Santidade
A santidade é o chamado supremo de Deus para o seu povo. 'Sede santos, porque eu sou santo' — essa ordem ressoa por toda a Escritura, convidando-nos a uma vida separada para Deus.
O chamado à santidade
Deus nos escolheu antes da fundação do mundo para sermos santos. A santificação é sua vontade expressa e nosso destino em Cristo.
Mbali molondeka muwe mwela muna ugenzi wenu wose fana viya ija yamtangileni kela. Fana viya Maandiko Yelile viyolonga, "Muwe welile kwaviya niye nyela."
Mbali molondeka muwe mwela muna ugenzi wenu wose fana viya ija yamtangileni kela. Fana viya Maandiko Yelile viyolonga, "Muwe welile kwaviya niye nyela."
Ing’hali isi hainalumbigwa, Mulungu kachisagula chiwe wake muna ukuilumba na Chilisito, muladi chiwe welile na bila ubananzi haulongozi hake.
Kwa ichimu cha ulondo wake,
Kwa yano niyayo yoolonda Mulungu, kwela kulawa kuuleka ugoni. Chila mulume kolondeka yavimanye kululanguliza lukuli lwake mwenyewo kwa kwela na ugoya. Na si kwa kulonda yehile fana wanhu hawammanyile Mulungu. Ivo munhu yoyose sekeyamsovule miyage wala kumwihila muna imbuli ino. Chimulongelani kweli chimala na kuwalongela kuwa Mndewa niiyo yonda yawataguse wanhu wose wowotenda yayo. Kwaviya Mulungu hachitangile muladi chikale muna ugoni, mbali muna ukwela.
Kachilopola na kuchitanga kuwa wanhu wake, siyo kwa ichimu cha sang’hano zetu zinogile, mbali kwa ichimu cha lungilo jake na unovu wake. Kaching’ha unovu uwo kufosela Chilisito Yesu kwandusila kulumbigwa kwa isi yose.
O Deus santo
O Senhor é santo em toda a sua natureza. O universo testemunha sua santidade, e os anjos proclamam: Santo, Santo, Santo.
A prática da santidade
A santidade se expressa em pensamentos puros, ações corretas e separação do pecado. É um processo contínuo de purificação e dedicação a Deus.
Iyoheni ng’hani kukala kwa tindiwalo na wanhu wose na kukala kwa kwela, kwaviya habule munhu yoonda yamuwone Mndewa bila kuwa yelile.
Iyoheni ng’hani kukala kwa tindiwalo na wanhu wose na kukala kwa kwela, kwaviya habule munhu yoonda yamuwone Mndewa bila kuwa yelile.
Ivo wambwiya zangu one chahawa ching’higwa chilagano chino chose, chiisafye na kusegeza yaja yose yodaha kutenda ng’huli zetu na mihe yetu vambule mwiko, na chiwe welile kwa kumdumba Mulungu.
Ivo wambwiya zangu one chahawa ching’higwa chilagano chino chose, chiisafye na kusegeza yaja yose yodaha kutenda ng’huli zetu na mihe yetu vambule mwiko, na chiwe welile kwa kumdumba Mulungu.
Mbali sambi mukomboligwa kulawa muna uhasanyi, na muwa watumigwa wa Mulungu. Na chomumweda sambi ni kusafyigwa, uko kogala ugima wa siku zose.
Hano nolonga ulonzi wa chiunhu kwa chimu cha unyondenyonde wenu. Fana viya lusita vimuilavile mweye wenyewo kusang’hanila unyinya na wihi, na lelo vino sambi muilave wenyewo kusang’hanila yanogile haulongozi wa Mulungu kwa ichimu cha kwela.
Ivo mweye ndugu zangu, kwaviya Mulungu kana ubazi mwingi, nowalamba kwa moyo wose, mulavileni Mulungu ng’huli zenu fana viya nhambiko yili na ugima, yelile na yili na kudeng’heleza. Ino niiyo nzila yenu haswa ya kumtambikila.
Ndugu zangu, nowalamba muwalole ng’hani wanhu wowatenda wanhu waibagule, na kuwatenda wanhu wamwenga wagwe, waleka kutegeleza mafundizo yomuhokele. Muyepule nawo,
Kwaviya mweye ni wanhu wa Mulungu, lelo ugoni na mbuli zihile zozose hebu ugila sekeuhulikike kumwenu.
Kwaviya mweye ni wanhu wa Mulungu, lelo ugoni na mbuli zihile zozose hebu ugila sekeuhulikike kumwenu.
Ivo lekeni ugenzi wenu wa ichanduso fana kuhambula mawalo yenu ya umwaka, yani uja unhu wenu wa umwaka woukalile wobanangigwa kwa malondo yake za uvwizi. Myoyo yenu na nzewele zenu volondeka viwe va sambi, na molondeka mukale muna ugima wa sambi, fana kuvala walo da sambi. Ugima uno ulumbigwa kwa simwe da Mulungu na woilagusa wenyewo muna ugima wa kweli, wa unovu na kwela.
Baho mwanduso mweye iviya mukala kutali na Mulungu na mukala wehi wake kwa magesa yenu na sang’hano zenu zihile. Mbali sambi kwa ifa ya Mwanage, Mulungu kamtendani muwe wambwiya zake, muladi yamwikeni wanhu wa Mulungu welibule ching’wasu haulongozi wake, molondeka mugendelele kukala muna uhuwilo wenu igangamale, fana mwikigwa muna ichandusilo na muwa wagangamavu, one hamuhindusigwe na kuleka kuihuwila Mbuli Inogile yomuihulike, yoipetigwe kwa wanhu wose weli muna isi yose. Niye Paulo iyo msang’hani wa Mbuli Inogile ya usenga uno.
A Palavra que santifica
Jesus disse: 'Santifica-os na verdade; a tua palavra é a verdade.' A Bíblia é o instrumento de Deus para nos purificar e transformar.
Uwatende wawe wako kwa iyo ikweli, mbuli yako ni kweli.
Templo do Espírito Santo
Nosso corpo é templo de Deus. Devemos honrá-lo com santidade, guardando mente e coração e buscando a semelhança com Cristo.
Mweye mvimanya kuwa ni Kaye ya Mulungu na Muhe wa Mulungu kokala mgati mmwenu.
Chojandikila bumbila da wanhu wowomuhuwila Chilisito weli muna dibululu da Kolimso, kwa mweye mose wowasafyigwe na wowatangigwe kuwa wanhu welile wa Mulungu kwa kuilumba na Yesu Chilisito, hamwe na wanhu wose chila hanhu howomtambikila Mndewa wetu Yesu Chilisito, Mndewa wawo na wetu,
Muwe na lungilo diya da umanyi fana diya diyakalile najo Chilisito Yesu.
One mogumigwa moyo kwa kwiilumba na Chilisito, one ulondo wake wowagela moyo, one muna mvava na Muhe Yelile na one muna ubazi na uhole, maabaho dimemezeni deng’ho jangu kwa kuwa na magesa yamwe, ulondo umwe, na moyo umwe na muhe umwe. Sekemutende chinhu chochose kwa moyo wa chimasolo wala kuigoda, mbali muinyenyende mweye kwa mweye, chila munhu yamuwone miyage kofaya kufosa yeye mwenyewo. Chila imwe wenu sekeyazahile malondo yake mhuhala mbali uzahile malondo ya miyago. Muwe na lungilo diya da umanyi fana diya diyakalile najo Chilisito Yesu.
Chilisito kakala Mulungu kweli,
mbali hagesile kuwa kulinga fana Mulungu ni chinhu cha kunanahila kwa ludabwa.
Mbali kwa kulonda yeye mwenyewo, kayalekelela yayo yose,
na kawa fana mtumwa.
Kelekigwa kuwa munhu,
kawoneka fana munhu.
Kainyendanyenda na kutegeleza mbaka kudanganika mbaka kadanganika mumsalaba.
Kwa chimu icho Mulungu kamwinula mchanyha ng’hani na kamwing’ha zina didifosa mazina yose. Mbali kwa zina da Yesu,
vilumbigwa vose kuulanga, muna isi na kowadanganike,
vitumbale mavindi haulongozi wake, Na kwa utunhizo wa Mulungu Tata,
chila lulimi lwizatogola kuwa,
"Yesu Chilisito ni Mndewa!"
Ivo wambwiya zangu walondwa, siku zose vinikalile na mweye munhegeleza, fana vinili kutali na mweye, gendeleleni kutegeleza. Sang’haneni sang’hano kwa ludumbo na kugudemeka kwa ichimu cha ukombola wenu, kwaviya Mulungu kosang’hana mgati yenu yawadahizeni muwe na lungilo na mudahe kutegeleza lungilo jake mwenyewo.
Tendeni chila chinhu bila kulongelela wala kuihuma. Mbali muwe wanhu wanogile mulibule uhasanyi fana wana wa Mulungu welibule ubanazi wokala muna isi ihile na yagile. Mwizabung’huka hagati yawo fana nhondo vizimwemwesa ulanga. Muhamha mbuli yoigala ugima, nidahe kuwona kupata chinhu cha kuigodela muna Dizuwa dondayabwele Chilisito, kwaviya izawoneka funhu funhu kuiyoha kwangu na sang’hano yangu hayagile bule!
Fana yahawa nilavigwa sadaka hamwe na uhuwilo wenu na kumsang’hanila Mulungu. Ivo nodeng’helela ng’hani na kuweng’hani mweye mose deng’ho ijo jose. Na mweye iviya molondeka mudeng’helele na kusekelela hamwe na niye.
One Mndewa Yesu yahalonda, nololela kuwa nizadaha kumtuma Timoseyo kumwenu sambi, ivo nodaha kugumigwa moyo kwa mbuli zenu. Nabule munhu imwenga fana yeye yoyowasang’hanileni kwa ulondo. Wanhu wamwenga wose wolonda mbuli zawo wenyewo, hawalonda mbuli za Yesu Chilisito. Mbali mweye movimanya viya Timoseyo viyailaguse kuwa kofaya, kasang’hana sang’hano na niye, fana tati na mwanage, kasang’hana na niye kwa ichimu cha Mbuli Inogile. Ivo nololela kumtuma Timoseyo kumwenu, baho vondanivimanye yondayanilawilile. Nomuhuwila Mndewa kuwa niye mwenyewo nizadaha kwiza kumwenu vino sambi.
Mbali niwona yolondeka nimtume ndugu yetu Epafuladito, msang’hani na kaugombela usenga wa Mndewa fana niye. Iyo yomumtumile kunitaza muuzidilwa wonili nawo. Kolonda ng’hani kumuwonani mweye wose, na kowona usungu kwaviya muhulika kuwa kakala mtamu. Mbali kakala mtamu inula tambalisa. Mbali Mulungu kamuwonela ubazi, na siyo yeye muhala, mbali na niye iviya, muladi sekeniwe na usungu ng’hani. Ivo nolonda ng’hani kumtuma kumwenu, muladi vondamumuwone mudeng’helele, na usungu wangu wizamala. Muhokeleni kwa deng’ho, fana ndugu wa Mndewa. Wahulikeni wanhu wose walingile fana yeye. Kauhonza ugima wake habehi na kudanganika kwa ichimu cha sang’hano ya Chilisito, yanitaze viya mweye wenyewo hamudaha kunitaza bule.
Muwe watimilifu fana viya Tati yenu wa kuulanga viyeli mtimilifu.
"Wanhu hawawasha chitasa na kuchigubika na nongo hebu kuchika muuvungu, mbali wochika ha ichingolobweda muladi wanhu wahengila mnyumba wawone bung’hulo jake.