7 Kyaa yididi Degbeŋgyoo siaman,

na n ke nyiŋ konɔɔ daa e,

abɔɔ de dee fa baale,

te be nombiakumɛɛ kebake de kɔŋ mena fa wɔ nɛ, naa yele ke takaa neŋ ya.

10 Ɔ kpa nyiaa, <<Ɛ yɛɛ yididi, na ɛ ka gyeŋ nyi maŋ yɛna Wurubuarɛ,

tɛɛlese balaŋ baa gyina maŋ adido,

baa gyina maŋ adido tɛɛle dɔɔ.>>

8 Ɛmɛɛ balaŋ, ɛ mo ɛ wose lɔ ɔ dɔɔ debaŋ kamasɛ,

ɛ yako e keŋ doo ɛ konɔɔ man,

nawolo nyi Wurubuarɛ yɛna da keyeu kagyoo.

3 Baŋ bɛɛ mo ba nyeempɔ gyakaa n dɔɔ nɛ,

n ke yela baa kyaa wosefɛɛreŋ gbagba man,

nawolo nyi be ta mo ba wose lɔ n dɔɔ.

15 Nnɛ yaa Degbeŋgyoo Doŋ Pou Nyee, Iserae fereŋkyeŋte ŋon ne yako,

<<Ɛ kekyɛɛkee lee ɛ gbɛɛneŋ kumɛɛ man, na ɛ wose keyɔkɔse man te ɛ ke nyiŋ nyeekelɛɛ,

ɛ kekyaa yididi na ɛ loo ka mo gyakaa man te ɛ ke nyiŋ doŋ,

mɔna ɛ bɛɛ ŋe popou bo.

17 Katenee kenaŋ bia gyae ke yɛɛ wosefɛɛreŋ,

keŋ gyae ka lee ke man yɛna kekyaa yididi na wose kamo lɔ kekpaakekpaa.

31 Mɔna baŋ be loo gyakaa Degbeŋgyoo dɔɔ nɛ,

baa nyiŋ doŋ wɔle.

Baa nyiŋ beŋkelɛɛ furufu ŋgba otolokuse nɛ,

baa yeu keŋ bɔɔ kaa ya,

baa ta keŋ ba wose be yɔkɔse wɔ ya.

14 Kɛɛ Degbeŋgyoo siaman,

seŋ keŋkeŋ na n ke nyiŋ konɔɔ,

na n ke kɛɛ Degbeŋgyoo siaman.

1 Me nyiŋa konɔɔ kɛɛ Degbeŋgyoo siaman,

ɔ besenaa ɔ sia tee maŋ te ɔ nyii me kewii.

22 Mo n kasolɔ lɔ Degbeŋgyoo dɔɔ,

ŋon ne gyaela waa kɛɛ n dɔɔ,

ɔ be gyae waa yela

ŋon ɔ tenɛɛ nɛ ke wosi ya.

4 Gyeŋ baŋ, mɔna naa yɛɛ dukum ya,

n doo n dofoŋoŋ dɔɔ na,

yɛɛ diiŋ na n ka gyoo n wose man.