45 क्यूँके मै माणस का बेट्टा ज्यांतै कोनी आया के अपणी सेवा-पाणी करवाऊँ, पर ज्यांतै आया के खुद सेवा-पाणी करुँ, अर घणखरयां के छुटकारै कै खात्तर अपणी जान देऊँ।"

28 जिसा के मै माणस का बेट्टा, ज्यांतै कोनी आया के मेरी सेवा-पाणी करी जावै, पर ज्यांतै आया के खुद सेवा-पाणी करुँ, अर घणखरयां के छुटकारै कै खात्तर अपणी जान देऊँ।"

26 पर थारे म्ह इसा कोनी होवैगा; जो कोए थारे म्ह बड्ड़ा होणा चाहवै, वो थारा सेवक बणै, 27 अर जो थारे म्ह प्रधान होणा चाहवैं, वो दास बणै,

14 जिब मन्‍नै गुरु अर प्रभु होकै थारे पैर धोए, तो थमनै भी मेरी तरियां एक-दुसरे के पैर धोणे चाहिए।

35 फेर यीशु नै बैठकै बारहा चेल्यां ताहीं बुलाया अर उनतै कह्या, "जै कोए बड्ड़ा होणा चाहवै, तो सारया तै छोट्टा अर सारया का सेवक बणै।"

15 अर जै यहोवा की सेवा करणी थमनै बुरी लाग्गे, तो आज चुण ल्यो के थम किसकी सेवा करोगे, चाहे उन देवत्यां की जिनकी सेवा थारे पुरखा फरात महानद कै उस पार करै थे, अर चाहे एमोरियां के देवत्यां की सेवा करो जिनके देश म्ह थम रहो सो; पर मै तो अपणे घरान्‍ने समेत यहोवा ए की सेवा रोज करया करुँगा।"

5 सिर्फ इस बात की पूरी चौकसी करियो के जो-जो हुकम अर नियम-कायदे यहोवा के दास मूसा नै थारे ताहीं दिए सै उसनै मानकै अपणे परमेसवर यहोवा तै प्रेम राक्खो, उसके सारे राह पै चाल्‍लों, उसकै हुकम मान्‍नो, उसकी भगति म्ह मगन रहो, अर अपणे सारे मन अर सारे प्राण तै उसकी सेवा करो।"

12 "इब, हे इस्राएल, तेरा परमेसवर यहोवा तेरै तै इसकै सिवा और के चाहवै सै, के तू अपणे परमेसवर यहोवा का भय मान्‍नै, अर उसके सारे रास्तयां पै चाल्‍लै, उसतै प्यार राक्खै, अर अपणे पूरे मन अर अपणे सारे जी तै उसकी सेवा करै 13 अर यहोवा के जो-जो हुकम अर विधि मै आज तन्‍नै सुणाऊँ सूं उन ताहीं अपणावै, जिसतै तेरा भला हो?

4 थम अपणे परमेसवर यहोवा कै पाच्छै चालियो, अर उसका भय मानियो, अर उसके हुकमां पै चालियो, अर उसका वचन मानियो, अर उसकी सेवा करियो, अर उस्से तै लिपटे रहियो।

11 कड़ी मेहनत करो अर आलसी ना बणो, आत्मिक जोश तै भरे रहो। प्रभु की सेवा पूरे मन तै करदे रहो।

14 तो मसीह का बेकसूर लहू जो म्हारी अन्तरात्मा नै, म्हारे पाप, जो म्हारी मौत की बजह बणै सै, उनतै शुद्ध करै सै, ताके हम जिन्दे परमेसवर की आराधना कर सका। पवित्र आत्मा की शक्ति के जरिये मसीह नै म्हारे ताहीं अपणे पापां खात्तर एक सम्पूर्ण बलिदान के रूप म्ह परमेसवर ताहीं अपणे-आप ताहीं दे दिया।

13 हे बिश्वासी भाईयो, थम आजाद होण कै खात्तर परमेसवर के जरिये बुलाए गये सों, इस खात्तर थमनै मूसा नबी के नियम-कायदा ताहीं मानण की जरूरत कोनी, पर इसा ना होवै के थम इसनै बुरी लालसा पूरी करण का जरिया बणा ल्यो, पर हरेक कै गैल प्यार करो अर सेवा करो।

16 थारे खात्तर भी इसा कोए कोनी जो थारे ताहीं रोक सकै, जो थम करणा चाहवो सों, क्यूँके यीशु मसीह के जरिये थम आजाद करे गये सों, पर इस बात नै थम बुरे काम करण का बहाना ना बणाओ, पर अपणे काम्मां के जरिये दिखाओ के थम परमेसवर के सच्‍चे दास सों।

26 जै कोए मेरी सेवा करै, तो वो मेरा चेल्‍ला बण जावै, अर जिब जड़ै मै सूं, उड़ै मेरा सेवक भी होवैगा। जै कोए मेरी सेवा करै, तो पिता उसका आदर करैगा।"

24 "कोए माणस दो मालिकां की सेवा एक बखत पै न्ही कर सकदा, क्यूँके वो एक तै बैर अर दुसरे तै प्यार राक्खैगा, या एक तै मिल्या रहवैगा अर दुसरे नै छोट्टा जाणैगा। थम परमेसवर अर धन दोनुआ की सेवा न्ही कर सकदे।"

13 अपणे देह के अंगा ताहीं अधर्म कै काम्मां खात्तर इस्तमाल ना करो, पर अपणे-आप ताहीं मरे होया म्ह तै जिन्दे जाणकै अपणी जिन्दगी परमेसवर ताहीं दे दो, अर अपणे देह के अंगा ताहीं धार्मिक काम्मां खात्तर परमेसवर नै सौंप दो।

21 उसकै माल्‍लिक नै उसतै कह्या, शाबाश, हे भरोस्से के लायक आच्छे नौक्‍कर, तू थोड़े-से धन म्ह भी भरोसमंद लिकड़या, मै तन्‍नै घणी चिज्जां का अधिकारी बणाऊँगा। अपणे माल्‍लिक कै आनन्द म्ह साझ्झी हो।

58 ज्यांतै हे मेरे प्यारे भाईयो, मजबूत अर पक्‍के रहो, अर प्रभु कै काम म्ह सारी हाण बढ़ते जाओ, क्यूँके थम जाणो सो के थारी मेहनत प्रभु म्ह बेकार न्ही सै।

16 साब्ता पवित्र ग्रन्थ परमेसवर की प्रेरणा तै रच्या गया, अर म्हारे ताहीं सिखाण खात्तर उपयोगी सै, के सच के सै, अर म्हारे ताहीं यो महसूस करण खात्तर के म्हारी जिन्दगी म्ह के गलत सै। यो म्हारी गलतियाँ नै सुधारै, जिब हम गलत होवां सां, अर वोए करणा सिखावै सै जो सही सै। 17 ताके परमेसवर का जन हरेक भले काम करण खात्तर त्यार अर सिध्द बण जावै।

23 इन्सान की चाल यहोवा की

ओड़ तै मजबूत होवै सै,

अर उसके चाल्‍लण तै वो खुश रहवै सै;

22 यहोवा अपणे दास्सां का प्राण मोल लेकै बचाले सै,

अर जितने उसके शरणागत सै

उन म्ह तै कोए भी दोषी न्ही ठहरैगा।