Seguir a Jesus
Seguir a Jesus é o convite mais transformador da Bíblia. Jesus chamou pescadores, cobradores de impostos e pessoas comuns para deixar tudo e segui-lo. Esse chamado continua vivo hoje.
O chamado de Jesus
Jesus disse: 'Segue-me'. Esse convite simples e poderoso mudou a vida de pescadores, publicanos e pessoas comuns ao longo da história.
येशू ओइन्हे कलाँ, "जसिके तुहुरे मच्छी पक्रतो, मोरिक संग चोलो मै तुहुरिन्हे मोरिक चेला हुइक लग मनैनहे जमा करैना सिखैम।" तब् ओइने जुरतेहेँ अपन मच्छी मरना काम छोरदेलाँ। और येशूक चेला बनक लग हुँकार पाछे लागगिलाँ।
येशू वहाँसे जाइबेर मत्ती नाउँक एकथो लेवी मनैयाहे कर उठुइयनके ठाउँमे बैठल देख्लाँ। और उहिहे कलाँ, "मोरिक पाछे लाग।" तब् लेवी उठ्गिल और येशूक पाछे लागगिल।
दोसुर दिन येशू गालील प्रदेशमे जैना पक्का करलाँ। और फिलिपहे भेँटा करके उहिहे कलाँ, "मोरिक पाछे लागो।"
येशू और हुँकार चेलनके डगरमे जाइबेर, एकथो मनैया हुँकिन्हे कहल, "हे प्रभु, अप्नि जेहोँर जैबी, मै अप्निक पाछे लागम।" तब् येशू उहिहे कलाँ, "गिदारिनके रना दोँदर और आकाशके चिरैँचुरुंगीनके रहक लग ठाँट रथिन। पर मै, मनैयक छावक लग ते एकथो अपन घर फेन नै हो, जहाँ मै सुते सेकुँ।" येशू दोसुरहे कलाँ, "मोरिक पाछे लागो।" पर ऊ कहल, "पहिले महिन्हे घरे फिर्ता जाईदेऊ। जब मोरिक बाबा मुई, तब मै उहिहे दफ्नैम और आके मै अप्निक चेला बनम।" येशू उहिहे कलाँ, "जोन मनै मुअल मनैनके हस बताँ, ओइनेहेँ अपन मनैनके मुना असरा हेरिँत। पर तुँ जाके परमेश्वरके राजके खुशीक खबर प्रचार करो।" औरे फेन कहल, "प्रभु, मै अप्निक पाछे लागम, पर आघे अपन घरेम रहुइयन्से महिन्हे विदा लेहे देऊ।" पर येशू उहिहे कलाँ, "अपन हाँथ हरमे धारके पाछे हेरुइया केऊ फेन परमेश्वरके राजके योग्यक नै हुई।"
O custo do discipulado
Seguir a Jesus exige renúncia. É preciso tomar a cruz diariamente, deixar tudo para trás e amar a Cristo acima de qualquer outro vínculo.
तब् येशू अपन चेलनहे कलाँ, "यदि तुहुरे मोरिक संग आई चहथो कलेसे, तुहुरिन्हे अपनहे बिस्राई परी, तुहुरिन्हे मोरिक लग दुःख सहे परी, यहाँसम कि मुअक लग फेन तयार हुई परी। तब् तुहुरे मोरिक चेला बनक लग अपन क्रूस उठाके मोरिक संग आई सेक्बो।
"यदि केऊ मोरिक थेन आई और अपन दाई, बाबा, जन्नी, छाइछावन और दादू-भैया, दिदी-बाबुनसे धेउर और अपन प्राणके फेन ख्याल नै करके जबसम महिन्हे प्रेम नै करी, तबसम ऊ मोरिक चेला हुई नै सेकी। जोन मनैया मोरिक चेला हुइलक कारण दुःख सहक लग और मुअक लग फेन तयार नै रही। ऊ मोरिक चेला हुई नै सेकी।
पत्रुस येशूहे कहल, "हमार का हुई? हम्रे अप्निक चेला बनक लग सक्कु चिज छोरदेली।" येशू अपन चेलनहे कलाँ, "जात्तिके, मै तुहुरिन्हे कहतुँ, मोरिक चेला हुइक लग और खुशीक खबर दोसुर जहनहे सुनाइक लग जे फेन अपन घरहे, दादूभैया और दिदी-बाबु, दाईबाबाहे, लरकनहे या जग्गा-जमिनहे छोरदी। ओइने पक्कै फेन यहे युगमे सतावतके संगसंगे ज्या ओइने छोरले बताँ, उहिसे सौ गुणा धेउर फिर्ता भेटैहीँ। और अइना युगमे सदाकालके जीवन भेटैहीँ। पर बहुत्ते मनै जेने अब्बे भारी बताँ, ओइने छुटी कराजैहीँ, और जेने अब्बे विनम्र बताँ, ओइने भारी बनाजिहीँ।"
Caminhar com Cristo
Quem segue a Jesus não anda em trevas, mas tem a luz da vida. Ele nos convida a crescer nele e a servir como Ele serviu.
येशू फेनदोस्रे ओइन्हे कलाँ, "मै वहे हुइतुँ, जे संसारहे ओजरार देहत। मोरिक पाछे लगुइया अंधारमे नै नेगी, पर ऊ उ ओजरार भेटाई, जोन ओजरार जीवन देहत।"
केऊ मोरिक सेवा करत कलेसे उ मोरिक चेला बने। तब मै जहाँ बतुँ, वहाँ मोरिक सेबक फेन रही। केऊ मोरिक सेवा करी कलेसे बाबा ओकर कदर करी।
परमेश्वर तुहुरिन्हे बलैना एकथो कारण यी हो कि तुहुरिन्हे हुँकार लग दुःख भोगे परी। ख्रीष्ट, जे तुहुरिन्के लग दुःख भोग्लाँ, ऊ तुहुरिन्के लग एकथो उदाहरण हुइताँ। तबेकमारे तुहुरे फेन हुँकार कर्लक कामके अनुशरण करे परत।
पवित्र शास्त्रमे असिके लिखल बा, "ऊ कबु पाप नै करलाँ,
और ऊ कबु फेन कौनो झूँट नै बोल्लाँ।"
जब मनै येशूक बेज्जत करलाँ, तब ऊ ओइन्के बेज्जत नै करलाँ। जब मनै हुँकिन्हे दुःख देलाँ, तब ओकर बदलामे ऊ ओइन्हे चोट पुगैना कोशिस फेन नै करलाँ। बेन यकर बद्लामे येशू सहयोगके लग परमेश्वरकेमे भरोसा करलाँ। हुँकिन्हे पता रहिन कि परमेश्वर हरदम मनैनके न्याय सही तरिकासे करथाँ।
बेन प्रेमसे सच्चा बोलके हम्रे हर बातमे वहे ख्रीष्टके हस पक्का होजाई, जे मण्डलीक कपार हुइँत।