Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Tyumubag si Jisus kanilan, "Walaꞌ kaꞌ mayu kabasa dun ni Uldin ya pigpasulat na Tyumanem? Asini muna sa pag-imoꞌ nan sa manga utaw, duwa ya punganan nilan: Awun eseg aw awun bubay. Aw pigpasulat nan uman, ‘Yeiy ya du-an na indegan na eseg ya ama nan aw ina nan, aw pa-egketen silan ya ka͡ubayan nan, aw ya duwa silan ma-imoꞌ da sambuk.’ Yanagaw bekeꞌ da silan na duwa manang ma-imoꞌ da sambuk. Aw ya pig-isambuk da na Tyumanem, diliꞌ galu silan pagsuwayen na utaw!"
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Ya kadég mayu magbabasa͡ay sa kapangugnanay mayu. Aw diliꞌ kamu maglakadenen. Kay ya manga maglakadenen aw manga magkasala-enen, pa-emel-emelen saba na Tyumanem.
Ya eseg na nyangugnan da, atag nan adti ka͡ubayan nan ya kanan pagka-utawun, aw maynan uman ya ka͡ubayan na nyangugnan da, atag nan adti eseg nan ya kanan pagkaka͡ubayan. Kay ya ka͡ubayan bekeꞌ nan ya tagtun sa kanan lawas manang yan saba ya tagtun ya eseg nan. Aw maynan uman ya eseg, bekeꞌ nan ya tagtun sa kanan lawas manang yan ya tagtun ya ka͡ubayan nan.
Manang kun diliꞌ mayu katagenan ya pagkaliman na kamayu pagka-utawun, pangugnan da baling kamu. Madyaw pa na mangugnan ya utaw kay sa ti-isen nan ya pagkalim nan na diliꞌ katagenan.
Unu, walaꞌ mayu kaꞌ ka-ede-i na ya kamayu lawas sugpat saba na lawas ni Kristu? Aw kun nyatagtun da ni Kristu ya kanaten lawas, diliꞌ saba tumbay adti eseg na atag nan ya kanan lawas adti bubay na miggalin sa pagkaka͡ubayan nan. Aw walaꞌ kaꞌ mayu uman ka-ede-i na ya eseg na mipid sa ka͡ubayan na maynan, ma-imoꞌ da sambuk ya lawas nilan? Kay yan ya pigpasulat na Tyumanem asini muna, "ya duwa silan ma-imoꞌ da sambuk." Manang ya utaw na nyakasambuk da adti Matas na Pangulu tadun na si Kristu, ya ispiritu na utaw yan nyakasambuk da uman adti kanan.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Yanagaw pagpakawat kamu adti pagkasala-enen! Ya eped na manga salaꞌ na pig-imoꞌ na utaw, walaꞌ ya labet na lawas, manang kun magkasala-enen ya utaw, nyakasalaꞌ sakanan adti kanan lawas. Unu, walaꞌ mayu ka-ede-i na ya kamayu lawas, témplo saba na Ispiritu Santo na nyeyaꞌ dun ni seled mayu? Ya Ispiritu pig-atag kamayu na Tyumanem. Aw bekeꞌ mayu ya tagtun sa kamayu pagka-utawun kay pigbayadan da kamu nan. Yanagaw pagbasa͡an mayu ya Tyumanem dun ni kamayu lawas.
Kay yan ya kaliman na Tyumanem na malinis ya kamayu pagka-utawun. Yanagaw, pagpakawat kamu adti kadég na punganan na malatay, labi la ya pagkasala-enen, aw ya tagsambuksambuk kamayu pakadyawun nan galu ya pagpangugnan na diliꞌ makasalaꞌ adti Tyumanem aw diliꞌ pagsala-en na manga utaw. Aw diliꞌ mayu pagdalugun ya pagkaliman na kamayu pagka-utawun kasiling na pig-imoꞌ na manga utaw na walaꞌ paka-edeꞌ sa Tyumanem,
Aw asuntu na mangayseꞌ da kamu na Tyumanem, diliꞌ madyaw na kasampetan kamu na migkasala-enen aw mig-imoꞌ sa malatay aw nyaybeg sa pangkay unu na kamayu pagkaliman. Kay diliꞌ yeiy umbaꞌ adti manga mangintu-uway.
"Manang ini ya kanak paglongun kamayu: Pangkay singalan esega ya minunu sa eped na ka͡ubayan na awun pagkaybeg, na, miglakadenen da sakanan adti anenganeng nan.
Yanagaw talana pa tadun nyeyaꞌ asini tas na lupaꞌ, naten imo-un ya manga madyaw na imo-unun na umbaꞌ sa manga utaw na awun da ni kalalamdag. Diliꞌ tadun silingan ya pag-imo-un na utaw na pala-inem aw utaw na mig-imoꞌ sa pangkay unu na to-o malatay. Diliꞌ kitadun magkasala-enen aw mag-imoꞌ sa makamulamula͡ay. Diliꞌ kitadun magpanubbuk sa ayil, aw diliꞌ kitadun mag-ingaꞌ sa eped.
Aw migpalibantug silan, law nilan, "Dakulaꞌ ya kanami katadeng," manang ya tengteng matinaw walaꞌ ya kya-ede-an nilan. Aw pangkay kya-ede-an da nilan ya kadyaw na Tyumanem na diliꞌ magkamatay, manang mig-imoꞌ silan baling sa manga inutaw kasiling na utaw na magkamatay aw kasiling na langgam, aw manga ayep, aw manga ayep na iyalas, aw manga magpananap, aw alag yeiy nilan pigsimba!
Yanagaw pigtumbay da silan na Tyumanem adti pagdalug sa pagkaliman na pagka-utawun nilan dun ni manga imo-unun na malatay. Mig-imo-imo-ay silan sa manga imo-unun na alag makamulamula kanilan. Pigsayuwan nilan na galuꞌ ya kadakulaꞌ na matinaw sa kana Tyumanem. Pigsimba nilan baling ya manga pig-imoꞌ nan, manang walaꞌ nilan simba͡a ya tengteng Tyumanem na mig-imoꞌ sa kadakulaꞌ na banwa na yan saba oloꞌ ya umbaꞌ deyen na walaꞌ ya tyamanan. Amén.
Asuntu sa pigpan-imoꞌ nilan na malatay, pigpabaya-an da silan na Tyumanem na dalugun nilan ya pagkaliman na pagka-utawun nilan na makamulamula͡ay. Aw ya syampetan na pig-imoꞌ nilan, pigtalikudan da baling na manga ka͡ubayan ya katanem sa pagkalim sa eseg, aw migkakalimay da ya alag ka͡ubayan. Aw maynan uman ya manga eseg. Walaꞌ da baling nilan daluga ya katanem sa pagkalim sa ka͡ubayan, manang migkakalimay da ya alag eseg, aw mig-imo-imo-ay silan sa makamulamula͡ay adti kanilan lawas. Yanagaw pa-emel-emelen silan na Tyumanem umbaꞌ sa pig-imoꞌ nilan na malatay.