22 मोशक नियम कानुन कहत कि लगभग सक्कु चिजहे खुन छिटके चोखा बनाई परत। और खुन बिना चह्रैले पाप माफ हुई नै सेकत, जे मृत्युहे देखाइत।

13 मोशक नियम कानुनके चलन अनुसार छुटिह्या मनै परमेश्वरके आराधना करना लायकके नै रहिँत। पर उ छुटिह्या मनैनकेमे यदि छेग्रा और बर्धक खुन और होमबली चह्रैलक बछर्वक भुवा छिटदेलेसे ओइन्के चलन अनुसार ओइने चोखा मानजाइँत। 14 पर ख्रीष्ट बिना पापके रहिँत। और ऊ अपनहे सदाकालके लग और आत्मिक बलिक रुपमे परमेश्वरहे चह्रैलाँ। तबेकमारे हुँकार खुन शक्तिशाली बतिन, और हमार सोँचाईहे शुद्ध बनैथिन। आब हम्रे जित्ती परमेश्वरके सेवा करे सेक्थी, और उ काम नै कर्बी जोन काम मृत्यु ओहोँर लैजाइत।

3,4 पर सच्चा बात यी हो कि ओइन्हे चह्रैलक उ बलि हरेक साल ओइन्हे पापके दोषी रलक याद करवैथिन। काकरेकी जानबर बर्धा और बोकनके खुन पाप कर्लक मनैनके दोषहे मेटाई नै सेकत।

12 तबेकमारे येशू फेन हुँकार अपने खुनसे मनैनहे पवित्र कराइक लग यरुशलेम शहरसे बाहेर कष्ट भोग्लाँ और मुलाँ।

24 तुहुरे येशूक थेन आइल बतो, जे परमेश्वर और हमार बिच्चेम लावा करार बहन्थाँ। तुहुरे हुँकार छिट्लक खुनके थेन आइल बतो, जोन हाबिलके खुन हस न्यायक लग चिल्लैनक सटाहा माफिक बारेमे कहत।

7 पर हम्रे वहे करी जोन मजा हो, जसिके परमेश्वर पूरा रुपमे मजा बताँ, कलेसे हम्रे परमेश्वरसे और दोसुर जहनसे शामिल हुइथी। और हुँकार छावा येशू ख्रीष्टके खुन हम्रिहिन्हे सक्कु पापसे शुद्ध करत।

7 ख्रीष्टके मुना समयमे हुँकार खुन बहलक कारण परमेश्वर हम्रिहिन्हे छुटैलाँ। ओकर मतलब हो, ऊ हमार पापहे माफ करदेलाँ, परमेश्वरके अनुग्रह गजब महान बतिन। जोन अनुग्रह ऊ हम्रिहिन्हे देले बताँ,

13 एकथो समय रहे जब तुहुरे परमेश्वरसे दूर रहो। पर आब परमेश्वर तुहुरिन्हे उ खुनके माध्यमसे अपन लग्गे नानल बताँ, जोन खुन येशू ख्रीष्ट तुहुरिन्के लग बहैलाँ।

28 काकरेकी यी लावा करारके मोरिक खुन हो, जोन बहुत्ते जहनके पापके प्रायश्चितके लग बहाजाइत।

5 येशू ख्रीष्ट हम्रिहिन्हे माया करथाँ, और ऊ हम्रिहिन्हे बँचैथाँ। ऊ अपन खुनसे हम्रिहिन्हे हमार पापमेसे बँचैथाँ।

25,26 परमेश्वर ख्रीष्टहे हमार लग बलिदान हुई पठैलाँ। ख्रीष्ट अपन खुन बहैलाँ, ताकि हुँकारमे विश्वास करके हम्रे परमेश्वरके थेन जाई सेकी। और बितल समयमे परमेश्वरके सँस्सा करना और पापीनहे माफ करना सहि रहिन कहिके देखाइक लग ऊ असिके करलाँ। जब ऊ येशू ख्रीष्टहे विश्वास करुइया मनैनहे स्वीकार करथाँ, तब यिहिसे यी फेन देखाइत कि परमेश्वर सहि बताँ।

9 परमेश्वर हम्रिहिन्हे धर्मी ठहरैलाँ, काकरेकी ख्रीष्ट हमार लग मुलाँ, और हमार पापके लग अपन खुन बहैलाँ। तबेकमारे ख्रीष्ट पक्कै फेन हम्रिहिन्हे परमेश्वरके रिससे बँचैहीँ।

11 हमार विश्वासीन शैतानहे जितदेले बताँ।

ओइने उहिहे पठ्वक खुनके शक्तिसे जित्ले बताँ, जे ओइन्हे ओइन्के पापसे बँचाइक लग मुगिलाँ।

ओइने उहिहे हटादेलाँ, काकरेकी ओइने यी स्वीकार कर्ती रलाँ कि पठ्वा ओइन्के परमेश्वर हुइतिन।

जब ओइन्हे सतागिलिन यहाँतक कि ओइने मुवागिलाँ। पर ओइने स्वीकार करनासे पाछे नै हट्लाँ।

18 तुहुरिन्हे पता बा कि बितल समयमे तुहुरे वहे बेकार तरिकासे जीवन बिताइतोहो, जोन तरिकासे तुहुरिन्से आघेक जिअल मनै जीवन बिताइँत। पर तुहुरे उ बेकारके जीवनसे बँचागिल बतो। तुहुरे सोन अथवा चाँदी जसिन नाश होजिना चिजसे नै किनगिल हुइतो। 19 पर परमेश्वर तुहुरिन्हे ख्रीष्टके बहुमूल्य खुनेलेके किन्लाँ। जे हमार पापके लग बलिक रुपमे मुलाँ। हुँकार मृत्यु हमार लग सिद्ध बलि रहे। जसिके यहूदी पुजारीनके बलि चह्रैना पथरु बिना दागके अथवा बिना दोषके सिद्ध रहिन।

28 तबेकमारे तुहुरे अपन लग और अपन पूरा समूहक लग सावधान रहहो। पवित्र आत्मा तुहुरिन्हे समूहक मण्डलीक अगुवा बनैलक ओहोँरसे तुँ ख्रीष्टके खुनेलेके किनल परमेश्वरके मण्डलीक रेखदेख तुहुरे करो।

53 येशू ओइन्हे कलाँ, "जात्तिके, मै तुहुरिन्हे कहतुँ, तुहुरे मै, मनैयक छावक शरीर नै खैबो, और मोरिक खुन नै पिबो कलेसे तुहुरिन्केमे जीवन नै रही। 54 मोरिक शरीर खउइया और मोरिक खुन पिउइयक थेन सदाकालके जीवन बा, और अन्त्यक दिनमे मै उहिहे जित्ती करम।

6 यी येशू ख्रीष्ट हुइँत, जे पानी और खुनसे आइल रहिँत। ऊ पानीक डुब्कि लेहे किल नै आइल रहिँत, पर क्रूसमे अपन खुन बहाके मुअक लग फेन आइल रहिँत। पवित्र आत्मा गवाही देहत कि येशू ख्रीष्ट परमेश्वरके ओहोँरसे अइलाँ। और पवित्र आत्मा जबफेन वहे बोलत, जोन सच्चा बा।