28 ሃሣ ዬሱሴ፦ «ዒንሢ ኬዳ ዴኤፄም ላቢንቴዞንሢ ቢያ ሃኒ ታ ባንሢ ሙኩዋቴ! ታ ዒንሢ ሃውሺሳንዳኔ። 29 ታ ቃንባሮ ኬዱዋቴ፥ ታ ማዻ ባኮ ታጊዳፓ ዛጊ ማዹዋቴ፤ ታኣኒ ሼሌዔ ሃሣ ሚጪንታያኬ፤ ዒንሢ ሃውሾ ዴንቃንዳኔ። ✝ 30 ታ ቃንባራ ባቃኖ ዔኩዋያ፤ ኬዳኣ ሃሣ ታኣኮ ሼሌዔኬ» ጌዔኔ።

7 ጊቢ ዳንዳዒሢና ዶዲ

ናንጊና ናንጋ ጎዳ ማዻ ባኮ ዛጋኒ ካፔ፤

ሜሌ ዓሶኮ ፑርቶ ማሊፃ ዔያቶም ጊኢጌያ ማዔቴያ ሮኦጋዺፖ።

10 ሃውሹዋቴ፥ ታኣኒ ፆኦሲ ማዔሢያ ዔሩዋቴ፤

ታኣኒ ዴሮ ቢያ ባኣካ ዼግ ዼጊ ጋዓንዳኔ፤

ሳዖ ዑፃኣ ታኣኒ ፑኡፒ ጴዻንዳኔ።

8 ዓሲዮቴ! ቢያ ዎዴና ዒዛ ጉሙርቁዋቴ፤

ዒኖ ዒንሢሲ ዒዛ ቤርቶ ሺኢሹዋቴ፤

ዒዚ ኑኡኮ ፑኖ ካያሢኬ።

3 ናንጊና ናንጋ ጎዳሢዮ! ጉሙርቂ ኔ ጊዳ ጌኤቂንቴ ዓሶም

ኩሙሢ ኮሹሞ ዒንጊ ኔ ዔያቶ ካፓኔ።

15 ዒስራዔኤሌኮ ዱማዼ ናንጊና ናንጋ ጎዳ ማዔ ፆኦዛሢ፦ «ዒንሢ ታ ባንሢ ማዒ፥ ሃውሺያ ሃውሺ ዻቂንታ ዴንቃንዳኔ፤ ጊንሣ ሃሣ ዚቲ ጌዒሢና ጉሙርቂሢናኣ ዎልቄ ዒንሢ ዴንቃንዳኔ፤ ዒንሢ ጋዓንቴ ዋይዚ ዒፄኔ።

17 ፂሉሞ ማዻ ኮሹሞ ዔኪ ሙካንዳኔ፤ ዬያ ፂሉሞኮ ዓኣፓ ዲቃቲሢ ባኣያና ጉሙርቂ ናኣናና ናንጊሢ ማዓንዳኔ።

31 ናንጊና ናንጋ ጎዳ ጉሙርቂ ናንጋዞንሢኮ ጋዓንቴ

ዎልቃ ጊንሣ ዶዳንዳኔ፤

ዓዳ ኮኦኬጉዲ ጋኣሲና ባራናንዳኔ፤

ጳሽኪያ ጳሽካንዳኔ፥ ላቢንዱዋሴ፤

ሃንታንዳኔ፥ ላቢንቲ ዔያታ ሎኦማዓኬ።

7 ዓሲ ማሊሢኮ ዑሣ ማዔ፥ ፆኦሲኮ ኮሹማ ዒንሢኮ ዒኖና ማሊፆና ዬሱስ ኪሪስቶሴ ዛሎና ካፓንዳኔ።

7 ዒዚ ዒንሢ ዛሎ ማላያታሢሮ ዒንሢ ሜታሳ ማሊፆ ጉቤ ዒዛ ዑፃ ጌሡዋቴ።

14 ናንጊና ናንጋ ጎዳ ጉሙርቄ፤

ዶዴ፥ ዎዛ ቲቂፖ፤

ናንጊና ናንጋ ጎዳ ጉሙርቄ።

1 ናንጊና ናንጋ ጎዳ ታና ማኣዳንዳጉዲ ጊቢ ዳንዳዒ ታ ካፔኔ፤

ዒዚያ ታ ባንሢ ሺሪ፥ ሺኢጲፆ ታኣኮ ዋይዜኔ።

22 ኔና ዴኤፃ ባኮ ቢያ ናንጊና ናንጋ ጎዳም ሃሼ፤

ዒዚ ኔ ቶኦኮ ዛጊ ዓርቃንዳኔ፤

ዒዚ ኮዦ ዓሶ

ፔቴታዖ ሜታዻንዳጉዲ ሜቶም ዓኣሢ ዒንጉዋሴ።

4 ዎዚ ዒንሢ ዻጋዼቴያ ጎሜ ማዺፖቴ፤

ዒንሢ ላሃ ቤዛ ዓኣዖ ዚቲ ጌይ

ዒኖ ዒንሢኮ ኮሺ ማሂ ዛጉዋቴ። ✝

25 ዒዛ ጉሙርቂ ሃጋኣ ዎዛ ዒዛይዳ ጌሣዞንሢና

ዒዛ ኮዓዞንሢናም ዒዚ ኮሺኬ።

26 ዓሲ ዚቲ ጋዓዖ ናንጊና ናንጋ ጎዳ ዻቂሻ ዻቂሺፆ

ጉሙርቂ ካፔያታቴ ቃራኬ።

11 ዒንሢ ዛሎ ታኣኒ ማላ ማሊፆ ታ ዔራኔ፤ ዬይ ማሊፃ፦ ፑርታ ባኣዚቱዋንቴ ኮሺ ባኣዚ ዒንሢም ጴዺሳያ፥ ዒንሢ ዎዛ ጌሢ ካፓ ኮዦ ባካኣ ማዺንቲ ኩማንዳጉዲ ማሃያኬ፤ 12 ዬካፓ ዒንሢ ታና ዔኤላንዳኔ፤ ታ ባንሢ ዑኪ ታና ዒንሢ ሺኢቃንዳኔ፤ ታኣኒያ ዒንሢም ዋይዛንዳኔ፤ 13 ዒንሢ ታና ኮዓንዳኔ፤ ዒንሢ ታና ኮዓሢ ጉቤ ዒኔፓ ማዔቴ ታና ዒንሢ ዴንቃንዳኔ፤ ✝

7 «ታና ሌሊ ጉሙርቂ ናንጋ ዓሲ ጋዓንቴ ዓንጂንቴያኬ።

8 ዬይ ዓሢ ዎታ ዎርዚኮ ዓልቃ ካሮ ኮይላ ቱኪንቴያ

ዋኣፆኮ ዴማ ፃጶ ዳኪ ዓኣ ሚሢ ማዓንዳኔ፤

ቢያ ዎዴ ዋርቂ ዴዓንዳ ዬይ ሚፃሢ

ዓቢ ሚቻያ ማዒ ሩኡጴቴያ ሂርጉዋያኬ፤

ዒርዚ ዋርቁዋዖ ዓቴቴያ ዓኣፒ ዓኣፒሢ ዓቱዋሴ።» ✝

14 ናንጊና ናንጋ ጎዳ፦ «ታኣኒ ታ ቶኦኪና ኔኤና ዎላ ዓኣዻንዳኔ፤ ኮሹሞ ታ ኔኤም ዒንጊ ኔና ሃውሺሳንዳኔ» ጌዔኔ።

12 ሃያ ታ ሜታሢ ዔካሢ ዬያሮኬ፤ ጋዓንቴ ታኣኒ ሃያ ሜቶ ዔኪፆና ሴልቁዋሴ፤ ዓይጎሮ ጌዔቴ ዖና ጉሙርቃቴያ ታ ዔራኔ፤ ታ ዒዛም ሃዳርሲ ዒንጌ ባኮ ዬኖ ኬሎ ሄላንዳኣና ዒ ካፓኒ ዳንዳዓሢ ታ ጉሙርቃኔ።

7 ዓኣሳ ዪሁዳ ዴሮም፦ «ሹጮና ማዦና ማኣሮንታ ዙሎ ኬልቂ ዲርቆና ዲፆንታ ዓንጎና ጋጋርቂ ዎዾ ዲሮ ካሮንታ ማዢ ካታሞ ኑኡኮ ኑ ዋርዲ ጊኢጊሾም፤ ናንጊና ናንጋ ጎዳ ማዔ ኑ ፆኦዛሢኮ ማሊፆ ኑ ማዺ ኩንሤሢሮ ሳዔላ ኑ ኩጮ ጋራ ዓኣኔ፤ ናንጊና ናንጊና ጎዳ ኑና ካፔኔ፤ ቢያ ዛሎና ሂርጊሻ ባኣዚ ባኣያ ማሂ ሃውሾ ኑም ዒንጌኔ» ጌዔኔ፤ ዬያሮ ዴራ ካታሞ ዓጮ ዲርቂ ዋርዲዬኔ፤ ሃሣ ዖርጎጬኔ።

27 ዬካፓ ካታሞኮ ጋፒንፆ ሄላዖ ሳሙዔኤሌ ሳኣዖኦሌ ኮይላ፦ «ኔኤኮ ዓይላሢ ቤርታ ዓኣዻንዳጉዲ ዒዛም ኬኤዜ» ጋዓዛ፥ ዓይላሢ ቤርታ ዴንዴስካፓ ሳሙዔኤሌ ሳኣዖኦሌ ኮራ፦ «ኔ ዻካ ዔቄ፤ ናንጊና ናንጋ ጎዳ ጌዔ ባኣዚ ኔኤም ታኣኒ ኬኤዛንዳኔ» ጌዔኔ።