25 تُم یَاہوِہ اَپنے خُدا کی عبادت کرنا تو تمہاری روٹی اَور تمہارے پانی پر اُس کی برکت ہوگی اَور مَیں تمہارے درمیان سے بیماری کو دُور کروں گا۔

3 یَاہوِہ شکستہ دِلوں کو شفا بخشتے ہیں

اَور اُن کے زخم باندھتے ہیں۔

8 بیماریوں کو شفا دینا، مُردوں کو زندہ کرنا، اَور کوڑھیوں کو پاک صَاف کرنا، بدرُوحوں کو نکالنا۔ تُم نے مُفت میں پایا ہے؛ مُفت ہی دینا۔

12 یِسوعؔ نے یہ سُن کر جَواب دیا، "بیماریوں کو طبیب کی ضروُرت ہوتی ہے، صحت مندوں کو نہیں۔

19 کیا تُم نہیں جانتے کہ تمہارا بَدن اُس پاک رُوح کا مَقدِس ہے جو تُم میں بسا ہُواہے اَور جسے تُم نے خُدا کی طرف سے پایا ہے؟ تُم اَپنے نہیں ہو۔ 20 کیونکہ تُم قیمت سے خریدے گیٔے ہو۔* پس اَپنے بَدن سے خُدا کا جلال ظاہر کرو۔

8 کیونکہ جِسمانی مشقّت سے تھوڑا فائدہ تو ہوتاہے لیکن خُدا پرستی سَب چیزوں کے لیٔے فائدہ مند ہوتی ہے کیونکہ اِس میں نہ صِرف مَوجُودہ زندگی کا بَلکہ مُستقبِل زندگی کا وعدہ بھی مَوجُود ہے۔

2 میرے عزیز! میں یہ دعا کرتا ہُوں کہ جِس طرح تو رُوحانی طور پر ترقّی کر رہاہے اُسی طرح سَب باتوں میں ترقّی کرے اَور تندرست رہے۔

7 تُم اَپنی ہی نگاہ میں دانشمند نہ بنو؛

یَاہوِہ سے ڈرو اَور بدی سے دُور رہو۔

8 اُس سے تمہارا جِسم تندرست رہے گا

اَور تمہاری ہڈّیاں تقویّت پائیں گی۔

22 شادمان دِل صحت بخشتا ہے،

لیکن اَفسُردہ رُوح ہڈّیوں کو خشک کردیتی ہے۔

24 دِل پسند باتیں شہد کا چھتّا ہیں،

وہ جان کے لیٔے میٹھی اَور ہڈیّوں کے لیٔے شفا بخش ہوتی ہیں۔

12 اُمّید کے بر آنے میں تاخیر ہو جائے تو دِل آزردہ ہو جاتا ہے،

لیکن آرزُو کا پُورا ہونا شجرِ حیات ہے۔

10 پس غم کو اَپنے دِل سے دُور کرو

اَور اَپنے جِسم کی تکلیفوں کو نکال دو،

کیونکہ جَوانی اَور جوشِ جَوانی دونوں باطِل ہیں۔