Resistir
Resistir ao diabo e às forças do mal é um imperativo bíblico. Deus nos deu autoridade, armas espirituais e poder para enfrentar e vencer toda investida do inimigo.
Autoridade em Cristo
Jesus deu aos seus discípulos autoridade sobre todo o poder do inimigo. Em seu nome, temos domínio sobre as trevas.
Ana erme we, ene na kogona eraiglmedi yobuglo teiga pre ene toki kide ya toki giabade egraiglkwa ba ene ere kide ere tekraiglkwa. Te, Yagl kide kudano ikne moglkwa ikra, pra yobuglomo egre atne edenaiglkwa.
Ana Jisas yagl 72 dedugwa ikra, ye wan mogl, ede ikne udre, gun podo yei, Jisas yegl di teigwa, Yagl Kade yo, No ene kagn mina kogon erumnara i, murubuglo kide ama kano duglo beglmiwe digwa.
Ana Jisas ye duglo beglkwa yagl 12-pela agle dugo, ye ede magigl wigo, ye yobuglo ya namba togwa. Togwa i, ye murubuglo kide ya kide kane kane yoba sinaiglkwa i ere wakai ere tedre, te God yoba kingno mogl, suglno morabuka ka i di pene ede tenaiglmedi pre dedugwa.
Ana Jisas ye duglo beglkwa yagl 12-pela agle dugo, wigo, ye yobuglo ya namba togwa. Togwa i, ye murubuglo kide di meda edidre, te, giugl, yubun ya kide kane kane yoba sinaiglkwa i, ere wakai ere tenaiglmedi yobuglo togwa.
God yoba kingno mogl, suglno morabara i, na ene ki tebo, ake moratnga. God heven ibo moglsre, ye yobama pre taragl tau mane dinabuka i, ene makandigle mogl, mane dinatnga. Te, ye taragl tau pra we dinabuka i, ene ama pra we dinatniwe di, Jisas yegl dugwa.
A armadura de Deus
Somos chamados a revestir a armadura completa de Deus para resistir às ciladas do diabo e permanecer firmes na batalha espiritual.
Agroma abaroma wagle, ka dudumara yegl paugwa, nono Yaglno Kade suna munara yobuglo idre, yobuglomo pai kawa tomara ama yobuglo io. God kuda kugugl gagl norukwa i mudu edio. Edibi, Satan konbo kane kane mina u ene kinano sidre, bakagl tenabuka ba ene yage sikre, adigl giglede moraiglkwa.
Ene Satan agai tekrio.
Makandigle yoba kuda taragl ake meglmere yegl, no ta akekrumga ba God kuda taragl ta norukwa i keme ake mogl, God kudamo ere munga mere yegl paugwa. God kuda taragl norukwa i, yobuglomo paugo, no taragl i mina kuda boglsre, kuda ikne kobuglo togl ta erikwa i, si gur di atne edumga mere yegl paugwa. Na diga i, yoba tau nomano kugl dugo, ye mogl mitna edidre, God kaima moglmere mere yoba pre kan ere dinaiglmedi erikwa i, no si atne edumga pre diga. Te, yoba nomano kane kane paugwa i, no yoba pre dinaiglmedi Krais kamo swara kuno ere yoba beke te munga.
Firmes na resistência
Resistir ao diabo é um ato de fé ativa. A Bíblia nos garante que quando resistimos, ele foge, e que maior é o que está em nós do que o que está no mundo.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa. Ba ene pre mediglmara adigl gigledi moglsre, ye si kegl dinaiglkwa paugwa. Te, ene ama praiglkwa i, No yubun yumnere mere yegl, agroma abaroma uglo koglo koglo meglkwa i, ama yubun kuno yegl igo, no imniwe di prio.
Na gagrama wagle, ene God yobama moglsre, yoba ka kibi digwa i, yobuglo ere te kodigwa. I siragl pre God Murubuglomo ene meglmara suna moglkwa i, ye yobuglo ere, yagl kide makandigle wan moglkwa i, egre togwa.
Ba yoba tadaglme erikwa i, yagl kide moglmere kaima meglkwa. I siragl pre okna ibo ede u erme pra, yagl kide tadaglme keme erukwa. Ba God Wam ugwa i, yagl kide kogonmo ere kide ere tenagledi ugwa.
Ka togo, Jisas aglke kan ikne ye duglo beglkwa yagl tau meglmara i edidre, Pita ka te, yegl dugwa, Satan, na moglmara ede eglke po! dugwa. Ene ka dinga i, yoba nomano pamere i keme dinga ba God nomanemo pamere i ene ta dikitniwe dugwa.