Santa ceia
A Santa Ceia é uma das ordenanças mais sagradas da igreja cristã. Instituída por Jesus na última noite antes da crucificação, ela celebra seu sacrifício e proclama sua morte até que Ele volte.
A instituição por Jesus
Na noite em que foi traído, Jesus tomou o pão e o cálice, deu graças e os compartilhou com os discípulos, dizendo: 'Fazei isto em memória de mim.'
Jisas ye duglo beglkwa yoba bret ya nigl wain togwa
Ana Jisas duglo beglkwa yagl bogl kaya mokna ne meglko, Jisas bret ta idre, God di wakai yei te, bret i ake buko dugwa. Ake buko di, ye swara swarade nenaiglmedi tedre, yegl dugwa, Bret i idre, neo. I na nagna mere yegl yomiwe dugwa. Ana Jisas kap ta wain nuglo atne moglkwa ama idre, ye duglo beglkwa yoba nenaiglmedi tedre, yegl dugwa, Kap swara i mina mudu neo. I siragl pre wain nuglo i, na bormaina mere yegl yomiwe dugwa. Na ene yoba mere kumapno tenagledi bormaina suru ede meda edibo, God ka kaima ta okna di te paduglkwa ikra, ka kaima plau dinabuka. Plau dinan, ene tadaglmeno ama gugl ede tenabuka.
Jisas ye duglo beglkwa yoba bret ya nigl wain togwa
Ana Jisas duglo beglkwa yagl bogl kaya mokna ne meglko, Jisas bret ta idre, God di wakai yei te, bret i ake buko dugwa. Ake buko di, ye swara swarade nenaiglmedi tedre, yegl dugwa, Bret i idre, neo. I na nagna mere yegl yomiwe dugwa. Ana Jisas kap ta wain nuglo atne moglkwa ama idre, ye duglo beglkwa yoba nenaiglmedi tedre, ye mudu neigwa. Neigo, Jisas yegl dugwa, Wain nuglo i, na bormaina mere yegl yomiwe dugwa. Na bormaina God kontrakmo ikra pre teiga. Bormai i yoba mere kide pre yage meda sumiwa. Te, na ene kaima di teiga, na erme nigl wain nekre, mogl ebo, God yoba kingno mogl, ye suglno morabuka egemo yenan, na aglke kor nenaluwe dugwa.
Ana Jisas yegl didre, bret ta ake i mitna ede, God di wakai yei tedre, bret i ake buko dugwa. Ake buko di, ye duglo beglkwa yagl swara swarade nenaiglmedi tedre, yegl dugwa, Bret i, na nagna mere yegl yogwa. Na nagna ene kumapno pre tebo, ene okuo na goraglka i pre moramnedi ama bret yegl buko di neo di, Jisas yegl dugwa. Ana kuno yegl mere Jisas ye duglo beglkwa yoba bogl kaya mokna ne kodigo, Jisas kap ta wain nuglo atne moglkwa idre, ye duglo beglkwa yoba di te, yegl dugwa, Wain nuglo i, na bormaina mere yegl moglmiwa. Na ene kumapno tenagledi bormaina suru ede meda edibo, God ka kaima ta ene di te paduglkwa i, ka kaima plau dinabiwe di, yegl dugwa.
O significado espiritual
A Ceia é participação no corpo e no sangue de Cristo. Jesus ensinou que quem come de sua carne e bebe de seu sangue tem a vida eterna.
Bret ta kor moglsre, heven ibo yei, ede atne ugwa i, na moglka. Yoba bret i nenan, ye aimadi kamin kor morabuka. Na bret we diga i, nana ogona nagna pre diga. Yoba uglo koglo koglo meglkwa i kor moraiglmedi, ogona nagna tenaluwe di, Jisas yegl dugwa.
Juda yoba yegl digo, Jisas ye di te, yegl dugwa, Na ene ka kaima di teiga, Na Yoba Wam moglka i, ene na ogona nagna nedre, bormaina nedre keme kor moraiglkwa. Ta manan, ene kor moglkraiglkwa i ta ikraiglkwa. Yoba ta na ogona nagna ya bormaina nogwa i, ye aimadi kamin kor morabuka i, i kodugwa. Te, ege okuo yenabuka igne, na ye ogo nagie ere i kor edenaglka. I siragl pre na ogona nagna i, kaya mokna kaima mere yegl yogwa. Te, na bormaina i, nigl kaima nenaiglkwa mere yegl moglmiwe dugwa.
Jisas yegl didre, ama yegl dugwa, Yoba ta na ogona nagna ya bormaina neigwa i, ye ede u na moglmara atne kra pai meglko, na ye deno muduno suna ama pai moglka. Na Nina kor aimadi moglsre, na dedugwa i, ye na kor moratnedi narukwa. Kuno yegl mere yoba ta na ogona nagna ya bormaina nenabuka i, na ye kor morabedi tebo, kor aimadi morabuka. Bret ta heven ibo yei, ede atne ugwa i, na mole diga. Ene kowano awano okna ibo dumo wau yomara mogl, bret ta mana we digwa i nedre, okuo geglkwa. Ba na bret ta heven ibo yei, ede atne ume diga i, yoba bret i ta nenabuka yobamo i, kor aimadi morabiwe di, Jisas yegl dugwa.
God di wakai yei te, ake buko dugwa. Ye bret ake buko di, duglo beglkwa yagl tedre, yegl dugwa, Bret i, na nagna mere yegl yogwa. Na nagna ene pre bogl bagla dinabuka. Ene erme bret tebo, nenaiglmere mere yegl, okuo ama na poglo di pramnedi ne pai molo dugwa. Jisas yegl dugo, ye duglo beglkwa yagl bogl kaya mokna akie ne kodigo, ye ama kap swara ta wain nuglo atne moglkwa idre, yegl dugwa, Wain nuglo i, na bormaina mere yegl moglkwa. Na bormaina i mina God ka kor ta ene meglmara plau dinabedi ka kaima ene di te paduglkwa i, kaima plau dinabiwe dugwa. Ene okuo kap yegl idre, wain nuglo akie nenaiglkwa igne i na poglo di pramnedi neo di, yegl dugwa. Ana ene akie bret ake buko di nedre, wain nuglo nedre, erikwa i, ene nono Yaglno Kade nono pre goglmiwe di, i nogugl edigwa. Ene aimadi yegl ere meglbi, Jisas okuo ede ikne unabuka.
Ana mabuno yegl paugwa pre ene bret ya wain nuglo nono Yaglno Kade na poglo di pre moraiglmedi, Neo dugwa i gua gua nedre, agroma abaroma ere kide ere teigwa i, ene Jisas bormaimo suru edugwa i, ya ogo nagie bagla dugwa i taragl kebra mere yegl yomedi i nogugl edigwa pre ene Yaglno Kade ere kide ere teigwa. Yegl pre ene komono kana nomano siragl mere paugwa i, ya agroma abaroma mabuno ere teigwa i ake kun ersre, bret ya wain i nenaiglkwa paugwa.
Ana ene akie bret ake buko di nedre, wain nuglo nedre, erikwa i, ene nono Yaglno Kade nono pre goglmiwe di, i nogugl edigwa. Ene aimadi yegl ere meglbi, Jisas okuo ede ikne unabuka.
A prática da Igreja
Desde os primeiros cristãos, a Ceia do Senhor é parte fundamental da vida comunitária da Igreja, celebrada com reverência e exame de consciência.
Jisas pre mediglkwa yoba i, deno muduno swara yei, meglkwa
Ana Jisas pre mediglkwa yoba i, ege ege Jisas dedugwa yoba ka mabuno di teigwa i prisre, akie makai sidre, Jisas goglkwa poglo di pramnedi bret akie buko di nedre, akie kamage ere mogl, erikwa.
Pol kumugl gak ta ere i kor edugwa
Ana no dumo Troas pai mungo, Sande ege yogo, no Jisas pre mediglkwa yoba dumo Troas meglkwa i bogl makai sidre, Jisas goglkwa pre moramnedi bret akie buko di nenamnedi makai sumga. No pi yugu ta bogl kugl, tebe atne suo keimara ede kuglo ibo pi makai sumga. Makai sumnara i, yoba ken lam mere gagl padiglko, Pol ye yoba ka beke togwa. Ye yoba ka beke togwa i, tagna ye Troas kide kodo ede enagledi prukwa pre ka olto di ede ogo, eduer suna yogwa.
Ede yugugl ogo, ye akie kaya mokna nenamnedi ame digo, Jisas bret ta idre, God di wakai yei te, bret ake buko di, yagl suo i togwa.
Ana mabuno yegl paugwa pre ene bret ya wain nuglo nono Yaglno Kade na poglo di pre moraiglmedi, Neo dugwa i gua gua nedre, agroma abaroma ere kide ere teigwa i, ene Jisas bormaimo suru edugwa i, ya ogo nagie bagla dugwa i taragl kebra mere yegl yomedi i nogugl edigwa pre ene Yaglno Kade ere kide ere teigwa. Yegl pre ene komono kana nomano siragl mere paugwa i, ya agroma abaroma mabuno ere teigwa i ake kun ersre, bret ya wain i nenaiglkwa paugwa. Yoba tau ye agro abaro bogl Yaglno Kade yugobunomo swara kaima munedi prikre, bret ya wain i gua gua nebi, ye God no sinabedi erikwa.