Ressurreição

A ressurreição é o pilar da fé cristã. Se Cristo não ressuscitou, é vã a nossa fé. Mas Ele venceu a morte, e essa é a garantia da nossa própria ressurreição.

Cristo ressuscitou

O túmulo está vazio! Os anjos declararam: 'Ele não está aqui; ressuscitou!' A ressurreição de Cristo é o fato mais transformador da história.

5 Wɛɛ un’kyeey kàtɛn a akaar aban naa: « Bɛ, bɛ twon lan’man bɔɔmà. Mɛ, mɛ in’kyàyöb naa bɛ làwàmuleŋ Yɛsu awà bàbɛɛrà u kulunsi. 6 Nde apà watɛy, nde kan’wiyà kukwà asànaa kàtɛn nde. Yää, làmɛn ikal kàkäl nde aŋàbɔ̈ɔ̈n.

Mateus 28:5,6

6 Wɛɛ nde kàtɛn a ba naa: « Twon lan’man bɔɔmà, bɛ làwàmuleŋ Yɛsu un’nsi Nasàlɛr awà bàbɛɛrà u kulunsi. Nde akyàwiyà, nde ufàkal anki apà. Làler ikal bun’tɔ̈ɔ̈l.

Marcos 16:6

6 Nde papà watɛy, nde akyàwiyà. Làyɔbà ndaa kàlakyään nde mpal kàkäl nde u Ngalilɛ 7 anà kàtɛn nde naa: "Yubwaŋ naa Mwan a mbuur bun’yälà akà baar abe, bun’bɛɛrà u kulunsi, waa nde uwiyà kà ilä kyàtär." »

Lucas 24:6,7

8 Apan, un’lɔŋki akwà kàkàkɔlà kusà kan’dii waa kabilà sye. Nde waa kàmɛn, waa kàsi làkwikilà. 9 Ntɔn ba bàkäl aŋàtàyöb anki Ndaa Aŋàsɔn ayà itɛɛnà naa Yɛsu kàkyer alàwiyà uboo a akü.

João 20:8,9

3 Mɛ kàtàlalɔŋ indiir atàtwɛb kàwɛl mɛ ŋakwo naa: Klistɔ kàkü ntɔn man’be abi, asànaa itɛɛnà Ndaa Aŋàsɔn. 4 Nde bàkyer un’dyee, waa kàwiyà kà ilä kyàtär.

1 Coríntios 15:3,4

Ressurreição e vida eterna

Jesus disse: 'Eu sou a ressurreição e a vida.' Quem crê nele viverá, mesmo que morra. A morte foi derrotada na cruz e no túmulo vazio.

25 Yɛsu kàtɛn a nde naa: « Mɛ, mɛ in’wà ngwiiyà anà mɔ̈ɔ̈. Mbuur wanswà an’sà làkwikilà amu mɛ asàkal anà mɔ̈ɔ̈, itàkal naa nde kan’kwà. 26 Mbuur wanswà awe anà mɔ̈ɔ̈ anà an’sà làkwikilà amu mɛ, nde usàkwà anki akà ikikye. Nkye ngye an’sà làkwikilà? » -

João 11:25,26

21 Ntɔn, u mbwo a mbuur mwɛy ukwà waa bayi, abun u mbwo a mbuur mwɛy sye ngwiiyà a akü waa yàyi.

1 Coríntios 15:21

14 Ntɔn, isàkal naa bi ibye anà làkwikilà naa Yɛsu kàkyàkwà anà kàkyàwiyà, bi kan’sà làkwikilà sye naa Nzam, u mbwo a Yɛsu, asàsyen baar bàkü amu Yɛsu.

1 Tessalonicenses 4:14

14 Ukwen a Klistɔ bàmikɔr, bi baar ikyeyà naa ndandaa mbuur mwɛy kàkü ntɔn baar banswà, lalan baar banswà bàkyàkwà. 15 Nde kàkü ntɔn baar banswà, ntɔn aŋamɔ̈ɔ̈ bàkɔ̈ɔ̈n afàkal anà mɔ̈ɔ̈ ntɔn ba ŋakwo, wɛɛ ntɔn mbuur awà kàkü anà kàwiyà ntɔn ba.

2 Coríntios 5:14,15

5 Ntɔn, isàkal naa bi bàkäl un’tüüb unsà ukwà ande, bi sye isàkal anà wa u ngwiiyà ande. 6 Wɛy bi iyöb naa: imbuur itaan kàkäl bi akyà, bàkyàbɛɛrà u kulunsi anà Nde ntɔn mudwa ndür a man’be yi anà bi ikɔ̈ɔ̈n akal asɔ a man’be.

Romanos 6:5,6

Nossa esperança futura

A ressurreição de Cristo garante nossa esperança viva. O Deus de paz trouxe dos mortos o grande Pastor das ovelhas para nossa salvação.

Làkyän a mɔ̈ɔ̈

3 Wɛy nsaak ikäl akà Nzam, Taa a Mwol abi Yɛsu Klistɔ! Unsà ngyɛb ande yàkölàköl, nde kipɛ mɔ̈ɔ̈ akün ntɔn bi ikäl anà làkyän a mɔ̈ɔ̈ u mbwo a ngwiiyà a Yɛsu Klistɔ uboo a akü,

1 Pedro 1:3

21 Kya kyàkäl idiim a ndüümà akyà ifàlatswà mɔ̈ɔ̈ papanà: kya kà kyà ntɔn mpööŋ a làbiin a ndür anki, wɛɛ ntɔn unkyeey akà Nzam unsà an’kyän aŋàbwaŋ, nde afàlatswà mɔ̈ɔ̈ u mbwo a ngwiiyà a Yɛsu Klistɔ,

1 Pedro 3:21

Ngyamàkà

20 Wɛy naa Nzam, awà ntwà a duu anà kàwiiy uboo a akü Mwol abi Yɛsu, awà kàbulà undweer a aseey a in’kɔk, u mbwo a an’kil a nkwà mwɛy yà mbul a in’tye, 21 wɛy nde kàlabuul bàŋàkwo mukyer yanswà yàŋàbwaŋ ntɔn mukyer ukwen ande, wɛy nde ukyer amu bi undiir ufàkyey nde, u mbwo a Yɛsu Klistɔ, akà nde làkoo làkäl mbul a in’tye. Wöwöö!

Hebreus 13:20,21

10 Mɛ in’kwen muyöb Klistɔ, ngwal a ngwiiyà ande anà un’tüüb u mpay ande, mubulà asànaa nde unsà ukwà ande,

Filipenses 3:10

6 Baar ban’wal kab unsà ngwiiyà atàtwɛb ayi, bà aŋun’sak anà aŋin’kyɛɛl! Udu a ba ukwà bàyweel bàsàkal anki. Ba bàsàkal angaŋ a Nzam anà Klistɔ, anà ba bàsàyaal anà Klistɔ mbul nsaab.

Apocalipse 20:6

12 Ungö apan mɛ kàmɛn akü, andweer anà ambɛy, bàŋàmbar kusà a kir a imwol. In’kaan bàkyer aduub. Un’kaan asin bàkyer aduub, un’kaan a mɔ̈ɔ̈. Akü batsül nsaŋ, mbuur mbuur mulab nsyääl ande, asànaa bàsön ya uboo a in’kaan. 13 Ngyäl kàfuur akü ande, ukwà anà an’lɔŋ màfuur akü ama. Ba banswà batsül nsaŋ, mbuur mbuur asànaa byàkäl isal ande.

Apocalipse 20:12,13

22 Wɛɛ Nzam laa kan’tii nde, lalan mɛ in’wa mɛ anà mɔ̈ɔ̈ tii ŋàbawà, mɛ in’wàmuyità imbäl kusà a ambɛy anà andweer ndaa bàtɛn aŋangɔɔm anà Mɔsɛ naa ya isàkyer ayà, 23 muyöb naa Klistɔ kàkyer alàman mpay, naa nde, nde alàkal mbuur atàtwɛb mutoo uboo a akü, naa nde akyään pɛɛlà akà un’sɛŋ anà akà baar mpa abà Ayudà. »

Atos 26:22,23

18 « Le, bi ibàmubeenà Yɛlusàlɛm, mper bàyàkàyälà Mwan a mbuur akà amfum a angaŋ anà akà alɔɔŋ a in’kɔɔn. Ba bàkyer akun’tsüül mbar a ukwà, 19 anà bàkun’pà kà an’kɔɔ a baar mpa abà Ayudà ntɔn mukun’sɛ, mukun’kam an’füm anà mukun’bɛɛrà u kulunsi. Wɛɛ kà ilä kyàtär, nde akyer asàwiyà. »