A segunda vinda de Cristo

A segunda vinda de Cristo é a esperança suprema da Igreja. Jesus prometeu que voltará com poder e grande glória para julgar os vivos e os mortos e estabelecer seu Reino eterno.

A promessa do retorno

Jesus prometeu voltar. Os anjos declararam que Ele virá da mesma forma como ascendeu. A Igreja aguarda esse dia glorioso com expectativa.

11 waa bàtɛn a ba naa: « Baar a Ngalilɛ, ntɔn nkye lan’mbar bɛ apà mulerà u du? Yɛsu wa bàmàlalwom wà mubeenà du, afàsyefurà asànaa lun’mɛn bɛ mubeenà. »

Atos 1:11

10 Umpal bàkäl ba mulerà u du ntsü kàkyen Yɛsu, kà imbürà, ba bàmɛn abaal bɔ̈ɔ̈l bàŋambwaar ipfɛy a pɛɛl bàŋàmbar apà ba, 11 waa bàtɛn a ba naa: « Baar a Ngalilɛ, ntɔn nkye lan’mbar bɛ apà mulerà u du? Yɛsu wa bàmàlalwom wà mubeenà du, afàsyefurà asànaa lun’mɛn bɛ mubeenà. »

Atos 1:10,11

Yɛsu wà mbwo ifàkyà akà Taa

1 Yɛsu kan’tɛn naa: « Wɛy mpem abɛ ikɔ̈ɔ̈n akyɛɛr. Làsi làkwikilà amu Nzam, làsi làkwinkilà sye amu mɛ. 2 U ndwà a Taaràmɛ ikal byà mbɔɔn. Kya ilàkɔɔn akal abwɛy, mɛ in’làlakyään anki: Mɛ amàkàlalɔ̈ɔ̈n ikal. 3 Umpal in’sàkyà mɛ mukàlalɔ̈ɔ̈n ikal, mɛ insàfyefurà muyàlawal, ntɔn ikal in’wà mɛ, bɛ sye làkäl paa.

João 14:1-3

20 Un’tɛɛl imbäl a indiir abi kan’tɛn naa: « Inye, mɛ in’wàmuyà agyä! »

Yà abwɛy! Mwol Yɛsu, yà!

Apocalipse 22:20

20 Un’tɛɛl imbäl a indiir abi kan’tɛn naa: « Inye, mɛ in’wàmuyà agyä! »

Yà abwɛy! Mwol Yɛsu, yà!

Apocalipse 22:20

12 Nde kàkwɛy naa: « Le, mɛ in’wàmuyà agyä. Mɛ in’yàtwaal bweel mupà akà mbuur mbuur asànaa akyà isal ande.

Apocalipse 22:12

Os sinais dos tempos

Jesus descreveu os sinais que precederão sua volta: falsos profetas, guerras, fome, terremotos e tribulação. Devemos discernir os tempos sem nos alarmar.

Ngyɛb aŋàdiir anà nkwaaŋ

3 Yɛsu kàkäl wàŋàbwaay udu a mɔŋ a in’te a ɔlive, alɔŋki bàsin apà nde, waa bàtɛn a nde naa: « Ikyään taaŋ isàyà ndaa ayi, idiim nà isàswaŋ ngyeel angye anà ntsüü a mɛɛn. » 4 Yɛsu kafuur naa: « Làkäl kà igyɛɛŋ, wɛy mbuur ukɔɔn alakur. 5 Ntɔn baar mbɔɔn bàsàyà kà ikɔb amɛ, waa bàsàtɛn naa: "Mɛ in’wà Klistɔ!" Ba bàsàkur baar mbɔɔn. 6 Bɛ làsàwem naa bye anà ità anà in’bää a ità. Twon lan’tɛɛr: indiir abi ikyer ayà, wɛɛ bya kà ntsüü anki.

Mateus 24:3-6

9 Apan, bàsàlasà u ngyɛb aŋàdiir, waa bàsàladwa. In’sɛŋ myanswà ikyer asàlayiiŋ ntɔn ikɔb amɛ. 10 Apan, bàmbɔɔn bàsàpiy làkwikilà aba, ba bàsàmɛɛn nku ba a ba, anà bàsàyiiŋ ba a ba. 11 Aŋangɔɔm a loor mbɔɔn bàkyer asàmbarà, waa bàsàbwiy baar mbɔɔn.

Mateus 24:9-11

12 Ukwen a baar mbɔɔn bàsàbwà mpye, ntɔn ube bàkyer asàsöönà. 13 Wɛɛ mbuur asàsà muküünà tii u ntsüü, asàwà mɔ̈ɔ̈.

Mateus 24:12,13

14 Làsaŋ Aŋàbwaŋ là Imwol alà bàkyer asàkyään la u mɛɛn manswà. Kya isàkal imbäl ntɔn in’sɛŋ myanswà. Apan waa ntsüü isàyà. »

Mateus 24:14

21 Ntɔn, umpal ayin, isàkal anà ngyɛb aŋàdiir mpa aŋàtàkal fà nsɛmà a mɛɛn tii ŋàbà, anà ya sye ifàsàkal anki akà ikikye. 22 Yàlàkal naa Nzam ukɔ̈ɔ̈n atyey ilä abin, akà mbuur mwɛy kàlàwà anki mɔ̈ɔ̈. Wɛɛ, ntɔn baar kàsɔ̈ɔ̈l nde, ilä abin isàkal byàŋàtyeey.

Mateus 24:21,22

23 Apan, isàkal naa mbuur mwɛy kan’tɛn a bɛ naa: "Làler, Klistɔ awà kà!" Itàkal naa: "Nde awunà kunà!", twon lun’kyey. 24 Ntɔn aklistɔ a loor anà aŋangɔɔm a loor bàkyer asàmbarà, bàsàkyer idiim a kölàköl anà impà ntɔn mukur baar, kya ipöl isàkal, itàkal baar bàŋàsɔɔl. 25 Làler, mɛ ya amàlaweey kusà. »

Mateus 24:23-25

26 « Abun, isàkal naa bàmàlakyään naa: "Làler, nde wà u nsye a ipɔl!", twon lan’kyà. "Nde wà kà ikal a mpey", twon lan’kyey.

Mateus 24:23-26

Aŋangɔɔm a loor

15 « Wɛy bɛ làkäl kà igyɛɛŋ ntɔn aŋangɔɔm a loor. Ba bàfàbulà asànaa in’kɔk mpal bàfàyà ba akà bɛ, wɛɛ uboo a mpem aba, ba bà an’kyɛŋbɔl a mpɔr.

Mateus 7:15

8 Ntɔn un’sɛŋ mwɛy asànwaan a un’sɛŋ wumwɛy, imwol mwɛy a imwol kyumwɛy, kà ikal imwɛy imwɛy, mɛɛn ikyer asàtɛɛr, ngyal ikyer asàkal. Indiir abi byanswà byà nsɛmà a in’swaŋ.

Marcos 13:8

9 Làkäl kà igyɛɛŋ. Bàkyer asàlayälà u mbay a nsaŋ anà u ndwà a nköŋ a Ayudà, basàlakam iki, bɛ làsàkàsà in’lɔn kusà a amfum a itiir a mɛɛn anà kusà a amfum a nsi ntɔn mɛ: kya isàkal imbäl ntɔn ba. 10 Ntɔn Làsaŋ Aŋàbwaŋ bàkyer atàkyään la akà in’sɛŋ myanswà.

Marcos 13:9,10

12 Un’tɔŋ asàyälà un’tɔŋ ande ntɔn bun’dwä, taa asàyälà mwan ande, baan bàsàbɛy aböör aba, waa bàsatsüül ukwà. 13 Baar banswà bàkyer asàlayiiŋ ntɔn ikɔb amɛ. Wɛɛ mbuur asàkaŋ mpem tii u ntsüü, asàwà mɔ̈ɔ̈.

Marcos 13:12,13

11 Mɛɛn ikyer asàtɛɛr ngwal. Kà ikal mbɔɔn ngyal mbɔɔn anà an’fway màkyer asàbilà, ndaa a bɔɔmà yà ifà ifà ikyer asàtoo, idiim a kölàköl byàkyer asàmɛnà u du.

Lucas 21:11

A vinda gloriosa

Cristo virá nas nuvens com poder e grande glória, enviará seus anjos e reunirá seus escolhidos dos quatro ventos.

Ngyeel a Mwan a mbuur

29 « Taaŋ a mbɔɔn tɛy ungö a mpay a kölàköl yà ilä abin, taaŋ làsàbwà làpib, nsöŋ ifàsàpà anki kyɛɛy a wa, mbwaar ikyer asàbwà fà du, ngwal a du ikyer asàni. 30 Apan, idiim a Mwan a mbuur isàmɛnà u du, apan in’sɛŋ myanswà amyà u mɛɛn ikyer asàlaal, mya isàman Mwan a mbuur wàmuyà uboo a itööm a du anà unkaak a ngwal anà làkoo. 31 Nde asàtɔm akyeey ande anà mfuŋ a kölàköl, waa ba bàsàtüüb baar kàsɔ̈ɔ̈l nde u mper yànà, fà nswɛŋ a du tii nswɛŋ yumwɛy. »

Mateus 24:29-31

An’lɔɔŋ man’fà unsà un’te a fige

32 « Làyöb an’lɔɔŋ man’fà unsà un’te a fige: isàkal naa an’kɔkà ande man’bulà an’dà an’dà anà nkay sye yan’too, làyöb apan naa paŋà aŋàbwaŋ là tsütsü. 33 Abun, akà bɛ sye, mpal làsàman bɛ indiir abi byanswà, làyöb naa Mwan a Mbuur wà tsütsü a minambwo a ndwà abɛ.

Mateus 24:32,33

27 Ntɔn Mwan a mbuur asàyà unsà làkoo a Taarànde anà akyeey ande, apan nde asàfuur akà mbuur mbuur asànaa yàkäl nsyääl ande.

Mateus 16:27

Ngyeel a Mwan a mbuur

25 « Idiim ikyer asàkal uboo a taaŋ, uboo a nsöŋ anà unsà mbwaar. U mɛɛn baar banswà bàsàkal mutɛɛr a bɔɔmà ntɔn làso anà ibɔ a an’dà a ngyäl. 26 Lalan baar mbɔɔn bàsàkwà a bɔɔmà muyweer ndaa isàbwà u mɛɛn manswà, ntɔn ngwal a du yanswà ikyer asàni. 27 Apan, baar bàsàman Mwan a mbuur wàmuyà uboo a itööm unsà ngwal anà làkoo mbɔɔn. 28 Taaŋ isàlyaŋ ndaa ayi yanswà, làsuub un’tswe anà làsi un’kanà, ntɔn ntsuuŋ abɛ isàkal tsütsü. »

Lucas 21:25-28

27 Apan, baar bàsàman Mwan a mbuur wàmuyà uboo a itööm unsà ngwal anà làkoo mbɔɔn.

Lucas 21:27

26 Apan ba bàsàman Mwan a mbuur wàmuyà uboo a un’böŋ unsà ngwal mbɔɔn anà làkoo. 27 Apan nde asàtɔm akyeey anà asàböbà baar kàsɔ̈ɔ̈l nde kà an’twɛrà man’nà, fà nswɛŋ a mɛɛn tii u nswɛŋ a du.

Marcos 13:26,27

16 Ntɔn nde ŋakwo, Mwol, u ndaa a ngwal anà u ndaa a mfum a akyeey, anà say a mfuŋ a Nzam, Mwol ŋakwo asyetyà fà du, baar bàkü amu Klistɔ bàsàwiyà bàtàtwɛb, 17 ungö, bi baar a mɔ̈ɔ̈ abà isàsaal, Nzam asisɛɛn anà ba uboo a itööm, ntɔn mukàbwey anà Mwol u du. Abun bi isàkal ipepey anà Mwol. 18 Làlɛɛl bɛ a bɛ u mbwo a ndaa ayi.

1 Tessalonicenses 4:16-18

Vigilância e preparo

Ninguém sabe o dia nem a hora. Jesus nos ordena a vigiar, orar e estar prontos, pois Ele virá quando menos esperamos.

42 Abun, làkäl kà igyɛɛŋ, ntɔn bɛ làyöb anki ilä usàyà Mwol abɛ.

Mateus 24:42

42 Abun, làkäl kà igyɛɛŋ, ntɔn bɛ làyöb anki ilä usàyà Mwol abɛ.

Mateus 24:42

44 Undiir awun, bɛ sye làkäl aŋàlɔ̈ɔ̈n, ntɔn Mwan a mbuur asàyà u taaŋ mpa làsàyöb bɛ. »

Mateus 24:44

Mfun mukal kà ikyɛɛŋ

34 « Làkäl kà ikyɛɛŋ bɛ ŋakwo ntɔn an’kyän abɛ màkɔ̈ɔ̈n abwà mpye ntɔn udyà mbɔɔn, unwà mbɔɔn anà ngyɛb ntɔn indiir a mɛɛn mà, naa tɛy, ilä aki isàyàlataan kà imbwirà imbwirà. 35 Ntɔn kya isàbwà asànaa an’tɛy udu a baar a mɛɛn banswà. 36 Làkäl kà ikyɛɛŋ, làyamà taaŋ lanswà, ntɔn bɛ làkäl anà ngwal mutiin ndaa iyà yi yanswà anà musàkal umbär kusà a Mwan a mbuur. »

Lucas 21:34-36

7 Ntsüü a ndaa yanswà yà tsütsü. Kyakin, làkäl anà an’yeerà anà imbämdir a Dweelà ntɔn bɛ làyamà.

1 Pedro 4:7

23 Wɛy nde ŋakwo Nzam a duu kàlabuul bàŋukiinà aŋin’kyɛɛl, wɛy dweelà abɛ, mɔ̈ɔ̈ abɛ anà ndür abɛ byàkäl byàŋàtii ubwaŋàbwaŋ, ntɔn bya ikɔ̈ɔ̈n akal anà an’pɛl umpal usàyà Mwol abi Yɛsu Klistɔ.

1 Tessalonicenses 5:23

7 lalan, akà kab làmwɛy là kab a ngway làlakɔ̈ɔ̈n anki, apaa làyadilà bɛ mɛɛy a Mwol abi Yɛsu Klistɔ. 8 Nde sye ayàlapà ngwal tii u ntsüü, ntɔn bɛ làkɔ̈ɔ̈n akal anà an’pɛl kà ilä a Mwol abi Yɛsu Klistɔ.

1 Coríntios 1:7,8

A esperança bendita

A aguardamos a bendita esperança e a manifestação da glória do nosso grande Deus e Salvador Jesus Cristo.

11 Ntɔn, kab a ngway a Nzam alà ntwà a ngweel a mɔ̈ɔ̈ a baar banswà làkyer amɛnà. 12 Kab a ngway a Nzam alà làfilɔŋ muwɛy nsyääl ambe anà ngyal a indiir a mɛɛn mà, ntɔn mukal u taaŋ alà unsà nkwaam, unsà balàbal anà unsà inzaam, 13 apà ikadilà bi làkyän aŋàsöönà ubwaŋ anà ilä làsàmɛnà làkoo a Nzam abi wàkölàköl anà Un’tswää a mɔ̈ɔ̈ Yɛsu Klistɔ. 14 Nde kàpɛ nde ŋakwo ntɔn bi, ntɔn mukitsuuŋ unsà an’kyän an’be manswà anà mupɔŋ un’sɛŋ mwɛy mukal wànde, wàŋàpà mɔ̈ɔ̈ ande ntɔn isal a ntsà.

Tito 2:11-14

6 Wɛɛ mɛ an’sà làkyän naa mbuur kàsɛmà amu bɛ isal aŋàbwaŋ aki akyer asàlab ntsüü a kya tii ilä usàyà Klistɔ Yɛsu.

Filipenses 1:6

30 Twon lan’pà Dweelà In’kyɛɛl ngyɛb, Dweelà kàlasi Nzam asànaa inyɛm, ntɔn ilä a ntsuuŋ.

Efésios 4:30

28 Abun sye, Klistɔ kàpɛ nde ŋakwo mbalà mwɛy mpɛl ntɔn mubiiŋ man’be a un’kàbɔ a baar. Nde asàmɛnà mbalà yàyweel, kà ntɔn mulwom man’be anki, wɛɛ ntɔn mutwaal ngweel a mɔ̈ɔ̈ akà baar bun’dilà.

Hebreus 9:28

24 Wɛy bi ikyɛɛŋ bi a bi, ntɔn bi ipɛɛl ngyal akwen anà yàkyer isal aŋàbwaŋ. 25 Bi twon ban’tiin nköŋ abi, asànaa bàyii baar bumwɛy. Wɛɛ, wɛy bi ipɛɛl ngwal, ntɔn bɛ làkimanà naa Ilä a Mwol kyàmusin.

Hebreus 10:24,25

8 Mwol, Nzam Aŋangwal, kan’tɛn naa: « Mɛ in’wà wàtàtwɛb anà wàntsüü, mbuur awà paa, awà kàkäl anà uyà. »

Apocalipse 1:8

11 Mɛ in’wà tsütsü muyà. Kaar ubwaŋàbwaŋ undiir awà ngye awà, manà mbuur asin uyàgyɔɔr mpà a iböŋ angye. »

Apocalipse 3:11

8 Asam amɛ bànkwen, we anà undiir mwɛy mpa lan’kwo bɛ mukyäärà mpiim: ntɔn akà Mwol, ilä mwɛy kyà asànaa nsaab mwɛy yà mbul, anà nsaab mwɛy yà mbul yà sànaa ilä mwɛy.