18 याहवेह भग्नहृदयी लोकांच्या अगदी जवळ असतात

आणि जे पश्चात्तापी आत्म्याचे आहेत त्यांचे ते तारण करतात.

4 मृत्युछायेच्या दरीतूनही*

मी जात असलो,

तरी कोणत्याही अरिष्टाला भिणार नाही,

कारण तुम्ही माझ्याबरोबर आहात;

तुमची आकडी व तुमची काठी

मला धीर देतात.

3 भग्नहृदयी लोकांना ते बरे करतात,

आणि त्यांच्या जखमांवर पट्टी बांधतात.

18 मी तुम्हाला अनाथ सोडणार नाही; मी तुमच्याकडे येईन.

10 माझ्या आईवडिलांनी माझा त्याग केला.

तरी याहवेह, माझा स्वीकार कराल.

13 बंधू आणि भगिनींनो, जे मरणामध्ये झोपी गेले आहेत, त्यांच्याविषयी तुम्ही अजाण नसावे, अशी आमची इच्छा आहे, यासाठी की ज्यांना आशा नाही अशा इतर मनुष्यासारखा आपण खेद करू नये.

18 तर आपल्याला पुढे जे गौरव प्रकट होणार आहे, त्याच्या तुलनेने वर्तमान काळातील दुःखे काहीच नाहीत.

4 ते आपल्या सर्व दुःखांमध्ये आपले सांत्वन करतात, यासाठी की जे सांत्वन आम्हाला परमेश्वराकडून मिळाले आहे, त्या सांत्वनाने जे कोणत्याही दुःखात आहेत त्यांचे सांत्वन करावे.

36 तुम्ही परमेश्वराची इच्छा पूर्ण केल्यानंतर जे वचन त्यांनी तुम्हाला दिले आहे ते तुम्हास मिळेल यासाठी धीराचे अगत्य आहे.

7 ही तुमच्या विश्वासाची सिद्ध निष्ठा सोन्यापेक्षा कितीतरी अधिक मौल्यवान आहे, जे अग्नीने शुद्ध केलेले असूनही नाश पावते. जेव्हा येशू ख्रिस्त प्रकट होतील तेव्हा त्या विश्वासाची स्तुती, गौरव आणि सन्मान होऊ शकेल.

7 प्रेमाचा अग्नी विपुल जलाशयांनी विझत नाही;

नद्यांमध्ये महापूर आला तरी ती बुडत नाही.

एखाद्याने आपल्या घरातील

संपूर्ण संपत्ती देऊ केली तरी

प्रेमापुढे ती अगदी तुच्छ होय.

49 यावरून तिला मिस्पाह* असेही नाव देण्यात आले; कारण लाबान म्हणाला, "आपण एकमेकांपासून दूर जाऊ तेव्हा आपण आपला करार पाळू, याहवेह आपल्यावर लक्ष ठेवो."

27 या बाळासाठी मी प्रार्थना केली, आणि याहवेहकडे मी जे मागितले त्यांनी ते मला दिले आहे. 28 तर मी आता त्याला याहवेहला समर्पित करीत आहे. त्याचे संपूर्ण जीवनभर तो याहवेहसाठी दिलेला आहे." आणि त्याने तिथे याहवेहची उपासना केली.

7 परंतु जो काही मला लाभ होतो, तो सर्व मी ख्रिस्तासाठी हानी समजलो आहे. 8 यापेक्षाही अधिक, ख्रिस्त येशू माझे प्रभू, यांच्या सर्वश्रेष्ठ ज्ञानासाठी मी सर्वकाही हानी असे समजतो व त्यासाठी मी सर्वगोष्टी गमावल्या आहेत व मी त्या कचर्‍यासमान लेखतो यासाठी की ख्रिस्त मला प्राप्त व्हावे.