Salvação
A salvação é a obra suprema de Deus. Pela graça, mediante a fé, somos salvos — não por obras, para que ninguém se glorie. É o presente mais precioso que a humanidade pode receber.
A salvação pela graça
A salvação é dom de Deus, não resultado de esforço humano. Somos justificados pela fé em Cristo Jesus e reconciliados com Deus pelo seu amor.
Pana ona vairoqu vaialo gu sa alogou na Tamasa sagou tonai qu rangea na Tamasa. Ko na inaalo qu tekua sa nake vuana na miu popodeke jongadi, goto na vaivana gu tana Tamasa. Sake koko lame vei pana roiti jongadi tamugou sapi, ko kepore kai tinoni mina paparanga vatarasae mulenia mekana.
poni sa sa alogita na Tamasa sa gita. Ba nake roiti tuvisidi taqe roitiniria gita sa taqe taalonia sa gita, goto na vairoqu vaitokai gu tana Tamasa. Ko isa sa alogita tonai taqe tavaliosonia na podo mule beto taqe tavakoregania na Gagala Tabuna.
Na Tamasa isa sa alogita beto sa kukugita sa gita ko ta toania na toa liosona sau. Ko nake oda roiti jongadi sa sa alonigita na Tamasa gita goto pana ona nyorogua mekana beto na ona roroqu vaialona tu na Tamasa sa taqe taalo sa gita. Ko tonai tu sa oqoro podalai na totoso sa vanigita isa tana Karisito Jisu sa na roroqu vaialona isa.
Na nongoro jongana sa na neqi tana Tamasa
Ara qake keania sa na nongoro jongana na veveina na Karisito, ura isa tugu sa na neqi tana Tamasa qai taalonia ira doru tinoni qai vasosoto, momoe ira na tinoni Jiu beto ira na tinoni karovodi tugu vei.
ura ira doru tinoni sa qai sela beto gu ko qaike kamua sa na pada ululuna sa vakolea na Tamasa.
Sa tapata jola sa kai tinoni bi mate vania kai goto tinoni tuvisina. Ba palu kaki tinoni bai boka varene ko bai mate vania tugu kai tinoni jongana! Ba na Tamasa sa tei vabatinigita tu sa na ona vairoqu mekana ko totonai tu taqe korapa tinoni selada gita sa na Karisito sa mate vanigita.
Ura na tabarana na sela sa na mate tugu, ba na vaivana tana Tamasa sa na toa jola isa taqe isongia gita tonai taqe kole kame tavitia i Jisu Karisito na oda Bangara.
O caminho da salvação
Quem confessa Jesus como Senhor e crê em sua ressurreição será salvo. A fé em Cristo é o único caminho para a salvação.
Ko vei muna ule votunia pa beberumu sa na Bangara si Jisu munagu beto vei muna vasosotoa pa bulomu sa na Tamasa sa vaturu mulea pana mate sisa, poni sa kode muna taalo sao. Na tinoni sa vasosotoa pa bulona sa na Tamasa sa vaturu mulea pana mate si Jisu sa sa tavatuvisi pa moena na Tamasa sisa, beto ko na tinoni sa ule votunia sa na Bangara si Jisu sau sa sa taalo.
Na tinoni sa vasosotoa pa bulona sa na Tamasa sa vaturu mulea pana mate si Jisu sa sa tavatuvisi pa moena na Tamasa sisa, beto ko na tinoni sa ule votunia sa na Bangara si Jisu sau sa sa taalo.
Poni pira qarigunia ira karu sisa, <<Mu vasosotoa na Bangara i Jisu beto muna taalo, ao beto na mua tatamana tugu vei,>> qarigunia.
Poni pira qarigunia ira karu sisa, <<Mu vasosotoa na Bangara i Jisu beto muna taalo, ao beto na mua tatamana tugu vei,>> qarigunia.
Ko sake kole mule tana kai goto tinoni sa na inaalo, ura kepore mule sa kai isisongo sa tavakukunia na tinoni pa kauruna na oka pa kasia gusu vei mina boka alogita sa gita,>> sau si Pita.
Ba ira doru qai kiu alili lao tana Bangara sa mai taalo! sau sa na Tamasa,> sau si Joili.
Poni sa oea i Jisu sisa, Ara sa na soana beto na sosoto beto na toa. Kepore sa kai tinoni mina lao tana Tamaqu vei minake lame vei taqu.
Ura pa soana vei api sa roroqua na Tamasa sa na kasia gusu: sa valamea isa sa na Tuna mekai, ko ira doru mai rangea isa sa maike mate manyao goto mai tekua na toa jola.
Ba ira doru qai vakamua ko qai vasosotoa sa nisongona isa, poni sa isa sa ianiria na neqi ko qai podo koburu tana Tamasa sira.
Nova vida em Cristo
Quem está em Cristo é nova criação. A salvação não é apenas perdão, mas transformação completa — de dentro para fora, para a glória de Deus.
Ko inara sa vei sa totonai sa kole kame tana Karisito sa na tinoni, sa isa sa na vinapodaka koregana sisa; na toa leluna sa tei mumuriona tu, ko kopira na toa koregana sa lame.
Poni sa oea i Jisu sisa, pira saunia, <<Sosoto pa sosoto ma pojanigo ara sao: kepore sa kai tinoni mina boka batia na binangara tana Tamasa, vei minake podo mule mai tu sisa,>> sau.
beto pira sauniria, <<Ma poja sosotonigou ara sagou: vei munake beia agou sa na miu toa ko munake toa vei ira na koburu, sa munake isongo tomea tugu agou sa na binangara pa noka.
Vei tana ule votuniria tana Tamasa sira na oda sela poni sa na Tamasa sa na tarangena beto na tuvisina, ko isa mina vulasaria sira noda sela beto mina valiosoria doru oda roiti ikikeredi.
Na Bangara sake korapa vavabonginia sa na vagore votuna na ona taringunguti vei qai rorove veinia sa vei qarigu ira kaki tinoni. Goto isa sa korapa mavo veranigou gu sagou ura sake nyoroguania isa sa kai tinoni bi mate. Ba ira doru tinoni sa sa nyoroguaniria isa ko mai gabala loa pale na dia sela.
Vainongoro ko! Qa korapa turu pana atakamana sara ko qa kikia. Isa na tinoni mina nongoria na ovovelequ ko mina revangia sa na atakamana, poni sa ara mana tome tana ko mana teteku tavitia ara sisa, beto isa mina teteku tavitisiu sara.
Segurança eterna
O crente tem a certeza da salvação. Ninguém pode arrebatar da mão de Deus aqueles que Ele chamou, justificou e glorificou.
Ara qa vaniria na toa jola ko maike isongo mate manyao, beto ko kepore kai tinoni mina ragata visu tekuria pa limaqu sira.
Isa sa vasosotoa na Tuna sa sa tekua na toa jola. Isa na tinoni sake vatabea na Tuna sa mineke tekua na toa jola, goto sa tavapogosonia isa sa na vinakilasa tana Tamasa,>> sau si Jone.
Quke batia agou si Jisu ba qu korapa tugu roroqua, beto kopira ba quke korapa tugu batia agou sisa ba qu korapa tugu vasosotoa. Beto ko qu isongia sa na qeqera lavatana jola sake boka tavakole pana vavakato. Ura qu korapa tekua tugu agou sa na vuana na miu rarange ko na vua isa sa na veveina na Tamasa sa aloria na miu toa.
Na tinoni mina vasosoto ko mina tapaputaiso sa mina taalo. Goto isa minake vasosoto sa mina tavakilasa tugu.
A salvação presente e futura
A salvação é passada (justificação), presente (santificação) e futura (glorificação). Deus nos salva, nos guarda e nos conduz à vida eterna.
Ura na vairoqu vaialona tana Tamasa sa pogoso lamenia na inaalo sa sa tei bola votu tu tadira doru tinoni. Ko na vairoqu vaialona isa sa totoli vatavagigalagita ko ta kilu paleniria sa na uana vavakepore Tamasa beto ira na nyorogua ikikeredi tana kasia gusu, ko ta toania gita pa oda susuvere pa kasia gusu api sa na roroqu tavagigalana, na uana tuvisina, beto na toa madina,
Ko pana tutina vei sa tapoja pa Vavanau sa tata doru sakasava gu sa qai tavalioso pana orungu, beto ko na sela sa qai tavulasa pa liguna sa tavuva mai tu sa na orungu.
Ko pana soana vei isa sa na Karisito ba sa vavakukuvunia sa nona toa mekana kai memeka totoso gu ko sa pogoso variuria sa na sela tadira soku tinoni. Ko tonai mina lame na vinarua totoso sisa sa nake veveina na sela sa mina lamenia isa, goto mina lame aloria tu sira qai korapa verania sisa.
Tonai tu taqe korapa suvere kanai gita sa na Tamasa ba isa sa vaibulenigita pana matena na Tuna. Ko kopira ko na baere sosoto tana Tamasa sa gita, ko na tagigila vatalena sa isa kode mina alogita sa gita pana toa tana Tuna.
Ko kai muqisi podeke vei pana dia kole kame ti Adama sa dorudi sa qai mate, poni sa pana dia kole kame tana Karisito sa dorudi sa mai tavatoa mule.
Nada é impossível para Deus
Aos homens é impossível, mas para Deus tudo é possível. Ele deseja que todos sejam salvos e cheguem ao conhecimento da verdade.
Poni sa doro laoria i Jisu sira beto sa pira sau, <<Tana tinoni sa tapata jola sapi, ba tana Tamasa sake tapata. Ura kepore kai sakasava sa tapatia na Tamasa,>> sau sisa.
Poni sa pira sauniria i Jisu, <<Isa sa tapata jola tana tinoni sa sake tapata tana Tamasa,>> sau.
Na Tuna na Tinoni sa sa lame ko sa nyaqoa ko sa aloa na tinoni sa muma,>> sau si Jisu.
Ura pira sa tei ule veinigei tu sa na Bangara,
<Qa vilego ara sao ko na kabere tadira na tinoni karovodi,
ko muna inaalo tadira doru kamua pa uquna na kasia gusu,> sau,>> qarigu.
Mu Tomea na Atakamana Ngijupuna
<<Mu tome laoa na atakamana ngijupuna agou, ura na atakamana totomena lao vei pa vinakilasa sa sa revata beto na soana laona sa sa kakabere ko ira na soku tinoni qai tome laoa. Goto na atakamana totomena lao pa toa sa sa ngijupu beto na soana laona sa sa karajutu, ko ira ka vivisa gu qai batia sisa,>> sau si Jisu.
Qu tei gigila vataleamiu tu agou sa ira na tinoni ikikeredi sa maike teku isongia sa na binangara tana Tamasa. Kita mu siana! Ira qai toania na toa lulasana, ira qai vatarasae tamasa sesekedi, ira qai babarata, ira na marene qai vaikesa lao lame mekadi, ira qai ikiko, ira qai doro seinia ka sakasa, ira na tinoni bubukudi, ira qai vavaipoja vivikere, ira qai iko teku raragata sa maike teku isongia na binangara tana Tamasa.
Poni sa pira saunia i Jisu sisa, <<Mu lao, na mua rarange sa sa tei salanigo tu sao,>> saunia. Pa totoso tugu isa sa dodogoro ligu sisa ko sa somana tutiaona i Jisu sisa.