Seguir a Jesus
Seguir a Jesus é o convite mais transformador da Bíblia. Jesus chamou pescadores, cobradores de impostos e pessoas comuns para deixar tudo e segui-lo. Esse chamado continua vivo hoje.
O chamado de Jesus
Jesus disse: 'Segue-me'. Esse convite simples e poderoso mudou a vida de pescadores, publicanos e pessoas comuns ao longo da história.
Jisas ye agle didre, Na duglo boglsro! Na duglo biur, na ene buglo bagle ere si, i suna edibrere kuno yegl yoba ama yegl auro i suna edenabredi obuno di tenagliwe dugwa. Yegl dugo, yagl suo i degigl gaglno tabre kide kodidre, Jisas omara sika si ede ebrika.
Jisas Matyu agle didre, Na duglo boglo dugwa
Ana okuo Jisas konbauna wan pidre, taks yugwa yagl ta taks imara ame di moglko, kanugwa. Yagl i, kagie Matyu we digwa. Ana Jisas yagl i kandre, ye di te, Na duglo boglo dugo, Matyu adiglsre, Jisas omara duglo bogl ede ogwa.
Ana tagugo i, Jisas ye dumo ta moglmara i kide kodidre, ye duglo beglkwa yagl bogl ede distrik Galili enamnedi prukwa. Yegl prukwa ba ye komono kana pi yagl ta kagie Filip we digwa i doko kandre, ye di te, Na duglo boglo dugwa.
Yoba siragl mere ersre, Jisas duglo boraiglkwa i pre Jisas dugwa
Ana ege ta Jisas duglo beglkwa yagl bogl konbauna pi meglko, yagl ta u Jisas moglmara udre, yegl di togwa, Ene aglo mere ta enatnga i, na ene duglo boraluwe dugwa. Yegl dugo, Jisas di ikne ede yegl dugwa, Agl are meglkwa i, ye makan mur mina atne paigo, te kua ama yene yuguno bagl paigwa ba na Yoba Wam moglka i, na dumo ta panaglka i ta yekrumiwe dugwa.
Te, Jisas yagl pere ta di tedre, Na duglo boglo! dugo, yagl i di ikne ede, yegl dugwa, Yagl Kade yo, ene pra we din, na ede ikne yugunamugl pidre, nina goran, ye maugl sidre, okuo ene duglo boragliwe dugwa. Yegl dugwa ba Jisas di ikne ede, yegl dugwa, Yoba geglkwa yugobunomo mina atne meglkwa i, ta geglbi, yene maugl sibi, kuno erabiwe dugwa.
Ana yagl ta ama Jisas yegl di togwa, Yagl Kade yo, na ene duglo boraglka ba ene pra we din, na aglke ede ikne pi nina agrama di wakai yei tedre, ede unagledi priwe dugwa. Yegl dugo, Jisas ye di te yegl dugwa, Yoba ta konbauna pi moglsre, kan ikne ede, ede enan, kuno erekrabuka. Kuno yegl mere God yoba kingno morabuka kamo i, ene yoba di tenagledi prisre, kan ikne ede nen agiglnma meglmara enagledi pitn, ene God kogonmo eratnga i, kuno ta erekrabiwe dugwa.
O custo do discipulado
Seguir a Jesus exige renúncia. É preciso tomar a cruz diariamente, deixar tudo para trás e amar a Cristo acima de qualquer outro vínculo.
Ana Jisas ka yegl di kodidre, ye duglo beglkwa yagl mudu yegl di togwa, Yoba ta na duglo boragledi prabuka i, yoba ede prak kake ede eigo, si geglmere mere yegl, ye gorabuka i pre gun yedre, te ye yene nomanemo si goglsre, na duglo borabuka paugwa.
Yoba ta na moglmara udre, na duglo boglkwa yoba ta moragledi pran, ye nem mam morabrika mo, ebie gagiglma moraiglkwa mo, agiglema abaugloma moraiglkwa i, ye mudu wakai kankre, na swara wakai kanaiglkwa paugwa. Te, yene ama kor wakai moragledi pran, ye na duglo boglkwa yoba ta moglkrabuka. Te, yoba ta na pre gorakiure, ye ede prak ta tebi, kakekragledi mane di pran, ye ama na duglo boglkwa yoba ta moglkrabiwe dugwa.
Ana Jisas yegl dugo, Pita ye yegl di prukwa, Kano. No taraglno mudu kide kodidre, ene duglo buniwe dugwa. Yegl dugo, ye yegl di togwa, Na ene kaima di teiga. Yoba swara ta na duglo boglsre, na kana wakai yoba di tenagledi ye yugumo toglmo kide kodinabuka mo agiglema abaugloma mo nem mam mo nagiglma kide kodinabo mo ye makanmo kide kodinabuka i, ye ege erme magigl i taragl mere kide kaima ikne edenabiwe dugwa. Ye yugu togl ya agiglema abaugloma ya mano ya gagiglma ya kaya togl mere kide kaima 100 mere yegl inabuka pre diwe dugwa. Ege erme taragl yegl mere idre, yubun tau ama inabuka ba ege okuo ta yenabuka igne, ye aimadi kamin kor morabuka. Ba yoba tau mere erme mogl mitna edigwa i, okuo kagno paikran, atne kaima moraiglkwa. Te, yoba tau erme atne kaima meglkwa i, okuo mogl mitna kaima edenaiglmiwe dugwa.
Caminhar com Cristo
Quem segue a Jesus não anda em trevas, mas tem a luz da vida. Ele nos convida a crescer nele e a servir como Ele serviu.
Jisas makandigle yoba abuglageno moluwe dugwa
Ana Jisas aglke kor yoba magigl meglkwa i, yegl di togwa, Na makandigle yoba abuglageno moluwa. Yoba ta na duglo borabuka i, ye mim erumara wan moglkrabuka ba ye abuglage ta ye kor morabedi tenabuka sumara wan morabiwe dugwa.
Yoba ta na niglna kogona eragledi prabuka i, ye na enaglmara duglo borabuka paugwa. I siragl pre na aglo mere moraglmara i, na niglna kogona yoba ama moraiglkwa paugwa. Te, yoba ta na niglna kogona erabuka i, na Nina ye kagie kade tenabiwe di, Jisas yegl dugwa.
God ene agle dugwa i, giugl yegl praiglmedi agle dugwa. I siragl pre Krais ama yegl ersre, ene pre giugl prukwa. Ye mabuno wakai ersre, ene pre giugl prukwa i mina ye ene siragl mere eraiglmere obuno di togwa. Yegl pre ye obuno di tomere yegl erio. Krais moglkwa i, ye ege swara ta ka kibi dikrukwa. Te, ye ege swara ta tadaglme erekrukwa. Yoba ye ka kide di teigwa igne i ye ka kide ta di ikne ede tekrukwa. Te, yoba ye yubun teigwa igne i ye yoba i ere kide ere tenagle dikrukwa. Ye prukwa i, God jas du moglkwa pre ya na kana prisre, mabuno wakai ere narabedi prisre, ye yene pia si God ogo mina edugwa.
Yoba tau u ka kibi kane kane dinaiglkwa ba nono ye erimere mere yegl ta erekramga. Nono yoba mudu deno muduno tedre, ka kaima keme di tenamga. Nono yegl ere, yake ede kade pi yoba mere mun, nono ebrie mabunono mudu u pere ta enan, nono mogl ede pi pi, bitno yagl Jisas, God Kere Yugwa Yagl moglkwa i, moglmere kuno yegl moramga.