Sabedoria: o que é e como adquiri-la segundo a Bíblia

7 Пачатак мудрасьці - страх Гасподні; толькі дурні пагарджаюць мудрасьцю і настаўленьнем.(Выслоўі 1:7)

10 Пачатак мудрасьці - страх Гасподні, і спазнаньне Сьвятога - розум;(Выслоўі 9:10)

33 Страх Гасподні вучыць мудрасьці, і славе папярэднічае пакора.(Выслоўі 15:33)

10 Бязбожны гэта пабачыць і будзе злавацца, заскрыгоча зубамі сваімі, і растане. Жаданьне бязбожных загіне.(Псалтыр 111:10)

12 Але дзе мудрасьць жыве? і дзе месца розуму?

13 Ня ведае чалавек цаны яе, і яна ня жыве на зямлі жывых.

14 Бездань кажа: не ўва мне яна; і мора кажа: не ў мяне.

15 Не даецца яна за золата, і не набываецца яна за вагу срэбра.

16 Не ацэньваецца яна золатам Афірскім, ні каштоўным аніксам, ні сапфірам;

17 не раўняецца зь ёю золата і крышталь, і ня выменяеш яе на посуд з чыстага золата.

18 А пра каралы і жэмчуг і згадваць няма чаго, і набыцьцё мудрасьці вышэй за рубіны.

19 Не раўняецца зь ёю тапаз Эфіопскі; чыстым золатам не ацэньваецца яна.

20 Адкуль жа выходзіць мудрасьць? і дзе месца розуму?

21 Схавана яна ад вачэй усяго жывога і ад птушак нябесных утоена.

22 Авадон і сьмерць кажуць: вушамі нашымі чулі мы чутку пра яе.(Ёва 28:12-22)

5 Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, - і дасца яму.(Якава 1:5)

3 калі будзеш клікаць да ведаў і зьвяртацца да розуму;

5 тады ўразумееш страх Гасподні і знойдзеш спазнаньне Бога.(Выслоўі 2:3,5)

6 Бо Гасподзь дае мудрасьць; і з вуснаў Яго - веды і розум;(Выслоўі 2:6)

17 І даў Бог чатыром гэтым падлеткам веданьне і разуменьне ўсякай кнігі і мудрасьці, а Даніілу яшчэ даў разумець і ўсякія ўявы і сны.(Данііла 1:17)

20 І сказаў Данііл: «хай будзе дабраславёна імя Госпада ад веку і да веку, бо ў Яго мудрасьць і сіла;(Данііла 2:20)

23 Слаўлю і вялічаю Цябе, Божа бацькоў маіх, што Ты даў мне мудрасьць і сілу і адкрыў мне і тое, пра што мы малілі Цябе; бо Ты адкрыў нам царовую справу».(Данііла 2:23)

13 Ці мудры і разумны хто з вас, дакажы гэта ў дзеях добрымі паводзінамі з мудрай пакораю.(Якава 3:13)

17 А мудрасьць, якая прыходзіць згары, найперш - чыстая, потым - згодлівая, лагодная, пакорлівая, поўная мілажальнасьці і добрых пладоў, неадступная, і некрывадушная.(Якава 3:17)

23 а мы прапаведуем Хрыста ўкрыжаванага, для Юдэяў камень спатыкненьня, а для Элінаў неразумнасьць,

24 а для саміх пакліканых, Юдэяў і Элінаў, Хрыста, Божую сілу і Божую мудрасьць;

25 бо і буянае Божае мудрэйшае за людзей, і нямоцнае Божае мацнейшае за людзей.(1 Карынфянаў 1:23-25)

6 А мудрасьць мы прапаведуем сярод дасканалых, але мудрасьць ня веку гэтага і ня ўладцаў веку гэтага праходных,

7 а прапаведуем мудрасьць Божую, тайную, схаваную, якую Бог вызначыў спрадвеку на славу нашую,(1 Карынфянаў 2:6,7)

18 Ніхто не ашуквай сам сябе; калі хто з вас думае быць мудрым у веку гэтым, той хай будзе неразумны, каб быць мудрым.(1 Карынфянаў 3:18)

2 каб усьцешыліся сэрцы іхнія, паяднаныя ў любові, каб узбагаціліся поўным разуменьнем дзеля дасканалага спазнаньня тайны Бога і Айца і Хрыста,

3 у Якім схаваны ўсе скарбы мудрасьці і веданьня.(Каласянаў 2:2,3)

5 Спадзявайся на Госпада ўсім сэрцам тваім і не кладзі надзеі на розум твой.

6 На ўсіх дарогах тваіх спазнавай Яго, і Ён выпрастуе шляхі твае.(Выслоўі 3:5,6)

7 Ня будзь мудрацом у вачах тваіх; бойся Госпада, і пазьбягай ліха;(Выслоўі 3:7)

4 не сядзеў я зь людзьмі аблуднымі і з падступнымі не пайду;

5 я зьненавідзеў зборню зламысьнікаў, і зь бязбожнікамі ня сяду;(Псалтыр 25:4,5)

9 Не загубі душы мае з грэшнікамі і жыцьця майго з крыважэрнымі,(Псалтыр 25:9)

8 Хай баіцца Госпада ўся зямля; хай трымціць прад Ім усё жывое на сьвеце,(Псалтыр 32:8)

23 пасьпяшайся на дапамогу мне, Госпадзе, Збаўца мой!(Псалтыр 37:23)

8 чые вусны маўляюць марнае, і чыя правіца - правіца маны.(Псалтыр 143:8)

10 даравальніку перамогі царам і збаўцу Давіда, раба Твайго, ад лютага меча.

11 Збаві мяне і ўратуй мяне ад рукі сыноў чужынскіх, чые вусны маўляюць марнае, і чыя правіца - правіца маны.(Псалтыр 143:10,11)

1 Псальма Давідава. Дабрашчасны той муж, што ня ходзіць на раду бязбожных, і не стаіць на дарозе грэшных, і не сядзіць на зборні распустаў;

2 а ў законе Гасподнім воля ягоная, і пра закон Ягоны ўдзень і ўначы разважае!(Псалтыр 1:1,2)

22 Калі ты пойдзеш, яны накіруюць цябе; калі ляжаш спаць, будуць ахоўваць цябе; калі прачнешся, гутарыць будуць з табою:(Выслоўі 6:22)

16 Слова Хрыстовае хай усяляецца ў вас шчодра, з усякаю мудрасьцю; вучэце і настаўляйце на розум адзін аднаго псальмамі, славаслоўем і духоўнымі песьнямі, у мілаце апяваючы ў сэрцах вашых Госпада.(Каласянаў 3:16)

15 Дык глядзеце, дзейце асьцярожна, не як неразумныя, а як мудрыя,

16 цэнячы дорага час, бо дні - ліхія.(Эфэсянаў 5:15,16)

5 паслухае мудры і памножыць веды, і разумны знойдзе мудрыя парады;(Выслоўі 1:5)

8 Мудры сэрцам прымае запаведзі, а бязглузды вуснамі спатыкнецца.(Выслоўі 10:8)

2 Прыйдзе пыхлівасьць, прыйдзе і ганьба; а са сьціплымі - мудрасьць.(Выслоўі 11:2)

15 Дарога немысьля простая ў вачах ягоных; а хто слухае рады, той мудры.(Выслоўі 12:15)

3 Хто захоўвае вусны свае, той захоўвае душу сваю, а хто шырока свой рот разьзяўляе, таму бяда.(Выслоўі 13:3)

10 Ад пыхі паходзіць разлад, а ў тых, што раяцца, - мудрасьць.(Выслоўі 13:10)

29 У цярплівага чалавека багата розуму, а ў палкага многа дурасьці.(Выслоўі 14:29)

28 І неразумны, калі маўчыць, можа здацца мудрым, і разважлівым, калі замыкае вусны свае.(Выслоўі 17:28)

2 Неразумны ня любіць думаць, а толькі паказаць бы свой розум.(Выслоўі 18:2)

15 Сэрца разумнага набывае веды, і вуха мудрых шукае ведаў.(Выслоўі 18:15)

8 Хто набіраецца розуму, той любіць душу сваю; хто пільнуецца разумнасьці, знаходзіць дабро.(Выслоўі 19:8)

20 Слухайся рады і прымай кару, каб зрабіцца табе пасьля мудрым.(Выслоўі 19:20)

18 Намеры набываюць пэўнасьць праз нараду, і пасьля нарады вядзі вайну.(Выслоўі 20:18)

6 Таму абдумана вядзі вайну тваю, і посьпех будзе пры мностве радцаў.(Выслоўі 24:6)

23 І ўсё, што робіце, рабеце ад душы, як Госпаду, а не чалавеку,

24 ведаючы, што ў адзьдзяку ад Госпада дастанеце спадчыну; бо вы служыце Госпаду Хрысту.(Каласянаў 3:23,24)

5 З чужымі абыходзьцеся разумна, карыстаючыся часам.

6 Слова ваша (хай будзе) заўсёды зь мілатою, прыпраўлена сольлю, каб вы ведалі, як адказваць кожнаму.(Каласянаў 4:5,6)

13 Шчасны той чалавек, які надбаў мудрасьць, і чалавек, які здабыў розум!(Выслоўі 3:13)

35 Бо, хто знайшоў мяне, той знайшоў жыцьцё, і атрымае мілату ад Госпада;(Выслоўі 8:35)

1 Чалавеку належаць намеры сэрца, а адказ языка ад Госпада.(Выслоўі 16:1)

9 Сэрца чалавека абдумвае свой шлях, а Гасподзь кіруе шэсьцем ягоным.(Выслоўі 16:9)

16 Здабыць мудрасьць намнога лепш за золата, і здабыць розум лепш за чыстае срэбра.(Выслоўі 16:16)

26 Бо чалавеку, які перад абліччам Ягоным ёсьць добры, Ён мудрасьць дае, і веды, і радасьць; а грэшнаму клопат дае - зьбіраць, назапашваць, каб богаспадобнаму потым аддаць. І гэта - марнасьць і пагоня за ветрам!(Эклезіяста 2:26)

12 бо пад шатамі мудрасьці, як пад шатамі срэбра; а перавага пазнаньня ў тым, што мудрасьць жыцьцё зьберагае таму, хто яе мае.(Эклезіяста 7:12)

10 Усё, што можа зрабіць твая рука, па сіле рабі; бо ў магіле, у якую ты ляжаш, няма ні працы, ні разважаньня, ні ведаў, ні мудрасьці.(Эклезіяста 9:10)

28 Хіба ты ня ведаеш? хіба ты ня чуў, што вечны Гасподзь Бог, Які стварыў канцы зямлі, не стамляецца і не зьнемагае; розум Яго недасьледны.(Ісаі 40:28)

8 Мае думкі - ня вашыя думкі, ні вашыя шляхі - не Мае шляхі, кажа Гасподзь.(Ісаі 55:8)

9 Але Як неба вышэй за зямлю, так дарогі Мае вышэй за дарогі вашыя, і думкі Мае вышэй за думкі вашыя.(Ісаі 55:9)

33 О, бездань багацьця і мудрасьці і веданьня Божага! якія неспасьцігальныя суды Ягоныя і недасьледныя шляхі Ягоныя!(Рымлянаў 11:33)

12 і на руках цябе панясуць, каб не спатыкнуўся ты аб камень нагою тваёю;(Псалтыр 90:12)

8 О, чалавеча! сказана табе, што - дабро, і чаго патрабуе ад цябе Гасподзь: дзейнічаць справядліва, любіць справы міласэрнасьці і пакорнамудра хадзіць перад Богам тваім.(Міхея 6:8)

24 Дык вось, кожны, хто слухае гэтыя словы Мае і выконвае іх, прыпадобніцца да мужа разумнага, які збудаваў свой дом на камені;(Мацьвея 7:24)