मुताबिक नइं चलबे

अऊ अपन ईछा पूरा नइं करबे या बेकार बात नइं बोलबे,

14 त तोला यहोवा के कारन आनंद मिलही,

अऊ में तोला देस के ऊंचहा जगह म बिजयी मनखे सहीं चलाहूं

अऊ तोर पुरखा याकूब के निज भाग के ऊपज ले तोला भोज खवाहूं।"

यहोवा ह ये बात ला कहे हवय।

31 एकरसेति, चाहे तुमन खावव या पीयव या जऊन कुछू घलो करव, ये जम्मो काम परमेसर के महिमा बर करव।

8 सांति से मेंह लेटहूं अऊ सुतहूं,

काबरकि हे यहोवा, तेंहीच ह

मोला सुरकछा म रखथस।

5 मेंह लेटथंव अऊ सुत जाथंव;

मेंह फेर जागथंव, काबरकि यहोवा ह मोला संभालथे।

2 तुमन बेकार म बड़े बिहनियां उठथव

अऊ देर रात तक जागके

जेवन बर मेहनत करथव—

काबरकि ओह ओमन ला नींद देथे, जेमन ले ओह मया करथे।

5 रथिया के आतंक ले तोला डर नइं होही,

न ही ओ तीर ले डरबे, जेला दिनमान छोंड़े जाथे,

24 जब तेंह लेटबे, त तोला डर नइं होही;

जब तेंह सुतबे, त तोला सुख के नींद आही।

12 मेहनत करइया ला बने नींद आथे,

चाहे ओह जादा खावय या कम,

पर जहां तक धनी के बात ए,

ओकर धन के बहुंतायत ह ओला सोये बर नइं देय।

18 तेंह सुरकछित रहिबे, काबरकि तोला आसा होही;

तेंह अपनआप ला देखबे अऊ निरभय होके अराम करबे।

19 जब तेंह लेटबे, त तोला कोनो नइं डराहीं,

अऊ बहुंते झन तोर बर मया देखाहीं।

2 जेमन सीधा चाल चलथें

ओमन सांति पाथें;

ओमन आराम पाथें, जब ओमन के मऊत होथे।