Ressurreição

5 Beto sa pira sauniria na mateana sira karu rereko, <<Muke matagutu! Qa gigilaiqua ara sa qu korapa nyaqoa agou si Jisu isa sa tavamate pa korosi. 6 Kepore lani sisa, ura sa tei toa mule tu sisa isa mina vei sau sa tei poja vakolea tu perangana. Mei, lame ko mu doria sa ketakoi sa kole isa perangana.

6 Ba sa paranga sa na tinoni isa, <<Muke matagutu na gabara! I Jisu pa Nazareti isa sa tavamate pa korosi sa qu korapa nyaqoa agou! Sa tei turu mule tu! Kepore lani sisa! Doro! Lani tugu sa na ia ketakoi qai vakolenia isa.

6 Nake lani sisa, sa tei turu mule tu. Qu gigilaimiu sisa vei sa pojanigou totonai sa korapa suvere pa Qalili? 7 Sa pojai isa totonai sa na veveina na Tuna na Tinoni sa kode mina tavalao pa limadi ira na tinoni seladi ko mina tavamate pa korosi, ba pa vinaue rane sa kode mina turu mule sau,>> qarigu.

8 Ego beto sa tome tuti lao sisa na sepele sa kamu momoe pa bevi, ko sa batia poni sa sa vasosoto. 9 (Ura qaike gigila kamua ira sisa na kukuti pa Kukuti Tabuna sa pojai kode mina turu mule tugu pa mate sisa sau.)

3 Qa vakarovo lao vanigou ara sisa na nongoro jongana qa tekua ko na poreveveina jola sapi: i Karisoto sa mate paenia noda sela ko sa gore votu sisa vei sa takuti pana Kukuti Tabuna, 4 ko sa tagolomo beto ko sa turu mule pa vinaue rane sisa vei tugu sa takuti pana Kukuti Tabuna,

25 Poni pira saunia i Jisu sisa, <<Ara sa na turumule beto na toa. Isa mina vasosotosiu ara sa mina mate tugu, ba kode mina toa; 26 beto isa sa korapa toa ba sa vasosotosiu ara sa mineke isongo mate kamua na kamua. Ai vei, qu vasosotoa tugu ao sa api?>> sau si Jisu.

21 Ura taqe gigilaioda gita sa pana roiti tana kai tinoni sa tome lame vei sa na mate, ko pana soana vei tugu isa sa pana roiti tana kai goto tinoni mule sa mai tavaturu mule pana mate sira na tinoni.

14 Ura taqe vasosotoaoda gita sa i Jisu sa mate beto sa turu mule, ko taqe vasosotoa tugu vei gita sa na Tamasa kode mina toni mule tavitinia i Jisu sa ira na tinoni qai rangea isa beto qai tei mate tu.

14 Na vairoqu tana Karisito sa sa bangaranigei ura agei qe vagigila vatalea sa kai tinoni sa mateniria doru tinoni, ko na ginuana isa sa doru tinoni qai somana mate tugu sira. 15 Ko isa sa mateniria doru tinoni, ko ira qai toa sa maike tavaqera muleniria mekadi goto mai vaqerai tu isa sa mate beto sa tavatoa mule vaniria.

5 Ko gita sa taqe tei tavaborutoni tavitia tu isa pana ona mate, ko sa vei sa gita ba kode tana mekarai toa tavitia tugu sisa tonai tana tavaturu mule vei isa.

6 Ego ko taqe gigilaioda sa na oda toa leluna sa tavasomana mate tavitia na Karisito pana ona korosi, ko na tinida sa nyoroguania na sela sa mi tapiara pale, ko gita take tavapinausu pana sela.

Taqe vera gegele ura i Jisu sa tei turu mule tu

3 Sa pada vivitigi ko mina tavatarasae sa na Tamasa na Tamana na oda Bangara i Jisu Karisito. Ura isa sa roroqu toka vivitiginigita ko sa vanigita na toa koregana. Ko sa vei sa taqe korapa vera gele vatalenia gita sa na toa vinarua ura i Jisu Karisito sa tei toa mule tu pana mate.

21 Ko isa sa gosoria i Noa beto na ona tatamana sa na vinagigila sa udukia sa na paputaiso isa kopira sa alogou agou ura i Jisu Karisito sa tei turu mule tu. Ba na ginuana na paputaiso sa nake vei ko na valioso paleria na paji pana tini ba na ginuana sa gita taqe vasosotoa pana monana jongana sa na Tamasa.

Na vavara beto na paranga vinaokotona

20 Ego na Tamasa bule sa tei vaturu mulea tu sa na oda Bangara i Jisu, isa na sepati lavata ura pana orunguna sa vatoqonia isa sa na vinaego kole jolana. 21 Ko na Tamasa tugu isa mi vanigou doru sakasa jongadi ko mu boka roiti votunia sa na nyorogua tana, beto ko mi roitinia pana tadagita sisa sa vaqerai isa tonai taqe rangea i Jisu Karisito. Ko i Jisu Karisito sa mi tavatarasae kamua na kamua! Agua.

10 Ko isa gu qa nyorogua gigilai ara sa na Karisito beto na neqina na ona turumule qau beto na somana gosorodi na vitigi tana, ko mana bei vei isa pana mate tana,

6 Mai tamana sira qai somana turu mule pana totoso turu mule momoe; na ona tinoni na Tamasa sira. Ira sa minake vakilasaria na mate vinarua, goto ira sa na iama tana Tamasa beto tana Karisito, beto ko mai bangara tavitia isa pana kai tina aoro.

12 Beto qa batiria sira qai tei mate tu, na iketedi na lavatadi, qai kole turu pa moena na totoqona bangara. Qai taviloto revanga sira na buka, beto sa taviloto revanga mule sa kame isa na buka sa kolea nisongodi ira qai tekua na toa. Ko qai tatuti sira qai tei mate tu, pana okokotona na dia roiti qai roitiniria, vei qai takuti pana buka ira. 13 Beto na ivere sa lua votuniria sira na tinoni matedi pa leona, beto na mate beto na ia tadira na matedi ba qai lua votuniria sira na tinoni matedi qai kole pa leona, ko qai tatuti pana okokoto roiti qai roitiniria.

22 Ba qa isongia gu ara sa na vaitokai tana Tamasa kamua tugu pa rane pa ngeni api, ko kopira qa turu lani ko kopira mana vavakato tamugou doru tinoni, ikete na lavata. Ba kepore mutugu sisa mana vavakatonia goto isa tugu ira na tinoni kokorotai beto i Mosese qai koroto vakolenia kode mina gore votu qarigu. 23 Ko isa qai korotonia ira sa na Karisito mina gosoria na vitigi beto ko isa sa na tinoni momoe mina turu mule pa mate, ko mina ule votunia na kabere tadira na tinoni Jiu beto tadira na tinoni karovodi,>> sau si Paula.

18 <<Mu vainongoro lame! Taqe korapa sae pa Jerusalema sa gita, ko ketakoi sa kode mina tavalao pa limadi ira na kuta iama beto ira qai vaivagigalainia na Vavanau sa na Tuna na Tinoni. Ko kode mai jutua ko mai vamatea 19 beto sa mai valaoa ira tadira na tinoni karovodi ko mai vavaledenia, mai piqolia beto mai vamatea pa korosi sisa. Ba pa vinaue rane sa mina turu mule pa mate sisa,>> sau si Jisu.