Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Tshə kîrə əpʉ ə pa: «E dɨ̂ dɨ̂ əpʉ ə̂në Əpʉ Ndjapä pâ kɔ ne a? "Tə̂ əlînə, Ndjapä ə̂në tshə mâ aərə nɔ̂ kɔ, tshə mâ koshe də yashe," mandânə, tshə pâ: "Âdârə ə̂në koshe sə kə katə̂ abä nə də əyï nə â sə kə tɔ popo əwɔ nə â əndje bishi nɔ̂ sə kə sə tə əzü bale." Rəkɔ, əndje sə sə pə kwatəndje tə azü bishi ne, bale, əndje sə kə sə tə əzü kpiabale. Rəkɔ, ərə ə̂në Ndjapä ngbô gâ tə̂ nə gâ ye kɔ, əzü sɔ̈ tshelə nə sɔ̈ ne.»
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Azü nɔ̂ lʉ̈ kə ko tə̂ ətshe, akoshe də yashe prä ə̈bə̈ yashe wala koshe prä kpî tə̂ əwɔ nə wala tə̂ äkɔ̈ nə ne. Ndjapä ə wa ngbanga gâ lə kumu azü ə̂në əndje za tə̂ əndje gâ tə̂ ə̂trû də kə pra ayashe də akoshe kpî tə̂ alawɔ əndje də aläkɔ̈ əndje kɔ je.
Koshe mbrə̈ ərə ə̂në tshə lï ndə kə pa tshə mbrə nə kɔ kə əwɔ nə, â yashe mbrə̈ ndje kʉ rə kə äkɔ̈ nə. Yashe lï lï ndə kə pa tshə mbrə ərə gâ tə̂ akwa ye də ə̂tə̂ ye mata ə̂në tshelə ye yində kɔ ne: tshekotə̂ ye sə tə ənə̂ äkɔ̈ nə. Äwä bale ndje, koshe lï lï ndə kə pa tshə mbrə ərə ə̂në tshelə ye yində nə kɔ tə̂ akwa ye də ə̂tə̂ ye ne: tshekotə̂ ye sə tə ənə̂ əwɔ ne.
Bale, kədə əndje lï lï ndə kə pa əndje ru əgo tshelə əndje ne, əndje kö ayashe də akoshe. Mbrə ə̂në ə sə tə ə̂rɔ̂nə ndə kə za yashe wala koshe ə ro ndə kə pa əgo tshekotə̂ ju e tə əwo.
E wusə̂ nə wu ə pa tshekotə̂ e sə tə aərə tshekotə̂ Kristə nə ne a? Rəkɔ, mə sə kə ko aərə tshekotə̂ Kristə nə ndə kə pa mə do tə aərə tshekotə̂ əmbrʉ yashe a? Bale ne. E wusə̂ nə wu ə pa koshe ə̂në tshə sho də əmbrʉ yashe, əndje də ətshə sə tə tshekotə̂ kʉ bale ne a? Mbrə ə̂në Fraka nə̂ Ndjapä pâ əpʉ ə pa: «Əndje bishi sə kə do tə̂ əndje kʉ tə əzü kpiabale.» Bale, əzü ə̂në tshə tɔ popo Âgbɔ̂ Əyïngerə nə, əndje də ətshə sə kʉ bale lə yîrə̂.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
E kpë ngrʉ̂ tə̂ əpʉ ə̂trû. Ə̂dû nyaka ə̂në əzü ə mbrə kɔ, ə sə gashu tə̂ akwa ye. Bale, əzü ə̂në tshə za tə̂ ye gâ tə̂ əpʉ ə̂trû nə, tshə mbrə nyaka gâ tə̂ akwa ye də ə̂tə̂ ye. Wala e wusə̂ nə wu ə pa tshekotə̂ e sə tə anda Âgbɔ̂ Yîrə̂ ə̂në tshə sə lə e kɔ, ə̂në Ndjapä zâ ətshə kə e kɔ ne a? E sə sə tə ərə nə̂ e də ə̂tə̂ e ne. Mbrə ə̂në Ndjapä yɔ̂ e də əgerə ndogɔ gâ ye. Rəkɔ, e mbë Ndjapä də əndu e nɔ̂.
Ərə ə̂në Ndjapä yində nə kə də̂ kə pa e sə kpî mbrə Ndjapä, e kätə̂ äwä əpʉ ə̂trû. Əzü bale bale lə takpa tə̂ e wüsə̂ äwä kə za yashe tə̂ äwä ə̂në ə sə tə ə̂rɔ̂nə kɔ, tə̂ äwä kə lʉ tə̂ ye, kanika əgo aəmbrʉ aərə ro pâ e ro ne, mata adulu ə̂në əndje wusə̂ Ndjapä wu ne kɔ.
E sə tə azü nə̂ Ndjapä, rəkɔ əpʉ kə mbrə ə̂trû də âkâ aəmbrʉ aərə gana nɔ̂ gâ ndə əgo aərə nɔ̂, əndje djï ndə nə djï lə takpa tə̂ e ne.
Bale, əmə, mə pa kə e ə pa: əzü nɔ̂ ə̂në tshə wu ə̈bə̈ yashe də əgo nə, mâ tə̂ lɔsu ye, tshə shô də ətshə gâ ye.
A mbrə̈ tə̂ əzə̂ də äwänə mata kə mbrə tə̂ əzə̂ də ə̈kü alɔ. A zɨ̈ rəgo zɨ̈ ro pâ nə ne ə ndjü ə̂pî ndjü ə mbrə əzə̂ ə mbrə ne, ə mbrə̈ ə̂trû wala ə dü molɔ dü ngbaa ne, ə prä ama prä ne, ə zä tshelə əzə̂ zä gâ tə̂ azü ne.
Əndje pâ alane sə tə aawowusə̂ âdâ ərə, bale əndje dô tə̂ əndje tə aəndɨ gâ ye. Ndə kə pa əndje vrɔ Ndjapä ə̂yî ə̂në tshə tshu tshu tə̂ ərə ne kɔ, əndje vrɔ̂ aərə ə̂në ə ko əzü, ə̂në tshə sə kə tshu ə tshu kɔ, də ayanu də aagia ə̂në əndje na ana də aə̈nü əndje vəna kɔ də aagia ə̂në əndje orɔ də tshela ə̈vü əndje kɔ.
Âdârə ə̂në Ndjapä nə tshî əndje tʉ tə̂ äwä aəmbrʉ aərə, ə lï də aəgo ərə tə̂ lɔsu əndje kɔ, â əndje sə kə mbrə aərə gana gâ tə̂ akwa əndje lə takpa tə̂ əndje. Əndje zâ əpʉ əterə gâ mandâ djatra əpʉ nə̂ Ndjapä; ndə kə pa əndje vrɔ Ndjapä ə̂në tshə mbrə̂ aərə nɔ̂ kɔ, əndje sə kə vrɔ də̂ aərə ə̂në Ndjapä nə mbrə̂ gâ ye kɔ, kandää, ətshə Ndjapä nə də̂ azü nɔ̂ lï ndə kə pa əndje mbe ətshə alɔnɔ̂ piii! Asərəmə!
Âdârə ə̂në Ndjapä nə tshî əndje tʉ tə̂ äwä aəgo lɔsu əndje ə̂në ə sə tə ərə gana kɔ. Alawɔ əndje kâtə̂ kə sho də akoshe gâ ye â sə kə sho də angâ əndje də̂ ayashe, â ərə rə sə kpî tə̂ ərə ə̂në ə sə də äwänə kɔ. Äwä bale ndje, akoshe kâtə̂ äwä kə sho də ayashe gâ ye â sə kʉ də əgo akoshe angâ əndje lə takpa tə̂ əndje; əndje sho də akoshe angâ əndje lə takpa tə̂ əndje â ə sə tə ərə gana â rəkɔ, əndje sə kə sɔtə̂ ərə ə̂në ə lï də əmbrʉ kə mbrə tə̂ əndje də ə̂tə̂ əndje kɔ.