25 "तम्हैं करै सिधी मेरी च़ाकरी, हुंह ज़ुंण थारअ परमेशर बिधाता आसा! मुंह दैणीं तम्हां थारै नाज़ा पाणीं दी बर्गत अर थारी सारी दाह-बमारी करनी मुंह दूर।

3 बिधाता करा दुखी दिला आल़ै नरोगै,

सह करा तिन्‍नें देहीए ज़खमा दी मल्हम लाई नरोगै।

8 रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।

12 इहअ शूणीं बोलअ ईशू तिन्‍नां लै, "बैईद निं नरोगै मणछा सेटा एछदअ, पर रोगी मणछा सेटा लागा तेऊ ज़रूरी पुजणअ।

19 तम्हां का आसा थोघ कि थारी देही आसा भबन ज़ेथ पबित्र आत्मां बस्सा ज़ुंण तम्हां लै परमेशरै आसा दैनी दी, थारअ मालक आसा परमेशर। 20 किल्हैकि परमेशरै आसा तम्हां लै खास्सी किम्मत दैनी दी, ज़धू तेऊ मसीहा ईशू बल़ीदान हणां लै छ़ाडअ, तै बोला हुंह तम्हां लै कि ऐहा आपणीं देही करै रहैऊआ परमेशरो प्रतप्प।

8 देही दी राम्बल़अ भैस्स पाणअ हआ देही लै भलअ पर च़ाकरी करै हआ सोभी गल्‍ला दी फाईदअ, किल्हैकि ऐहा ज़िन्दगी अर आजू भेटणीं तम्हां सह ज़िन्दगी ज़ेते परमेशरै आसा करार किई दी।

2 ए मेरै पैरै साथी, मेरी आसा एही अरज़ कि ज़िहअ तूह विश्वासा दी बझ़दअ आसा लागअ द तिहअ ई लोल़ी तूह सोभी साबै बझ़दअ लागअ अर तूह लोल़ी देही दी राज्ज़ी-राम्बल़अ रहअ।

7 आप्पू लै निं तम्हैं इहअ समझ़ी कि तम्हैं आसा खास्सै अक्ली आल़ै,

तम्हैं रहै सिधै बिधाते डरा हेठै अर बूरअ करनै का रहै दूर।

8 ज़ै तम्हैं इहअ करे, सह हणअ तम्हां लै मल्हमा ज़िहअ

तेता करै रहणीं थारी देही अर हाड-मास्स नरोगै।

22 ज़ै मन्‍न खुश हुअ, तेता करै रहा मणछ नरोगअ,

ज़ै दिल चुटअ, सह दैआ हाडकै बी चजेऊई।

24 झणैल़ू बैण हआ मखीरा ज़िहै,

सुआद बी मिठअ अर शाह बी फिरा हरअ।

12 ज़ेभै आशा खतम हआ, तेभै चुटा दिल बी,

पर ज़ेभै मानत पूरी हआ, सह ज़ाण्हिंआं ज़िन्दगी दैणैं आल़ै हरै बूटा ज़िहअ।

10 मन्‍नैं निं फिकर डाहणअ, तै रहणीं थारी देही नरोगी किल्हैकि बाल़ी अमर अर ज़ुआनी निं सदा रहंदी आथी। तेखअ हआ सोभै गल्‍ला बृथा।