Versículo sobre servir ao Senhor: o que a Bíblia ensina

11 Beeno na vema, kansi ka bulenga ko.

Lemeeno mu mpeve na sadileeno Mfumu.(Romanos 12:11)

14 Tala ti bwabobo, menga ma Klisto, yandi wukiyekola yandi bende ku Nzambi mu ngolo zi Mpeve yi mimvu ka mimvu bonso munkayulu wulembolo ba na kyeta, maavedisa mayindu meto mafulukidi mu nsadulu zikwe natanga ku lufwa, mwanki tusambila Nzambi yimoyo.(Ebeleo 9:14)

45 Mu dyambu ti Mwana Muntu kayizidi ko ku bantu mwanki bamusadila, kansi mu sadila na mu haana luzingu lwandi bonso mufutu mu kuula bantu babingi.»(Malako 10:45)

26 Kansi kaabubelandi bobo mu yeno. Yondowo tiidi mu ba muntu wumfunu ha kati dyeno ka ba kisadi kyeno, 27 na yondowo tiidi mu ba wuntete ha kati dyeno ka ba mundongo eno:(Matayi 20:26,27)

14 Tala ti meno nii Mulongisi na Mfumu nalusukudi bwabu malu, yeno mpe lufweti sukulanga malu yeno na yeno.(Yowane 13:14)

35 Buna Yesu wuzakala, wutumisa milongoki kumi na myole (12) na wubateela ti: «Tala ti muntu tiidi mu ba wuntete, fweti ba wumansukina mu bamvimba, mpe kisadi ki bamvimba.»(Malako 9:35)

28 bwabobo mpe, Mwana Muntu ka yizidi ko ku bantu mwanki ba mu sadila, kansi mu sadila bantu na mu haana luzingu andi bonso mufutu mu kuula bantu babingi.»(Matayi 20:28)

13 Mpangi zani, balutumisa mu zinga mu kimpwanza. Kansi lu kitulandi kimpwanza bekyokyo kiba mpengomokono ku yeno mu sadila nsatu zeno zi kinsuni. Kansi lufweti twalasana yeno na yeno mu kati di zola.(Ngalatiya 5:13)

16 Dyatileeno bonso bantu baa na kimpwanza, kansi kimpwanza bekyokyo kikitukandi bonso mulele wuna fuka mambi meno. Kansi beeno bonso bisadi bi Nzambi.(1 Petelo 2:16)

26 Tala ti muntu tiidi mu nsadila, kandanda. Mpe hohoho ha naaba, hahoho mpe kisadi kyani kaaba. Tala ti muntu tiidi mu nsadila, ni Tata ani waamukembisa.(Yowane 12:26)

24 Kunani muntu wulendi sadila mfumu zole ko. Mu dyambu ti, mbo kabela wumosi na waatya wuhiika, hoti mbo kayekama ku wumosi na mbo kanyafuna wuhiika. Lulendi sadila ha kimosi Nzambi na mbongo ko.(Matayi 6:24)

13 Lubikandi binama byeno bi nitu mu masumu ko bonso bisalulu byehidikila misamu mimbi. Kansi lufweti kiyekola kimankululu yeno bende ku Nzambi bonso bantu bafulukidi mu bafwa na beka bamoyo. Mboki haaneeno nitu zeno zimvimba zisadila Nzambi bonso bisalulu bi lunungu.(Romanos 6:13)

21 Mfumu andi wumuteela ti: "Bumbote siidi! Mundongo wumbote wudi na wukwikama! Mu dyambu ti bedi wukwikama mu bima bifyoti, bwabu nina kuhaana bivudidi. Yiza wuyangalala kintwadi na mfumu aku."(Matayi 25:21)

58 Mpangi zani zizola, beeno bakangama nakekete, wulembolo ningusu. Tomeeno sala bumbote mu kisalu ki Mfumu, zabeeno ti, kisalu kyeno mu Mfumu kii kimpamba.(1 Kolinto 15:58)

16 Masonama mamvimba mafuma ku Nzambi, mpe madi mfunu mu longa, mu semba, mu sungika na mu haana ndongosolo mu lunungu. 17 Mwanki muntu wu Nzambi kaba wulongoka na wukubama, mu sala kyonso-kyonso kisalu kimbote.(Wunzole wu Timote 3:16,17)