Ressurreição
A ressurreição é o pilar da fé cristã. Se Cristo não ressuscitou, é vã a nossa fé. Mas Ele venceu a morte, e essa é a garantia da nossa própria ressurreição.
Cristo ressuscitou
O túmulo está vazio! Os anjos declararam: 'Ele não está aqui; ressuscitou!' A ressurreição de Cristo é o fato mais transformador da história.
पर स्वर्गदूतनके उ जन्नी मनैनहे कलाँ, "तुहुरे ना डराऊ। काकरेकी मै जानल बतुँ। तुहुरे क्रूसमे टाँगल येशूहे खोजतो। ऊ यहाँ नै हुइताँ। काकरेकी ऊ अपन कहल हस जित्ती होगिल बताँ। आऊ, हुँकिन्हे धारल ठाउँ हेरो।
जवान मनैया उ जन्नीनहे कहल, "ना डराऊ, का तुहुरे नासरत गाउँक येशूहे खोजतो? जे क्रूसमे मुवागिल रहिँत। ऊ ते मुके फेनदोस्रे जित्ती होके उठ्गिल बताँ, ऊ यहाँ नै हुइताँ। उ ठाउँहे हेरो, जहाँ ऊ धारगिल रहिँत।
येशू यहाँ नै हुइताँ, पर जित्ती होके उठ्गिल बताँ। गालील प्रदेशमे रहलमे ऊ तुहुरिन्हे का कहल रहिँत, वहे बातहे सम्झो, ‘मै, मनैयक छावाहे पापी मनैनके हाँथेम पक्राजिना, क्रूसमे टंगाजिना और तेसर दिनमे जित्ती होके उठ्ना जरुरी बा।’"
तब् जे चिहानमे सुरुमे पुगल रहे, उ दोसुर चेला फेन भित्तर गैल, और देख्के विश्वास करल कि येशू मुअलमेसे जित्ती होगिल बताँ। पवित्र शास्त्रमे येशूक बारेमे यी पक्का रुपमे लिखगिल रहे कि ऊ मुअलमेसे फेनदोस्रे जित्ती होजिहीँ। पर ओइने यी बात अभिनसम बुझे नै सेकल रहिँत।
तबेकमारे मै तुहुरिन्हे सक्कुहुनसे खास सन्देश बतैनु, जोन सन्देश महिन्हे प्रभु येशूक थेनसे मिलल रहे। उ सन्देश यी हो: कि पवित्र शास्त्रक वचन अनुसार येशू ख्रीष्ट हमार पापके लग मुलाँ। हुँकार शरीर गारगिलिन; और पवित्र शास्त्रक अनुसार तेसर दिनमे ऊ फेनदोस्रे जिगिलाँ।
Ressurreição e vida eterna
Jesus disse: 'Eu sou a ressurreição e a vida.' Quem crê nele viverá, mesmo que morra. A morte foi derrotada na cruz e no túmulo vazio.
येशू उहिहे कलाँ, "मै वहे हुइतुँ, जे मुअल मनैनहे फेनदोस्रे सदाकालके जीवन देहत। जे-जे महिन्हे विश्वास करथाँ, उ सक्कु जाने मुगिलेसे फेन ओइने फेनदोस्रे जित्ति होजिहीँ। जेने मोरिकमे जिथाँ, और मोरिकमे विश्वास करथाँ, ओइने कबु नै मुहीँ। का तुँ विश्वास करथो?"
ते तुहुरिन्हे पतै बा, कि जसिके एकथो मनैया आदमके कारण यी संसारमे पाप आइल। और आब मुअलमेसे फेनदोस्रे जित्ती हुइना फेन एकथो दोसुर मनैया ख्रीष्टसे सुरु होगिल बा, जेकर कारण मुअल मनै फेनदोस्रे जित्ती हुइहीँ।
काकरेकी यदि हम्रे विश्वास कर्थी कि येशू मुलाँ और फेनदोस्रे जिगिलाँ कलेसे ओस्तेहेँके उ विश्वासीनहे फेन परमेश्वर येशूक संग फिर्ता नन्हीँ, जेने पैलेहेँ मुसेकल बताँ।
ख्रीष्टके प्रेम हम्रिहिन्हे मजबुर कराइत। तबेकमारे हम्रिहिन्हे यी पक्का बा कि एकथो मनैया सक्कु मनैनके लग मुगिलस। तबेकमारे सक्कु मनै मुगिलाँ। और ख्रीष्ट सक्कुहुनके लग मुलाँ, ताकि जेने जित्ति बताँ ओइने आबसे अपनहे किल खुशी पारक लग ना जिइँत, पर ओइने हुँकार लग जिए परत। ऊ ओइन्के लग मुलाँ, और परमेश्वर हुँकिन्हे फेनदोस्रे जिवादेलाँ।
काकरेकी यदि हम्रे डुब्कि लेके ख्रीष्टके मृत्युमे हुँकार संग एक हुइल बती, कलेसे पक्कै फेन हम्रे हुँकार संग फेनदोस्रे जित्ती हुइबी और हुँकार संग एक होजिबी।
और हम्रे जन्थी कि हमार पुरान पापी स्वभाव येशू ख्रीष्टके संग क्रूसमे टँगागिलस, ताकि हमार शरीरके पापी स्वभाव नाश होजाए, और आबसे हम्रे पापके अधिनमे ना रही।
Nossa esperança futura
A ressurreição de Cristo garante nossa esperança viva. O Deus de paz trouxe dos mortos o grande Pastor das ovelhas para nossa salvação.
जित्ती आशक लग परमेश्वरके प्रशंसा
हमार प्रभु येशू ख्रीष्टके बाबा और परमेश्वरहे प्रशंसा होए। परमेश्वर अपन महान कृपासे हम्रिहिन्हे लावा जीवन देले बताँ। काकरेकी परमेश्वर येशू ख्रीष्टहे मुअलमेसे फेनदोस्रे जिवैलाँ। ऊ हम्रिहिन्हे निर्धक्कसे जिअक लग सक्षम बनैले बताँ; उ कलक ऊ हम्रिहिन्हे वाचा कर्लक बात भेटैना पूरा आशा करना हो।
जब हम्रे डुब्कि लेथी तब पुरान समयमे ओइन्के मुक्ति अब्बे हमार मुक्तिक एकथो उदाहरण हो। हमार डुब्कि लेना पानी हमार शरीरमेसे फुहर नै हटाइत। पर ओकर संकेत यी हो कि हम्रे परमेश्वरसे माफी मंग्ले बती, ताकि हमार मन आबसे ना घब्राए। हम्रे माफी भेटाई सेक्थी, काकरेकी येशू ख्रीष्ट मुअलमेसे फेनदोस्रे जित्ती होगिलाँ।
आशीर्वाद
और आब, शान्ति देहुइया परमेश्वरके अनुग्रह, जे प्रभु येशूहे मुअलमेसे जित्ती करैलाँ। हुँकार इच्छा पूरा करक लग तुहिन्हे चहना सक्कु चिजसे सजैहीँ। हुँकिन्हे मन परना सक्कु चिज येशू ख्रीष्टके शक्तिसे तोहाँरमे पैदा करैहीँ। येशूए भेँरीनके मजा भेँरहुवा हुइँत कना बात सदाकालके वाचक चिन्हा हुँकार खुनसे देखाइत। हुँकिनेहे सदासर्वदा महिमा मिलिन। आमेन! (यकर मतलब हुइत, अस्तेहेँ होए।)
मै ख्रीष्टहे जाने और अनुभव करे चहथुँ। और मै फेनदोस्रे जित्ती करुइया शक्तिहे जाने चहथुँ जे ख्रीष्टहे जित्ती करल। और मै ओस्तेहेँके दुःख उठाई चहथुँ और मुए चहथुँ जसिके ख्रीष्ट करलाँ।
यी मनै सक्कुहुनसे आघे जित्ति करागिलाँ। और यने विशेष रुपसे धन्य और पवित्र हुइँत। दोसर मृत्युक ओइन्के उप्पर कौनो शक्ति नै हुइतिस। ओइने परमेश्वरके और ख्रीष्टके पुजारी हुइहीँ, और ओइन्के संग एक हजार साल राज करहीँ। परमेश्वर औरे सक्कु मुअल मनैनहे हजार साल पूरा होके सेकल, तब किल जित्ती करैलाँ।
तब मै मुअल मनैनहे उ सिंहासनके आघे ठरह्याइल देख्नु, अथवा ओइन्हे जेने महत्त्वपूर्ण बताँ, और जेनके महत्त्व नै हुइतिन। जेने समुन्दरमे डुबके मुगिल रहिँत, और जेने मुके चिहानमे रहिँत। और जेने मुअल मनैनके ठाउँमे रहिँत। ओइन् सक्कु जहनहे मै सिंहासनके आघे ठरह्याइल देख्नु। उ किताब खोलगिलस, जेम्ने उ मनैनके नाउँ लिखल रहिन, जेनके थेन कबु नै ओरैना जीवन रहिन। उ किताब फेन खोलगिलस, जेम्ने मनैनके कर्लक हरेक कामके बारेमे लिखल रहे। और हरेक मनैनके कर्लक काम अनुसार ओइन्के न्याय हुइलस, जोन चिज उ किताबहुँक्रिहिन्मे लिखल रहे।
पर आझिक दिनसम परमेश्वरसे मै सहायता भेटाइल बतुँ। तबे छुटी भारी सक्कुहुनहे गवाही देती मै यहाँ ठरह्याइल बतुँ। परमेश्वरके अगमवक्तनके और मोशक बोलल वचन जरुर पूरा हुई कना बात बाहेक मै औरे कुछु नै कहल हुइतुँ। ओइने कले रहिँत कि ख्रीष्टहे दुःख भोग्ही परहिन। और मुअलमेसे सक्कुहुनसे आघे जित्ती होके यहूदी जाति और गैर-यहूदिनके लग मुक्तिक घोषणा वहे करहीँ, और ओइने जिइँत।"
"हम्रे यरुशलेम ओहोँर जाइती। आब मै, मनैयक छावा मुख्य पुजारीनके और यहूदी कानुनके गुरुनके हाँथेम सौँपदेजिम, और ओइने महिन्हे मृत्यु दण्डक दोषी ठहरैहीँ। महिन्हे गिल्ला करक लग, कोर्रा लगाइक लग और क्रूसमे टाँगक लग ओइने महिन्हे गैर-यहूदिनके हाँथेम सौँपदिहीँ। और तेसर दिनमे मै मुअलमेसे फेनदोस्रे जित्ती होजिम।"