Seguir a Jesus

शिष्यल आयेटोर्दी कसोटी

57 आन वार दावागोन नेडशेतापुड यवाड वागाड वारीक आन्या, "यंद यकाडा नु फोयाव आंद नीन नीयेंनका वंचान." 58 आप्पुड येशुड वारीक आन्या, "खोकडास बोक्का आन आकाश लोंद पक्षालक् ईल्ल ऊंडाद, परंतु मनशी कोडकुक मना नैत्ती फटदेन्क ठिकाण लेद." 59 आन्ट्यागा वाड दुसरा वगानक आन्या, "ना येंनका दा," परंतु वाड आन्या, "हे प्रभु, पहील्यांदा नाक व्हई ना आब्बांनक बुडशी दानी," 60 आप्पुड येशुड वानिक आन्या, "सच्चीनोरक मना सच्चैदांटल्या बुडशी फोनी, परंतु नु व्हई द्यावार राज्याविषयी घोषणा शेई." 61 आप्पुड इंगा वगाड आन्या, हे प्रभू, नीन नी येनका वंचान, परंतु पहिला नाक व्हई ना ईंटल्या यवार ऊंडार वारद् निरोप तुस्कुणान.* 62 पण येशुड वानिक आन्या, "यवारपण नांगरक् मना शैई येशिन्यंका यंनकाड गोष्टीलतीक सूस्केन कुसुंटाड ईळा यवाडच् द्यावारद राज्यक उपयोगी लेड."

26 "जर यवाडाना नादेग्गार वस्ताड इंगा मना आब्बाड, आम्मा, वडती, बीळ, तम्मूड, शेल्याल इंन्ताच लेद, तर स्वतः जेमुदसुद्धा द्वेष शेयार, तर वाड नाद शिष्य आयातोड काड.* 27 जो यवाड स्व:तान्द क्रूस तीस्केन ना ये न्का वच्यातोड काड, वाड ना शिष्य आई शकायाड.

28 पेत्र वान आनेदेंक आंट्या, "सूड, मिम आंता इडशिनाम इंगा नियंका वच्चीनाम." 29 येशुड आन्या, "नीन मिक खरेम शेपतान, यवार-यवार नाकस्रोम इंगा सुवार्ता कस्रोम इल्लु, शेल्याल, तम्मुड, आमाआब्बाड, बिळ्ळू इंगा शेनशटटू इडशिनार, 30 इल्ला प्रतेक मनशिक शेवट काळला छळनुकसंगा शंभरपटता इंडलु, तम्मुळलु, शेल्यानलु, आम्मा, बीळ्ळू, शेनलू इंगा वच्चे युगला अनंतकाळदी जीवन मिळाय मत्यार. 31 गान शेंगेम मंदी येवार पहिला उंडार वार आखरीक आय्यार इंगा आखरीक उंडार वार पहिला आय्यार."