15 koga saku iye wakamudana akayengemala, namwi bo ibani bakayengemala mukuzwibhata kose, 16 ngobe lukwalo goti, "Ibani bakayengemala, ngobe imi ndakayengemala."

15 koga saku iye wakamudana akayengemala, namwi bo ibani bakayengemala mukuzwibhata kose, 16 ngobe lukwalo goti, "Ibani bakayengemala, ngobe imi ndakayengemala."

4 ngobe bakatihala nentha yaKhirisitu kusanhu kukabumbiwa hango, kuti tibe bakayengemala kakale basina nlandu mbeli kwabo.

Nentha yeludo gugwe

3 ✝Ngobe ikoku ndiko kuda kweNdzimu, yengemadziwa kwenyu. kuti musithame bupombgwe; 4 ✝kudze umwe newumwe wenyu atjile newaakatolana naye* nezila yakayengemala kakale inolemekedzeka, 5 kusi ngenjemulo mbi dzetjiba, sebataya basingazibe Ndzimu; 6 ngakusibe newunotjinyila kene tjebela gamu lile, muna tjakalingisana nendebo iyeyi, ngobe He unowholanga wose nhu unoyeta matjinyo akajali, sekwatakamubudza kale tikamutjemela. 7 Ngobe Ndzimu azotidanila kuhambgwa, koga kubuyengemali.

9 iye wakatitjidza kakale akatidana nedana kwakayengemala, kusi ngentha yemihingo yedu, koga kuli ngentha yetjinangwa tjitje nange ngoni dzaakatipa munaKhirisitu Yesu ntolo ntolo,

14 Gwisani kuti mugale nekunyalala nebanhu bose, mutjile butjilo gwakayengemala, ngobe kuhhe kwayikoku akuna nhu unowhobona He.

14 Gwisani kuti mugale nekunyalala nebanhu bose, mutjile butjilo gwakayengemala, ngobe kuhhe kwayikoku akuna nhu unowhobona He.

1 Saku wali tina zwigadzabgwe izwezwi, badikani, atizwitjenapadzeni muna kose kunosa mbili nemeya hambgwa, tizwiyengemadze mukuhla Ndzimu.

1 Saku wali tina zwigadzabgwe izwezwi, badikani, atizwitjenapadzeni muna kose kunosa mbili nemeya hambgwa, tizwiyengemadze mukuhla Ndzimu.

22 Koga ngobe ngwenu matjisununguka mujinyo kakale matjibe balanda beNdzimu, mbhayilo wamunowana whuyengemala kwekuzwipila kuNdzimu, bhelelo lako ibutjilo gusingapele.

19 Ndolebeleka ndebo iyeyi nezila yelebeleka kwebanhu, ngobe mubanyolonyolo mukutjila kwenyu. Ngezila yamakamupila mibili mukulawugwa nekusatjena nebubi gwakagukula, ngwenu ngayitjilawugwa nendulamo kudze muyengemale.

1 Ndizo ndomukumbila, makamu angu, ngemawhilangoni eNdzimu, kuti mupile mibili yenyu ibe tjibhayilo tjinotjila, tjakayengemala kakale tjinowamutjilika kuNdzimu, kunoba kuli iko namata kwelebeswa kwakatambunuka.

17 Ndomukumbilisisa, hama dzangu, kuti mube nehhiho bhabi kuna ibabo banomupalalanya pakati bepinganyidza bugalimoyo gwenyu, bepesana nezwidiyo zwamakadiyiwa; thubukanani nabo.

3 Koga bupombgwe nehambgwa yose kene tjiba kusitongogala kwalebgwa pakati kwenyu, akuzofanila bayengemali.

3 Koga bupombgwe nehambgwa yose kene tjiba kusitongogala kwalebgwa pakati kwenyu, akuzofanila bayengemali.

22 Thubukanani nembumbiko whulukugwi yezwiyeto zwebutjilo gwenyu gwekutanga yakabodzewa nenjemulo mbi dzebupitipiti, 23 muyetiwe mube batshwa mumeya nemumikumbulo yenyu, 24 ✝kakale mumbale mbumbiko ndzwa, yakabumbiwa ikafanana neNdzimu mundulamo yelebeswa nebuyengemali.

21 Imwi makatongobe makathubukana neNdzimu mulizwita zwizwe mumikumbulo, muthama mihingo yakayipa, 22 Ndzimu watjizwibgwilulanya namwi ehingisa mbili wenyama weNkololo uwe ngelufu, kuti amuwamutjile makayengemala, makatjena, musina nlandu mbeli kukwe, 23 hapa kuli kuti moyendilambeli muli mubugalimoyo, makagadzikana makasima, musingatsheduke muna tjakalingiligwa nendebo mbuya yamakawha, iyo yakasumikigwa kuyimwe neyimwe mbumbiko ipasi kwekudzimu, imi Phawuli yandakatiwa n’hingi wayo.

17 Mubayengemadze ngelebeswa; dama lenyu lilebeswa.

16 Amutoziba kuti imwi muthempeli yeNdzimu nekuti Meya yeNdzimu inogala mumuli?

2 Kugubungano leNdzimu liku Khorinte, kuna bakayengemadziwa muna Khirisitu Yesu, bakadan’wa kuti babe bayengemali panhu pan’ompela nayibabo banodana zina laHe wedu Yesu Khirisitu mubugalo gose, He wabo newedu bo.

5 Mube nenkumbulo iwo zwawo wakabe uli muna Khirisitu Yesu,

1 Hapa kuli kuti kuna kuludzila muna Khirisitu, kene nyaladziwa muludo, kene dlidzana muMeya, kene bunyolo nemawhilangoni, 2 hhadzisani hanha kwangu nekuti mube banhu bana nkumbulo un’ompela, mube neludo gun’ompela, mubvumilana, muna nkumbulo wakafanana. 3 Musitongothama tjinhu ngekuzwikumbula imwi moga kene nekuzwiloba fuba, koga nezwitebamisa bonani bamwe sebahine pamuli. 4 Umwe newumwe wenyu asigale akathaabalila zwinhu zwizwe koga, koga athaabalile zwinhu zwebamwe bo. 5 Mube nenkumbulo iwo zwawo wakabe uli muna Khirisitu Yesu,

6 iye, nekene waka anambumbiko* yeNdzimu,

asakatola lizana neNdzimu setjinhu tjaangabhatilila patjili,

7 koga wakazwitebamisa,

ekatola mbumbiko* yenlanda akazwagwa senhu.

8 Wakawanikwa alimutjimo tjenhu, akazwitebamisa, akawhilila kudzina kuswika kulufu,

igo lufu gwepatjileyanyo.

9 Ndizo ke Ndzimu wawumilidzila pehhugwi kwazo,

akawumpa zina lipehhugwi kwemazina ose,

10 kuyetila kuti tjimwe netjimwe tjibvi tjipfigamila zina laYesu,

kudzimu, nemuhango, nakusi kwehango,

11 nendimi dzose dzowholeba kuti Yesu Khirisitu ndiHe

kuyetila kuti gudzo libe kuNdzimu Tate.

12 Ndizo ke, badikani bangu, sekwamagala muwhilila, ngwenuwali, musingakuthame ndilipo koga, bukulu ndisipo, hingilani tjidziwa kwenyu mulihhele hla nekutetema, 13 ngobe ndiNdzimu unohinga mumuli, ehingila kuti eyete kuda kukwe nehanha kukwe kubuya.

14 Thamani zwinhu zose musingan’un’urike, kene kakabadzana, 15 kuyetila kuti mube banhu basingasoleke kakale basina nlandu, bana beNdzimu basingasoleke pakati kwetjizekugwana tjakakombama, tjakayipa, imwi mupenyelela pakati kwatjo sezwivoneko muhango iyeyi, 16 makabhatisisa kwazo dama lebupenyu, kuyetila kuti muhhuba laKhirisitu ndizwilobe fuba nditi andizohihinikila suli kene hingila suli.

17 Nekene ndingatebugwa setjibhayilo tjinon’wiwa pehhugwi kwetjibhayilo nebusumikili gunobva kubugalibgwe gwenyu, ndohanha ndihanhisisa panhu pan’ompela namwi mose. 18 Nezila iyo zwayo, imwi bo makafanila hanha nehanhisisa panhu pan’ompela nami.

19 Ndogalabgwe muna He Yesu kuti nekulibilidza ndowhotuma Thimothi kuti ahhe kumuli kuyetila kuti ndikuludzigwe nendebo dzakanaka dzinobva kumuli. 20 Ngobe andina umwe unankumbulo unonga uwe, unogala ekumbula nekwebutjilo gwenyu kwemalebeswa. 21 Bose banolinga zwebutjilo gwabo koga, kusi zwaYesu Khirisitu. 22 Koga moziba kuti Thimothi wakazwilakidza kuti unobhatsha, kuti iye nami, senkololo natatayi, wakahinga nami mun’hingo wendebo mbuya. 23 Ndogalabgwe kuti ndowhowuntuma nekutjimbidza hule kwetanga ndabona kuti zwinhu zoyenda tjini kundili. 24 Kakale ndina kugalabgwe muna He kuti nami bo ndowhotjimbidza hha kumuli.

25 Ndakubona kwakalizanila kuti ndimutumile Ephafuroditosi hama yangu yatinohinga tose kakale yatinogwa ngwa tose, ntumwa wenyu unondibhatsha nezwandinotayila nazo, 26 ngobe unomuhuba kwazo kakale wakamanikana ngobe makawha kuti waka egwala. 27 Malebeswa waka egwala kwazo akagwilofa. Koga Ndzimu wakawuyetila mawhilangoni, esingayetile iye yega, eyetila nami bo ngobe ndaka ndowhoba nebuyendasi pehhugwi kwegumwe buyendasi. 28 Ndinahuha kwazo kuti ndiwuntumile kumuli kuyetila kuti mube nekuhanha hapa mawumbona kakale, nami bo kuti buyendasi gwangu gutelele. 29 Ndizo ke muwuwamutjile muna He nekuhanha kukulu, mukudze balume bakajali, 30 ngobe wakagwilofila n’hingo waKhirisitu, esa bupenyu gugwe mumboli kuyetila kuti apeleledze bhatsho lenyu kundili.

48 Ndizo ke pelelani, saTate benyu bakudzimu bakapelela."

16 "Akuna nhu unobesedzela tjivoneko ekotjifumika netundu. Kene ekosa tjivoneko kusi kwembheta, koga unotjisa patjigadziko patjena eyetila kuti unongina mun’umba angine kuna tjedza.