Sacrifício
O sacrifício é o coração do evangelho. Jesus entregou tudo por nós na cruz, e somos chamados a oferecer nossas vidas como sacrifício vivo, agradável a Deus.
O sacrifício supremo de Cristo
Jesus deu a própria vida como resgate por muitos. Seu sacrifício na cruz é o ato supremo de amor de toda a história — o Justo morrendo pelos injustos.
Na Yoba Wam moglka i, ama kuno yegl mere yoba na niglna kogona ere naraiglmedi ukrika ba na yoba niglno kogono ere tenagledi wiga. Nigl kogono ere tedre, ye pre goglsre, topono tebo, yoba kane paimara i, kide kodidre, ede meda unaiglmedi pre wiwe di, Jisas yegl dugwa.
Na Yoba Wam moglka i, ama kuno yegl mere yoba na niglna kogona ere naraiglmedi ukrika ba na yoba niglno kogono ere tenagledi wiga. Nigl kogono ere tedre, ye pre goglsre, topono tebo, yoba kane paimara i, kide kodidre, ede meda unaiglmedi pre wiwe di, Jisas yegl dugwa.
Ene prio. Nono ede ido Jerusalem enauniwa. Omun, yoba ta na Yoba Wam moglka i, i pi tawa teigwa yoba bitno meglkwa i ya God lomo beke teigwa yoba i ogono mina yenabuka. Na i pi ye ogono mina yenan, yoba i na kotna prisre, Ene goratniwe dinaiglkwa. Didre, na i pi yugobuno pere, Juda yoba moglkrikwa i ogono mina yebi, ye na agai goratnedi ersre, ama duglnai sidre, ede prak mina na si goraiglkwa paugwa. Si geglbi, na ege suota pai mogl, adigl u kor enaluwe dugwa.
Wigo, ye Jisas gaglmo gugl edidre, gagl olto ta gogl yogwa i ede teigwa. Ede tedre, kewan kagigle ake kegmane ere, king bitno gagl erimere yegl ye bre mina padigl tedre, megagle kuba ogo wo mina teigo, akugwa. Yegl ersre, ye goglkono bodugl tedre, ye agai gorabedi yegl digwa, Juda yoba kingno, no ene di wakai yei tomniwe digwa.
Ana taragl yegl plau dugo, Jisas ka podo yegl dugwa, Nina yo, na kiana ene ogon mina yeiwe dugwa. Ye yegl didre, goglkwa.
Ana yoba kabagle ta ere inagledi goran, ye deno muduno teigwa mabuno i, mudu egre i atne kaima edenabiwe dugwa.
Ana prio. Nono okna meda kaima mogl, ede God moglmara enamga i, konbaunano ta yeikrukwa igne, Krais u nono God mokono tomga yoba munga i, ere inagledi goglkwa.
O cordeiro sem defeito
Cristo nos resgatou com seu sangue precioso, como cordeiro sem defeito. Ele se ofereceu uma vez por todas para tirar os pecados do mundo.
Enene prikwa i, okna ene nenoma ene mabuno tau eraiglmedi beke teigo, erikwa i, mogo wakai ta koglkrukwa. Ana mabuno i mina ene atne mogl dinaiglmedi God ene topo si ikne edugwa i, ye taragl ta bugl kide erabuka, silva mo gol mo ki ta idre, ene topo si ikne edekrukwa ba Krais bormaimo, wakai kaima yogwa i mina ene topo si ikne edugwa. Krais ye sipsip wakai, kide ta sikruko, ogo nagie mina num ta dekrukwa mere yegl moglsre, bormaimo suru edugwa.
Kuno yegl mere, Krais ege swara keme yoba mere kide tadaglmeno idre, tawano tenagledi ye yene togwa. Te, ye okuo ege namba 2 unabuka i, yoba tadaglmeno gugl edenagledi pre ukrabuka ba yoba ye unabedi kie ere meglkwa i, ere inan, wakai kaima moraiglkwa i pre unabuka.
Ba Krais bormaimo i, taragl yegl mere mudu egre atne edidre, nagino swara ere wakai erekrukwa. Bormaimo nono lo duglo boglsre, gogl dinaiglmedi ere wakai ersre, te God kor aimadi moglkwa kogonmo ere pai moraiglmedi ere wakai ere norukwa. Krais aglaumo swara ta paikruko, Mudu Murubuglo aimadi moglkwa i yobuglo tomara mina ye yene i pi God tawa togwa.
Ba God ye abuglage mina moglmere yegl, nono ama abuglage sumara wan mun, God yobama bogl akie si dakagl moramga, te, ye Wam Jisas bormaimo i, nono tadaglmeno mudu koko ede norabuka.
I siragl pre ka ta ede okna kaima ogwa God di naruko, ene beke teiga i yegl mere paugwa. God kamo beglkwa pamere mere Krais nono tadaglmeno pre goglko, ye ogo nagie maugl yeigo, ege suota ede ogo, ye adigl u kor ogwa. I God kamo beglkwa pamere mudu plau dugwa.
God Kere Yugwa Yagl Jisas ye nono dem muduo podo norumara i, ye nono ere inagledi goglsre, tawano God te kodugo, God kandre, dem muduo aragan erukwa. Ana Jisas dem muduo podo norumere yegl, ene ama yoba deno muduno te wan molo.
Krais Jisas nono pre goglkwa i, ye prukwa, Na yoba pre goglsre, ye tadagmeno mudu koko ede te, ye deno muduno ere edibo, pe sinan, ye na yobanama kaima moraiglmiwa. Moglsre, mabuno wakai ta panabuka i keme gun yei tedre, eraiglmiwe di, yegl prisre, nono pre goglkwa.
Nosso sacrifício em resposta
Movidos pelo amor de Cristo, somos chamados a oferecer nossas vidas, nossos bens e nosso serviço como sacrifício vivo. Deus se agrada da entrega generosa.
Yegl pre ene ogono nagino tadaglme mabuno duglo boglsre, mabuno kide erabedi kanige erekrio! Ene yegl erekre, enene mudu meglmere God teo. Ene ta praiglkwa i, No goglsre, adigl ede u kor omgra we di prisre, ogono nagino mabuno du erabedi God teo!
I siragl pre yoba ta na pre gorabuka i pra we dinan, ye kor kaima morabuka. Ba yoba erme keme kor mogl, wakai moragledi pran, ye u kide enabuka.
Ene pi God kamo bage ta bekenaiglkwa paugwa i, yegl dugwa, Na ene tawa naraiglmedi prikrika. Ene yoba pere mitno goraiglmedi priwe dumara i, pi bekenaiglkwa paugwa. Te, ene ama praiglkwa i, yoba du meglkwa i, na agle dinagledi ukrika ba na tadaglme yoba agle dinagledi wie dugwa.
Ba na we, na ene wakai we di tenagledi giglage didre, ene tawa tenaglka. Na yegl eragledi ene ka giglede di te padiglka i, na dimere eragle dugwa. Ene swara yoba ere inga motniwe di, Jona yegl dugwa.
Te, ene prio! God okna ere mogl, yene Wam ake gi dikre, nono mudu pre gorabedi dedugwa. Taragl podo yegl ere kodugwa pre nono taragl kane kane ta inamga panabara i, God ama yoko kaima norabuka keme paugwa.
yegl dugwa, Nina yo, ene siragl ta eragledi pitnga i, eratnga keme paugwa. Konbauna ta yenan, na nigl kide kogl nenaglka i, i eglke ede naratnedi prika. Ba na nana primere ta erekraglka. Ene pitnere eraluwe dugwa.
Yubun podo yegl inaglka mere di narukwa ba yoba na si kane sidre, na si goraiglkwa i, na pre mitna edekrie dugwa. Pre mitna edekrika ba Yagl Kade Jisas na kogon eratnedi narukwa i swara ere kodinagledi pre mitna edie dugwa. Na prika i, God ye yoko kaima yoba ere yugwa ka wakai i, yoba di te kodinagledi prika pre diwe di, Pol yegl dugwa.