25 વળી તમારે તમારા ઈશ્વર યહોવાહની જ સેવા કરવાની છે અને હું તમારાં અન્ન-જળ પર આશીર્વાદ વરસાવીશ. અને તમારા તમામ રોગો હું દૂર કરીશ.

3 હૃદયભંગ થયેલાઓને તે સાજા કરે છે

અને તે તેઓના ઘા રુઝવે છે.

8 માંદાઓને સાજાં કરો, મૂએલાંઓને સજીવન કરો, રક્તપિત્તના રોગીઓને શુદ્ધ કરો, અને દુષ્ટાત્માઓને કાઢો. તમે મફત પામ્યા છો, મફત આપો.

12 ઈસુએ એ સાંભળીને તેઓને કહ્યું કે, "જેઓ તંદુરસ્ત છે તેઓને વૈદની અગત્ય નથી, પણ જેઓ બિમાર છે તેઓને છે.

19 શું તમે નથી જાણતા કે તમારામાં જે પવિત્ર આત્મા છે, જે તમને ઈશ્વર પાસેથી આપવામાં આવ્યો છે, તેમનું ભક્તિસ્થાન તમારું શરીર છે? અને તમે પોતાના નથી, 20 કેમ કે મૂલ્ય ચૂકવીને તમને ખરીદવામાં આવ્યા છે. તેથી હવે તમારું શરીર અને તમારો આત્મા ઈશ્વરનાં છે, તમારાં શરીરો દ્વારા ઈશ્વરને મહિમા આપો.

8 કેમ કે શારીરિક કસરત અમુક અંશે ફાયદાકારક છે, પરંતુ ઈશ્વરપરાયણતા સર્વ બાબતોમાં ફાયદાકારક છે, જેમાં વર્તમાન તથા ભવિષ્યના જીવનનું આશાવચન સમાયેલ છે.

2 મારા પ્રિય મિત્ર, હું પ્રાર્થના કરું છું કે જેમ તારો જીવ કુશળ છે તેમ તું સર્વ વાતમાં કુશળ તથા તંદુરસ્ત રહે.

7 તું તારી પોતાની નજરમાં જ્ઞાની ન થા;

યહોવાહનો ભય રાખીને દુષ્ટતાથી દૂર થા.

8 તેથી તારું શરીર તંદુરસ્ત રહેશે

અને તારું શરીર તાજગીમાં રહેશે.

22 આનંદી હૃદય એ ઉત્તમ ઔષધ છે,

પણ ઘાયલ થયેલું મન હાડકાંને સૂકવી નાખે છે.

24 માયાળુ શબ્દો મધ જેવા છે,

તેઓ આત્માને મીઠા લાગે છે અને હાડકાંને આરોગ્ય આપે છે.

12 આશાનું ફળ મળવામાં વિલંબ થતાં અંતઃકરણ ઝૂરે છે,

પણ ઇચ્છાઓની પરિપૂર્ણતા જ જીવન છે.

10 માટે તારા હૃદયમાંથી ગુસ્સો દૂર કર.

અને તારું શરીર દુષ્ટત્વથી દૂર રાખ,

કેમ કે યુવાવસ્થા અને ભરજુવાની એ વ્યર્થતા છે.