Salvação
A salvação é a obra suprema de Deus. Pela graça, mediante a fé, somos salvos — não por obras, para que ninguém se glorie. É o presente mais precioso que a humanidade pode receber.
A salvação pela graça
A salvação é dom de Deus, não resultado de esforço humano. Somos justificados pela fé em Cristo Jesus e reconciliados com Deus pelo seu amor.
Ana God ene ere yugwa i, ye swara erukwa. Ene enene ere inaiglkwa kuno erekrukwa. Ta manugwa ba ene Jisas pre mediglko, God ye yene wakai prumere ene yoko kaima ere yugwa. Ye ene mabuno wakai swara ta beglkwa kandre, ene ta ere ikrukwa. Ene yoko kaima ere yugwa pre ene ta ere mogl, enene kagno ake mitna ede, yoba wakai mune dinaiglkwa i, kuno ta erekrukwa.
Ye mabunomo i, i nogugl edidre, nono yoko kaima ere yugwa. Nono mabuno wakai swara ta erumga pre God nono ta ere ikrukwa ba ye nono mitno goglmara swara i mina nono ere yugwa. Te, God nono ere yugwa igne, ye nono tadeglmeno ere edidre, nono ere i kor edugo, Mudu Murubuglo nono munara udre, kiano kor norukwa.
Ana God moglkwa i, ye nono ere idre, nono ye yobama kaima moraiglmedi agle dugo, ede suna umga. Ye nono ere yugwa i, nono kogon wakai ta erumga pre nono ere ikrukwa ba yene wakai prisre, ere wakai ere noragledi prumere nono ere yugwa. God ye nono yegl mere ere wakai ere norukwa i, ye okna ibo, taragl swara ta ere yeikrukwa igne, Krais Jisas mina ere wakai ere noragledi di padigl kodugwa.
Jisas kamo wakai i mina God yoba ere yugwa
Na Krais kamo wakai yoba di tenaglka i, agai ta goglkraglka. I siragl pre ka i God yobuglomo podo atne paugo, yoba iramna pre medraiglkwa i, mudu ere inabuka. Ka i komono kana Juda yoba pidre, okuo Jentail yoba enabuka.
I siragl pre yoba mudu pra pra tadaglme ersre, God yagl du kaima mogl, abuglagemo podo kide sugo, moglmara enamga i, yage sumga.
Nono yoba mabunono siragl mere paugwa i, kamga. Yoba ta yoba du morabuka ba yoba pere ta ye ake ple di tenagledi gorabo mo goglkrabe? Ta goglkrabuka. Ana yoba swara ta wakai kaima moran, yoba pere ta ye ake ple di tenagledi gorabo mo goglkrabo mo i na ta prikrika. Yoba suom ta yegl eraiglkwa ba mere yegl ta erekraiglmedi prika. Nono yoba mabunono yegl ta paikrukwa ba God mabunomo pai pere edugwa. God ye Krais dedugo, u nono pre goglkwa i, nono yoba wakai mungo, u goglkrukwa. Tadaglme yoba mogl pai mungo, ye u nono pre goglkwa. God ye Krais nono ere inabedi dedumara i mina ye nono tadaglme yoba dem muduo podo norukwa i, i nogugl edugo, kamga.
Nono tadaglme ere kodumga pre topomo geglkwa keme inamga paugwa. Topo yegl inamga paugwa ba ta ikunga. I siragl pre God ere mogl, nono Yaglno Kade Jisas Krais kogon erumara i mina, aimadi kamin kor moramga i, yoko kaima noro kodugwa.
O caminho da salvação
Quem confessa Jesus como Senhor e crê em sua ressurreição será salvo. A fé em Cristo é o único caminho para a salvação.
Ana yoba ta ere mogl, Jisas ye Yagl Kade moglmiwe didre, nomane mina Jisas ye goglko, God ye ere i kor edumedi pre, pre medran, God yoba i ere inabuka. I siragl pre yoba ta dem muduo mina Jisas kamo pre medrabuka i, God ye yoba du moglmedi kanabuka. Te, ye dra mina didre, Jisas pre mediluwe dinan, God yoba i ere inabuka.
I siragl pre yoba ta dem muduo mina Jisas kamo pre medrabuka i, God ye yoba du moglmedi kanabuka. Te, ye dra mina didre, Jisas pre mediluwe dinan, God yoba i ere inabuka.
Kane yugu sugl moglkwa yagl i yegl di, kira pogl pruko, Pol ya Sailas ye di te, yegl dibrika, Ene Yagl Kade Jisas pre medigln, God ene ere inabiwe di, yegl dibrika. No dubuglka i, ene ya ene yobanma mudu ta moraiglkwa i, mudu pre medraiglkwa pre dubuluwe dibrika.
Kane yugu sugl moglkwa yagl i yegl di, kira pogl pruko, Pol ya Sailas ye di te, yegl dibrika, Ene Yagl Kade Jisas pre medigln, God ene ere inabiwe di, yegl dibrika. No dubuglka i, ene ya ene yobanma mudu ta moraiglkwa i, mudu pre medraiglkwa pre dubuluwe dibrika.
Ana yagl Jisas i, ye swara nono ere inabuka kuno kaima erukwa. God ye Jisas swara nono ere inabedi dedugwa pre uglo koglo koglo dumo aglo mere yogwa i, nono ere inabuka yoba pere ta moglkrikwa. Jisas swara kaima moglmiwe di, Pita yegl dugwa.
Ana yoba ta ere mogl, na Yagl Kade moglka i, ye na ere inabedi agle ta dinan, na ye ere inaluwe
di, God yegl di togo, yagl Joel ikra boglmiwe di, Pita yegl dugwa.
Yegl dugo, Jisas ye di te, yegl dugwa, Na konbauna moglsre, te ka kaima i, na mabuno moglsre, yoba kor moraiglkwa i, na mabuno moglsre, erika. Yoba ta ede pi na Nina moglmara enabuka i, konbauna pere ta mina ta pikrabuka. Na swara mina enabuka.
God yoba mudu uglo koglo koglo meglkwa i, dem muduo ka kaima togwa pre na Ye Wam swara moglka i, dedugo, wiga. Yegl pre yoba ira ta na pre medrabuka i, goglkre, kor aimadi kamin morabiwe dugwa.
Ba yoba tau ye ira moglkwa pre kan ersre, pre mediglkwa i, ye God gagiglma moraiglmedi ere edugwa.
Nova vida em Cristo
Quem está em Cristo é nova criação. A salvação não é apenas perdão, mas transformação completa — de dentro para fora, para a glória de Deus.
No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
Yegl dugo, Jisas di ikne ede te, yegl dugwa, Na ene ka kaima di teiga, yoba ta u kor pikran, ye God yoba kingno mogl, ye suglno morabara i, suna ta pikrabiwe dugwa.
Adigl moglko, Jisas yegl dugwa, Na ene kaima di teiga. Ene nomano yake tedre, u gak kebra mere yegl enaiglkwa paugwa. Yegl ta erekribi, God yoba kingno mogl, suglno morabara suna ta pikraiglkwa.
Ba nono tadaglmeno God di pogl tomun, God ye ere noragle dumere yegl ere, tadaglmeno koko ede norsre, mabuno kide siragl mere erumga i, kide kodo norabuka. I siragl pre God ege ege ka dumara adigl moglsre, mabuno du keme ere norukwa.
Yagl Kade ye ede ikne unagledi ka kaima di te paduglkwa i, ye tau kanana moglsre, ede ikne ukrumedi yegl ta prikramga. Yoba tau yegl mere praiglkwa ba nono pre pogl sinamga i, Yagl Kade tabre ede ikne ukrukwa i, siragl pre ye yoba goraiglmedi prikrukwa. Ye yoba mudu nomano yake tenaiglmedi prisre, sugl moglkwa.
Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka.
Segurança eterna
O crente tem a certeza da salvação. Ninguém pode arrebatar da mão de Deus aqueles que Ele chamou, justificou e glorificou.
Na sika sigo, ye aimadi kamin kor moraiglkwa i, teiga. Na teigo, ye idre, ta goglkraiglkwa. Te, na Nina sipsip ogona mina yogwa i, ye yobuglomo pai kawa togwa pre na ogona mina meglkwa i, yoba ta i eglke edekrisre, na Nina ogo mina yogwa i, ama i eglke edenaiglkwa ama kuno erekrukwa.
Yoba ta God Wam pre meduglkwa i, ye aimadi kamin kor morabuka i, i kodugwa. Ye i kodugwa ba yoba ta God Wam pre mediglkre, mane dugwa i, ye ta aimadi kamin kor moglkrabuka. God yoba i dem kubro tomiwe di, Jon yegl dugwa.
Jisas Krais moglkwa i, ene ye ta kankrikwa ba ene ye deno muduno teigwa. Kaima ene erme ye ta kankrikwa ba ene ye pre medigl moglsre, gun podo kide kaima yei meglkwa. Ene siragl mere gun podo yeimere i, mudu dinaiglkwa kuno ta erekrukwa. Podo pai moglkwa. Ba ene gun podo yeigwa i, gun mabuno mudu egre atne edugwa. I siragl pre ene Jisas pre mediglmara i pre God ene wakai moraiglmedi ene ere i moglkwa.
Yoba ta pre mediglsre, nigl burabuka i, God ye ere inabuka. Yoba ta pre medrabuka i, God ye ere inabuka ba yoba ta pre mediglkrabuka i, God ye ka tage tenabiwe dugwa.
A salvação presente e futura
A salvação é passada (justificação), presente (santificação) e futura (glorificação). Deus nos salva, nos guarda e nos conduz à vida eterna.
Ana God ye yoba mudu yoko kaima ere inagledi prukwa i, erme ede nogugl u kodugwa. Umara nono erme makandigle moglsre, mabuno siragl mere boramga i, beke noro moglkwa. Ama makandigle yoba taragl kane kane bubuno geglmere yegl nono bubuno goglkraiglmedi beke norsre, nono yagl abu mabuno kide mane di tenaiglmedi ama beke norukwa. Te, nono yomere pamere mogl pai ersre, God mabunomo du paugwa i, duglo boramga pre beke noro moglkwa.
Ana God lomo dumere kuno yegl taragl tau mudu bormai keme ere i wakai edugwa mere yegl pamedi kamga. Te, bormai suru edigo keme God ye tadaglmeno kide kodo togwa.
Kuno yegl mere, Krais ege swara keme yoba mere kide tadaglmeno idre, tawano tenagledi ye yene togwa. Te, ye okuo ege namba 2 unabuka i, yoba tadaglmeno gugl edenagledi pre ukrabuka ba yoba ye unabedi kie ere meglkwa i, ere inan, wakai kaima moraiglkwa i pre unabuka.
Ene prio! Nono okna God kudamo ikne munga ba ye Wam goglmara i mina aglke kor nono yu yene moglmara magigl edugo, nono ye bogl deno muduno swara yei, akie munga. Jisas goglmara i mina God nono yu yene moglmara magigl edugwa pre Jisas erme adigl u kor pidre, kor moglmara i mina nono aimadi kamun wakai kaima moramga keme paugwa. God okuo nono ka tage norabuka i ta kuno erekrabuka.
Nono yoba mudu Adam gawama munga pre goramga keme paugwa ba nono ta Krais yugobunomo mina suna umga i, okuo adigl u kor enamga.
Nada é impossível para Deus
Aos homens é impossível, mas para Deus tudo é possível. Ele deseja que todos sejam salvos e cheguem ao conhecimento da verdade.
Yegl digo, Jisas ye kandre, di ikne ede yegl dugwa, Yoba ye yene ere idre, ede suna enaiglkwa ta kuno erekrabuka. Ba God taragl mudu erabuka keme paugwa pre ye ere inabuka i, waragne ta paikrumiwe dugwa.
Yegl digo, Jisas di ikne ede, yegl dugwa, Yoba taragl tau eribi, kuno erekrabuka i, God erabuka keme pamiwe di, Jisas yegl dugwa.
Na Yoba Wam moglka i, na yoba ta wau beglkwa i doko kandre, ere inagledi wiwe dugwa.
Yoba yugobuno pere pere God kamo di tenabuglka i, kuno erume dibrika. I siragl pre God ye kamo mina no yegl di norume dibrika,
Na ene abuglage si, yoba meda, yugobuno pere meglmara i tenatnedi dedidre, Na yoba ere inaglka ka i, ene i pi yoba mudu uglo koglo koglo di tenatnedi dediwe
di, God ka dugwa i, no ama pre dumiwe di, Pol ya Barnabas yegl dibrika.
Togl dra kebra ya kade
Ene togl dra kebra yenabara ede suna enaiglkwa. I siragl pre konbauna ta ede pi yoba u kide enaiglmara ogwa i, konbauna kade yogo, togl dra ama kade yogo, yoba mere konbo i mina ede eigwa. Ba konbauna ta ede pi kor moraiglmara ogwa i, togl dra kebra yogo, konbauna ama kebra yogo, eruko, yoba suom keme togl dra i kandre, eimiwe dugwa.
Yoba ta mabuno kide beglkwa i, God yoba kingno mogl, suglno morabara taragl swara ta ikraiglkwa. Ene ka i primo mo prikrime? Yoba ene bakagl tenamnedi ersre, yoba mabuno kide erikwa i ame inaiglmiwe ta dibi, ene prikrio. Kumugl abai mo yagl abu ta kunogl ne wan moraiglkwa mo yoba ta god kibi kamage ere tenaiglkwa mo yagl ere mogl, yene yagl bogl mabuno kide eraiglkwa ya te, kunogl nenaiglkwa mo bubuno goraiglkwa mo ye taraglno inamnedi bakagl tenaiglkwa i, ama taragl wakai wakai ikraiglkwa. Te, yoba ta spak eraiglkwa mo yoba kenaglno sinaiglkwa mo mabuno kide yegl ta ere meglbi, ama God yoba kingno mogl suglno morabara taragl swara ta ikraiglkwa.
Yegl dugo, Jisas di ikne ede yegl dugwa, Ene ede po. Ene na pre mediglnara pre ene gumugln u wakai omiwe dugwa. Jisas yegl dugo, yagl i gumuglo tabre kaima u wakai ogo, ye aglke kor kandre, Jisas omara duglo boglkwa.