28 "భారం మోస్తూ అలసిపోయిన వారలారా! మీరందరు నా దగ్గరకు రండి, నేను మీకు విశ్రాంతిని ఇస్తాను. 29 నేను సౌమ్యుడను, వినయ హృదయం గలవాడను కాబట్టి నా కాడి మీమీద ఎత్తుకుని నా దగ్గర నేర్చుకోండి, అప్పుడు మీ ఆత్మలకు విశ్రాంతి దొరుకుతుంది. 30 ఎందుకంటే, నా కాడి సుళువుగా మోయదగినది, నేను ఇచ్చే నా భారం తేలికైనది."

7 యెహోవా ముందు మౌనంగా ఉండు

ఆయన కోసం ఓర్పుతో వేచి ఉండు.

ప్రజలు వారి మార్గాల్లో విజయవంతమైనప్పుడు

వారు తమ దుష్ట పన్నాగాలు అమలు చేసినప్పుడు చింతించకు.

10 "ఊరకుండండి, నేనే దేవున్ని అని తెలుసుకోండి;

దేశాల్లో నేను హెచ్చింపబడతాను,

భూమి మీద నేను హెచ్చింపబడతాను."

8 ప్రజలారా, ఎల్లప్పుడూ ఆయనను నమ్మండి;

మీ హృదయాలను ఆయన ఎదుట క్రుమ్మరించండి,

ఎందుకంటే దేవుడు మనకు ఆశ్రయము. సెలా

3 మీరు స్థిరమైన మనస్సుగల వారిని

సంపూర్ణ సమాధానంతో కాపాడతారు,

ఎందుకంటే వారు మీపై విశ్వాసముంచారు.

15 ఇశ్రాయేలీయుల పరిశుద్ధుడు ప్రభువైన యెహోవా చెప్పే మాట ఇదే:

"పశ్చాత్తాపం, విశ్రాంతిలో మీకు రక్షణ ఉన్నది,

ప్రశాంతత, నమ్మకంలో మీకు బలం లభిస్తుంది

కానీ మీకు ఇవేవి లభించవు.

17 సమాధానం ఆ నీతి యొక్క ఫలంగా ఉంటుంది;

దాని ఫలితంగా నెమ్మది భద్రత నిత్యం కలుగుతాయి.

31 కాని యెహోవా కోసం ఎదురు చూసేవారు,

నూతన బలాన్ని పొందుతారు.

వారు గ్రద్ద వలె రెక్కలు చాచి పైకి ఎగురుతారు;

అలసిపోకుండా పరుగెత్తుతారు.

సొమ్మసిల్లకుండా నడుస్తారు.

7 అప్పుడు సమస్త జ్ఞానానికి మించిన దేవుని సమాధానం యేసు క్రీస్తు వలన మీ హృదయాలను మీ తలంపులను కాపాడుతుంది.

7 ఆయన మీ గురించి చింతిస్తున్నారు కాబట్టి మీ చింతలన్ని ఆయనపై మోపండి.

14 యెహోవా కోసం కనిపెట్టండి

నిబ్బరం కలిగి ధైర్యంగా ఉండండి

యెహోవా కోసం కనిపెట్టండి.

1 యెహోవా కోసం ఓర్పుతో ఎదురుచూశాను;

ఆయన నా వైపు తిరిగి నా మొరను ఆలకించారు.

22 మీ భారాన్ని యెహోవాపై మోపండి

ఆయన మిమ్మల్ని సంరక్షిస్తారు;

నీతిమంతులను ఆయన ఎన్నడు కదలనివ్వరు.

4 వణకండి,* పాపం చేయకండి.

మీరు మీ పడకలో ఉన్నప్పుడు ధ్యానం చేసుకుంటూ

ప్రశాంతంగా ఉండండి. సెలా

25 తన మీద నిరీక్షణ కలిగి ఉన్నవారికి,

తనను వెదికేవారికి యెహోవా మేలు చేస్తారు;

26 యెహోవా రక్షణ కోసం

ఓపికతో వేచి ఉండడం మంచిది.

11 ఎందుకంటే మీ కోసం నేను ఏర్పరచుకున్న ప్రణాళికలు నాకు తెలుసు" అని యెహోవా అంటున్నారు. "అవి మిమ్మల్ని అభివృద్ధి చేయడానికి, రాబోయే కాలంలో మీకు నిరీక్షణ కలిగించే సమాధానకరమైన ఉద్దేశాలే గాని మీకు హాని కలిగించడానికి కాదు. 12 అప్పుడు మీరు నాకు మొరపెట్టి నాకు ప్రార్థిస్తారు, అప్పుడు నేను మీ మాట వింటాను. 13 మీరు నన్ను వెదకినప్పుడు, మీ పూర్ణహృదయంతో నన్ను వెదికినప్పుడు నన్ను కనుగొంటారు.

7 "కాని యెహోవా మీద నమ్మకముంచేవారు ధన్యులు,

ఆయనయందు నమ్మకం ఉంచేవారు ధన్యులు.

8 వారు నీళ్ల ప్రక్కన నాటిన చెట్టులా ఉంటారు

వాటి వేర్లు నీటి ప్రక్కన లోతుగా పాదుకుంటాయి.

కాబట్టి వేడి తగిలినా అవి భయపడవు;

వాటి ఆకులు ఎప్పుడూ పచ్చగా ఉంటాయి.

కరువు వచ్చిన సంవత్సరంలో వాటికి చింత ఉండదు,

ఫలాలు ఇచ్చే విషయంలో ఎప్పుడూ విఫలం కావు."

14 అందుకు యెహోవా, "నా సన్నిధి నీకు తోడుగా వస్తుంది, నేను నీకు విశ్రాంతి ఇస్తాను" అన్నారు.

12 ఈ సువార్త వల్లనే, నేను ఈ విధంగా కష్టాలను అనుభవిస్తున్నాను, అయినా దానిని గురించి సిగ్గుపడను, ఎందుకంటే నేను నమ్మినవాని గురించి నాకు తెలుసు; నాకు అప్పగించిన దానిని చివరి రోజు వరకు ఆయన కాపాడగలడని నేను రూఢిగా నమ్ముతున్నాను.

7 ఆసా యూదా వారితో, "మనం యెహోవాను వెదికి అనుసరించాం కాబట్టి ఈ దేశం ఇంకా మన స్వాధీనంలోనే ఉంది. ఆయనను వెదకి అనుసరించాం కాబట్టి మనం ఈ పట్టణాలను కట్టి, వాటికి చుట్టూ గోడలు, గోపురాలు, ద్వారాలు, అడ్డగడియలు అమర్చుదాం" అన్నాడు. అలాగే వారు పట్టణాలను కట్టి వర్థిల్లారు.

27 వారు పట్టణ శివారుకు వెళ్తుండగా సమూయేలు సౌలుతో, "దాసుని మనకంటే ముందు వెళ్లమను" అని చెప్పగానే ఆ దాసుడు వెళ్లిపోయాడు. అప్పుడతడు సౌలుతో, "నీవిక్కడే ఉండు, దేవుడు నీతో చెప్పమని నాకు చెప్పింది నీకు చెప్తాను" అన్నాడు.