15 နန်းနို့ဟှို ခေါ်တော်မူဟှူ သခင်ဟှာ သန့်ရှင်းတော်မူဟှူမျိုး နန်းနို့လေလည်း ပြုမူကျင့်ကြံရှင်းလေမာ သန့်ရှင်းမှုရှိဂေ့ပါ။ 16 ဖြားဖြစ်ကြောန့်နူးဆိုဟှာ "ငါဟှာ သန့်ရှင်းတော်မူဟှူကြောန့် နန်းနို့လေဟှာ သန့်ရှင်းရှင်း ရှိဂေ့ရမယ်" ဆိုဘီး ရေးဟှားလေဟှယ်။

15 နန်းနို့ဟှို ခေါ်တော်မူဟှူ သခင်ဟှာ သန့်ရှင်းတော်မူဟှူမျိုး နန်းနို့လေလည်း ပြုမူကျင့်ကြံရှင်းလေမာ သန့်ရှင်းမှုရှိဂေ့ပါ။ 16 ဖြားဖြစ်ကြောန့်နူးဆိုဟှာ "ငါဟှာ သန့်ရှင်းတော်မူဟှူကြောန့် နန်းနို့လေဟှာ သန့်ရှင်းရှင်း ရှိဂေ့ရမယ်" ဆိုဘီး ရေးဟှားလေဟှယ်။

4 နို့လေဟှာ ခရစ်တော်န တလောင်းတဝဒဲ ဖြစ်ဟှူကြောန့် ရှေ့တော်မာ သန့်ရှင်းဘီး ပြစ်တန်ဇာမှေ့ဘဲန လွတ်ကင်းဟှူ လူလေ ဖြစ်ဂေ့ဟှို့တွပ် အယ်ကမ္ဘာလောက မှေ့ခန်ဒူးဟှ နို့လေဟှို ဘုရားသခင်ဟှာ ဝီးကော့-က်ဟှားဇာ ဖြစ်ဟှယ်။

ကိုယ်တော့် မြစ်တာကြောန့်

3 ဘုရားသခင်ရဲ့လိုတော်ဟှ နန်းနိုလေဟှို တရားဘဲဟှူ မေထုန်ဟှို ရှောန်ဘီး သန့်ရှင်းစေဟှို့တွပ်န၊ 4 နန်းနို့ယော့-က်ရှင်းစီဟှာ သန့်ရှင်းရှင်း၊ ဂေါင်သရေရှိရှင်းလေန ကိုယ့်ရဲ့ ကိုယ်ခန္ဓာဟှို ဖယ်မျိုး ထီးသီးရမယ် ဆိုဇာဟှို သိဘီးဟှာ* 5 ဘုရားသခင်ဟှို သိဘဲဟှူ လူမျိုးခြားလေ ကိလေသာစိ တတ်မတ်ဟှူမျိုး တတ်မတ်ဘဲနေဟှို့တွပ်န၊ 6 အယ်မျိုးဇာလေဟှို လွန်ကျူးဘီး ကိုယ့်ညီကို မောန်နှမလေဟှို ပရိယာယ်အားဖြင့် ပြစ်မှားဘဲနေဟှို့တွပ် လိုတော်ရှိပါဟှယ်။ ဖြားဖြစ်ကြောန့်နူးဆိုဟှာ နို့လေဟှာ စစဒူးဟှ ဟောပြောဘီး ဒိပေးဟှားတိုင်း သခင်ဘုရားဟှာ အယ်မျိုးပြစ်မှားဇာဟှို ခံဟှူသူလေဟှို တရားစီရင်လေ့မယ်။ 7 ဖြားဖြစ်ကြောန့်နူးဆိုဟှာ ဘုရားသခင်ဟှာ ညစ်ညူးစေဟှို့တွပ် နို့လေဟှို ခေါ်ဟှားဇာ မှုဟှ။ သန့်ရှင်းစေဟှို့တွပ် ခေါ်ဟှားဇာဖြစ်ဟှယ်။

9 ဘုရားသခင်ဟှာ နို့လေကျင့်ဟှူ ကျင့်ဟှို ထော့-က်ထားတော် မှုဘဲန ရှေးကာလရော့-က်ခန်ဂဒဲဟှ ယေရှုခရစ်အားဖြင့် နို့လေတွပ် ကိုယ်တော်တိုင်ဘဲ့ ကြံစည်တော်မူဟှူ ကျေးဇူးတော်တိုင်း နို့လေဟှို ကယ်တန်ဘီး သန့်ရှင်းဟှူသူရာမာ ခေါ်ဟှားတော်မူဟှယ်။

14 လူလေန သင့်သင့်တင့်တင့်နေဘီး ငြီသတ်ရှင်းန သန့်ရှင်းရှင်း ပါရမီဟှို မှီအောန်လိုက်ဂေ့ပါ။ သန့်ရှင်းရှင်း ပါရမီ မှေ့ဘဲနေဟှာ ဖယ်သူလည်း ဘုရားသခင်ဟှို ဖူးဗြင်ရဟှို့ မှုဟှ။

14 လူလေန သင့်သင့်တင့်တင့်နေဘီး ငြီသတ်ရှင်းန သန့်ရှင်းရှင်း ပါရမီဟှို မှီအောန်လိုက်ဂေ့ပါ။ သန့်ရှင်းရှင်း ပါရမီ မှေ့ဘဲနေဟှာ ဖယ်သူလည်း ဘုရားသခင်ဟှို ဖူးဗြင်ရဟှို့ မှုဟှ။

1 ရှစ်ရဟှူသူလေ၊ အယ်ဂဒိတော်လေဟှ နို့လေတွပ်ဘဲ့ ဖြစ်ဟှယ်။ အယ်ကြောန့် နို့လေဟှာ ကိုယ့်ရဲ့ ဇာတိညစ်ကြေးန ဝိညာဉ်ညစ်ကြေးရှိမျှန ကင်းစေဟှို့တွပ် ဘုရားသခင်ဟှို ကြော့-က်ဘီး ရိုသေဇာန ကိုယ့်ကိုယ်ကိုယ် လောင်းဝသန့်ရှင်းဂေ့ဇို့။

1 ရှစ်ရဟှူသူလေ၊ အယ်ဂဒိတော်လေဟှ နို့လေတွပ်ဘဲ့ ဖြစ်ဟှယ်။ အယ်ကြောန့် နို့လေဟှာ ကိုယ့်ရဲ့ ဇာတိညစ်ကြေးန ဝိညာဉ်ညစ်ကြေးရှိမျှန ကင်းစေဟှို့တွပ် ဘုရားသခင်ဟှို ကြော့-က်ဘီး ရိုသေဇာန ကိုယ့်ကိုယ်ကိုယ် လောင်းဝသန့်ရှင်းဂေ့ဇို့။

22 ခုဆို နန်းနို့လေဟှာ ပြစ်တရားရဲ့ လတ်ဟှနေ လွတ်မြော့-က်ဘီးဟှာ ဘုရားသခင်ရဲ့ ကျွန်လေဖြစ်ဟှယ်။ အယ်မူကျိုးကြောန့် သန့်ရှင်းရှင်းဟှို ရဘီးဟှာ ဆောင်းမာ ထာဝရသတ်ဟှို ရဂေ့လေ့မယ်။

19 (နန်းနို့လေဟှာ ဇာတိတွေးခေါ် အားနဲဟှူကြောန့် လောကီဝေါဟာရတိုင်း ငါပြောဟှူဇာဖြစ်ဟှယ်။) တခီဟှ နန်းနို့လေဟှာ ကိုယ့်ရဲ့ ဘဝသတ်တာဟှို ဒုစရိုက်သားကောန်ရဲ့ ကျွန်ဖြစ်န အပ်ဘီး ညစ်ညူးမှုလေဟှို ပြုဂေ့မျိုး ခုလည်း အယ်မျိုးဘဲ့ ကိုယ့်ရဲ့ ဘဝသတ်တာဟှို စောင်လင်သန့်ရှင်းဘီး ကောန်းဟှူ ကျင့်လေဟှို ကျင့်ဟှို့တွပ် ဖြောန့်မတ်ဟှူ တရားလတ်ထဲဟှို ကျွန်ဖြင့်န ကြွင်းမဲ့အပ်ဂေ့ပါ။

1 အယ်မျိုးဖြစ်ကြောန့် ညီကို မောန်နှမလေ၊ ဘုရားသခင်ရဲ့ ကရုဏာတော်အားဖြင့် နန်းနို့လေဟှို ငါတိုက်တွန်းနှိုးဆော်ရှင်ဇာဟှ နန်းနို့လေရဲ့ ကိုယ်ခန္ဓာဟှို ဘုရားသခင် နှစ်သက်ဟှူ သန့်ရှင်းရှင်း လတ်ခဏာဘောန်းဇောင်န ပ္လဲ့ဇောင်ဟှူ သတ်ရှင်ရှင်း ယဇ်ဖြစ် ဆစ်ကပ်ပူဇော်ဂေ့ပါ။ အယ်မျိုးပြုဟှူဇာဟှ နန်းနို့လေဟှာ မှန်ကန်ဟှူ ဝတ်ပြုကိုးကွယ်ရှင်း ဖြစ်လေဟှယ်။

17 ညီကို မောန်နှမလေ နန်းနို့ခံယူဘီးဟှူ ဆောန်းမဩဝါဒန ဆန့်ကျင်ဖတ်ဖြစ်ဟှူ သင်းခွဲဘီး ရှင်းရှင်းစိဝန်းကွဲအောန် ယောင်ကြည်မှု မှားယွင်းအောန် လောက်ဟှူ သူလေဟှို ဒိန ရှောန်ရှားဟှို့တွပ် နန်းနို့ဟှို ငါတိုက်တွန်းပါဟှယ်!

3 နန်းနို့ဟှာ သန့်ရှင်းဟှူ လူလေဖြစ်ဟှူကြောန့် ကာမဂေါင်လိုက်စားရှင်း၊ ညစ်ညူးဘီး လောဘကီးဟှူကြောန်းလေ ဂူလောင်းဟှို နန်းနို့လေဟှာ ပြောဂေ့န။

3 နန်းနို့ဟှာ သန့်ရှင်းဟှူ လူလေဖြစ်ဟှူကြောန့် ကာမဂေါင်လိုက်စားရှင်း၊ ညစ်ညူးဘီး လောဘကီးဟှူကြောန်းလေ ဂူလောင်းဟှို နန်းနို့လေဟှာ ပြောဂေ့န။

22 ✝အယ်ကြောန့် ရင်ဟှ သတ်ရှင်လာဟှူ လူဟောန်းဘဝဟှို လွှတ်ပစ်ဂေ့။ လှည့်ဇားတတ်ဟှူ စိဆန္ဒလေကြောန့် သောင်းဟှို့မျှဘဲဟှူ လူဟောန်းဟှို လွှတ်ပစ်ဂေ့ပါ။ 23 နန်းနို့ဟှာ စိနှလောင်းသဘောဟှို သစ်ပြုပြင်ခံရဘီး၊ 24 ✝ဘုရားသခင်ရဲ့ ပေါင်သဏ္ဌန်တော်နညီ ဖန်ဆင်းဇာဟှိုခံရဘီး သမ္မာတရားနဆိုင်ဟှူ ဖြောန့်မတ်သန့်ရှင်းဟှူ လူသစ် ဖြစ်ရဂေ့ဟှယ်။

21 တခီဒူးဟှ နန်းနို့လေဟှာ ဆိုးညစ်ဟှူကျင့်န ကြံစည်လေကြောန့် ဘုရားသခင်န ဝီးကွာဟှားဘီး စိနှလောင်းနှိုက် ရန်သူဖြစ်ဂေ့ဟှယ်။ 22 အယ်ဘေမဲ့ ခုခီမာ သွီးသားနဆိုင်ဟှူ ကိုယ်ခန္ဓာနှိုက် သားတော်ဟှို သေခံစေရှင်းအားဖြင့် ဘုရားသခင်ဟှာ နန်းနို့လေဟှို သူ့န ပ္လန်သင့်မြတ်စေတော်မူဟှယ်။ အယ်မျိုးလောက်ရှင်းအားဖြင့် သန့်ရှင်းဘီး ပြစ်မှေ့ဘဲဟှူ နန်းနို့လေဟှို သူ့ရဲ့ ရှေ့တော်မာ ဆစ်သနိုင်ဟှို့တွပ် ဖြစ်ဟှယ်။ 23 အယ်ဘေမဲ့ နန်းနို့လေဟှာ ကြားနာရဟှူ ကောန်းမြတ်ဟှူ ဒန်းကောန်းရဲ့ မျှော်လင့်ရှင်းဟှနေ ယီးယိုင်သွားဘဲန ခိုင်းခိုင်မားမာ အုပြစ်ခ္လဟှားဟှူ ယောင်ကြည်ရှင်းမာ ဆစ်ဘီးတည်နေရမယ်။ ကောန်းဂန်အော့-က်ဟှ ဖန်ဆင်းခံလောက တခုလောင်းဟှို ပ္လံ့နှံ့နေဟှူ အယ်မူဒန်းကောန်းဟှို ဟောပြောစေခံနေဟှူ သူဟှာ ငါပေါလုဘဲ့ ဖြစ်ဟှယ်။

17 သမ္မာတရားအားဖြင့် သူးနို့ဟှို သန့်ရှင်းတော်မူပါ။ ကိုယ်တော်ရဲ့ စကားတော်ဟှာ သမ္မာတရားဖြစ်ဟှယ်။

16 ✝နန်းနို့လေဟှာ ဘုရားသခင်ရဲ့ ဗိမာန်တော် ဖြစ်ဟှယ် ဆိုဟှူဇာန ဘုရားသခင်ရဲ့ ဝိညာဉ်တော်ဟှာ နန်းနို့လေထဲမာ ကိန်းဝပ်နေဟှယ် ဆိုဇာဟှို နန်းနို့လေ သိဂေ့ဟှလော။

2 ✝ကောရိန့်ဗြို့မာရှိဟှူ ဘုရားသခင်ရဲ့ သင်းဝမ်ဟှူ သူလေန နေရာတိုင်းမာရှိဟှူ နို့လေန သူးနို့လေရဲ့ သခင် ယေရှုခရစ်တော်ရဲ့ နာမတော်ဟှို ကိုးကွယ်ဟှူသူ ယေရှုခရစ်တော်နှိုက် တလောင်းတဝဒဲ ဖြစ်ရှင်းအားဖြင့် ဘုရားသခင်ရဲ့ သန့်ရှင်းဖြောန့်မတ်ဟှူ သူဖြစ် ဝီးကော့-က်ခံရဟှူ လူတိုင်းနားဟှို စာရေးလိုက်ပါဟှယ်။

5 ယေရှုခရစ်တော်ထဲမာရှိဟှူ စိသဘောမျိုး နန်းနို့လေမာလည်း ရှိဂေ့ပါ။

1 နန်းနို့ဟှာ ခရစ်တော်ထဲမာ သတ်ရှင်ဟှူကြောန့် ခွန်အားလေ ရလာဂေ့ဟှယ်။ ကိုယ်တော်ရဲ့ မြစ်တာတော်ဟှာ နန်းနို့ဟှို နှစ်သိမ့်မှုဟှို ပေးဟှယ်။ နန်းနို့ဟှာ ဝိညာဉ်တော်န မိတ်သဟာယဖွဲ့ရဟှူ ခွမ့်ရဂေ့ဟှယ်။* နန်းနို့လေဟှာ သနားကြင်နာဟှူ စိရှိဂေ့ပါ။ 2 အယ်ဘီးဟှာ နန်းနို့ဟှာ စိသဘောတူးဒူရှိရှင်း၊ နန်းနို့ရှင်းရှင်း ရှစ်ရှင်း၊ စိစွဲလမ်းဘီး တူးဒူရှိဂေ့ဇာအားဖြင့် ငါ့ဟှို ရရတိုင်း ဝန်းသာစေဂေ့ပါ။ 3 ဝါကြွားရှင်ဟှူစိ၊ ကျော်ကြားရှင်ဟှူ စိဟှို တတ်မတ်ဘီးဟှာ ဖြားမှုလည်း လောက်ဂေ့န။ တခြားလူဟှ ကိုယ်ထတ်သာဟှယ် ဆိုဇာဟှို မြဲဒမ်း မှတ်ဟှားဘီးဟှာ စိနှိခ္လဂေ့ပါ။ 4 ကိုယ်ကျိုးတွပ်ဘဲ့ ကေ့ဘဲ့န ရှင်းရှင်းလေရဲ့ ကျိုးဟှို ရှာဂေ့ပါ။ 5 ယေရှုခရစ်တော်ထဲမာရှိဟှူ စိသဘောမျိုး နန်းနို့လေမာလည်း ရှိဂေ့ပါ။

6 ကိုယ်တော်ဟှာ ဘုရားဇာတိတော်န ထာဝရပ္လဲ့ဇောင်ဟှယ်။

ဘုရားသခင်န ဒန်းဒူဖြစ်ဟှို့တွပ်* ကြိုးစားအားထုမှုမျိုး စဉ်းစားဟှ။

7 အယ်မျိုးလောက်ဟှို့ နေနေသာသာ ကိုယ့်ကိုယ်ကိုယ်

ဖောင်းသရေတော်ဟှိုစွန့်ဘီး စေခံကျွန်ရဲ့ ပေါင်ဇံဟှို ခံယူလိုက်ဟှယ်။

ကိုယ်တော်ဟှာ လူပေါင်ဇံဟှို ဆောန်ဘီးဟှာ လူလေမျိုး မွီးဖွားလာဟှယ်။

8 သူ့ကိုယ်သူ နှိခ္လဘီးဟှာ လတ်ဝါးကပ်တိုင်ထတ်မာ

သေခံဟှားဟှူထိ နာခံမှုလမ်းစဉ်ဟှို လိုက်လျှော့-က်ဟှားဟှယ်။

9 အယ်ကြောန်းကြောန့် ဘုရားသခင်ဟှာ

ကိုယ်တော့်ဟှို ရရာတိုင်း ချီးမြှော-က်ဘီး၊

ဘွဲ့နာမဂူလောင်းထတ် ကီးမြတ်ဟှူ ဘွဲ့နာမဟှို ပေးဟှားဟှယ်။

10 အယ်ကြောန့် ကောန်းဂန်၊ မ္လေဂီးထတ်န မ္လေဂီးအော့-က်မာ* ရှိနေဟှူ သတ္တဝါဂူလောင်းဟှာ

သခင်ယေရှုရဲ့ နာမတော်ဟှို ရိုသေဦးညွှတ်ဘီးဟှာ၊

11 ယေရှုခရစ်တော်ဟှာ သခင်ဖြစ်ဟှယ် ဆိုဇာဟှို နှောက်နဝန်ခံဘီး၊

ဖဘုရားသခင်ရဲ့ ဖောင်းတော်ဟှို ထန်ရှား စေဂေ့လေ့မယ်။

12 ရှစ်ရဟှူသူလေ၊ နန်းနို့န ငါဟှာ ရှိနေဟှူခီဒူးဟှ နန်းနို့ဟှာ ငါ့စကားဟှို မြဲဒမ်း နားထောန်မျိုးဘဲ့ ငါ့နော့-က်ကွယ်မာလည်း မြဲဒမ်းနားထောန်ဘီးဟှာ ရရာတိုင်း ကြော့-က်ဟှူစိန ကိုယ့်ကိုယ်ကိုယ် ကယ်တန်ဟှို့တွပ် ကိုယ်တိုင် ကြိုးစာအားထုဂေ့ပါ။ 13 ဖြားဖြစ်ကြောန့်နူးဆိုဟှာ စေတနာစိ ရှိဟှူတိုင်း ဆန္ဒရှိဟှို့န လောက်ဆောင်ဂေ့ဟှို့တွပ် နန်းနို့ထဲမာ လောက်ဆောင်တော်မူဟှူ သခင်ဟှာ ဘုရားသခင်ဖြစ်ဟှယ်။

14 နန်းနို့ဟှာ ဖြားဘဲ့လောက်လောက် ညီးတွားရှင်း၊ ဂြင်းခူရှင်း ရှိဘဲန လောက်ဆောန်ဂေ့ပါ။ 15 အယ်မျိုးလောက်မှ နန်းနို့ဟှာ ဖော့-က်ပ္လန်ဘီးဟှာ ပြစ်ကျူးလွန်နေဟှူ လူလေရှိဟှူ အယ်လောကမာ ဘုရားသခင်ရဲ့ ပြစ်တန်ဇာမှေ့ဘဲ့ဟှူ သားမီးနေန စိနှလောင်း ဖ္လူစင်သန့်ရှင်းဘီးဟှာ ပြစ်ကင်းဟှူလူလေ ဖြစ်ဂေ့လေ့မယ်။ 16 နန်းနို့ဟှာ ထာဝရသတ်န ဆိုင်ဟှူ တရားတော်ဟှို ဟောပြောဘီးဟှာ အယ်လူလေလယ်မာ ကြယ်လေမျိုးဘဲ့ လန်းဘီးဟှာ တော့-က်ပဂေ့လေ့မယ်။ အယ်မျိုးလောက်မယ် ဆိုဟှာ ငါဟှာ အားထုဘီးဟှာ လောက်ဆောန်ဇာမှန်မျှဟှာ ချည်းနှီးဖြစ်ဘဲန ခရစ်တော်ရဲ့ နေ့ရစ်မာ ငါ့မာ ဂေါင်ယူဝါကြွားဇာ ကြောန်းလေ ရှိလေ့မယ်။

17 နန်းနို့ရဲ့ ယောင်ကြည်ရှင်းဟှ ဘုရားသခင်ဟှို ပူဇော်ဟှူယဇ်ထတ်မာ ငါ့ရဲ့ သတ်နသွီးဟှို သွန်းလောင်းရမယ် ဆိုဟှာ ငါဟှာ ဝန်းသာဘီး နန်းနို့နတူးဒူ ဝန်းသာဟှယ်။ 18 နန်းနို့ဟှာ ဝန်းသာဘီးဟှာ ငါ့နတူးဒူ ဝန်းသာဂေ့ပါ။

19 ငါဟှာ နန်းနို့ကြောန်း ဒန်းကောန်းဟှို ကြားဘီးဟှာ အားတတ်လာဟှို့ သခင်ယေရှုဟှာ လိုတော်ရှိမယ် ဆိုဟှာ တိမောသေဟှို နန်းနို့နားဟှို ကြာခန်မာ လွှတ်ဟှို့တွပ် ငါဟှာ မျှော်လင့်ဟှယ်။ 20 တိမောသေ တယော့-က်ဘဲ့ ငါ့နဘောတူဘီး နန်းနို့ရဲ့ ကျိုးဖြစ်ဟှို့တွပ် မှန်တကယ်လိုရှင်ဟှူ လူဖြစ်ဟှယ်။ 21 တခြားလူလေဟှာ ကိုယ်ကျိုးဘဲ့ ရှာဂေ့ဟှယ်။ ယေရှုခရစ်တော်ရဲ့ကျိုးဟှို ရှာဂေ့ဟှ။ 22 တိမာသေန ငါဟှာ သားဖမျိုးဘဲ့ တူးဒူ ဒန်းကောန်းဟှို ပ္လံ့နှံ့ဟှို့တွပ် မှုတော်ဟှို ဖယ်မျိုးစေခံဟှယ်နူး၊ ဆိုဇာဟှို နန်းနို့ဟှာ သိဂေ့ဟှယ်။ 23 အယ်ကြောန့် ငါ့ရဲ့ မှုကိစလေဟှာ ဖယ်မျိုးဖြစ်နူး၊ ဆိုဇာဟှို သိဟှူ ခီမာ သူ့ဟှို နန်းနို့နားဟှို လွှတ်နိုင်ဟှို့တွပ် ငါဟှာ မျှော်လင့်နေဟှယ်။ 24 သခင်ဘုရားဟှို ယောင်ကြည် ကိုးစားဘီး ငါကိုယ်တိုင်ဘဲ့ ကြာခန်မာ နန်းနို့နားဟှို လာနိုင်လေ့မယ်။

25 ငါ့ရဲ့ လောက်ဖော်ဆောန်ဖတ်၊ ငါ့နတူးဒူ တိုက်ပွဲဝမ်ဟှူလူ၊ ငါ့ဟှို ပြုစုဟှို့တွပ် နန်းနို့လေ လွှတ်လိုက်ဟှူလူ၊ နို့လေရဲ့ညီ စေတမန်ဖြစ်ဟှူ ဧပဖြောဒိတ်ဟှို နန်းနို့နားဟှို လွှတ်ဟှို့တွပ် လိုအပ်နေဟှယ် ဆိုဇာဟှို ငါဟှ ယူဆဟှယ်။ 26 သူဟှာ နန်းနို့ဂူလောင်းဟှို လွမ်းဘီးဟှာ မြဲဒမ်းဒိရနေဟှယ်။ သူဖျားနေဟှူ ဒန်းဟှို နန်းနို့ဟှ ကြားဟှူကြောန့် သူဟှာ စိကောန်းဘဲ ဖြစ်နေဟှယ်။ 27 သူဟှာ တကယ်ဘဲ့ သေခါနီးဖြစ်အောန် ဖျားနေဟှယ်။ အယ်ဘေမဲ့ ဘုရားသခင်ဟှာ သူ့ဟှို သနားလေဟှယ်။ သူ့ဟှိုဘဲ့ သနားဇာမှုဟှ။ ငါ့ဟှိုလည်း ထတ်ဘီးဟှာ ဝန်းနဲ့ဟှူ ဇာလေန တွိကြောင်ဘဲနေ ရဟှို့တွပ် သနားဟှယ်။ 28 အယ်ကြောန့် နန်းနို့ဟှာ သူ့ဟှို နော့-က်တခါ တွိရဟှူကြောန့် ဝန်းသာဂေ့ဟှိုတွပ်ရော၊ ငါ့ရဲ့ ဝန်းနဲဟှူ ဇာလေလည်း ပျော့-က်ဟှားဟှို့တွပ်ရော သူ့ဟှို နန်းနို့နားဟှို လွှတ်ဟှို့တွပ် ငါဟှာ ပိုဘီး ဟှာ စိအားထတ်သန်ဘီး နေဟှယ်။ 29 နန်းနို့ဟှာ သခင်ဘုရားဟှို ထော့-က်ဘီး သူ့ဟှို ညီကိုတယော့-က်နေန ဝန်းသာဘီးဟှာ ကြိုဆိုဂေ့ပါ။ အယ်မျိုးလူဟှိုလည်း ရိုသေဘီးဟှာ လေးစားဂေ့ပါ။ 30 သူဟှာ နန်းနို့လေကိုယ်တိုင် ပေးနိုင်ဘဲ့ဟှူ ကူညီလေဟှို ငါ့ဟှို ပေးနိုင်ဘီးဟှာ သတ်စွန့်ဘီးဟှာ ခရစ်တော်ရဲ့မှုတော်ဟှို သေခါနီးထိ ကြိုးစားဘီးဟှာ ထမ်းဆောန်ဟှယ်။

48 အယ်ကြောန့် ကောန်းဂန်ဘောင်ဟှ နန်းနို့ ဖဟှာ စောင်လင်ဟှူ မျိုးဘဲ့ နန်းနို့လည်း စောင်လင်အောန် နေဂေ့ပါ။

16 ✝"ဖယ်သူလည်း ဆီမီးအီဟှို ထွန်းဘီးဟှာ တောန်းအော့-က်မာ ထားဂေ့ဟှ။ ကဒန်အော့-က်မာလည်း ထားဟှားဂေ့ဟှ။ အယ်မျိုးထားမယ့်စား ဆီမီးအီဟှို ဆီမီးခေါင်ထတ်မာဘဲ့ တန်ဟှားဟှယ်။ အယ်မျိုးထားမှဘဲ့ လူလေဟှာ အီထဲဟှို ဝမ်လာခီမာ လန်းရောန်ဟှို ဗြင်ရမယ်။