O sangue de Jesus

22 वास्तव म व्यवस्था को अनुसार खून सी लगभग हर चिज शुद्ध होवय हंय, अऊर बिना खून बहायो पाप की माफी नहाय।

13 कहालीकि जब बकरा अऊर बईलो को खून अऊर बछड़ा की राख विधि अनुसार अपवित्र लोगों पर छिड़क्यो जानो सी हि शुद्ध होय जावय हय अऊर विधि अनुसार उन्की अशुद्धता बाहरी रूप सी चली जावय हय, 14 जब यो सच हय त मसीह को खून कितनो प्रभावशाली होयेंन, ओन अनन्त आत्मा अपनो आप ख एक सम्पुर्न बली को रूप म परमेश्वर ख चढ़ाय दियो हय। त ओको खून हमरी चेतना ख उन कर्मों सी शुद्ध करेंन जो मृत्यु को तरफ ले जावय हय ताकि हम जीन्दो परमेश्वर की सेवा कर सके।

4 कहालीकि बईलो अऊर बकरा को खून पापों ख दूर कर दे, असो सम्भव नहाय।

12 योच वजह, यीशु न भी शहर को द्वार को बाहेर मरयो ताकि लोग पापों सी ओको खून को द्वारा शुद्ध होय सके।

24 अऊर एक नयी वाचा को मध्यस्थ को यीशु अऊर छिड़काव को ऊ खून को जवर आयो चुक्यो हय, जो हाबील को खून की उम्मीद उत्तम चिजों की प्रतिज्ञा करय हय।

7 पर यदि जसो ऊ प्रकाश म हय, वसोच हम भी प्रकाश म चले, त एक दूसरों सी सहभागिता रखजे हंय, अऊर ओको बेटा यीशु को खून हम्ख सब पापों सी शुद्ध करय हय।

7 ✝हम ख ओको म मसीह को खून को द्वारा छुटकारा, यानेकि पापों की माफी, ओको महान अनुग्रह सी मिल्यो हय,

13 पर अब मसीह यीशु म तुम जो पहिले दूर होतो, मसीह को खून को द्वारा जवर भय गयो हय।

28 कहालीकि यो वाचा को मोरो ऊ खून आय, जो पूरो लोगों लायी पापों की माफी लायी बहायो जावय हय।

5 अऊर यीशु मसीह को तरफ सी जो विश्वास लायक गवाह अऊर मरयो हुयो म सी जीन्दो होन वालो म पहिलौठा अऊर धरती को राजावों को शासक हय। तुम्ख अनुग्रह अऊर शान्ति मिलती रहे।

ऊ हम सी प्रेम रखय हय, अऊर ओन अपनो खून को द्वारा हम्ख पापों सी छुड़ायो हय,

25 यीशु ख परमेश्वर न ओको खून म विश्वास को द्वारा असो जेको द्वारा लोगों की पापों की माफी होवय हय ऊ बली ठहरायो, जो विश्वास करन सी कार्यकारी होवय हय, कि जो पाप पहिले करयो गयो अऊर जिन पर परमेश्वर न अपनी सहनशीलता को वजह ध्यान नहीं दियो। उन्को बारे म ऊ अपनी सच्चायी प्रगट करे।

9 येकोलायी जब कि हम अब ओको खून को वजह सच्चो ठहरेंन, त ओको द्वारा परमेश्वर को गुस्सा सी कहाली न बचायो जायेंन?

पहिलो फसह को त्यौहार

21 तब मूसा न इस्राएलियों को सब बुजूर्गों ख बुलाय क कह्यो, "तुम अपनो अपनो परिवार को अनुसार एक एक मेम्ना अलग कर रखो, अऊर फसह त्यौहार पशु बलि करजो। 22 अऊर ओको खून जो कोहपर म होयेंन ओको म जूफा नाम की झाड़ी सी बन्यो एक गुच्छा डुबाय क उच कोहपर म को खून सी दरवाजा को चौखट पर दोयी बाजुवों पर लगावो; अऊर सबेरे होनो तक तुम म सी कोयी भी घर सी बाहेर नहीं निकले। 23 ✝जब परमेश्वर मिस्रियों ख मारन लायी मिस्र देश सी होय क जायेंन; येकोलायी जित जित ऊ चौखट को ऊपर अऊर दोयी बाजू ऊ खून देखेंन, ऊ दरवाजा ख छोड़ देयेंन, अऊर नाश करन वालो ख तुम्हरो घरों म मारन लायी नहीं जान देयेंन।

11 कहालीकि शरीर को जीव खून म रह्य हय; अऊर ओख मय न तुम लोगों ख वेदी पर चढ़ावन लायी दियो हय कि तुम्हरो जीवों को लायी पापों ख झाक्यो जाये; कहालीकि खून म जीव होन को वजह ओको सी पश्चाताप होवय हय।

4 पर, तुम मांस ख ओको जीव मतलब खून को संग मत खाजो।✝ 5 कहालीकि मय जरूर तुम्हरो खून अऊर जीव को बदला लेऊं: अऊर मय हर एक जनावर सी, अऊर हर एक आदमी सी ओको बदला लेऊं; अऊर मय हर एक आदमी सी ओको भाऊ बहिनों को खून को बदला लेऊं। 6 जो कोयी आदमी को खून बहायेंन ओको भी खून आदमी द्वारा बहायो जायेंन; कहालीकि परमेश्वर न आदमी ख अपनो जसो बनायो हय।✝

11 हि मेम्ना को खून को वजह अऊर अपनी गवाही को वचन को वजह ओको पर जीत हासिल करी, अऊर उन्न अपनो जीवो ख प्रिय नहीं जान्यो, अऊर हि अपनो जीवन ख छोड़न अऊर मरन लायी तैयार होतो।

18 कहालीकि तुम जानय हय कि तुम्हरो निकम्मो चाल-चलन को तरीका जो बापदादों सी चल्यो आवय हय, ओको सी तुम्हरो छुटकारा चांदी-सोना यानेकि बेकार चिजों को द्वारा नहीं भयो; 19 बल्की बहुमूल्य मसीह को अर्पन को द्वारा जो एक निर्दोष अऊर निष्कलंक मेम्ना को जसो होतो।

28 येकोलायी अपनी अऊर पूरो झुण्ड की चौकसी करो जेको म पवित्र आत्मा न तुम्ख मुखिया ठहरायो हय, कि तुम परमेश्वर की मण्डली की देखभाल करो, जेक ओन अपनो खून सी ले लियो हय।

53 यीशु न उन्को सी कह्यो, "मय तुम सी सच सच कहू हय कि जब तक तुम आदमी को बेटा यानेकि मसीह को मांस नहीं खावो, अऊर ओको खून नहीं पीवो, तुम म जीवन नहाय। 54 जो मोरो मांस खावय अऊर मोरो खून पीवय हय, अनन्त जीवन ओकोच हय; अऊर मय ओख आखरी दिन फिर जीन्दो करू।

यीशु मसीह को बारे म गवाही

6 ऊ यीशु मसीहच आय जो हमरो जवर पानी अऊर खून को संग आयो। केवल पानी को संग नहीं, बल्की पानी अऊर खून को संग। अऊर वा आत्मा आय जो ओकी गवाही देवय हय कहालीकि आत्मा सत्य हय।