Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Mbe ne nzuaim, Zisas mbe ŋgarkarav khaŋ nzuai, "Ee, nde Fhe Bakɨmen buni vhuuiŋ ki gap, nde ana gangi fhuv thi? Mba buneŋ khaŋ nzuai, ‘Fhum guarara Fhe Bakɨme za kha bigi ga muuŋgiap, ana gumgi gu mbigi ga muuŋgi. Ana guma ga muuŋgim, ana guma ma. Ana mbiga muuŋgim, ana mbik ma. Fhe Bakɨme mani ga muuŋgiap, ana khaŋ nzuai, "Maaŋ muuŋgip, guma ana muuaŋ tɨgap, ana won niamuuŋ gu ndia thav, ana won muuŋ phorga kav, mani wani phorgap, mani guma bavira ki. Mani wani hiav ki fhu." ’ Fhe Bakɨme maaŋ suaŋgim, mani wani shɨrav wani hiav guma phunini ki fhu. Fhuvara. Mani wani tɨgap guma bavira ki. Maaŋ muuŋgiap, Fhe Bakɨme phorgi bigɨn, guma ana shɨgɨ thari."
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Nza zam khueŋ kaŋgiri, mani gu muuiŋ wari ga rɨgi tɨv, ana tɨvar vhuuŋ ma. Maaŋ muuŋgiap, nde mani gu muuiŋ, nde tuituigip mba tɨva ganɨrim, ana guigira Fhe Bakɨme nɨman ŋgarari. Nde kaŋgi, Fhe Bakɨme, ana fhura ferferav ruarir gumgi gu mbigi wari ndi tɨva mbui gumgi gu mbigi, Fhe Bakɨme mbe suaŋv suaŋv, ana guigira vheza mbatɨga guarara mben nɨɨŋgirga.
Guma, ana fhav, ana ana muun fhav ma. Ana won fhavar won muuŋ ga kirpɨgɨ thari. Mba tɨvara, ana muun fhav, ana ana mana ne ma, ana won fhavar won mana kirpɨgɨ thari. Mbik, ana nduara wo fhava gari fhuvara. Anan man, ana ana fhava gari guma ma. Mba tɨvara, ana man, ana vhɨra ana nduara wo fhava gari fhuvara. Anan muuŋ, ana ana fhava gari mbik ma.
Mbe maaŋ muuŋgip kɨv, mbe tuituigi wari won vuzvugi gari fhuv, mbe mani gu muuiŋ rɨgɨri. Mbe maaŋ muuŋgirga, ne nzerarga. Mbe fhura kɨrga, mbe ruarir gumgi gu mbigi wari ndirga ne suaŋv zɨgzɨgɨ rivgi.
Ee, nde khueŋ kaŋgi fhuv thi? Nde fhavi nta Kraisan fhavir fɨgiveiŋ ma? Maaŋ muuŋgip, gu Kraisan fhava thueŋ ndigip nen ruarir gumgi ndi mbigar fhava phorgɨrga, ne tɨvar vhuuŋ ee? Zakɨra fhuvara! Guma, ana ruarir gumgi ndi mbiga phorgi, ana ana phorgap, mani fhava bavira ki. Ee, nde ne kaŋgi fhuv thi? Fhe Bakɨme buni vhuuiŋ ki gap khaŋ nzuai, "Mani wani tɨgap fhava bavira ki." Maaŋ muuŋgip, guma ana Guma Bakɨme phorgi, ana vhen ki guma ana phorgap, mani guma bavira ki.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Maaŋ muuŋgiap, nde ruarir gumgi gu mbigi wari ndi tɨva thav rɨɨv ŋgɨp samra kɨri. Mba harigi tɨvi mbatɨgi zam, gumgi nta mbui nta gumgi kɨrar wari won fhavi ndirar mbui tɨvi mbatɨgi ma. Guma ana ruarir mbigi gu gumgi wari ndi, ana tɨva mbatɨgar won fhavara mbui. Ee, nde khueŋ kaŋgi fhuv thi? Ndun fhav, ana Fhe Bakɨmen Ŋina Ŋaarar phen ma. Fhe Bakɨme won Ŋina Ŋaarar nde nɨɨŋgim, ana nden vhen ki. Ndun fhav, ana ndu ne fhuvara. Zakɨra fhuvara! Fhe Bakɨme vheza bakɨ guarara ndu vhezgi. Maaŋ muuŋgiap, ndu wo fhavar mbui bigi, ndu Fhe Bakɨme zɨ ndi vun kuamkuav mba bigir muuŋri.
Fhe Bakɨme vuzvuk khaŋ muuŋgi. Nde guigira zam wari won ndavir ana nɨɨŋgip, nde ana nɨman ŋgaravra kɨri. Maaŋ muuŋgiap, nde gumgi gu mbigi ruarir wari ndi tɨvi, nde guigira nta ŋkɨɨari. Nde won ndavi vheri khavi vuzvugi mbatɨgi, nde nta ganɨri, nta nde ganɨ thari. Nde nta ganɨv, nde Fhe Bakɨme vuzvugi tɨvir muuŋv, nde ana nɨman ŋgaravra kɨv, nde vhɨra harigi gumgi nɨman nzerara kɨri. Nde muuŋv kɨrim, mba vuzvugi mbatɨgi gum ndɨkndɨgi mbatɨgi nde ŋgɨrgɨrim, nde kɨr Fhe Bakɨme segi gumgi gu mbigi fara muuŋgirga, mbe Fhe Bakɨme kaŋgi fhu. Nde mbe farar muuŋgip, mbarkɨrga tɨvi mbatɨgir muuŋv, vhɨra ferferɨp, ruarir gumgi gu mbigi wari ndirga.
Nde fhura ruarir ferferɨv, ruarir mbigi gu gumgi wari kɨmɨv, wari ndi thari. Nde vhɨra mbarkɨrga tɨvi mbatɨgir muuŋ thari. Nde vhɨra harigi gumgi bigi niihɨ thari. Mba kɨr Fhe Bakɨme segi gumgi gu mbigi, mbe mba khesharigi tɨva thaneŋ ganɨrim, ne nden rɨgar kɨ thari.
Gu kha kamen nde nzuai, nde guma the fhura mbiga the ganɨv ndɨkndɨga mbatɨgar ana muuŋgirga, mba guma ana wo ndava vhen ruan mba mbiga ndiga kegi tɨva muuŋgi.
Nza nzerara ruv, guma raar rui tɨvar muuŋv, nza nzerara rurga. Nza fhura ndikndigɨp, ferferɨp, pharar ŋanŋani mbɨp, ŋanŋanɨv rurga fhuvara. Nza fhura ruarir mbigi gu gumgi wari ndiv, nza fhura tɨvi mbatɨgi, nza ntan sunuv, ntan muunga fhuvara. Nza vhɨra fhura tamtam ntarir muuŋv, fhura harigi gumgi ga vhegɨp, mben ndavi shirga fhuvara.
Mbe kav khaŋ nzuai, "Nza ndɨkndɨgi vhuuiŋ ki." Fhuvara. Mbe guigira ŋanŋangi. Mbe zazera mbara muuŋgiap ki Fhe Bakɨme, ana guigira ŋkasŋka ki, mbe kɨr ana segap, ana rotu mbui fhu. Mbe vhɨzi gumgi ntuu karav, mbe korgi ntuu karav, sɨgi ntuu karav, kurugi ntuu karav, mbaari ntuu karav, ntan rotu mbui.
Mba gumgi gu mbigi mbarkɨrga tɨvi mbatɨgi, mbe nta mbui.
Mba gumgi gu mbigi, mbe kɨr Fhe Bakɨme segim, Fhe Bakɨme maaŋ muuŋgiap mbe thagi. Maaŋ muuŋgiap, Fhe Bakɨme mbe thagim, mben ndɨkndɨgi mbatɨgi mbe ŋgɨrgim, mbe tɨvi mbatɨgi ga mbui. Mbe maaŋ mbuav wari tɨgap tɨvi mbatɨgir nduarira wari wo fhavi ndirara mbui. Mba khesharigi gumgi gu mbigi, mbe Fhe Bakɨmen buni guari, mbe nta thav, fhura guiguigi buni, mbe nta ndigi. Mbe nta ndigap, za kha bigi ga muuŋgi Fhe Bakɨme, mbe kɨr ana segap, mbe ana muuŋgi bigi, mbe nta rotu mbuav, nta piin ki. Fhe Bakɨme, ana za kha bigi nɨɨŋge ma. Maaŋ muuŋgiap, nza zazera ana zɨ ndiv vun kuamkuarga. Ne guigira.
Mbe maaŋ mbuav kɨr Fhe Bakɨme segim, Fhe Bakɨme mbe thagim, mbe won ndavir vuri vuzvugi tɨvi, mbe nta zɨn vov, guigira mberi tɨvi mbatɨgir warira mbui. Mbe kav, mben mbigi vhɨra, mbe mani gu mburi wari ga rɨgi tɨvi guari, mbe nta thav, guigira mberi tɨvi mbatɨgir warira mbui. Mben gumgi vhɨra, mbe mani gu mburi wari ga rɨgi tɨvi guari thav, mben ndavi vhava fara muuŋgiap khavav, mbe mberi tɨvi mbatɨgir warira mbui. Mbe mberɨrga tɨvi mbatɨgir taagia warira mbui. Maaŋ muuŋgiap, mbe nduarira mba mbui tɨvi mbatɨgi ŋgarkav, mba vheza mbatɨga ndigi.